ليس قصمنجيا من لم يحمل علامة الجودة!!!!!!!!!!!!!!!!
 

انا اذكر ان الحمامه اذا صار فيها دوره كوها مع العلبات !! يمكن زوجة صديقك فيها دوره منول !!!

اهل القصيم وخصوصا بريده كانوا متحجرين ولالهم اي اختلاط بالعالم وعندهم قناعة ان الكوي هو العلاج !!!

اللي اعرفه صحيح ان كل عيال العجيبه بيدينهم قدحات !!!!!!!زدحات !!!

الكي كان شائع سابقاً وفي عصر أجدادنا

وهذا كان ب قلة الخبره في الناحية الطبيه

لايعرفون ادويه او مستشفيات او تحليلات للتشخيصات والقضاء على أي امراض كانت

ولم يجدوا امامهم سوى الكي... وهو وسيله مفيده نوعاً ما ويدخل في الطب الشعبي

ولايمارسه الا اشخاص ذوي خبره...يعرفون أين يكون مكان الكيه ب التحديد

ولقد ذُكرت في القرآن الكريم واشار اليها رب العباد

اما مع التطورات

تلاشت نوعا ما تلك الوسيله

برغم ان مرض ( عرق النسا) مازال يحتاج الى كي في مكان محدد للقضاء عليه

والكي ليس مقتصر عند اهل القصيم فحسب بل يكثر عند اهل الباديه


.

ابو خالد شكل خوياك من الجيل السابق ,,,

بس تصدق احسن لك مليون مره من جيل النيدوا ...!

اعذب تحيه للكل .

بغيت أقول لك كلامك مب صحيح بس تذكرت ان أبوي مكوي مع رقبته والسبب ان عمتي يوم هم صغرا شالته ومزعت رقبته وصار دايم يصيح وبعدين شارت عليهم جدة ابوي انهم يكوونه ..

لكن تأكد ان الكي لم يفعله الأجداد الا لعلاج وأكبر مثال هو ابي وهو الوحيد بين أعمامي به كوي وذلك كان للحاجة فقط ...

وترى أحياناً مالنا غناة عن الكي لانه قبل كم يوم صار بجدي نزيف مع أنفه (مب رعاف ) يعني الدم كان كثير ويوم راح للمستشفى قالوا نبي نكويه بالليزر ولا صلح ويوم كوى مع تحت اذنه بالكوي المتعارف عليه أشوى ...

[align=center] :36_1_1[1] رجعتني للعصر الحجري :36_1_1[1][/align]

الحمد لله مافيني والا كويه
بس مشكلتي مع حبوب الخال
حبوب خال واصله الى منطقه لا يمكن الوصل اليها الا عن طريق كاسر بروكسي
خال غبي مشفوح ماخلا مكان فيني ماحبه

8
8
8
ههههههههههههههههههههه يمكن عشانك وذف

الكوي بالشكل اللي تذكره منقرض في بريده الحين ومنتشر في القرى المجاورة لمدينتنا المثالية

حتى الحمام ماسلمن من الكوي ,,,يقولون ياعاشق كان فيه أثنين أصدقاء سافروا للهند قبل ستين سنة أيام الجوع والفقر,,وبعد رجوعهم لبريده عزمهم مطوع المسجد وبعض الجماعه على قهوة العصر,,حضر أبوناصر ولقى المطوع والجماعه شابين على القهوه بالفلاحه وقعد يقص عليهم مغامراته هو وصديقه أبوعلي اللي تأخر عن الحضور,,ومن ضمن ماقال أبوناصر لجماعنه إنه شاف بالهند صندوق يتكلم وحديدة تطير,وكان يقصد الرادو والطياره...المطوع وبعض الجماعه إتفقوا إن أبوناصرمجنون وفيه جني هندي ولازم يطلعونه لأنهم مهب مصدقين (صندوق يتكلم وحديدة تطير)وقرروا تربيط أبوناصر وجلده بالخيزران لين يطلع الجني وفعلا ربطوه وجلدوه ومافيه فايده,,,قالوا لازم نكويه مع رأسه أكيد برأسه هواء هو اللي خلاه يقول كذا..وفعلا ربطوه بجذع النخله إستعدادا لوضع الأسياخ في النار,,وفي هذه الأثناء حضر أبوعلي وشاف رفيقه مجلود ومربط ويبون يكوونه..قالهم إسألوا أبوعلي عن الكرتون والحديده,,,سأل المطوع أبوعلي هل صحيح ماذكره رفيقك أبوناصر.....قال لهم أبد ماشفت شيء يتكلم أويطير,,صرخ ابوناصر على رفيق دربه لماذا تنكر؟؟؟؟؟ قرب أبوعلي لأبو ناصر وهمس في أذنه قائلا:لو قلت لهم نعم ربطون معك وكوون بهالحديد اللي بالضو...بس أبنصحك ياصديقي أول ما يكوونك مع رأسك تشهد وقل :لا إله إلا الله وش جابن في ذا...وفعلا لما كووه قالهم ماأوصاه به صديقه...فردد المطوع والجماعه ..الحمدلله طلع الجني اللي به....وذهب أبو ناصر وهو يحمل علامة صليب في رأسه سترافقه مدى الحياة...دمت بخير عاشق

صدقتي بس فيه الطب البديل وهو العلاج بالأعشاب بس منول الكوي مقدس عندهم لو يجيك كحه راحوا فيك للي يكوي ....دمت بخير أختي العزيزة

صدقت فوريو...تبي الفزعه والنخوه وراعين البر وفلة الحجاج هم راعين المكاوي,,أما هالصعو عيال النيدو ,,,لاتعليق.....دمت بخير

تلقين علاج أبوك حاجه بسيطه ممكن كمادات أو تدليك ويروح اللي فيه ,,بس علطول مولمين الكوي وصار ضحية العلامة الفارقة .....دمت بخير جمان البحر

أنا منب أرجعك لهاذيك الأيام ,أنا أستغرب عملية الكوي ,كان هناك أمراض لاتستدعي الكوي ومع ذلك يستخدمونه بشكل كبير.....دمت بخير أختي منال