|
فتـــياتنا...والشــــــغالات..والبـــــيت والمطـــــبخ..!!!
السلام عليكم ورحمة الله وبركاته..
نصبحكم بالخير مقدماًًًً.. عذرا لا اجيد المقدمات والتطعيم المذبول للمواضيع... وحنا سهرانين بذيك الليلة انا والشباب ويعتلينا الضحك والمزح والتلفزيون والباقي مشفر.. جا على بالنا موضوع وقعدنا نتداوله ونسمع وجهات النظر..ونقربهن اذا امكن.. حقيقة موضوعنا كان عن الشغالات بالتحديد..ولعل في البداية فكرة الشغالة لازالة حمل زائد على العائلة..كالتنظيف والتسبيع وغيره..ولكن مع الوقت لاحظنا الشغالة تهيمن على وظايف خاصه جدا..وحقيقة حساسه كالمطبخ ورعاية الطفل.. وبدانا موضوعنا وانتهينا بنتيجة وحدة للاغلب وهي الاعتراض على الفكرة عموما وعدم السماح للعامله بالتعمق في وظائف البيت الحساسه.. وعن نفسي.. تحوم تسبدي اذا دريت ان الشغالة هي الي مصلحه العشا..وربي المطعم المشبوه ارحم عندي.. وسوالي هنا.. هل هو تقصير واهمال وعدم مبالات من الام والاخت..؟؟ ام هو فعلا حمل زائد كالاطعام ورعاية الاطفال؟؟ اذن ماهي وظائف الاهل؟.!!؟؟ تحيتي.. |
وش حقه تحوم كبدك لدريت ان الشغاله هي اللي تطبخ على الاقل اضمن نظافه الاكل اللي مسويته المهم انا بالنسبه لي اذا لقيت احد يخدمني شحقه اقوول لا صج الشغاله هي اللي تمسح وتطبخ وتغسل الاطفال وتلبسهم ولولا خوفي ان ربي يعاقبني لاخليها توكلني بعد جالسين بالبيت تتأمرون وحاسديننا على خدمة الشغاله لنا ليش احنا خلقنا منشان نكرف لكم |
تقصير..وإهمال..وعدم مبالاة من المرأه المعنيه بالأمر..
وأضف لذلك غباء منها كل شيء أستطيع فهمه..كأن تطفش الأم من بكاء صغيرها او تقطيع بصل ونحوه.. إلا أني لا افهم كيف ترضى وتقبل أن يأكل زوجها من يد خادمه..! بل مايثير جنوني..كيف ترضى أن تقدم الطعام له..! في بعض المواقف تقبل الخادمه للمساعده.. لكن الآن اراها تفعل كل شيء وقد تجد السيده للمساعده.. وربما تكون ضيفة شرف..! أستغفر الله..والله لايضطرني لهن :( تحيتي,,, |
وجود الشغاله ضرووروي في اغلب البيوت ولكن انا ضد انه الشغاله تطبخ وتلبس الاطفال الشغاله للمطبخ والتنظيف فقط من وجهة نظري تقبل مرووري |
لاصار البيت سكانه واجد ضروري فيه شغاله خاصه تطبخ ونشرف على نظافتها
ودامنا محسنين المعامله فمامنها خوف لكن ربما تلبيس الأطفال ورعايتهم هي اللي ما أستسيغها وكل له وجهة نظر بهالشي |
بالنسبة لطبخ الشغالة اذا كان البيت مليان او الأم متغيبة عن المنزل لعمل أو غيره فما أشوف فيها مشكلة لأنها أساسا ماجت الاا لظروف البيت وبيكون تحت تدريب وإشراف سيدة المنزل
أما انها تعتني بالأطفال فهذه المصيبة لأنه أساسا سيدة البيت عجزت عن الأعمال المنزلية واستعانت بالخادمة فكيف تطلب من الخادمة العناية بالأطفال حتى لو بادرت الخادمة بهذا الشي المفروض تمنع بالذات كل مايتعلق بجسد الطفل فهذا الأمر جداً خطير من وجهة نظري ان عناية الأطفال دور رئيسي للأم عليها أن لاتتخلى عنه مهما كانت المبررات |
السلام عليكم بعض البيوت تحدهم الظروف لهذه الخادمه وبعضهم يكون تقليد حتى لوظروفه الماديه لاتسمح له
|
اقتباس:
اقتباس:
الله يرحم حريم أول ,, ولا يهونون رجالهن ,, فووووتك بعافية ,,, |
[align=center]
http://filaty.com/i/710/f3dd562.h---11.gif من وجهة نظري الشخصية أن الخادمة جداً مهمة خصوصاً في بعض الحالات عندما تكون المرأة موظفة مثلاً أو تعاني من تعب معين لا يسمح لها بالعمل في المنزل http://filaty.com/i/710/f3dd562.hh----2.gif [/align] |
اقتباس:
اعتقد ان اللي يخلون الشغالة الكل بالكل بالبيت تعيزل وتبيزل هم مثل العنز اللي طاحت بالعبس.... كلشيئ لة حدود واعتقد ان الزوجة باهتمامها بادق تفاصيل بيتها مصدر سعادة لها ويمكن للمرأه العاملة الاعداد للطبخات قبل الخروج للعمل وحين العودة تسخن العقود وقلبتين وتكب الرز على قولتهم http://www.buraydh.com/forum/images/icons/icon10.gif تماما مثل الاب اللي يوصل عياله للمدرسة ويقوم بواجبات بيتة وينقل معه اطفالة بمشاويرة الخطافيه لزيارة والدية او شراء حاجياتة وهذا له مردود على نفسية الاطفال وقربهم وتعلقهم بوالدهم حدثني احد مدربي اللياقة البدنيه المتخصصين ان اهم طريقة لازالة الكرش هو الوقوف لمدة ربع ساعة بعد تناول الوجبات مباشرة وهو ما يتحقق للمرأه بالوقوف لغسيل الصحون "التسبيع" خاصة واننا نشاهد للاسف الشديد ظاهره ترهل طبقات الشحوم بعد اول حالة ولادة ... . الرد لك أما التحيات فلك وللجميع[/align] |
تصدق الحين فيه شغالات .. هم اللي يأمرون وينهون في البيت !!
