جنوني كاد يدفعني للمحاكمة !!! ( قصة حقيقية )
 

[align=center]السلام عليكم


في يوم من الايام كنا طالعين لم بيت لنا بالقرب من ( شري ) شمال بريدة بـ 120 كم بالتحديد في محير الترمس وكنا وقتها وقت صيد وفلات وطيور ..

ومن البديهي كنا جلبنا معنا البواريد ( جمع بارود ) لكي نصيد فيها (( طيور )) لاحظا اللي بين القوسين قلنا طيور كما هي العادة ..

لكن هالمرة صدنا غير الطيور من الجنوون ..

كنا الساعه الثالثة ظهرآ .. الوقت يقترب من العصر والناس نايمة هالظهرية طبعآ وانا كنت بالرابعة عشر او قرابتها من عمري يعني لسه صغير على حمل البارود ..

كنا جالسين عند باب الشارع انا واخي الاصغر مني >> اكبر توهيقي بالدنيا !!!

المهم واحنا جالسين نتعلم الرمي على (( قوطي ببسي )) مره انا ومره هو .. ورمى هو اكثر مني لان معه فشق اكثر مني >> لاطشهن من سيارة ابوي ..

المهم واحنا نرمي الا واحد من جيراننا هناك يمشي على بعد تقريبآ 20 متر وكان معه كيس اغراض من البقالة كان جاي لم بيتهم

المهم

ويجيك ابو الشباب ( انا ) قلت لاخووي وش رايك ( لو أرميه ) لاحظوا فرح بعد خخخخ قلت له لو ارميه تحري الصتمة تاصله ..

قالي ماادري جرب >> وهقن العص هذا >> وش عندي انا الدب عاااد

قلت مااظن انها تاصله بس خل نجرب ..

المهم انا قلت يالله و( زاديت ) عليه قلت ابخوفه بس .. وضغطت الزناد للبارود ورميت والا اشوف الولد يركض والكيسه طاحت من يده يركض لم بيتهم وهو ماسك راسه انا قلت لاخوي وش جااه ذا ياهووه قال ماادري يمكن يستهبل http://www.roro44.com/smilies/psmilie/008.gif

المهم شفنااه وصل بيتهم واهله طلعوا وتجمعوا عليه .. وانا جتني ام الركب وجتن الصيحة هههههه http://www.roro44.com/smilies/psmilie/001.gif

ودخلنا انا واخووي للبيت وقفلنا الباب حق الشارع >> على بالنا اننا نبي نمنعهم من الدخول للبيت للقبض علينا !!

المهم دخلنا ومسكتين وماكن صار شي ..

ومادرينا الا الباب حق الشارع يرن الجرس وأعلقوا بالجرس اعلاق قلت لاخوي جو جو خل نهج من البيت قال لا وفكر عاد اخوي يقاله http://www.roro44.com/smilies/psmilie/016.gif

وصفت اننا نتغبى تحت العلاقة بالغرفة عشان عن ابوي >> لانه قام من النووم وراح يشوف وش هاللي اعلق بالجرس فتح الباب اثاريه ابو الجيران ومعه الولد ومعه خوانه >> تقل هوشه جايين .. واثاري الصتمة صارت براسه وجاء وهو مربوط راسه وثيابه دمامين وقال لابوي السالفة وابوي تفاجأ بالسالفة .. ودخل ابوي على طووول للبيت يدورنا لانه يدري انه ياانا ياأخوي الاصغر مني لان باقي اخوتي كانوا نايمين عنده بزران ذاك الوقت مافيه الا انا واخوي ناخذ البارود المهم جانا وهو حمق ومعه اظن عصا لاني ناسي وشي والله http://www.roro44.com/smilies/psmilie/029.gif

قلت لأخوي جاك الموووت ياتارك الصلاة ابلش http://www.roro44.com/smilies/psmilie/052.gif


وجرنا كل واحد بيد انا واخووي لم ابو الجيران وقال ايهم يعني الولد .. قال ماادري حداهم عاد انا اقول انه اخوي واخوي يقول يتسذب هو http://www.roro44.com/smilies/psmilie/027.gif

المهم قال أبوي للجار خذهم وخذ حقك منهم قال الجار وكان رهيب لا مانبي حق بس جيت ابعلمك عشان ماتخلي البارود مع البزران >> يعنينا هو ووجهه ههههه

قال ابوي خلنا نودي ولدك للمستشفى قال لا خلاص داويناه بالبيت ..

المهم راح الجاار ودخلنا وتفرنك ابوي علينا تفرنك بالعلك ههههههههههه http://www.roro44.com/smilies/evil/013.gif



والحمد لله مرت بسلااام .. وعرفت وقتها ان اللعب بالبواريد خطر .. ومرت بسلاام وصارت الرمية حاكه راسه حك ولله الحمد يعني ماصارت بالنصف هههههههه


..

وهذه احدى قصصي من ذاكرتي التي تعج بالعديد من الموااقف التي ساحاااول سردها لكم لاحقآ .. وش رايكم عااد بي قوي ارمي عيال الناس ههههههههه


وشكرا[/align]

هههههههههههههههههههه حلوة زين سوى ابووكم ولاكان كل يوم جاين له جاار الله سلم وصارت
خفيفه
تسلم سلطانكوا بنتظارباقى حكايااتك وياريت تحطهم بقسم القصص

ـههههههههههههههههههههههههههههههههههههههههههههههههه ههههههههههههـااااااااي
حلووووووووووووووووووووه ومره رايقه
يسلمووووووووو
وطلع لنا من ذاكرتك..

هههههههههههه وانتي صازة .. حتى الحين واحنا كبار المفورض مانقربهن لانهن خطر بديت اتعقد من البواريد الصراحة هههههههههه

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههه

أهنيك على الجزامة .. غريبة يوم كبرت تغيرت أشوفك ما تواطن ولا النبيطه :)


سلطانكو تراك صقيقي من اليوم ورايح >>> خايف يرميه خخخخخ

ايه شويه تغيرنا .. والخاااف اعظم >>> الولد راعي سوابق هههههه