|
وراه المشرفين تسذا !!!
تجده يشارك ويضحك هنا وهناك
يدخل روح المرح في بعض المواضيع وحينما يعطى منصب فتجده فجأه يتغير !!! هذا هو حال المشرفين لدينا حينما كان عضواً عادي نجده يشارك بكل المواضيع يبدي رايه بدون تحفظ وبلغته العاميه !! أما الان نجده يتكلم بلغه عربيه فصحى ويشارك في بعض المواضيع بحذر !! هل من شروط الاشراف أن تتعامل بحذر وكبريا ولغه عربيه !!! من وجهة نظري أن من اهم شروط نجاح المشرف خفة الدم والضحك مخلوط بالمزح!! بالأخير اقول للمشرفين هنا وهناك اتركوا عنكم اللغه العربيه وتكلموابالعاميه وابتسموا شوي ! ماادري وراه احس انكم وانتم تكتبون ماتاخذون نفس من الشده !! |
لا ويحذفون على مزاجهم .. يعني إذا الكاتب ما دخل مخه .. قبل ما يكمل قراءة الموضوع يعطيك رسالة انه حذف الموضوع .. استعراض عضلات .. والدليل شوفي التعقيب هذا .. دقائق وهم حذفينه .. واذا عندك اعتراض رح اشتكي بقسم الشكاوي .. وهذه اسطونتهم
هداهم الله |
بالنسبه للحذف أنا تعودت عليه واذا ماحذفوا لي استغربت !
انا مايقهرني صحيح الا اذا تغير يوم كان عضوا كان بس ودك تشوفه ويوم صار مشرف بدا يقول لماذا ماهذا !! |
ماشفنا منهم الا كل خير ...اقصد الي في هذا المنتدى..
لكن ياكثر ماتشكى من المشرفين ياعاشق...مدري احس انك اذا مالقيت موضوع او رد تحط حارتك بالمشرفين... يعني مايستاهل من يكتب موضوع مثل هذا.. تحياتي ليك.. . |
والله ياعاشق مامنعنا اننا نكون من ضمن قوافل الشهداء قصدي المشرفين او عضوية المجلس الا النقطة هذي يعني من ضروريات الاشراف او العضوية بمجلسكم الا الرسمية يجب ان تكون قدوة للغير وانا شخصيا شفت الشي من ردود بعض الاعضاء على بعض اعضاء المجلس الاستشاري قلت الحمدلله اني صرت ذهين وماقبلت سلملم ياعشقشق |
اقتباس:
وانا قايل انهم شينين ويحومون السبد !! انا اقول انهم يتغيرون يعني فيه اختلاف بين النقد والتشكي !! ياحليلك شكلك مصري صغير ! |
اقتباس:
حبيب قلبي شيبنون ليش الرسميات والله لو ابحلف أن عبدالله الحلوه تحوم سبده اذا صار المشرف رسمي ! |
اقتباس:
يمكن .. :) لا بس نعطي للموضوع أكثر اثاره بس يمكن الواحد بهالبرد مايركز... :) |
اعتقد ان المشرف او المشرفه الذي يدخل للمنتدى مخفي يكون غالبا صاحب مشاكل اما الذي يظهر اسمة في قائمة المتواجدين يكون العكس |
صدقت والله والغريب انه بعد الاشراف مايدخل بأحد ..
|
تصدق عاد اخوي
أني كتبت المشكلى هذي في أحد المنتديات لما يكون عضو يشارك ودمه خفيف وإذا صار مشرف خلاص تعلى على الناس تقل صاير ملك دولة هع هع هع بس مدري احس المشرفين في منتدى بريدة ماشاء الله عليهم لهم مساعدات وردود رائعه أسأل الله التوفيق للجميع والف شكر على الموضووووووووووووع |
روق ياعاشق..
كل مشرف يكتب نفسه.. ولا أعتقد أن موضوعك يتكلم عن الجميع.. هون عليك فالمشرفون كما الأعضاء احرار انفسهم..! تحيتي,,, |
اقتباس:
و ازيدك من الشعر بيت , تراهم يستلمون رواتب ولا بالخيال ولهم تذاكر سفر مجانيه وفي الفنادق خصم خمسين بالميه ... اخي محب تذكر ان المشرف يعمل بالمجان من اجل رفعة اسم هذا المنتدى عاليا , بريدة غاليه على قلوبنا , ولا يوجد مزاجيه او ما دخل المخ او استعراض عضلات ... اعذب تحيه للكل . |
صقت والله يا خوي ياعاشق ،، وبعض هؤلاء المشرفين مساكين لأنهم أخذو مقلب كبير في أرواحهم ،، وهم من أصحاب النفوس الضعيفه ياحليلهم لأن الأشراف مناصب وهميه لا تودي ولا تجيب لأنها محصوره بداخل المنتدى ،، والحمدلله أنه منتخب حاكم دوله ولاء وزير إلا بيسوي فيها عجينه ،،، وأحب أوجه همسه أخويه للمشرفين : ((حسن الخلق مادخل في شيء إلا زانه ،، ومانزع من شيء إلا شانه )) (( و تاج المروءه التواضع )) وتحيه عطره ،، |
هلا عاشق ,,,كلامك صحيح 100%وطبعا يبي يهدون عليك المشرفين ويبي يقولون إنك تبالغ ونحن أخرار أنفسنا ,,والحقيقة الأليمة أن الإشراف في هذا المنتدى يحتاج إلى غربلة وتجديد الدماء والفكر ,,,,أقولك ياعاشق أن هناك بعض المشرفين ممن يفتقدون للخوف من الله إذا ناقشته وتجادلت معه ’’بالنهاية أنت الخسران لأنك سوف تصبح تحت مجهره وسينقل لك وسيحذف وسيطفشك أما إذا كلت له المديح وأنه أحسن واحد بالعالم صدقني موضوعك سيبقى في العام ولو كان منقولا أو لايمت للعام بصلة والشواهد كثيرة ’’’شف مواضيع المنتدى العام كأنك داخل محل أبو ريالين أو داخل حراج المقاصيص مواضيع قمة في الهبوط والضعف ,,,,كذلك هناك من المشرفين من يحارب المواهب والأقلام الكبيرة من أجل تطفيشهم لأجل أن لاتنكشف ثقافتهم التايوانية أو بالأحرى ثقافة تجميع ’’’’’’’’خل الطابق مستور ياعاشق ماجعلني أهرب وأترك الإشراف هو سواء عملت بجد أم لم تعمل كله واحد ’’’’وماسكين لنا المشرفين هالموال نحن نعمل مجانا ونتحمل هجوم الأعضاء وووووو والحقيقة هي لو قلت له أنت لست مؤهلا للإشراف والأولى أن تقدم إستقالتك لبكى وتوسل من أجل أن لايلغى اللون الأخضر وهذا هو حالنا نحن العرب ’’’’ تقديس للمناصب وإهمال للعمل,,,,,دمت بخير ياعاشق
|
| الساعة الآن 10:33 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة