منتدى بريدة - الــــدنيـــــا

[align=center]الدنـــيـــا

لكل من عشق الشعر والنصوص المميزة هاذي قصيدة جديدة للشاعر

سالم سيار بينكم بهذا النص ...
*
*
*

جتني تشيل عيونها سيوف سلطان
=وفي زولها شفت أنتصارات حطين

لا قبلها تمشي عيوني على أنسان
=ولا بعدها أنسان يوقف على العين

مدري الشعر ياخذ من النار نيران
=ولا من الهيبه غدى اللون لونين

أحمر يشب الليل من فوق الأمتان
=نيرانها تشعل ضلوع المزايين

قمرى أتعلق في وسط قلب الأكوان
=وأقدامها تبرق على الأرض حجلين

نار أترامح من على روس عدوان
=نيرانها تحطب ضلوع الوفيين

تفرح إذا تنحر من الناس خلان
=وتحزن إذا يفرح عليها القريبين

تضحك إذا تفرق من الحب أخوان
=وتحزن إذا أجتمعو بهواها محبين

بعيونها نهر يصب خلف الأجفان
=وعند الهدب تلقى العطاشى كثيرين

فيها بريق القوت يسكن بـتيجان
=وفيها أنكسار الجوع وسط اليتيمين

مدري أقول الكون يمشي با الأعيان
=ولا أقول عيون تمشي في كونين

بكفوفها سطوة بواريد شجعان
=ورمح طعن مليون شيخ وسلاطين

أن صافحت ذنب ٍ يسولف لغفران
=تذل عزيز / تعز ناس ذليلين

كفين بعيوني وأقول أنها أكفان
=يعني تشوف الموت يمشي بكفنين

تركض وتطرد دينها كل الأديان
=ومن وصلها ماتو عليها ملايين

شفت الغني يركض يبي الود ولهان
=وشفت التمني يجرح أشفاه مسكين

من قربت سيحت عمري با الأشجان
=وأقول عادي دام أنا أنسان من طين
؛
؛
http://gallery.7oob.net/data/media/2...lsfasel2_2.gif
يتنفس حروفه ويكمل أبداعــه
؛
؛
قالت مراحيب الشعر يا بن الأوزان
=ضيفك ذبحه البرد دفه بحرفين

ولا أنت بس تشعل قصيدك للأوطان
=ما ذقت طعم الحب شكلك لها الحين

كلك شموخ ولا كتب مثلك فلان
=وعلان لو يقعد على الحرف قرنين

أدري الصحافه ماذكرت فيك عنوان
=بس أنت للأوطان عز وعناويين

عمر الصحافه ما رفعت عالي الشان
=وإذا أرفعت ترفع ترى ناس فاضين

من يجهلك يا الحر من دون جنحان
=وانت الذي بزهمول عمرك جناحين

عندي ترى تسوى شيوخ وبلدان
=من رفعتك قامت شيوخ وبلادين

الشعر له طيب وتواريخ فرسان
=وهذا القلم خادم لفعل المياديين

ولا الردى لو يوصف الشعر فنجان
=ما تلمس أشعاره صدور الاصيلين

هذا أنا الدنيا وجيتك با الأحضان
=قلت أفتنك وتصير ويا الشياطين

حاولت أنا الدنيا على قدر الأمكان
=مدري أنا من وين أفتنك من وين

دورت لك مذهب مع كل الأديان
=لا أنت مع الدنيا ولا أنت مع الدين

ودريت هذا الصدق لو يمشي بأنسان
=ماغيرك اللي صار للصدق رجلين [/align]