|
حصرياً في منتدى بريدة ارسل للرقم 3933 واربح نصف مليون نقداً
اسعد الله اوقات الجميع وكل عام وانتم بخير
اعتذر بداية عن هذه المداعبة الخفيفه لكن اردت ان تكون مدخلاً مناسباً لما اود الحديث عنه تعودنا في السابق ان نشتري من اجل الحصول على كوبونات السحب على بعض الجوائز او نشتري لنجد جائزة تحت اغطية العلب او داخل الكراتين ومع ندرة تحقق احلامنا إلا اننا على الأقل نشاهد من استطاع تحقيق حلمه وظفر بما كنا نمني به انفسنا وهذا يدفعنا بلاشك للمحاولة المره تلو الأخرى لكن اليوم اصبحنا نرى ونسمع ونقرأ الكثير من الإعلانات الصارخه والتي تمني النفوس بالربح الوفير من خلال عمل بسيط لايتعدى إرسال رسالة جوال ولو فارغه للحصول على مبالغ طائله لن اتحدث عن الحكم الشرعي فجميعنا يعلمه إن شاءالله لكن اود التطرق إلى العقول المغيبه والتي تنساق خلف هذا الأستغفال وتشجع على دخول هذا المضمار نظراً لما يقدمه من ارباح خياليه الأمر لم يعد محاولة ربح لأن الربح هنا لاوجود له !! هل سمعتم او شاهدتم من حصل على مبلغ خيالي جراء ارسال رسالة ؟!! لو قسنا الأمر على عدد الإرقام المعلنة لوجدنا في كل بيت فائز !! أين أولئك الأعداد الكبيرة الذين حصلوا على هذه الجوائز ولماذا لم نسمع بهم او نرى صورهم كما يحدث في عمليات السحب والتي تحدث تحت رقابة الجهات المسئوله هل تصدقون بأن هناك من سيعطيك مبلغاً كبيراً من المال دون ان يستغل ذلك بالدعاية ؟ العقل العقل ياناس فوالله اني اتألم وانا ارى ذلك الأستغفال للناس وما استمرارية تلك الإعلانات إلا دليلاً على وجود من يصدقهم ويمكنهم من عقله لنفكر ولو قليلاً قبل ان نقدم فالأمر لايحتاج لأكثر من بحث عن نهاية تلك المسابقات !! تقبلوا تحياتي وتقديري ,,, |
والله مصيبه هذا التحايل..
تخيل أخي عبدالله وصلتني رساله تقول مبررروك لقد ربحت السياره..ارسل على الرقم **** والله مهزله والمشكله فيه ناس تصدق وتراسلهم ... والأعظم انهم متروكين يسرحون ويمرحون.. الى وشلون طريقت الأشتراك خلنا نلعب في العالم مادام التجاره والدوله راضيه في هذا التلاعب !!! ..والسبب فيه أحد (خفي ) مستفيد...كل شي جائز علعموم أول ماشفت العنوان قلت حتى النصب والتحايل وصل المنتدى ...بس ستر الله .. |
خالد العبدالله
بكل أسف هناك من يصدق ويكون ضحيه لهذه الأوهام ولا اعتقد بأن من الصعوبة بمكان نشر مثل ذلك الرقم والأعلان عن جوائز مبالغ فيها لجذب الكثير من السذج تبي الصراحه .. فكرت بالموضوع والظاهر اني راح اجزم عليه :) تحياتي |
رمادينا
يااااااااااااااااكثر ما وصلني من هالرسايل و كل ما جت رساله اتسال معقوله فيه مغفلين يصدقون هالكلام !! و اجيب نفسي .. اقتباس:
فيما معناه ... لاثبات و لائك و مبايعتك لولي الامر ارسل رقم ... و تصلك التفاصيل . خخخخخخخخخ اخاف من قله عقول اللي يصدقونهم تجيني رساله ... لاثبات انك فلان ابن فلان ارسل رقم .... و تصلك شهادة ميلادك :ash: . |
بصراحة ياأخي عبدالله أنا ماأستغرب إلا مسابقة الخيووول إللي تجي بالسعودية ماقد سمعت سعودي فاز أو على _ الأقل يوم أشوف البرنامج بالصدفة _ دائما ً يطلعون الفائزين من الجنسية السودانية !! بجد يضحكون على الناس ! في احد السنوات أخي عبدالله كنت قاعدة أنا و أختي و خالتي على قناة الــ LBC أظن المهم جت مسابقة وطول ماأحنا قاعدين و المذيعة تقووول : ليييش مافي احد يتصل ، وين أهل السعودية كنا نستغرب ويش فيها هذي وبعدين المسابقة بسيطة ليش فعلا ً