|
كيف تصطـــــــــادين المعـــــــــــــرس..!!!؟؟؟؟
بسم الله الرحمن الرحيم
هذه نصائح وتعليمات لكل فتاة تريد........>>إقالة تستحي.. نبدأ بالموضوع مباشره وأبي رأيكم جميعاً....!!؟؟ كيف تصطادين المعـــــــرس..!!!!دون اللجوء الأساليب السقيمة من الترقيم والتلميح إلي ماله سنع و الترزز بالأسواق ..........الخ .... **أهم شي نشني على العجوز ألي حاطه عينك على ولدها ثم نفذي مايلــــــــــي:... 1_خليك مع أمك ولا تروحين مع البنات وتتهيبلين إصبري عنهم كم شهر لين تتم العملية.. 2_أمشي وأنتي حاطه راسك بين أكتوفك ولا ترفعينه أبد حتى لو عورك خلي الفقس دايم في متناول يدك>>عسى ماعرس.. 3_كلمة خاله خليها دائماً على لسانك خاصة لأم "المعرس" عشان تحس بنوع من التميز عن باقي العجائز.. **ملاحظه: ""لا مانع أن تنادي عجوز ثانيه خاله عشان إذا ما نجحت الخطة نبر"ون"تنجح مع نبر"تو"..>>الاحتياط واجب وأنا أختك.. 4_إذا بدت أمك تتكلم انغزيها بكوعك عشان تدخلك بالسالفة حتى لو مالك داعي.!! تطبيقاً للمثل إلي يقول: ((كثر الدق يفك اللحام))..!!>>داريه إن المثل ماله داعي بس مالقيت غيره.. 5_إخوانك الصغار لا حقيهم وطامري معهم وين مايروحون حتى لو ماهي عادتك بس تصرفي معهم كأنك أمهم عشان العجوز تاخذ فكره انك حريصة على ذريتك.. 6_كل ما أكلت أمك أكله زينه خليها تقول: نفس الاكله إلي تسويها بنتي حتى لو الأكل من مطعم صيني أو كلاسيكي.. 7_إذا جيتي بتمدين إيدك على شي توجعي وخلي أمك تقول: قايلتلك وأنا أمك ماله داعي تنظفين جدران البيت الخارجية>>وهي خله تنظف غرفته أول إلي تقولين ثايره فيها قنبلة ذريه..بس مب كل بنت.. 8_إذا تكلموا الحريم عن العرس اكتمي نفسك لين تحمر أخدودك عشان يقولون البنت تستحي ومالنا حق نتكلم عندها..>>بس لا تكتمين نفسك مره أخاف تروحين فيها وأصير قتلت نفس بغير حق.. 9_مهما كان موضوع الحوار حماسي لا تبدين رايك خليك مثل ألبكما لان اللقافه تأخر أجل الخطبة.. 10_شعرك أفرديه ولا تخلينه طاير ولا تجعدينه مهما كانت الموضة لأن العجائز ما يدورون إلا الي شعرها ناعم.. 11_إذا بدت العجوز "أم المعرس المتوهق" بأي رأي سواء سياسي أو وطني أو اقتصادي واقفي عليه حتى لو إنه ماسخ وماله داعـــــــــي.. مثال: إذا قالت العجوز : بوش متقهوي عندنا البارح..!!قوليلها :وليه ما علمتينا يا خاله نجي نساعدكم ..!!>>كل ذي قرامه..الله يكفينا شرك.. 12_إذا جاء طاري السوق وهو لا زم يجي الطاري لأنه ملح الجلسة عند الحريم خلي أمك تقول: بناتي ما يحبون يطلعون للسوف أبوهم يجيب أغراضهم>>إيه هين كل يومهن وهن بسوق.. ((الحين العجوز بعد كل هذا بتكون أوقعت بالفــــخ..)).. الحين عـــــاد نروح للمعــــــــرس..!! في الأسبوع القـــــــــادم بإذن الله أقولكم وش تسوون.. طبقن الي أنا قلت بعدين نروح للمعرس.. **ملاحظه: * بشرنن وش يصير معكن.. *ترى الي إنا قلت مطبق وعلى قولت المثل ((اسل مجرب)).. والله يوفقنـــــــــــــــــتا في إصطيادنــــــــــــا.. تحياتـــــــــــــــــــي.. |
ههههههههههههههههههه
أما عاد صراحه شيء النصايح أما النصيحه الخامسه عجبتني ههه الله يعطييك العافيه مشكووره |
سبق ان قرأت موضوعا مشابها لموضوعك في احدى المنتديات القصميه
نتظرك ... تقبلي تحياتي.... |
اقول يازين الواحد على طبيعته من غير تصنع ونفاق ...
والزواج مانبيه اذا كان اوله نفاق . |
ياكــــافي طايب واذا انا خلقه احب العجــــز بسوالفهن وجلستهن وخدمتهن ..! او مشكوكن بوه هالحب بعد:( |
الله يعطيك العافيه بس العجوز ما لها الارايها تبي بنت اخته اوبنت اخوه ما تمشي عليها الحركات هاذي...............
|
ياحبكن لسواليف العرس...عاد على هالموضوع والاسم احس عمرتس 32 ولا اعرستي<<< على شحم..
مشكورة ام غميزة ومانتحرمش من هيك مواضيع.. |
طيب واللي منغثه من العجز يعني كل يوم جايتن وحدهـ لآمهـآ .. :36_1_4[1]
|
>>>
هستريكــا:) حلوو لاكن ممل...:( بصراحه ميحتاج اتصنع حلوه وانا طبيعيه بدون تصنع ..>>ثقه بسمالله علي.. هه هه هه ثنكس قلبوو.. >> |
عاد هالبنات اللي فوق أقالهن ما يحبن كذا أحلقوا رموشي إذا ما تسابقتن على تطبيق حركات أم غميزه كني أشوفكن مثل هادي صوعان من السرعه ما تشاف إلا أغبرتكن ! يالله أم غميزه عطينا حركاتنا خلينا ناخذ بروفات على شيباننا بايوووووووووووووووووووووو |
هههههههههههه
الدعوه فيها عجايز يا حبي لهن والله وناسه سوليفهن لكن تخيلي بسوي كل هذولي عشان اعرس لالا والله مالي خلق اقعد عن اهلي احسن لي . . . |
ههههههههههههههههههههه
ام غميزه تسلمين ياخيه ع هالموضوع مع اني قاريته قبل بس اقول ياحبيل العزووووووبيه بس |
اقتباس:
هلا مرحباً.. شفت وشلون الواحد يعين ويعاون.. والنصيحه الخامسه هي اهم شي .. الله يعافيك.. مشكور على مرورك.. تحيتي.. |
اقتباس:
صح او انا غلطانه ؟ |
أشكرك على مرورك نجم في سماء..
والله ياخيتي ماادري أنا موصيه انزله>>كبت العشاء.. أشكر على مرورك.. تحيتي,, |
| الساعة الآن 05:20 am. |
Powered by vBulletin® Version 3.8.8 Alpha 1
Copyright ©2000 - 2026, vBulletin Solutions, Inc. Trans by
موقع بريدة