بالنسبه لي .. عادي تكون الشغاله متواجده بس بحدود !! يعني ماتمسك الطبخ ... بس وين اللي يسمع << ماتقصد أحد أببببببد :D وترى احياناً الأمهات لهن دور ...يعني تشوف البنت ماتسوي شي .. عادي عندها ... و تقول يا ( سيـــتي ) جيبي مووويه هههههههه مشكوووووووور ,’ |
في بعض المنازل وجود الخادمة أمر ضروري جداً...
لكن عند البعض للأسف فسق وإتكاليه مالها داعي والله أشوف في بعض البيوت إن الشغالات الآمر والناهي .. مره من المرات كنت عند ناس الله يستر علينا وعليهم وكانوا بيتقضون مقاضي البيت .. ولايدرون وش فيه ووش مافيه ونادوا الشغالة وسردت لهم كل المقاضي الناقصه هذا غير الطبخ .. وتربية الأطفال .. أجل وش بقى للأم والبنات ... إيه يازينهن لكرف العزايم والدوريات وإلا الباقي يهووون :) دمت بوود .. |
[align=right][size=5][color=#000000][align=right][color=#000000]بسم الله الرحمن الرحيم
صباح الخير يا احباب اقول:أعمال الشغالات: *غسيل وكوي الملابس *غسيل وتنظيف المطبخ *تنظيف البيت وترتيبه *المساندة والمساعدة عند العزايم والمناسبات مثلا تقطيع -صف-طحن-خلط -عجن-شوي-قلي *مسك الاطفال وحراستهم في الاستراحات والمنتزهات _____________ انتهت الاعمال الضرورية ___________________________ وهناك اعمال ثانوية وغير مسؤوله: *الطبخ يوميا *تنظيف الاطفال وتلبيسهم *تأجيرها للناس *وضع البزران عندها والذهاب للسوق *اخراج درام النفايات من البيت الى الحاوية في الشارع *ارسالها للبقاله وشراء الاغراض __________________________________________________ _________________ ***وعموما الله لايحيجكم لهن والله في ناس جدا محتاجين لهن وهم الغالب ولكن قد يشتغلن شغلات ثانوية يعني المشكلة ليست بوجود الشغالة ولكن بكيفية عملها. ودمتم سالمين[/align] |
سأتطرق لجهة واحدة من الموضوع : أن لا تؤثر الشغالة في تركيبة البنات وخروجهن الي بيت الزوجية بدون معرفة ادارة المنزل (فدوام الحال من المحال) اما وجود الشغالة من عدمها فاصحاب القرار هم اهل البيت ! ولكل بيت ظروفه المسفهل موضوع جميل جدا سر مبدعا وعين الله ترعاك وتقبل مروري |
إذا لزم وجود الشغالة لزوم إكراه فلا مانع أنا ما أدري كيف بيت ياخذ راحته مع وجود أجنبي بينهم وهي أساساً كلها راجعة لراعية البيت إذا كانت سنعة ولا جابت الشغالة إلا للحاجة عادي يعني بناتها ما يطلعون بكرا ويتفشلون اذا دخلن بيوت رجالهن وحمايلهن ما تعرف ولا تسوي شاهي وقهوة مثل واحد أخذ وحده يوم قام الصبح يبي قهوة شي ما شيات وأبطت البنت بالمطبخ ودخل عليها ولقاها محمر وجه وتصيح وصار ذكي دري إنها ما تعرف شي قال لها اليوم علي القهوة المهم قالها قولي لاهلك ترانا سافرنا وجلس هو وايها بالشقة وعلمها الطبخ والسنع وهي تتصل على اهلها على انه مسافرة المهم خلص الاسبوع سافروا وانبسطوا وفلوها رجعت بعد شهر لاهلها و اول ما دخلت البيت من القهر والغيض الي به صاحت وبدت تلوم امه وتقول حرام عليك انتي السبب لكن احمدوا ربكم ان الله رقني واحد عاقل ورجل ولا عابني على شان طبخ ولا رماني عندكم وحلفت إنه ما تنسى هالجميل لزوجه |
| الساعة الآن 11:10 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة