اللي يقدر يفيدني يخش وله جزيل الشكر !
 

[align=center]
بسم الله الرحمن الرحيم
السلام عليكم ورحمة الله وبركاته
اخواني بهذا المنتدى الغالي اسعد الله اوقاتكم بكل خير
الموضوع وما فيه هو انني ناوي اتزوج هالصيفيه ان شاء الله ومحتار بالمكان اللي احط الزواج به ولكن بعد مشاورات من كثير من الاقرباء قررت بان يكون زواجي باستراحة _ اخف لي واوفر _ وصراحه اقتنعت بان البذخ والاسراف بهالامور ماله داعي وعلشان كيذا حبيت احد يذكر لي احدالاستراحات الموجوده ببريده او قريبه منها وتكون وسيعه شوي وزينه.

- احترت وين اكتب الموضوع باي قسم بس صفت معي على هالقسم واذا يرون المشرفين بانه مكانه غير مناسب فلهم الحق بنقله الى اي مكان
ولكم مني جزيل الشكر[/align]

الله يوفقك ان شاء الله والف مبروك مقدما
لاتاخذ استراحه خذ قاعه صغيره..لأنك بتبلش بالعشاء والتقليط..القاعه بيصير بتدبيرهم هم
اذكر ناس اخذوا استراحه لزواج بنتهم والله انهم هم اللي قعدوا يرتبون العشاء للرجال والحريم قالوا لاعادت عليه من عرس
وسيم يمدحونها
وطيبه حلوه

اختي سلطانه
الله يبارك بايامك هذا قصدي انا مايهم عندي قاعه او استراحه بس بشرط تكون وسيعه شوي وزوينه وبالنسبه للعشاء طبعا ابي اوكله لا احد المطابخ هم يتولونه من الى

والف شكر لك

شف فيه استراحات وراء مصنع البيبسي زينه للزواجات ومهب غاليه ,

قاعة طيبه انا شايفتها حلوه مرررره ومكان الرجال وسيييييع ويواجه فيه حوش مضبوووط ضبط وفيه مجلس كبير والحريم بعد مكانهم زين سعرها اذكر انه ب 9000

مشكور اخووي ع مرورك وان شاء الله اشوفهن

تبي بحدود كم يكون سعرها؟

[align=center]طالب وفا ..



في البداية .. أدعوا بالك بالتوفيق ..




من لا يتمتّع في ليلة العمر .. إذن بماذا سيستمتع .. هل سيبحت عن السعادة في سيارة جديدة او في سفره لأحد البلدان الغربيّة أم ماذا ستكون السعادة .. ؟ .. لو كنت أنا في مكانك .. لوصلت إلى جذور السعادة لمثل هذه الليلة .. هل تعتقد بأن هذه الليلة ستتكر مهما حاولت أن تُعيدها مرةً أخرى .. !! .. لا أظن ذلك .. توّكل على الله و أبحث عن قصر للزواج و أكسر روتين الإستراحات .. قلو كان زواجك في إستراحة إعلم بأن الإستراحة التي بجوار إستراحة زواجك يقيمون طلعة كُل ثلاثاء .. هل عشت هذه اللحظات .. كأن لسان حالك يقول ما أجمل القصر .. ولو أن المبلغ سيكون مختلف جداً إلا أن الراحة النفسيّة فيه أفضل بكثير عن إستراحة يديرها بنقالي و يتخللها عشرون ضيف .. !!


في هذه الليلة أنت مُطالب من ذاتك بأن تعيش أجمل لحظات السعادة و تتغنى بشريكة حياتك .. تبتعد كُل البُعد عن التحفظ في المال .. فإذا كان المال ملكك الليلة ففي الغد سيكون لي .. و هكذا تكون الحياة .... أنظر للحياة بمنظار السعادة تعيش سعيداً .. لا تنظر لها بمنظار الخوف و الوجل ..


قد تختلف الماده من شخص لآخر .. فإذا كنت مقتدر على المال .. فلا تدع الفرصة تفوتك و تجعل من الخوف حرمان لسعادة و أيما سعادة .. !!


و الأهم .. بأن تُقدر مشاعر الأخرين في مثل هذه السعادة .. فأنت مُطالب في إرضاء طريفين .. الأول أنت و الثاني هي .. عليك بأن تمعن النظر كثيراً بالطرف الآخر .. فإذا أنت تفكر واحد بالميّة فهو يفكر ميّه بالميّه ..


وفقك الله ..[/align]

[align=center]طالب وفا الله يوفقك يا خلفم ألف ألف مبروك

قرارك عين العقل

ما له داعي الفخفخه و المظاهر الكذابه

و علشان تسلم من حسد و عيون الناس


[/align]

استراحة البركة ..مناسبة للزواجات..

والله يانا شلت همك كل شوي ادخل اشوف وش صار عليك !!

طيب اخوي وراه ماتحطه عائلي وترتاح انت وابوك وكم رجل منكم وكم رجال منهم !!

وقسم بالله لو تقدر تحطه عائلي راح اتكفل انا بالأستراحه على حسابي ,

اخي شاطي الراحه
اسعدني مرورك وتعليقك الرائع ويعلم الله انني مقتدر ماليا ولكن يبقا السوال الاهم من المستفيد اولا واخيرا سواء كان الزواج بقصر او باستراحه او بفندق !! وانا كله ساعه او ساعتين وماشي اتووقع بان هذا الامر لايعني لي شيئا كثيرا بالنسبه لي والمستفيد هو المدعو بالدرجة الاولى وكل هالامور زائله والشي الدائم هو زوجتك فلك بالدائم وليس لك بالامور الازليه وانا حرريص كل الحرص بالاشياء الدائمه لي ولزوجتي بالمستقبل مثل المسكن وغيره .

ابو تهاني
الله يبارك بعمرك شرفني مرورك الرائع

تسلم والله يالغالي
لا عائلي اخوي مايصلح ابي العالم ينشغلون ببعضهم وانا انس لم احم احم ههههههههههههههههههههههههههههه
وماتقصر والله شاكر لك متابعتك