|
داخل قصر الأفراح . قسم النساء !!
[align=center] شوفيها في مشيتها كأنها دجاجة صقعاء ! شوفي لبسها بس يسد شوفي ذيس ماهن ملحه لكن حبة الخال اللي بخشمه مخربته !:g2: لا يفوتس هاذي يقالهم "الفلانية" عشانهم فنس :( ههههه انتي مادريتي عن فلانه خطبت كويح مثلها . . . ويضحك الجميع . وتبقى ملائكة الرحمن تكتب لا صغيرة ولاكبيرة إلا تحصيها في كتاب محفوظ نعم ..هذه أصبحت عادة الأكثرية من المدعوات ولكن * * هناك جانب مشرق يفتح لنا آفاق التميز من مدعوات استغلين هذه الفرصة السانحة لكي : توزع بطاقات دعوية مرسومة بعفاف شرفها وصيانة خُلقها أو شريط يحاكي جمالها بجمال روحها مع زوجها أو دعوة صالحة تنير لها مستقبلها الجديد هي تلك المرأة بجمال طبعها وحسن سمتها فتهلج دائماً بذكر الله وترسم على شفتيها معنى الإنسانة الخلوقة لم تهتم بـ(ماركة) أو تفاهات بل تسميها "خزعبلات السوق" تهتم بمظهرها بقدر ما تهتم بأخلاقها وتعاملها مع الناس لا شك . . فلقد اقتدت بعائشة وحفصة وخديجة أم المؤمنات ولم تهتم لما يلبسه الممثلات فلقد عرفت أنهن ممثلات ! محبتكم المبتسمة[/align] |
جزاك الله ....
وليت الأمر يقف على تلك الكلمات ... فزاد الطين بله كما يقال ... ( التفسخ والعري حيث ظهر النساء الكاسيات العاريات وووو ) وإذا قيل لها اتق لها ... قالت إن الشيخ فلان يقول أن عورة المرأة عند المرأة من السرة إلى الركبة .. ! عجيب هذا الفهم لأمثال تلك الجاهلة وهل يعقل أن تأتي امرأة قد سترت مابين سرتها وركبتها فقط ونقول أنها محتشمة وليست عارية !! والله المستعان ... جزاك الله خير أختي ... أسأل الله أن يكثر من النساء الداعيات المحتسبات في إنكار المنكر بالحكمة .. والله أعلم |
المبتسمة
بارك الله فيك وجزاك الله خيرا فيما سطرت أناملك من خير |
لاجديد... عقليات حريم وش ترجي منهن إلا لسان سليط كالساطور في عباد الله....!!! |
جزيتي خيرا كما اضيف على ذلك يجب تثقيف النشئ من هالناحية
|
اقتباس:
[align=center]صدقت .. إن الأمر الجلل لم يقف على تلك الكلمات ولو أنها عظيمة ! فلقد راج فيما بيننا فيما يُسمى بـ(الكوافيرا) التي تصبغ وتلطخ في وجوه وشعور بنات المسلمين والضحية هي بنفسها حتى بنات المشايخ (ولسن قدوة) يذهبن إلى هناك فأين الدين يابنات أمة محمد ؟!! ناهيك عما تفضلت به أخي أبو فيصل من المنكرات المختلفة التي تحدث في قاعة فساد والعياذ بالله .. المشكلة أنه عندما تنصحهن يقلن (شوفي بنت المطوع فلان) وكأن المطوع فلان هو قدوتهن فضلاً عن ابنته ! أو يقلن أنكِ غير متحضرة ولاتعرفين هذه الألبسة والله المستعان . أشكرك جداً على ردك وكلماتك الرائعة المبتسمة .. ولي عودة[/align] |
المبتسمة _ _
شرحتي صدري الله يشرح صدرك بنور الإيمان __ أزداد فخرآ وينشرح صدري عندما أرى من هو في مثلك في التفكير والعقلانية _ _ أين أنتي وأين كنتي ؟ |
انا قايل قسم بالله لو يتركون عنهم الغية والنميمة والكلام في خلق الله خاصة الضحوية على سلة الكراث كان يدخلون الجنة عقدة ان شاء الله بس الوحدة ياعساي ما اذوق حزنهن ماتصبر الا علىالتطنز والغيبة بخلق الله توتي : وش رأيك ادبر لك محاظرة عند حريم بقصر افراح تلقيها على انغام طقاقة وانااصلح لك المايك واصف الحريم لك بالطابور؟ قل تم تكفى |
الله يهديهن بس هالحريم ماغيريسبن بخلق الله ,,
اجل توتي بيلقي المحاضره والسمنسي بيصف الحريم .......عز الله انهن اهتدن كل الحريم على ايديكم |
وفقك الله اختي ولي عوده باذن الله
|
اقتباس:
[align=center]أجزل الله لكـ المثـوبة وبـاركـ فيك المبتسمة[/align] |
[align=center]الطـاحونة :: لا . نرجي منهن كل خيـر فلا عدمنا منهن ولكن لنوجههن للخيـر ماحييـنا حزام الأمـان :: صدقت فالقليل منهن يتحدثن في الثقافة ولو كانت ذات منصب عالي ! بوركتـم المبتسمة . . ولي عودة[/align] |
المبتسمه ..
ياحبكم للحش يالحريم .. اعووذ بالله قطعتوا الناس وذبحتوهم وزوجتوهم وهم بينكم :D عموما بعطيك مقاله اعجبتني عن الحش .. الحش كلنا عارفينه. من منا ما يحش ((تكلم عن نفسك)) بس بغيت أني أوضح بعض الأمور للي ما يعرفون يحشون. وللحش عدة طرق وكل الطرق تجيدها المرأة وتعرف خباياها أما الرجال ما يجيد منها شيء وحتى لا جا يحش ودك تكفخه بلوح من سوء الترتيب في الحش يعني لا جا يحش ما ودك تسمعه أصلاً ما يعرف كيفية حبك الحشه تحس أنه كذاب عشان كذا أنا باتبع المثل اللي يقول عط الحش حشاشه لو يحش نصه ولا تظنوني أني أقصد بس الحريم في الحش لا وربي حتى البنات ((يا مكحلها)) وأعتقد تعرفون المسميات الثانية للحش؟ الحش يعني القرض ويعني السلق ويعني النميمه والغيبه عند هل الخير الله يحفظهم. المهم الحش تخصص فيه النسوان بحكم الفراغ والروتين الممل والحش يختلف من بنت لبنت ويقولون إنه أقوى الحش حش الحوامل تحشك وكنها جالسه تشوف برنامج تعليمي يقول سيدتي كيف تجعلين من طفلك حشاش هاوي ويا ويلك لو يجي الحشاشه الطلق وهي جالسه تحش فيك والله ان تطلعك أبو النجا تاجر المخدرات وأمام مسجد الزاوية وقت الفراغ ويا ويلك لو يجتمعون ثلاث حشاشات عليك في الشهر التاسع وربي أن يطلعونك متزوج فيفي عبده عقب ما طلقت سهير زكي ورميت لها العفش بالشارع. يقول نابليون بونابارت لابغيت تزعزع الثقة في خصمك ابعث له نمامه يقصد حشاشه على مستوى فرنسي تنشر بينهم الأكاذيب((أعرف وحده حشاشة وربي لو مستعين أبها نابليون كان أنشرت له الخبر في الولايات المتحدة كلها خلال يومين مع كندا وباريس وسويسرا والصرار والأحساء هدية فوق البيعه<. والحشاشة فيها ميزة غريبة لا جات تحش تعدل جلستها الظاهر أن الحش مثل السعله (الكحة) عند المتخصصين فيه يعني لا شفت لك حرمه تعدلت في جلستها خل وجهك قبله. ومن ميزات الحشاشات هو اختيار الموعد المناسب للحش يعني عمرها ماتحش وهي تبي منك شيء بالعكس ماترضى عليك لكن من تخلص حاجتها علقتلك الرمانة ((الرمانة ذي حديده كبيره مربوطه بسلاسل شفتها في فيلم لعادل إمام وهم يعلقونها له يبغون يذبحونه ويغطسونه بها في البحر)) لكن مع هذا الحشاشات فيهم حنيه وطيب سبحان الله تناقض رهيب وأذكر وحده عجوز طيبه حنون تحبني كثير يقال لها الخاله موضي تقول يا ولدي بعطيك نصيحه يمك واحفظها تكفى قلت لبيه انصحي قالت عمرك يمك لا تعطي حشاشه قفاك ((ادري ياخالتي ما تشوفيني معطيك وجهي؟)). وفيه مره من المرات بنت حبت اني أحش معها في بنات جنسها قالت لي وش رأيك بالجنس اللطيف ((الله يكفينا شره)) قلت تقصدين النساء قالت يعني من غيرنا جنس لطيف؟ ((ابد والله ما عاد ألطف منكم غير تماسيح نهر النيل باسيوط)) قلت لها انا بصراحه ما حب الحريم لأن الحرمه مثل الريال المعفس ما تخلص منه وحتى يوم تخلص منه في الدكان وانت تشتري بيبسي رجع لك وانت تشتري ماعون فول قلابه من مطعم أبو بصيل >حش على الهوا مباشرة(( لا تظنوني يا النسوان اني حشاش لا وربي جالس أجاملكم)). وطبعاً ما هوب كل الحريم يحشون لا أنا أعرف بنت حلال يوم تجي مجمعه لها كم حرمه حشاشات أول الليل ومسكوا في وحده من خوياتهم حش وقامت عليهم بنت الحلال اللي تكره الحش وقالت لهم لو سمحتوا كل وحده تحترم نفسها ماله داعي نجيب في طاري البنت أنا ماحب الحش اللي بتحش تحش برا بيتي صحيح انها نذله وبنت كلب ولا فيها خير وشايفه نفسها مدري على إيش لكن مابي أحد يحش فيها ((الله يجزاك خير ليت كل الحشاشات زيك كان ماحتجنا لحش الحوامل)) وازيدكم من الحش بيت لا جوا الحريم اللي عندها يغيرون الموضوع قالت تدرون انكم خذت ذنب في حشكم فيها يعني وذمتكم الحقيرة ذي اللي ماتسوا نعالكم تستاهل الواحد ياخذ فيها ذنب؟؟ الله يقطعهم ذكروني بالنسوان لاجوا لأمي الصبح وتجمعن وبدو مسلسل التشهير تقول كنه كل وحده قبل النوم كاتبه على مراية الزينه حقتها بقلم الروج وش بتحش فيه بكره وربي مسكينه أمي تقول ودي أبهم كل يوم يجوني بس المصيبه خايفه أجمعهم على الشر وآخذ ذنبهم نعنبو دارهم أقرب مالهم حبيب يحشونه وبعض الاحيان تحش مع الشاهي وقطعة البخصم يعني حش مزاجي ويا ويلك من ذيك المره اللي تحشك وهي تئزئز لب وربي تقشر في ظهرك كنها تقشر حب شمسي. والحشاشة سبحان الله لا جلست جلسة حش ادمان مثل مدمن الانترنت يمرالوقت سريع اللهم هي اعنف أشوي ما تحس بالوقت يعني لو تجمع خمس حشاشات في سياره واحده وتسافر فيهم تركيا عن طريق البر من الدمام اول ما يوصلون تركيا يقولون لك مشاء الله كن حنا رايحين للأحساء مسرع وصلنا ((داري يا عيوني وكني أشوفكم مشتاقين للعودة)) وطبعاً في هالطريق زوجوا وطلقوا وسجنوا وكل واحدة لاخلصت من حشها قالت أستغفر الله كني حشيتها ((لا بسيطة خذي نفس)) وغير كذا الحشاشة طريق الدمام رياض دمام ما يوفي معها ولا يقند راسها لأنه الطريق كله ما يمديها تحش في أول رفيقه. وسبحان الله الحشاشة لا طحت عليها وهي توها خالصه حش تشوف آثار الحش في شفايفها >مسود< تقول توها مخلصة بكت زقاير أبوبس ولا حجرين شيشه. عاد أنا يوم شفت الحالة زادت الايام هذي قلت بقول للحشاشات وش سمعت عن اللي تحش وهي وكيفها اللهم اني بلغت. يقول أحد علماء التربية وهو الدكتور لاوس روبن أن أكثر الأطفال عرضة للخطر والإصابات والإهمال هو اللي أمه حشاشة الحرمة تجلس تحش وناسيه ولدها في الحوش يحارش ويبارش لين يصيبه مكروه وهي جالسة تكاكي من الضحك والحش والبزر المسكين ابتلي له بأم لو ترضعه كثر ماتحش كان صارت صحته تنافس داود حسين ونبيل شعيل وفهد الحيان. وفيه دكتور اسمه لوربينتو فلارميتو يقول إن الحش والانفعال في طريقة الحش تسبب الجلطة وتصلب الشرايين((يارب يطلع فيه دكتور صدق بهالاسم ويسألونه ويكشفون كذبك)). ويقول بعد أحد كبار العلماء الفيزيائيين وهو الدكتور جورج الخامس أن الحشاشة بعد كل حشة يطلع منها ريحه تشبه ريحة الثوم من جسمها يعني اللي بتحش تحش من الساعة 9 صباحاً لين الساعة 4 العصر لأن مدته سبع ساعات (( يعني على كذا اللي متزوجه لو تحش زوجته بعد الساعه تسع بالليل نام في الفندق ذيك الليله )). ويقول بعد الدكتور الهامرت لورين يقول إن الحش حالة نفسية عادة ما تصيب أصحابها بالشيخوخة المبكرة ويسبب التجاعيد((على كذا ليلى طاهر عمرها ما حشت وأمينة رزق أكبر حشاشة بالدوادمي) ويقول الدكتور لورنس هاملت((خذ راحتك أكيد تشوف فيلم منتهي وجالسين يعرضون أسامي المخرجين والمصورين والمساعدين وجالس تظهر من ذا الأسامي)) أن الحشاشة إذا حشت أكثر من ساعة في اليوم يعرض قلبها للدق 120 مرة في الدقيقة (يا أنا أعرف لي حشاشة قضى عليها الزمن يدق عندها أربع آلاف مرة في الدقيقة) وأنه يشكل خطورة في الأوعية الدموية ممكن يؤدي للوفاة السريعة (( يارب مدير تعليم البنات يكثر من الحششش )) طبعاً لا أحد يصدق أمزح أدري أنه قلة قليلة من النسوان اللي تحش ما تتعدى 99% ولا الباقي الله يحفظهم ماغير ........ شكرا لكــ .. |
[align=center]فيصل الخالدي :: شكراً لحسن ظنك ولا تفتر لبذل جهدكـ في إصلاح نسائنا بأقل معروف تقدمه فما أحوجنا اليوم إلى داعيات مخلصات . توتي :: "أنا بتوسطلك بشرط معك محرم" !! بإمكانك النصح بتوجيه من تعول وحثهن على فعل الخير ولو بكلمة . نعم بكلمة صادقة شكراً لك . عجوز سمنسي :: سرني مروركـ وأسعدني تعليقك اللطيف . أصفر أزرق :: نعم. الدعوة الوسيلة التي لايُعذر فيها أحد وتقبل الله دعواتك . شمس بريدة :: جزيت خيراً وفيراً وبانتظار عودتكـ . المبتسمة . وماكـان من خطـأ فمن نفسي والشيطان وأبرأ الله ورسوله منه .[/align] |
اقتباس:
[align=center] هذه من مشـــاكل نقل المواضيــع http://www.qassimy.com/nu/articles.p...ion=show&id=49 سرني مروركـ ومشاركتكـ لولا أن قرأتها جيداً قبل نشـرها فقد مُلئت بالعديد من الشوائب التي تسوء الموضـوع أشكرك على مشاركتك مرة أخـرى وأعتذر لكـ فوجودك هو دليل تواضعـك محبتكم المبتسمة[/align] |
| الساعة الآن 06:02 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة