|
من هذا المنبر أطالب بقيادة المرأة للسياره
السلام عليكم ابشتري أغراض .. ابشوف نفسي .. أبطلع أتنفس هوا .. ابروح للحضاري اشوف المهرجانات .. ابمشى انا وأمي.. ابروح للمكتبه ابروح للملاهي ..ابأثث غرفتي .. أبغير جوالي.. ابي الصيدليه .. ابي المشفى ابي ابي ابي ........ ماصارت والله أجلس اترجى اخوي اللي ماعمره فضى او اروح استأجر سواق هو وحرمته.... يخلصن فلوسي على مصاااااااريفهم رساله الى الملك عبدالله ....... نرجو منك السماح للمرأة بالقياده عاجلاً تراه تكسفنا كسااااااااااااافه مايعلم بها الا الله :::::::::::: |
يختي إذا ساقن البنات بيكون هناك مشاكل <<من خطف ومدري وشو بعد...
لاوالله بالنسبه لي مانبي نسوووق:)... |
سوقي احد رادك
امس فيه خبر عن عجوز عمره 69 تسوق روحي لمهرجان الغبار و روحي لصيدليه و الا للمستشفى لا تموتين و انتي تترجين اخوك و لاتنسين تروحين للمكتبه ترااااااا يقولون تقرين كل الجرايد ببلاش و لا تنسين ابو ريالين |
تخيلي بنت تسو ق !!!!!!!!!
كان يصير كثير من الفتن... لاتفكرين الابكره فكري للمستقبل... أحترامي ’’’’’ |
لميس يالميس أمنيه ليست عندك أنتي فقط كلنا ودنا نسوق ونخلص شِغيلاتنا بيديننا الشكوى لله :(
مانبي ندلج ونهستر نبي أشياء معقوله بس ربك يعين |
الله يهديك يا لميس فكري بالدين ورأي الشرع في ذلك وفكري في العواقب وستعرفين من نفسك حماك الله وفتيات المسلمين من الفتن |
اقول سبعن المواعين
وش هالهرررررررررج |
[align=center]لميس ..
إذا أول مشاركة طلب قيادة سيّارة .. !! فماذا تكون ثاني مشاركة .. قيادة قطار و الثالثة باخره ... !!! على رسلكِ يا لميس .. فـ دحم الحقوق ليس على الطريقة هذه فإذا - إذا - أنتِ تعتقدين أن حقوقكِ تكمن في القيادة .. فهنالك آخرين لهم حقوق لم تُعطى بعد .. وهم أحوج منكِ .. أتمنى بأن نكون على قدر من الحديث عن الواقع فـ سباحين أم العنزين و زيادة الفراغ مللنا منها حقيقةً .. تحيتي لكِ و عذراً على دحم الموضوع .. :)[/align] |
وهل برأيك ان الحل هو القياده .. اختي انظري الى الشباب يقودون سيارات وكل شاب معه سياره والكثير منهم (اخر مديل) اسألك بالله هل انتهت مشاكلهم وهم شباب يعني قيادةالسياره ولاشي ومع ذلك مشاكل فتن ملل معاناة اختي الحل ليس بقيادة السياره يعني من عشرات السنين كيف عاش من قبلك من النساء بلا قياده يطلعون ويتسوقون ويشترون دون قياده حتى زمننا هذا الاف النساء تعيش ولله الحمد دون ماتطالبين به . وكل ماذكرتي من اسباب,,,, ابشتري أغراض .. ابشوف نفسي .. أبطلع أتنفس هوا .. ابروح للحضاري اشوف المهرجانات .. ابمشى انا وأمي.. ابروح للمكتبه ابروح للملاهي ..ابأثث غرفتي .. أبغير جوالي بأستثناء ابمشي انا وامي لم افهم ماتقصدينه هنا . كلها اسباب ليست ضروريه ابدا ,وتستطيعين فعلها دون قياده اثابك الله ... الله يسعدك ويوفقك ويريحك دنيا واخره انشاء الله ,,,ونسيت اقولك ((من ترك شيئ لله عوضه خير منه)) اعتذر للأطاله ولكن حسيت من طرحك للموضوع انك صادقه بالمطالبه .فغيري نظرتك وفكري لمستقبل طلبك ولاتفكري ان الامر مجرد فتاة تقود سياره وينتهي المطاف ..... |
اقتباس:
لالا يااخت مافيه مشاكل بإذن الله المسألة تبي ترتيب بس على الاقل نتخلص من هالعماله اللي جايين بإسم السووايق عندنا |
يا لميس هداك الله هالحين بلشين باخواننا بالسواقه وتبيننا نبلش بخواتنا بعد اقضبي الارض بس واقعدي ببيتكم والا فضى اخوك او ابوك يوديك اويجيب لك اللي تبين هاذي اول مشاركه لك وتبي تسوقين البنت ما لها الا بيتها اعقلي وخلي عنك الخربطه بس ................
|
اقول قومي سبعي المواعين واعقلي او اعقل ماندري عنك
مابقي الا ذي عاد |
لميس جايتن تخاطبين الملك من منتدى بريده!!!!!! وبعدين تراهم ماراح يقولون لك شى سوقى الدعوى توقيع تعهد وبس واذا ماتعرفين توقعين ابصمى بس تعالى من زين هالمهرجان تروحين له ؟؟ قسم بالله حوسه رحت وضعت هناك ولاتستعجلين حبي قريبا بتفحطين بالشوارع |
اللي يقول هذه الاشياء تقدرين تسوينه بدون قياده؛
بالله كيف اقدر اسويه هاه؟؟؟؟ لا اخوان ينفعون الا ماندر وبطلعة الروح بعد؛ولارجال يلبون الأوامرويجون على الكيف مافيه غير السواقيين والله وان ماحصلوا فالقياده تظل أمنيه |
اقتباس:
تصدق والله اعذر هالعجوز اللي ساقت قضى عمرها بين اربع اطوف ويوم سمعت بالسماح قالت مابه اللي اللي به وساقت |
| الساعة الآن 10:26 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة