|
وش يحسووون به
الصراحه ما ادرى ليش نظامهم كذا
يعني شي طبيعي اذا اقتحم احد بيتي اللي هو من ممتلكاتي الخاصه شي طبيعي بأحمي اهلي وأدافع عنهم ويمكن هالشي يؤدي الى انى اذبح هالمقتحم وبالاخير يحكمون على بالقصاص وديه عليه كل هذا بس عشاني حميت اهلي من الاذي وممتلكاتي من السرقه وكان لازم اسوي شي حتي لو اضطرني الامر انى اقتله واحط نهايه لشره وبالخير يحكموون على بالقصاص وياليتهم ما يدروون عن الجريمه وتفاصيلها كان اعذرهم لكن البلاء انهم يعرفون انه اقتحام من وراه الاذيه ويعرفون انى بمكاني ادافع عن اهلي وممتلكاتي ويقولون قصاص وديه ما ادرى وش يبوني اسوي يعني اترجي هالشخص المقتحم واقول له الله يخليك اطلع من بيتنا والا ايش لا لا لا بهالموقف اتوطي ببطنه وامحطه لين اتاكد انه مو قادر يأذينا ويمكن من كثر ما ابي اتاكد اذبحه فهالموقف مافيها دق على الشرطه وانتظرهم لان يبي لي ادق عليهم قبل ثلاث ايام عشان يوصلوون بالوقت ماشاء الله عندهم قضايا اهم مني ومن بيتي مالى الا اتصرف بطريقتي واعلمه انه غلطان يوم اختار بيتنا يا اخوان هالقضيه واللي صاير خطير انا ما اجيب كلام من عندي والله ثم والله ثم والله انه صاير هالشي اقوول لكم شي في الدمام كانف في حرمه في بيت لحالها ودخل عليها رجال في البيت وهى ماعندها احد وكانت مهدده بالقتل وبالاغتصاب فشي طبيعي من غير تفكير تدافع عن نفسها باي طريقه بالاخير قتلت هالمقتحم وحكموا عليها بالقصاص يعني على اي اساس يحكمون بهالشي وش كانوا يبوها تسوي تحب على راسه وتقهويه وتترجاه انه يطلع لا لا لا اللي سوته هو الصح وفي قصة واحد من عيال عمي كان يمشي مع شباب وعرف انهم سيئيين وحاول انه يتركهم لكن صارت بينهم مشاكل وفي يووم دخلوا عليه ببيتهم وطلع اخووه الكبير وهددهم بمسدس وبلغوا عليها واسجنوه والرجال حاول يدافع عن ممتلكاته وفي بيته اهله خواته وامه هذا اللي صاير بس على اي اساس يحمكوون بالسجن والقصاص المفروض اذا واحد اقتحم بيتي اذبحه واخذ مكأفأه عليه والله اني معصب ومحتر من اللي صار بالمرأه وبولد عمي |
بالنسبة للمراة ممكن هناك فيتامين و
اما من يقتحم بيتك حاول تحط الرشاش برجولة او اشحط عينه عشان معاد يشوف ويتهجم علي المسلمين بس حاول ما تكتلة واذا قتلته ترى ما فيه مشكلة عااااااااااااادي... ليش بقصونة ان اقولك اذا تدخلت الواسطة في شرع الله قل السلام عليكم هالحين يتسابقون علي القضاء بهدف المنصب والجاه لا بهدف العدل وتطبيق ما شرعة الله في كتابة وسنة نبية |
غريبه اللي أعرفه انه اذا كان المسأله فيها دفاع عن النفس ..مافيها قصاص ...
ياليت اللي عنده علم يشرح لنا وأنا بدوري راح أسأل .. |
اقتباس:
يعني فيها واسطااات ممكن لهالسبب |
اقتباس:
في ان الدفاع عن النفس مسمووح حتى ولو ادي الي القتل |
اقتباس:
|
اقتباس:
|
اووه الدعوى كذا !!
دارك مون ابطب عليك بس علمن متى اطب !! وانا ابجي ومعي رشاش المويه ابو ريالين !! ابلعب عليك واهددك وانتبه تسوي لي شيء زين !! خلك مؤدب وجب حلا وفاكهه كان عندك وحط ورداتي بالما عشان ما يذبلن هه ورداااااتي لك سلااام |
اقتباس:
انت تعال ويصير خير تطمن مهووب مسوين لك شي |
اقتباس:
بتحس اني منقهر مثلك :( الامر حوسه ورداااتي سلااام |
فعلاً .., أنا مستغرب من هالشي ..’ وشلون واحد يدافع عن نفسه وعرضه وماله .., ويطبق عليه حكم مثل حكم اللي أزهق نفس بغير حق .., أو ساعة شيطان حضر ..,؟؟؟؟
عموماً المسأله يبدو لي فيها تفصيل شرعي نجهله ..,؟!!! اللي قاعد يصير تشجيع للحراميه .., وحث على خلخلة الأمن في المجتمع . تحياتي .,’ |
كل شي بالواسطه عندتا يمشي وبسهوله
واذ ما فيه واسطه الله يكون بعونك انت واهلك وشرفك وجيرانكم تخيسون ويمكن تنقصون بعد!!!!!!!!!!!!!!!!!!!!!!!!!!!!!!!!!!!!!!!!!!!!!!! |
ذكرتوني بطاش ماطاش
وهم يعطون الحرامية المكروييف وصندوق الذهب والريموت كنترول من احد الأسباب التي ذكرت لتبرير هذا الحكم هو خشية ان تستغل المسألة لارتكاب الجرائم ومن ثم يتم سحب الجثة لداخل البيت ويتهمونه بأنه تهجم على البيت او وجدوه بالداخل ودفاعا عن النفس والمال والعرض تم التخلص منه يعني يخافون ينفتح باب مايقدرون يصكونه على كذا اذبح لك اي احد وحطه في بيتك وبلغ وقولهم انك لقيته في بيتك ودافعت عن نفسك وقتلته هذي احد الأسباب اللي سمعتها من احد المسؤولين لما ناقشته بها الموضوع طبعا بعد مااثاروها في حلقة طاش ماطاش والمفروض يكون فيه حل لهذه المسأله لأنه من غير المعقول يتهجم علي شخص في بيتي ولا اسوي له شي الاا اجيب اجله واللي يصير يصير |
غريبه اخوي مو الدفاع عن النفس شي عادي يعني ماينحكم عليه بشي والا انا مخبطه هذا بالدول المجاوره مادري بس الله يبعد عنا وعنكم الشر.....
|
اقتباس:
د / ماسنجر انتا في هذه الحاله تستاهل القتل راح اقول ليش عشان دخلت بيوت الناس وجالس تخفف دمك وتمزح معاهم برشاش مويه وكمان بريالين لكن لو دخلت ومعاك رشاش فيه كذا طلقه او سكين في هذه الحاله يقدموا الحلى والفاكهة ويحطوا وردتك في مويه هههههههه |
| الساعة الآن 01:58 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة