|
ساعدونى بسرعه أرجوكم &&&&&&&&
دقت اليوم على زميلتي وقالت لى
سمعت اليوم إن اخوى جالس يكلم بنت بالجوال حوالى ساعه وشكله من كلامه له مده على علاقه معها واخوها يدرس بالجامعه وأصغر منها . والحين هى محتاره ماتدرى وش تسوى وهى اكبر وحده بالبيت وطلبت مشورتى وأنا قلتلها إن شاء الله خير وأدور لك على حل. أرجوكم جاوبونى وش أرد عليها الله يعافيكم لاتطنشونى |
انا اقول تعلم ابوها او من له ولايه عليه لانها خويتك بنت ولا تقدر عليه0
والله يكون بعونها00 امين |
قلتي انه بالجامعه يعني انه كبير ويعرف مصلحة نفسه
بس إذا كنتي خايفه على بنت الناس منه مع انهم كلهم صارو سوا كل واحد العن من الثاني المفروض تاخذ جواله وتاخذ رقم البنت وتدق عليها او تنصح اخوها وتقوله من ترك شيئاً لله عوضه الله خيرأً منه اما انها تروح تقول لابوه فهذا غلط بحق اخوها لان راحت تتغير نظرة الوالد لولده بعد ماهو كبير بعينه وبعدين لاتخاف كلن يمر بالمرحله الا من رحم ربي طيب هي من ايش خايفه على اخوها ولا على اللي يكلمها؟ وشلون عرفت انه يكلمه من زمان؟ |
مشكور أخوى الحربى
بس إن ابوها رجل كبير بالسن ومايعرف للمواضيع هاذى وتخاف يتعقد الموضوع |
مشكور أخوى مشعل
هى خايفه على اخوها وعلى بنت الناس لأن هذا خطأ وخطر وهى عرفت أنه من مده يكلمها من طريقه كلامه معها وميانته معها |
جوليا
العلاقات اليوم منتشرة ليس بس اخوها ......ولكن تحاول تنصحة بهدف خوفها علية وتؤسل له وتقول هل ترض علي ان اكلم فكيف انت ترضى تكلم بنات الناس وتحاول تاخذ رقم البنت وتهددها بالابتعاد عن اخوها والا سوف افضحك لكن لا تحاول تفضح اخوها عند اقاربه لانه في هذه الحال ممكن يدشر زياده بهذف العناد تحيتي |
أخوى مشعل وشلون تقدر تأخذ رقم البنت
من جوال أخوها أكيد إنه حاطه بإسم رجل |
وش كانو يقولن طيب اللي خلها متأكدهـ:)؟
طيب هي تمون على اخوها؟ |
صديقتك مفروض تواجهه وتقوله ,,مايصلح تفضحه قدام الاهل
ومرحله وتعدي ,,,لو تتركه احسن مصيره بيمل وبيترك هالبنت |
مشكور أخوي فيصل جوابك
بس المشكله وشلون بتأخذ رقم البنت والله ياهى بتوريها نجوم الظهر |
اقتباس:
يمكن تحصل رساله مرسله او مستلمه او كان بنفس الوقت اللي حست فيه تدخل عليه وتقول عطني جوالك ابدق على جوالي مادري وينه وتشوف مسجل بسم مين وبعدين تاخذه المسأله بسيطه |
مشكورة اختى جوان
بس هى تخاف إذا تركته يتمادى معها ولاتنسين إن الشيطان ثالثهما وهى ودها تنهى العلاقه بأسرع وقت |
[align=center]
اقتباس:
قولي تنصح اخوها يمكن يستحي على دمه المشكله لاصار يحبها وش تبي تسوي ؟[/align] |
مشكور اخوى مشعل بقولها طريقتك
وإن شاء الله تنجح معاها وإن شاء الله مايكون حاط رمز قفل. طيب إذاكلمت البنت وهاوشتها ونصحتها أخاف البنت تروح تقوله السالفه ويلفعها |
وراه البنت مالها ذنب هى راس البلاء
أصلاً لو تستحى على وجهها ومتربيه عدل كان ماتسمحله إنه يكلمها بالساعات بس ماقول إلا الشكوى لله . الله يعافينا ولا يبلنا اخر زمن |
| الساعة الآن 01:19 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة