|
طيب ليه سوت كذا ؟؟؟؟؟؟
[align=center]السلام عليكم ورحمة الله وبركاته
كنا انا وصاحبي العريس منزلين الفرشة على الدائري ونتقهوى على العادة عقب صلات العشاء ونسولف,,, أخيرآ شفناك صاك على روحك ؟؟ لاوالله تعرف شهر عسل وأجازه مغير نطامر من مكان لمكان ماخلينا مكان مارحنا لمه .... لكن أسكت ياهو صارلي موقف محرج مع بنت الذين !!! خير ان شاءالله... خذ السالفة طلعت انا وياها العصر لم البر ومعانا عزبة الشاي والقهوة الحقيقة أبعدنا عن الزفلت لم شعيب أعرفه كنت أصيدبه زمان ونزلنا العزبة وبديت انا أسوي الشاي والقهوة ومنسجم أسولف لها عن الشعيب وايام الصيد وشجاعتي وأكثره صدق وشوي كلك مع بهارات المهم مالك بالطويله تقهوينا وأظلمت العين ويوم جينا نمشي وركبنا السيارة مالقيت المفتاح خابره بمخباتي أدور منا منا ملقيت شي وأنا خايف تحس أني مضيع المفتاح همن تخاف وتخوفن زود المهم شكت بالأمر وحولت من السياره ,,, أيش فيك أيش تدور هاه أأأأدور المفتاح ؟؟؟!!!!! مفتاح بيتنا معي الثاني.. لالا مفتاح السياره! طيب السوات ؟؟؟؟؟؟؟ الحقيقة انا صار عندي ثاني حال وخايف!! أعرف المكان موحش والدنيا خرمس والأزفلت حول 6كم المهم أخذت الجوال أبي أتصل على أحد أخواني أوصف له المكان ..... على طول قالت لاتتصل المفتاح معي انا مغبيته !!!!!!!!! أنا الحقيقة أستغربت من أخفائها المفتاح !!!!! وماذا كانت تقصد ولماذا أخفته ؟؟؟؟؟؟؟؟؟ سلام...[/align] |
ههههههههههههههههههه يااااااااملحه هي ومقلبه ... اقتباس:
لاتستغرب ولاحاجة المسألة ومافيها جالسة تستهبل شوي على زوجه.. اقتباس:
عاد الرجال والنفس الشينه مب كل شي يتقبلونه..... قل لخويك تعيش وتشوف غيره .... أحترامي |
ههه تبي تشوف هو شجاع ولا يخرها علطول وتبدا رجوله تتصافق من الخوف ,, عموما هي مزحة لا اكثر ,, لكن خبرك السعوديين نفوسهم شينه مايتقبلون المزح ,, الحين لو هو شامي وسوت فيه حرمته هالمقلب كان عطاها بوسه وقالها تئبشيني ع هالمزحة ولك بحبك يامفتاح روووحي وسيارة ئلبي وئهوة مزاجي ,, المفروض الحرمة تحمد ربها ان مزحتها صارت بهالوقت ,, لو هالمزحة مو بشهر العسل .. كان عطاها ذاك الكف الين تتناثر سنونها ,, لكن ستر الله عليها وصارت مزحتها بشهر العسل مما اضطر زوجها الا انه يسكت غصب عنه ,, الله ياجرنا عليكم ياجلووووف ,, فووووتك بعافية وعقبال ماتضيع مفتاح بيتهم وينام بالبرحه ,,, |
ههههههههههههه
خويك ذا من الخوف صار ما يميز بين الجد والمزح الظاهر ان العروس راعية كشتات والا كان همه كله لا يجين قوارص بهالليل تحيتي لك اسم العضو |
المفروووض سوى فيها فارس القبيله عادي مزحه خفيفة |
مزحة منتازة ..الله يوفقهم ان شاءالله...
|
اقتباس:
ياسيد أنا شخصياً ماحب هالحركات الثقيلة وللأسف أكره ثقيلين الدم ,, مو مشكلة أمزح بس مهب كذا,, والله يعظم أجر صديقك على زوجته,, أهذب تاهيه’ |
8
8 8 فهمتي ياريشه :) المزح له توقيته وناسه البنت اخطت بالتوقيت والرجل مهب راعي مزح |
اسم العضو اقتباس:
وتبي تروق وصاحبك الله يعافية شكلة مستعجل يبي يذبها ويمكن على خوياه بالاستراحة ذرة الحريم. تصدق الحريم يكرهن الاستراحة يقولن مثل الذرة وقالت خلني امزح علية واستفيد من الناحيتين اول اشوف هو جبان او شجيع والثاني اكتشف مدى تقبله للمزح بتشوف هو دمه ثقيل ام خفيف.. عاد تصدق اخذ حرمه نشمية تقبل بشهر العسل بالصحرى باين عليها ذيبة سلملي علية وخلة يتشبذ فيها لا يطلقها انطلقت رقبتة وانت وياه سالمين |
[align=center]
اقتباس:
أهذب تاهيه’[/align] |
شافته كثر الدعدعه عليها قالت اتاكد بنفسي
|
ممكن تكون مزحه..
ممكن إختبار لشجاعته.. وكيف يتصرف مع موقف مفاجئ..! ممكن تنبيه..ياشجاع كن حريص..! تحيتي,,, |
[align=center]
http://filaty.com/i/710/f3dd562.h---11.gif هههههههههههههههه ياملحه ياناس ! ذكية هالبنت ماشاء الله :) الرجال من قعد لما قام وهو يهلص عليه ويكلك ويروي له شجاعته وبطولاته >> وش يبي فزاع خخخخخخخخخخخخ قامت البنت وسوت مكيدة خفيفة عشان تتأكد بنفسه :) فموقف واحد واقعي يغني عن كل هذرته السابقة :) بعدين ترا البنت شايفة فيه شوفة - وكلنا كذا - نحس إن الرجال هو حامي المرأة ، فلازم مايخيب ظنها فيه :) http://filaty.com/i/710/f3dd562.hh----2.gif [/align] |
كركركركر
عادي ودها تضحك شووووووووووي |
حلو أختبــــــــار الشجاعة اللي سوته .. وعلى فكرة مزح زوجة خويـــك خفيف ,,بالمقــارنة مع مزح زميــلة عندنا .. قسم ودي أقلعه عنا لقلــع وادرين هــي ويا مزحها العربجي .. ذكرت لنا موقف مع أخيها _ أستـــغربت جــرأتها و صمــالتها .. أهلــها كانــوا معـزومين بــرا وهي جالسة بالبيت لوحــدها , طبعا كان أخـوها بالملحق مع أخوياه .. وش ســـــــوت ؟؟ طبعا سكرت أنوار البيت كله , يعني البيت مظلم كله ما عدا الملحق طلعت مع الحوش وراحت مع عند شباك الملحق طقت النافذه طقات تترواح بين الخفيفة والقويه أخوها أستغرب الطقات خصوصا أن أهله طالعين برا ولا فيه أحد بالبيت :12[1]::12[1]:_ ما درى أن أخته جالسة بالبيت - المهم تعوذ من الشيطان وكمل الجلسة .. زميلتنا رقت فوق مع السطح ,,صار تجدع حصيات على جلاء الملحق.. هنا الأخو بصم بالعشرة أن البيت فيه حرامي .. أستعد لمواجهة اللص العربجي ,,,طلع الشوزن ورقى فوق :a8: أخته يوم شافت الدعوى فيها شوزن , طلعت بوجهه وصرخت عليه .. طبعا أخوها يوم درى أنها أخته عصب لأخر حد و أهداها كم كف على وجهه , مع تهزيئة محترمه :29_3_1[1]:29_3_1[1]:29_3_1[1]:c6::c6:.. وليتها تابت عن مزحها , سوتت له مرة ثانية مزحة من العيار الثقيل .. أستغفر الله .. حركـــة تشب التسبد.. مع أن مزحها مع أخوانها ما يجي ولا ربع مزحها معنا ,لكن ما زلنا نعاني منها.. |
| الساعة الآن 10:32 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة