ياااااااااااااااااااه , سنوات وسنوات مضت ما اجملها ...
 

اهلا وسهلا بالجميع ...

في صباح هذا اليوم الباكر ذهبت الى حارتنا القديمه ولبيتنا الذي ولدت فيه ,

في حلة القصمان وسط الرياض ...

امام بيتنا القديم تذكرت الماضي الجميل , تذكرت زمن كنت فيه طفلا , تذكرت

عيال حارتنا وكيف كنا نلعب ( حبشه ) و ( غميمه ) و ( ام سبع )

ياااااااااااااااااااه , سنوات وسنوات مضت ما اجملها ...

في الحاره شاهدت بيت صديق الطفوله ( عبدالله الخريصي ) رحمة الله عليه

وتذكرت كيف كنت وهوا ايام رمضان عندما نفرش السجاد لصلاة القيام في مسجد الشيخ محمد المنصور ...

أيام لاتنسي ... وطفوله بريئه ما اجملها ...


أخي الكريم , اختي الكريمه

ذكريات طفولتكم (ن) كيف كانت ...؟




ألا ليت الزمن يرجع ورى وإلا الليالي تدور ...

ويرجع وقتنا الأول وننعم في بساطتنا

زمان أول أحس انه زمان فيه صدق شعور ..

نحب ونخلص النيه وتجمعتا محبتنا

زمن مافيه لا غيبه ولاحتى كلام زور ..

ياليته بس لو يرجع ونسترجع طفولتنا

صغار وقلوبنا بيضا تعيش بعالمٍ محصور ..

ولا نعرف أبد أغراب ماغير عيال حارتنا

صحيح صغار بالتفكير لكن ماعلينا قصور ..

نخطط نكسر اللعبه وتسعدنا شقاوتنا

نروح المدرسه بدري ونضحك داخل الطابور ..

نحاول نزعج العالم بروحتنا وجيتنا

وعشان نأخر الحصه نخبي علبة الطبشور ..

نشاغب بس في الآخر تميزنا براءتنا

نحب الضحك والبهجه نحب إنط فوق السور ..

نفرفش ليه ما نفرفش ؟ مادام الضحك عادتنا

ولكن دارت الأيام وبان الخافي والمستور ..

وصار الهم متعلق على قمة سعادتنا

كبرنا وصارت الدنيا تصف أحزاننا بالدور !

وتهدينا الألم والهم غصب عن عين رغبتنا

تعبنا من بلاوينا أحد ضايق وأحد مقهور !

وكلآ غارق بهمه و بالآخر تشتتنا

وأنا ماأقول غير إنه ألا ليت الزمان يدور ..

ويرجع للورى فترة نعدل وضع عيشتنا !*

__________

* مافي اللون الأحمر مقتبس لشاعر لا اعرف اسمه ...

__________

اعذب تحيه للكل .

[align=center]ولو اثرك شايب يافور هيم :)

اقتباس:

عيال حارتنا وكيف كنا نلعب ( حبشه ) و ( غميمه ) و ( ام سبع )

وشن ذولي ما اعرفهن انا اول ماولدت وبايدي بلاي ستيشن << والله من التوليف كل عمرك تلعب مليحق وحدله بالحاره خخخخخخخخـ

ياخي لاتقعد تذكرن << يوم هو صغير ابوه حاجره بالبيت مايطلع ابد خخخخخخخـ بس من البيت للمسجد << ايه هين

عاد صدز والله ياهي وناسه منول ذكريات اذكر انا والفتى الذهبي انواع النجاسه
كان هو جزوم الله يذكره بالخير وانواع النط على بيوت الجيران وانا معه بس دايم تصير الدقه بي
لانه هو دايم يقمز على جيرانهم وانا قليل اقمز علشان كذا يعرف المطالع زين ولا يعلمن ابن الريح

كنا وعيال جيراننا نلعب مليحق بالشارع واذكر ان الواحد اذا هج يدخل بيتهم والحقه وادخل وراه وناصل غرفه جلوسهم جالسن ابوه وامه يناظرون التلفزيون وحنا نتلاحق ونطلع وهم ماقالوا شي

غير الحين الجار كأنه غريب اذا قال لك ادخل تقهو عندي تحس انه شي غريب وحتى لو دخلت تحس انك ضيف
غير عن منول ادخل بيت جيراننا كانه بيتنا

تحيتي لك

تـــــووتـــــي [/align]

مدري ليش احس انكم ونااااسه بيوتكم شوارعكم في هالاجازه اجازه اوبك قال ابوي ابمشيكم في مكان خيال بس بعد المغرب طلعنا ولا ردنا الا حيهم القديم شارع الخزان وبعدين بيوت عمانه وخواله في ام سليم وحله القصمان والشميسي وكل مكان له حكايه ومدرسته حقت الابتدائي وقف ابوي عند مجموعه من الباكستانين قال بس ابسأل هذا رياض ولا اسلام اباد عاد الباكستاني ذهين قال لا هزا رياز ام انا لاجديد ولاذكريات من يوم طلعت وانا بهالبيت بعد عشرين سنه ابجي واقول

اخوي فوريو والله بجد مشكووور قوهـ على تعبك على هذا الموضوع موضوع اكثر من رائع

اعذرني لا يوجد عندي رد

سنوات العمر تمر على الانسان اسرع مما يتصور


لكن الذكريات تبقى امد الدهر وخاصه الذكريات الطيبه البريئه التي كل ماتذكرها الانسان حن عليها

مرددا ماجمل من ايام

كان افضلها هي البرائه والطيبه بين الناس وانعدام الحسد


حلة القصمان محطة القصمان سابقا لنا بها ذكريات مع اقارب سابقين هناك

[align=center]طفولتنا في هذا العصر
ملاهي,,, منتزهات,,,بلاي ستيشن ,,, متابعة مسلسلات
تسوق في المراكز التجارية,,, مطاردة موضة الملابس وأدوات التجميل


السؤال الذي يحيرنا
عندما نكبر ماذا سيكون حديثنا مع أحفادنا وماذا نتلذذ فيه
عندما نقلب صفحات مضت ؟؟!!!!![/align]

فوريو

يمضي الزمان وتتغير ملامح الانسان وابعاد المكان ولكن تبقى الذاكرةتاريخ يوثق عطر الأحداث وجميل المواقف... وعلى الجانب الأكثر إشراقا من ذاكرتي تظل ذكريات الصبا والطفولة حاضرة يقظة بكامل عنفوانها برغم تلاحق الأحداث واحتشاد المواقف...

تحياتي

[align=center]
إن الوقوف على أطلال بيت الطفولة يعيد للنفس شيء من تذكر البهجة .

خلال أيام الطفولة .

ويجعل العقل يقارن بين ما كان وبين الآن .

تتذكر أشياء لاتعرف كيف قمب بها وما الداعي للقيام بها .


فور يو الأبيات لفيصل اليامي .

لكم أطيب المنى [/align]

انا ودي اشوف حلة القصمان اللي عاشوا فيها أهلنــــــــــــا..

فور يو كان صورت صورتين ياكافي.. خوذوا أجري ابشوف اللي يقولون..


ترا القصيدة لفيصل اليامــــــــــــــــي..

بيوت من طين متلاصقه , كتلاصق وتلاحم الجيران في ذاك الزمان , زمان الطفوله الجميله ...

في ذاك الزمان لو فقد الجار جاره في المسجد لذهب الى بيته يسأل عنه ليطمئن عليه ...

و في هذا الزمن الكثير من الناس لايعرف جيرانه , زمن الماديات والمصالح ...!


_________


توتي

احمد التويجري

shahd2007

ابو فهد الغريب

&وحيدة كالقمر&

الراي الأول

ساره عبدالعزيز

فيصل ......

الكبري

شموع تحت المطر ...

شرفتموني كثيرا بمروركم الكريم ... شكرا لللجميع ...

مساء جميل بكفكم دام حرفكم ونبض قلوبكم ...

فـور يو ..

أشكـر إحســاسكـ الذي حرك مكـامن الجوى في أرواحنــا ..

لانريد من طفولتنا ..

سوى ..

قلب صــــــاف

وذهــن مرتـــاح ..

ونظــرة بريئـــه محدوده ...

وإنعــدام للســـواد في كل التفاصيل !!

زمن الطفوله

زمن النقاء

زمن الصدق

زمن البرائه ...

آه ... ياليت الزمن يرجع ...

___________



هامه حاسوبيه

ام خماس

شكرا على المرور الكريم ...