|
مشروع تسمين بنات خلق الله
السلام عليكم ورحمة الله وبركاته
يقول صاحبي الله يكفينا من شر صاحبي يبي يودينا بداهية .. المهم يقول تصدق حنا بالسعودية كأننا فاتحين مشروع تسمين عجول .. يقصد الخبل زوجته !! يقول أخذتها من دار أهلها عصله ومصله,,يعني عظم عالى جلد ,بعد سنه صارت دبية وسمينه ماتشوف عيونها من كبر شدوقها و ما تدخل من الباب .. أكيد عند أهلها مشافت العيشة ويوم جات عندي بلع ونوم وعندها أرقام أغلب المطاعم وتوصيل الطلبات .. ومقابل التلفزيون وتفريك بها القنوات لأخرالليل ونوم الى العصر .. زوجات أخر زمن !! قلت له المشكله أنت مشترك في أسبابها وتارك الدرعى ترعى .. تاركها على كيفها وبدون تنظيم لوقت النوم ونوعية الأكل ..!! يقول كل بنات خلق الله مثل زوجتي .. قلت ماهو صحيح تقوم الصبح بدري وتفطرنا أنا وعيالها و نجي من عملنا نلقى الغداء جاهز .. هل صحيح كل الزوجات مثل زوجة صاحبي ؟؟ سلام.. |
يعني بيت اهلها ميته جوع وجا الاخ احسن عليها ووكلها اكيد طبيعه الحياة بتختلف بس اشوف عكس كلامك صديقتي من تزوجت وهي منقرضهـ |
خفف الاكل عنها شوي وحاول تكرفه بشغل متعب مثل غسل الحوش كل يومين وكثر العزايم شوي خله تكرف وتسبع وكثر المواعين علشان يكثر التسبيع وغير ملابسك كل يوم علشان يكثر عليها الغسل
|
[align=center]أولاً أرفض رفضاً قاطعاً إطلاق المسميات على المرأة بهذه الطريقة المهينة
سواءً صدرت منك أو من صديقك !!! فيرفض السماح يكتابتها !! ولا أستثني هنا هذا الطرح الذي يتحدث عن المرأة بطريقة مهينة جداً وكأنها فقط مخلوق لا يعرف من الحياة سوى الاكل والنوم والشرب وغيرها المرأة يا اخوة إن كنتم قد نسيتم ( كائن بشري ) يمتلك عقلاً وفكراً وروحاً قبل أن تكون أولوياتها الأكل والشرب والنوم !! ثم تتحدثون عن السمنة وكأنها هي المشكلة الأزلية للزوجين !! أو كأن الرجل يحاسب المرآة على لقمة عيشها !!! سيدي الكريم قضيتي معك لن تكون قضية مشروعاتكم التسمينية لزوجاتكم !! ولكن سوف تكون عن الظلم الواقع على المرأة في هذا المجتمع الذكوري فقط ألــقِ نظرة على مجتمعك خارج حدود السمنة والأكل لتدركوا جحم معاناة المرأة التي باتت الأعباء جميعها عليها من مسئوليات وتكاليف ومصاريف إلى آخره !! بصدق امر مثير جداً للإشمئزاز !! شكراً لمشكلتك العويصة التي طرحتها احترامي لك وخالص وقاري [/align] |
[align=center]
اقتباس:
هالحركه تسمى بالبريداوي شغل نحاسه وفي مصطلح آخر قراده والله لو اللي عنده شغالته مو حرمته خاف الله به وش عاد إنه حرمته حرمت على العدو عيشته [/align] |
اقتباس:
ياحرررام ...:( فيكم حنيه زااايده ..الله يحفظكم[/align] |
المسألة مب مسألة رفاهية ببيته وكرف ببيت أهلها ..بالعكس الكرف يكون ببيت زوجها أكثر لأنه كل شيء على رأسها بعكس يوم كانت عند أهلها ماعليها الا من نفسها ..
وببيت أهلها تكون مهتمه بنفسها وتحاول ماتسمن لكن بعد الزواج نصف الحريم يتغيرن بسبب الحمل والولادة لأن بعضهن تصير أمه عجوز وماغير تزكه من هالحلب اللي ينّفخ الريشة .. ولا تصير هي بالأساس مو مهتمه الرجال وصار عندها خلاص ما يحتاج تهتم بنفسها <<<ترا والله صدق بعض الحريم هذا تفكيرها الله يعافيها ولا يبلانا .. |
اقتباس:
فيكم حنيه زااايده ..الله يحفظكم يا خواتي الرجال طالب حل لمشكلته شو تبغوني اقول لازم تنحل مشكلته احسن من شي ثاني تعاطفكم مع الزوجه ليس بمصلحتها وليش تسمونها نحاسه اذا مرض الواحد وراح للدكتور يعطيه علاج مر علقم وانا اقترحت علاجي ولكنه مر شوي ورفضتنه علشان انه انثى مثلكن ؟؟؟؟؟؟ |
لا اخوي السمنه والله اني ملاحظه بناس اعرفهم سواء كان رجل او مرآه عقب الزواج تلقاه طق من النعمه بس بشر خويك دام انه اسمنت فهي مرتاحه نفسيا معـــــه والراحه النفسيه تفتح النفس للاكل وتبدآ (تآكل الخضر واليابس ) خخخخخخخخخ والله يسعدهم ويهنيهم يارررررب |
كاشخ يمن عليه بالاكل يعني بدت تتغذى وتسمن عنده بس المرأه بعد الولاده طبيعي يتغير جسمه
وتسمن مهب من زين عيشته وبعدين يشوف وجهه هو تغير عن ايام الزواج ولا لا |
اسم العضو
ان كان صاحبك يسأل عن السبب فهو بكل تأكيد نتيجة الراحه النفسيه كما ذكر الأخ فهد الحربي وإن كان يسأل عن الحل فالحل بالتلميح للزواج من اخرى وخلال اسبوعين سيجد بأنها كشماعة الملابس :) تقبل تحياتي |
خليه يشتري سير ويسوي معها دايت ويساعدها لين ماتنحف والسمنه مو من الاكل بس لها اسباب كثيرة منها الراحة النفسيه قله الحركة,الاغذيه عاليات السعرات الحرارية ,قلة شرب الماء والاغذيه الملينه ,تغير الهرمونات ماتلاحظ اسلوب صاحبك متدني احسه خريج ابتدائي ..... |
شويه اسلوبه متدني
نرجع للموضوع الاكل مو هو سبب السمنه استخدام حبوب منع الحمل احياناً تؤدي الى هذه النتيجه .. |
نصيحة له أنه يصارحها .. يبدأ معها بالاسهل فالاسهل
ولا يحاول انه يستقوي عليها .. لانه مو من التفاهم انتمنى اني افدت صديقك |
اجــل تنصحـــونن ماسمــن عشان اذا تزوجت اسمن خخخخخخ<< مسواك يابسه هع
ومو بـس الحريم يسمنون حتى الرجال يفقعون وهالكروش قدامهم تقل مالكين المملكه هههههه |
| الساعة الآن 03:01 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة