|
المرأة.. فقط تأملوها
[align=center]:
وتواصلا مع لحسة المخ.. إليكم هذه اللحسة الفرش.. : سكرت النت.. وحطيت رأسي على المخدة.. كنت قبلها سامع برنامج يحكي عن اضطهااد المرأة وانها عايشة في عذاب وتحتاج حقوق مدري من أي نوووع.. ما كنت مركز.. كنت اقول بلا حقوق بلا خرابيط.. ووين العذاب.. المرأة مدلعه عايشة بكرامة.. مستانسة تنام على كيفها وتصحى متى ما تبي.. حتى طريق المطبخ ما تدله.. نمت وانا اردد سحقا للمرأة.. ((غثتنا)).. : صحيت من النوم.. وأخذت دش ولبست ملابسي.. مريت على أمي وسلمت على راسها.. وقلت توصين شي انا رايح للعمل.. قالت انثبر وين بترووح ما عندنا عيال يروحون للوظائف.. وش السالفة.. قالت السالفة اجلس في البيت ساعد ابوك.. وبعدين الجريدة فيها اختلاط وانا خايفة عليك تنحرف (وووي وانا ما بعد انحرفت انا منحرف من زمان..).. : جلست بجوارها قالت رح صلح لي قهوة وجهز الفطووور.. وانتبه السواق يلمس أي شي من الأكل انا ما احب أكل السواقين.. ووي وش السواق وش جابه في المطبخ.. وين الشغالة... قالت الشغالة راحت تودي العيال للمدرسة.. (يا ساتر انقلب الكون..).. : رحت للمطبخ قلت هين بكرة اتزوج وافتك منكم... صلحت لها القهوة والفطور وجبته.. وحطيته عندهااا.. قربت بفطر معها واطردتني.. (جيفارا انقلع ما بقى الا هي الرجال يأكلون مع الحريم).. يالله رح للمطبخ كل مع السواق.. (انا اكل في المطبخ وربي لو ما انتي امي كان لي تصرف ثاني معك..).. : رحت للمطبخ وأفطرت.. ورجعت لها وجبت جهاز اللاب توب عندها وفتحته.. قالت وش بتسوي.. قلت لا بس بدخل المنتدى .. انا جبت سيرة المنتدى.. استشاطت (حلوة استشاطت توي متعلمها) غضبا.. ومسكت اللاب توب وكسرته على راسي.. (جيفارا تحكي مع سحالي في المنتدى.. والله لأفرشك لين تعض الأرض).. طيب انا ليش انفرش.. ورى السحالي ما ينفرشون زيي.. قالت السحالي ما يعيبهم شيء.. (هالحين أنا يعيبني وهم ما يعيبهم ووووش ذا العنصرية).. قلت خلاص اذااا على العظة بعض الأرض من غير فرش.. ودنقت على الزولية وعظيتهاااا.... : رحت لغرفتي وانا محتار مدري ووووش القصة... جاني السواق وقال بابا يبغاك .. يقول يلبس ويتلطم بشماغه زين وينزل... نزلت وانا داق اللطمة.. وش القصة فيه حريق... والا البلدية ما شالت الزبالة اليوم زي العادة.. : قابلت ابوي وقلت وش السالفة.. قال بنروووح لولد عمك جايه مولود.. ونبارك له ونشتري هدية للمولود... طلعت مع ابوي.. ومديت يدي للمفتاح.. قال وش بتسوي قلت بسوق فيك.. قال انقلع اركب ورى وتلطم لا يزعجونا البنات يغازلونك.. قلت ومن بيسوق انت.. قال لا الدولة لسا ما سمحت للرجال بقيادة السيارة.. الشغالة هي اللي بتسووووق... (أمحق وش ذاااااااااااااااااااااااا).. : ركبنا السيارة.. ومشينا لبيت عمي.. وقفنا عند اشارة.. وقفت جنبنا سيارة فيها ثلاث بنات.. فتحت وحدة نافذة السيارة اللي يمي.. وقالت يا وااد يا حليوه.. اموت في اللطمة.. ممكن اعطيك الرقم.. قلت يس بس ممكن تكتبيه على خمس مية ريال لأني ما عندي شغل أمي فصلتني.... اخذت الرقم على الخمس مية.. وصفقني ابوي وقطع الفلوس..... : دخلنا على ولد عمي.. لقيته نايم على فراش.. ورافع رجلينه ويون من الألم... (يووو وش ذااا في اليوم اللي يجيه ولد يصير عليه حادث).. قلت سلامات والله ما دريت عن حادثك.. انا جاي ابارك لك بالولد.. قال أي حادث انت ووجهك.. فال الله ولا فالك.. قلت طيب وش فيك تووون.. قال لا بس الولاده كانت متعسرة... (يووو على الرومانسي زوجته هي اللي تتعسر وهو اللي يتعب).. هو فهم تفكيري وقال لا يا غبي انا اللي ولدت... وانتبه يا جيفارا تتزوج.. وربي ما في الكون ألم وعذاب مثل الولادة... أأأأأأأأأأأأأأأأأأأأأأأأأف وش ذااااا الحكي.. وحلفت ما اتزوج طول عمري.... اذا فيها ولادة وتعسر يضرب الزواج.. دار العجزة ارحم.. : رحت للبيت وانا محتار.. مدري وووش القصة... طلعت لغرفتي.. وجتني أمي قالت البس فيه أم وبنتها جايين يخطبونك.. تعال يبغون يشوفونك.... قلت ليه وانا عارض ازياء اعرض عندهم.. قالت لا يا غبي هذي يسمونهااا (الشوفة الشرعية)... نزلت مستحي.. بغيت اطيح من ثوبي الطويل.. دخلت بالعصير.. وقدمته للعروس وأمها.. العروس الحقيرة ما استحت.. اول ما شافتني قالت هلا بعمري هلا بحياتي.. (انا تجاوبت معها وبادلتها الغزل).. امي قالت لي استح يا جيفارا فشلتنا.. وخليت الناس يقولون ولدنا مووو متربي... قلت هي اللي بدت بالغزل وانا رديت عليهاا.. هي ليش ما تستحي على وجهها.. قالت امي هي بنت ما يعيبها شي.. مو زيك ولد..... (ول وش ذاااا الحكي هالحين انا صار يعيبني أي شي والبنت ما فيه شي يعيبهاااا)... المهم العروس الحقيرة قالت لي قم.. ممكن اشوف ساقك... والله وارفع عن الساق.. قالت واوووو تجنن.. المهم انا تحمست مع الوااااااااو ديالها وطلعت الركبة.. والبنت تقولو واو ثاني.. وانا اللي اتحمس واطلع الفخذ.. وهي ما فيه الا واوووو.... واووووو.. امي تدخلت ولحقت على الموووضوع قبل تطلع اشياء ثانية... وودتني للغرفة... وهي تصارخ علي فضحتنا منك لله.. وين اودي وجهي من الحريم... ومين بيخطبك بعد السالفة اليوم... وعطتني كف من قوة الكف طحت على وجهي... فجأة صحيت من النوم وخشتي على الأرض ورجليني على السرير... رفعت يدي للسماء وقلت الحمد لله اشوااااا انه حلم موووووووو حقيقة......... : وووش رايكم في الحلم يجنن..... على العموم الموضوع جدي في قالب (سخرية).. فيه اسقاطات تحتاج مناقشة.......... :[/align] |
الله...الله
>>> هذا المستخدم عاش جو وراح في الخيال الله لو نكوون احنا انتم ... وانتم احنا الي قلته ولاشي يوضح عنجهية وتمرد وقسووة الذكور على الإناث كان فعلا قلت المرأه مضطهده : جيفارا بكل صراحه انت تشبعنا عندما نقرأ مقال من مقالاتك المبدعه الف شكر على هذا المجهود . |
بصراحة كلك ذوق كتاباتك روعة وتجنن ====
ليتنا نعيش مثلكم............. جيفارا اذاجيت للحقيقة ابدا ما اتمنا اعيش زيكم ........... الله خلق ذكر وانثى وترك لكل منهما عملة الذى يقوم بة ولا يستطيع الاخر على احتمالة او الاستمرار فية ربما للفطرة التى فطر عليها الرجل بطبيعتة الخشنة المقبلة على الشدائد والقدرة على الاستمرار لتقدم وتخطىء العوائق الصعاب اذا هو فقط وضع فى بالة انه يريد ذالك الشىء اما المرءة فتحكمها دائما العاطفة وفى جميع الاحوال ولو عزمت على امر وصادفها امر عاطفى فهى ستميل ولو قليلا فرجل يمتلك القوة والعزم والمرءة التحمل فسبحان الله الذى ابدع صنعا |
[align=center]أريج الحياة>> حياااااااااااك..
اقتباس:
اقتباس:
اقتباس:
: اقتباس:
|
لووووووووووووووووووووووووووووووووووووول
أحييك اخي جيفارا ... اخذتنا باسلوبك الجميل حسيت اني اتابع طاش ماطاش |
هذا كابوس مهوب حلم .., الله يستر على المسلمين .
أنت تقول فيه إسقاطات الموضوع .., والمعذره انا من افشل الناس بفهم الإسقاطات .., أنا من أصحاب "الدغري" <<< يعني اللي على بلاطه . فيمكن مأفيد كثير هنا .., وعموماً .., بلا شك ان تقمص شخصية كلاً للأخر فيها خلل و إعتلال للفطره و الطبيعه الخلقيه و الكونيه للبشر ..,؟! ومساعي الأخلال مستمره لتحقيق اهداف عميقه تضرب في اعماق المجتمع لتخلخله ومن خلال تلك الأنتكاسات .., المصوره في "حلمك" . ومن اجل التوازن صار للمرأه دورها .., وللرجل دوره .., ومتى سعى احدهم لتقمّص دور الآخر صار الأخلال في التوازن الإجتماعي ..., وبالتالي صارت الفوضى . تحياتي .,’ |
جيفارا كالعادة متالق مو شي جديد
نرجع للموضوع .....بالنسبه الحياة المرأة وأعملها صعبه بلنسبة لطبيعتك الذكورية بس هي حلوة لطبيعتنا الانوثيه يعني مثل لما اسوق سيارة واصدع عادي مثلا لو اروح للمحكمة اقعد ساعه انتفض <<قد سوتها خخخ تحسبها زي حكمت المحكمة حضوريا بس المشكلة اخوي التسلط بحجة القوامه ياخي اي رجوله يدعيها هالمتعنطز الي شايف حالو والله مايستاهل لقب رجال الرجوله في طريق وهو في طريق الرجوله من وجهة نظري هي قمت الرجوله بالتصرفات امام الرجال ...وقمت الحنان والعطف والرقه في التعامل مع الانثى لا يعني التعامل الرقيق ولين الجنب مع الانثى عكس مفهوم الرجوله او القوامه ابداااااااااااا اخيرا تقبل مرور حزام الأمــــــــــــــــــان |
ههه الصراحه اني ضحكت حق يوم كامل على هالحلم ,, وناسه حلومك ياجيفارا ,,, كل يوم حلم وتعال قصه علينا ,, انت شفت اللي الحريم يشوفونه بالحلم وقمت مذعور من هول مارأيت ,, شلون لو تجربه حقيقه وش تسوي ؟؟؟ احمدو ربكم انكم ذكور ,, على الأقل لاحمل ولا ولاده ,, ولا هين شغل البيت الحين مافيه بيت تخلو من خادمه ,, ودي انك مكمل الحلم وقايل لخويك اللي زرتوه يحكي معاناته مع الحمل والولاده لكي يتعظ الذكور اللي نافشين ريشهم على الفاضي ,, يالله ياجيفارا هانم ,, فوووتك بعافية ,,, |
اولا اخي جيفارا..كل ميسر لماخلق له...
ثانيا..هل تعتقد ان المرأة مضطهدة الى الحد الذي ذكرت؟؟؟؟ يعني تعتقد انها يقال لها انثبري!!!!!! وكولي بالمطبخ !!!!! ويكسر اللاب على راسها؟؟؟ موضوعك فيه الكثير من المبالغات... وامامسألة انك حمدت ربك انه حلم.. فأنا اقول يجب ان تسجد لله سجود شكر.. لأنك لم تكن امرأة في هذا المجتمع المتخلف...... |
عاد ماعمر احد كسر الاب توب على راسي>>>>>صدقت الحلم
كل لما خلق له.. |
مرحباً جيفارا ,,
بالرغم إني ماأحب القراءه إلا إني أستمتعت بقصتك هذي وتمنيت إنها ماخلصت ,, بالأخير يبقى الكل منّا رجال ونساء يعيش على حسب الفطره التي جبلنا عليها جميعاً فلا إفراط ولاتفريط ,, دمت بود .. |
مواضيع الاخ جيفارا تجبرك عل القرآءة رغماً عنك .. وان كنت مشغول حد الثمالة ,, اهنيك ع خفة الدم .. بس هل هي يا ترى في المنتدايات وبس؟ لان اغلب الناس تختلف شخصياتهم بعيدا عن الانترنت ,, <<-- طلعت عن الموضوع .. السموحة! |
[align=center]ملكة الاحساس.. حياك..
اقتباس:
اقتباس:
اقتباس:
اقتباس:
هي مجرد تقمص أو حلم لإحساس الآخر بالآخر.. وليست دعوة للتشبه.. أنا ذكرت جزء من معاناة المرأة من خلال حلم أو خيال كتابي..[/align] |
[align=center]
اقتباس:
شاكر مرورك وتحملك لثرثرتي..[/align] |
[align=center]بريداوي9.. ارحب معناتها مو ماخذ في خاطرك..
سعيد بمرورك لكن ردك.. بشوفه.. اقتباس:
اقتباس:
اقتباس:
اقتباس:
لا تفهمني غلط.. افااااااااااااا عليك.. شوووو بنا..[/align] |
| الساعة الآن 03:14 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة