جمالك مميز وحصري....
 

[align=center]السلام عليكم ورحمة الله وبركاته

من احلى القصائد اللي سمعتها مؤخرا على الساحه الشعرية...اعجبتني واتمنى تنال إعجابكم...[/align][poem=font="DecoType Naskh Variants,6,darkblue,normal,italic" bkcolor="transparent" bkimage="" border="none,4,gray" type=2 line=1 align=center use=ex num="0,black"]
الصدر ضايق .. وانت ضيقت صدري=وأنا معك من غير وجهة .. وتحديد..
يا كثر ما تجرحني .. ويزيد صبري=كنك تقول ازيد .. واقول لـــــــك زيد..
تقول يا عمري .. واقول انت عمري=كني وراك أسمع وش تقول .. واعيد..
احيان اسولف فيك .. واحيان اهذري=كني اسوي للأحـــاســـيـــــــس تجديد..
ما راح تلقا (صدق واحساس) كثري=وان كان ما انت مصدق .. اعطيك تأكيد..
غنيت لك ..(يا اللي على البال تطري)=وأنا من يدين الصبر للمواااااااااااعيد..
ورجعت اغني فيك .. ( ما عاد بدري )=لو وقفت دونك .. (سلوم وتـقــالــيــــــد)..
اشفق على صوتك مع الليل واسري=حتى وأنا جالس بوسط الأجـــــــاويــــد..
يا صاحبي .. غزيتني غزو فكري=واصبحت تحكمني .. وأنا مقدر احــيــد..
مو بس أحبك .. إلا سلمتك امري=ناقص تجي .. وتحط بيديني الــــقــيــــد..
صرت أتمنى .. بس يعجبك شعري=حتى لو انه ما عجب .. زيــــد وعـبـيـــد..
من وين أببدأ فيك .. والوصف يغري=نور الليالي .. واحـتـفـالـيـــة الـعـيـــــد..
تلعب دلع .. وانت الدلع فيك فطري=اي والله (العب فــيـــهــم) .. وكيدهم كيد..
عندك خبر .. صوتك رومانسي وسحري=واحساسك اصلي .. ما معك شي تقليد..
وزينك على بعضه ( مميز وحصري )=إعجاز .. بس إعجاز من غير تـعـقــيــد..
شعرك .. وإلا عيونك .. أو عاد تدري=ما ودي افتح عـيــون الــمــقـــاريــــــد..
تقبل إحساسي .. وحبي .. وشكري=حتى لو إني ما قـطـفـت الـعـنـــاقــيــــد..
وسلم على قلبك .. ترى الحب غذري=ودوبك على قلبي .. فـدتـك التناهــيــد..
اما تشوف لوضعنا حل جذري=وإلا بلاش نحب .. ونـعـيـد .. ونـزيـــد[/poem]


عطا الله الفرحـــــــان