مافي أحد يشارك ؟! المهم قعدت تقول بس ياللي بيجاوب على هذي( وكانت تأشر على لوح جنبها ) بأعطيه 15000 دولار !!!!!! بصراحة عجبنا المبلغ (: و المشكلة ماعندنا خدمة الــ 700 * و يااااااربي ويش نسوي !! قالت خالتي مافيه حل إلا ندق على فلاااااان إذا رضي ندق من غرفته ، و يوم انه واااافق رحنا لغرفته و ماعرفنا أي تليفون اللي فيه الخدمة و قعدنا نحوووس و انتهى البرنامج ): بس ماطلعت المسابقة زي ماتقول : إذا حليت هالسؤال تحولك على سؤال و إذا حليت السؤال الثالث تحولك على سؤال وعداد الدقائق حق الاتصالات شغال و بالنهاية تفشل في سؤال و تقولك : مالك حظ !! شارك معنا مره ثانيه !! ياأخي عبدالله بعض الصحفيين يكتب في تحقيق : وتقول الأخت ( س . ص ) وهو اللي كاتب التحقيق و كاتب الا ّراء حتى ينجح هذا التحقيق فما بالك بهؤلاء ماهم سوى الربح ! * خدمة الــ 700 حرموها مشائخنا لأنها قمار و يدخل في الميسر الذي حرمه الله تعالى . |
أخي عبدالله
نصب وأحتيال عيني عينك تخطيط ألأذكياء وخسارة المغفلين من البشر... رزق الأذكياء على الخبل والمجانيين أهل العقول براحه استغلال السذج والفقراء والعب على البسطاء لاحول ولاقوة الابالله |
استاذ عبدالله
الجميع يسعى الى الربح بأقل تكلفه قد لا نلوم هؤلاء الشركات على ما تقوم به من نصب وحتيال وسرقه لانهم وجدو اشخاص مغفلين ينجذبون الى دعاياتهم لكن اللوم على من يصدقهم ويشاركهم وهو يعرف النتيجة والحكم الشرعي |
صحيح أخوي عبدالله
والمضحك أنه تأتيك رساله مفادها مبروك ربحت مبلغ وقدره كذا أتصل وسجل بيانتك فقط لستلام المبلغ |
قمـــــــــــــــــــــــــــــــار وبس
الغريب مسابقة القران اللي بالسعودية 700 القران احترموهـ على الاقل وحطو رقم عادي....! |
[align=center]الشركات هذي مستحيل تشبع
وراح تزيد بالنصب والإحتيال سنه بعد سنه دامها تشوف ناس مصدقه وترسل مع العلم اننا لم نسمع قط بأن احد قد فاز بجائزه وقدرها .. اشكرك اخوي عبد الله تحياتي[/align] |
السلام عليكم
أخي القدير عبدالله ووينك عن رسائل الزواجات والحريم تتصل عليهم واذا تبي زوجه رصووووووك نص ساعة وبعدين خذ من هالمواصفات اذا تبيها بيضا اضغط رقم واحد واذا تبيها طويله اضغط كذا شعر طويل ولا قصير كبيره ولا صغيره متزوجه ولا مطلقه وخذ ياعم من النصب وأهل العقول براحة |
اقتباس:
أثرك من ورانا يالحصان أبوفهد أجل البورش والبانوراما وين راحن |
عبدالله الحلوه
بلا شك هناك مغفلين , هناك ساذجين , هناك من تنطلي عليهم مثل تلك السخافات ... السؤال المهم من سمح لهؤلاء النصابين بالضحك عليهم ...؟ للأسف الشديد منشأه اسمها الإتصالات السعوديه من المفترض ان تكون الدوله رقيبا عليها ولا تسمح لها بنشر رسائل النصب و الإحتيال ...! لكن , اذا كان خصمك القاضي من تقاضي ...! اعذب تحيه للكل . |
خالد
ليس بغريب ان يتم استحداث وسائل جذب جديدة طالما هناك من يتهافتون عليها شد حيلك معنا وعطنا فكره نلعب فيها :) تحياتي |
منال
ليست مشكلة ان يفوز فيها سوداني او سعودي المهم بأنه يوجد فائز نراه بأم اعيننا وهذا مالا يتوفر بتلك المسابقات الوهمية والتي لم تتحفنا ذات يوم برؤية احد الفائزين !! ولا بأس في وضع العراقيل امام الجائزه لكن المهم ان تعطى لمن استطاع الوصول إليها المهم ان لايكون هناك مسابقات وهمية عنوانها ارسل ( حرف م على رقم 7 واحصل على مليون ) تحياتي |
| الساعة الآن 09:26 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة