|
شجرة مافيها إسم مره مافيها ثمره... هل هذا صحيح؟؟؟؟؟
بصراحة العادات والتقاليد بعضها قاتل ومخالف للشرع والدين ,ومايجعلك تغضب كثيرا هو الإصرار على تطبيقها في مجتمعنا ,,فبعد أن زال الجهل وأصبح البعض يحمل شهادة الدكتوراه والماجستير والبكالوريوس والثانوية وهي أقل مايحمله المرء تقريبا في زماننا إلا أن كل هذا لم يشفع بتعديل بعض هذه العادات القبيحة بحجة أننا توارثناها من الأجداد وكأنه إرث مفروض علينا.... القضية أحبائي هي أن عائلتي تخرج كل فترة من الزمن شجرة عائلية للعائلة ومن يقوم على إستخراجها أناس على قدر كبير من الثقافة والعلم وبعضهم دكاترة في الجامعة ويحملون الدكتوراه ....
ولكنهم بخسوا الأنثى حقها وشطبوها من الشجرة ولم يضعوا إسمها إسوة بالذكور ,,فلماذا هذا التحقير لأمي وأختي وبنتي ؟؟؟؟؟؟؟ هل وجود إسم البنت أو الأم عيبا في الشجرة؟؟؟؟؟؟ دار جدال عنيف بيني وبين المشرف على شجرة عائلتنا وهو مع الأسف ممن يحمل درجة الدكتوراه وبينت له سوء فعلتهم ماذنب إبنتي رغد ولميس حينما يجدوا أسم أخيهم خالد في الشجرة ولم يجدن أسمائهن ,,بماذا سأجيب بناتي؟؟؟ هل أقول أن العادات والتقاليد رفضت وضع أسمائكن في الشجرة؟؟؟؟ عموما لم أستلم الشجرة ورفضتها لأن النبي عليه السلام قد صرح بأسماء بناته وكذلك صحابته الكرام فهل نحن أعلم من المصطفى بذلك؟؟؟؟؟ أجيبوني هل مافعلته صحيحا ؟؟؟؟؟؟ تساؤلات كثيرة تبحث عن إجابات فأجيبوني ودمتم بخير |
والله يابو خالد الشجرة كلها بكبرها ماني مقتنع فيها جعلت البعض ينتسب لغير اصله واصبحوا يتفاخرون فيها على غير سنع حتى ان احدى العوائل نسبت نفسها لسلالة النبي فحرموا بذلك فقراء العائلة من الصدقة والزكاة التي يستحقونها وهم ابعد مايكون عن نسب النبي فلماذا التباهي اصلا بهذه الاشجار التي لن تثمر الا عن تعصب وتفاخر ونسب ربما يكون غير صحيح وهذا عقوبته عند الله شديدة كما حذر منها الرسول صلى الله عليه وسلم وحذر من نسب نفسه لغير ابيه عاد يابو خالد اذا مصرين على الشجرة فوالله مايملحها الا اسم رغد ولميس ولجين وجيهان وغلاء واسماء البنات اللي تفتح النفس |
ههههههههههههههههههههه
يعني مهب حاطين بنياتك مالهم داعي صراحه !!!! على قولت عجوز تسان هم جازمين يعني فحاول بهم وفعلك صحيح لازم واعتقد فعلهم هذا به شيء من الجاهليه ولالا !!!!! <<<< بدا يتسلفس يتفلسف < اشوى طلعت صح :D ورداااااااااتي لك سلااام |
حركات ياأبا خالد عندكم شجرة :) ذكرتني بكتاب القيد ( مادة كنت أدرسها ) وفيها درست شجرة العائلة بالفرنسي بس كانوا حاطين الأبناء من رجال و نساء وكمان زوجة الأخ و الجده و الأطفال و الكل و كل العائلة ، وماقالوا ماعندنا حريم نحطهم بالكتب وفي الشجرة و ندرسهم كمناهج :) دامت شجرتكم ودام ثمارها . |
ممكن لان لاصل ينسب الى الرجل
فابن بنتك لا ينسب الى شجرتك اذا زوجتها رجل من خارج الشجرة والا لماذا يضعون شجرت التسلسل العائلي |
غريبه أول مره أدري أن فيه ناس تسوي شجرة العائله من دون مايحطون أسماء بناتهم على كلن مالهم حق يعني كنهم يقولون مانعترف إلا بالولد أنه ينتسب للعائله والبنات لهن الله يابعدي ياهلي أول مارزوا رزوا أسامي البنات قبل العيال<<<<وحده أعرفت ميزت أهله |
اقتباس:
|
معك حق
ليش ما تنحط اسامي الاولاد والبنات ... بس البنت ... أبد ما نبي عيالها وزوجها ... بعض العوايل يحطون اسم البنت وزوجها بعد ... يعني من انت مناسب ( : < مادري هي بالشجرة نفسها يحطون الرجل ولا بشي ثاني المهم يوضحون نسايبهم ... والحرمة ضايعة بالطوشة ... عند اهلها ما يطرون ان لهم بنت ... وعند اهل زوجها ان ذكروها قالوا ... حرم فلان التعلاني ... صراحة عادة قبيحة(( الخزية )) من ذكر اسم الحريم ... حتى انا غاثتني بالتعازي اللي بالجرايد يوم يصفون العيال .. ثم : وبناته وزوجاته ،، طيب اذكرهن ترى حتى هن متأثرات بوفاته ... موضوعك اثار الشجون ... سيكلــ ــة |
[align=center]بسيطة ياعزيزي لأن الشجرة تعني تسلسل الأوراق
فإبنك سيضاف إليه أبنائه من بعده ولكن بناتك لن يضاف أبنائهن لأنهم سيكونون من عائلة أخرى في الغالب وبعدين إذا الشجرة ومالشجرة وهالخرابيط تهمك لهالدرجة ممكن تروح لأقرب خطاط ويرسم لك الشجر اللي تبي واكتب الأسماء الي تبي[/align] |
اخي ابو خالد
ما بدر من هولاء هم التخلف بعينه ... اذن مازال بيننا من ينادي زوجته بــ يامره , ياهيش و مثل ما قال السمنسي ما يملح الشجره الا اسم لميس و رغد |
كل واحد يخلي باله من شجرته .. خصوصاً أنتم يالحظران .. هاه .. بكرا تسقط ورقة سهواً أو عمداً ثم تروح العائلة فيها ..!! :) أو خلوكم مثلنا .. حنا يالبدوات _ الله يجيركم _ مش محتاجين أي شجر من أي نوع .. ماشاء الله شياطيننا الصغار .. يقدرون يعددون لك أسماء أجدادهم إلى أرفخشذ بن سام بن نوح .. عليه السلام .. كما قال مستر جلمود .. البنت يا حبة عيني مقطوعة .. و عيالها ينسبون لعائلة أخرى .. |
أهلا بالجار أبوخالد الغالي خالد ---- رغد --- لميس ,,,,,,,,,,,,, الله يصلحهم ويخليهم لعينن ترجيهم ويقر عينك بصلاحهم . أولا : أعتقد لو يسجلون أسماء البنات كان يبيلهم خو أثل كااااامل !! ثانيا : هالبنيات الله يحفظهن إذا كبرن مهب لك ولا لشجرتكم للرجالهن !! دمت بخير وعافيه |
[align=center] والله عجبتني الفكرهـ <<< أول مرهـ تسمع بيها وتشوف أحد مهتم لهادي الدرجهـ
اقتباس:
والأب ياقلبي فين راااح ![/align] [align=center]وخلاص بعدها ننساها لاتحضر مناسباتنا ولاشيء ولانشوفها الا في الشهر مرهـ فيهـ أحلى من كدا هه هه هه على هيكـ تفكير[/align] [align=center]تحيتي[/align] |
اقتباس:
|
ياقلبي يالبنات دايم حقهن مهضوم المشكله انهم ماراح يرزون اسمائنا ولا اذا اتزوجنا يعني زين اذا رزو اسماء عيالنا بس على ماقال ابو خالد (( شجره مافيها اسم مره مافيها ثمره )) اشكرك |
| الساعة الآن 03:53 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة