|
?? بنات وش الحل مع شعري ؟؟
[align=center]
السلام عليكم بنات شاب شعري وأنا للحين ماتوظفت ولا أعرست ولا جان عيال >> شيخوخة مبكرة بالمقياس السعودي وش الحل ؟؟ لا تقولون لي حنا ، الحنا يخليه خصل برتقالية ولا تقولون صبغات ، لأني مرة اضطريت وخصلت وأحسه زاد من بعده بعد >> هو احنا ناءصييييييين خصوصا مقدمة الشعر لأني لا حركت شعري يمنة ويسرة >> حشى جيش ، يظهر الشيب واضح ، يعني منطقة حساسة أكثر من أي مكان ثاني >> توه قايمه من قدام المراية :( ما الحل أثابكم الله ؟ :( تحيتي هامة حاسوبية [/align] |
[align=center]
اقتباس:
حلوهـ جيش خخخ أهم الأسباب ورغم أن السبب الرئيسي لحدوث الشيب المبكر غير معروف بدقة، حتى الآن، إلا أن الاستعداد الوراثي والتوترات والضغوط النفسية من أكثر العوامل التي تؤدي إلى ظهور الشعر الأبيض. الاستعداد الوراثي والضغوط النفسية وسوء التغذية.. حبيبتي:يمكن الرابطين ذولي ينفعونك..!! ×××× بالتوفيــــــــــــــق[/align] |
هامه ؟
لا يكون انتي انا ؟؟؟ نفس المشكله :( انا فيني شيبه وحده من قدام واهلي دايماً يضحكون علي وفيني خصله كامله تقريباً 10 شعرات بس جوا شعري ما توضح الا اذا فكيت شعري بس تصدقين ماهمني .. احسه طالع حلو اسود بعدين خصل ثلجي ههه ان شاءالله نلاقي احد يفيدنا |
يا حبيبتي إذا كنتي تبغينة اسود اصبغيه كتم الكتم ليست حرام وان الله يكون في عونك
|
أختي هامة
فيه أنواع من الحنا بألوان مختلفة وطبيعية أسمها حنا الأميرة يمكن تفيدك ..بس للأمانة أنا ماجربتها ولا يضيق صدرك كثير يشكون من الشيب وحدة من زميلاتي ولدها مادخل المدرسة فيه خصله شيب واعتقد موضوع الشيب له علاقة قوية بالوراثة تحيتي لك أختك /إنسانة غيــــــــــــــر |
هامه عندي لتس الحل
الصبغه تزيد البياض بالشعر وشكل اميمتس الله يخليه لكم كانت تحط بشعرتس دهن عود لان دهن العود ييبيض الشعر لكن مالتس الا تقصين اي شعره بيضاء مع حول جذعه اتوقع انسب حل |
[align=center]
أنوار المنتدى والله ياوخيتي الحراااااااااره أنا هي اللي ذابحتن حبحر الشر برى وبعيد :) كوين هذي البداية وأنا أختك عقب يزيد >> وحده خبره هع هع أنا منول يوم كنت بالمتوسطة كانن معدودات ، بس مع الوقت بدن يزيدن والحين لا عجزت ِ تنامين بالليل تعالي عدي شعيراتي البيضاء لما يجيك النوم هههههههههههههههه [/align] |
اختي هامه صديقتي تعاني نفس معاناتك
وجربت صبغه الفواكه مرررررره زيييييييينه تخيلي صبغته هي بني بندقي وصار الشيب خصله بنيه فاتحه يجنن شكله وترى صبغه الفواكه رهيبه وماتاثر على الشعر بالعكس تزيده نعومه وحيويه حتى انا استعملها |
حسب اللي فاكرته من دراستي ان الشيب سببه الرئيسي والمنتشر الوراثة
والسبب الآخر على حسب علمي هو نقص في فيتامين بي 5 حيث يسبب نقصه *خلل للغدتين الكضريتين _ وسقوط الشعر وفقدان الحركة المتناسقه(الشيب المبكر)* وممكن تعوضين هالنقص بتناول الخضروات الورقية _الكبد_اللحوم_ السمك_ اللبن _ البيض اما ان كان وراثي وهذا المنتشر فحله الحد من زواج الاقارب هذا حلة بالنسبة للوراثه وتحياتي واتمنى مااكون كثرت عليكم |
هلا والله بهـامة ... بالنسبة لشيب , هل هو وراثة ..؟؟؟ إذا كان لأ .. فهو إن شاء الله فترة و تعدي .. أخوي الآن عمره تسع وعشرين سنة تقريبًا شعره ( مميش ) ميش طبيعي و لله الحمد ... طبعًا ما عندنا وراثة و لكن الأطباء أرجعته لسببين الأول نفسي و هو الخوف .. و بالفعل مر في فترة المراهقة بفترة خوف نتيجة غشامته و جسارته بنفس الوقت .. يمشي بالليل بالبر نتيجة تحديات غبية من زملائه و هو حاط نفسه عنتر زمانه .. الشيء الثاني العطورات المركزة اللي يصبصبهن على رأسه ... أيضًا وحدة من قريباتي مرت بفترة البلوغ بـوحشة و شاب شعره .. لكن الآن بدأ يخف لما تجاوزت المرحلة ... لكن الحل .. الصبغ ولا غيره .. (المكع) يزيده لا تلجئين له . |
[align=center]
عتال بس أنا شعري الطبيعي مو أسود أسود يعني فاتح شوي فمابي أصبغه بالأسود ماحبه مشكورة الغالية إنسانة غير إيوه أعرف حنا الأميرات بس عيبه ينزل اللون !! أذكر أخوي صبغ شيباته قبل عرسه ونزل اللون على الوسادة !! >> هالنفرين بالعائلة شعورهم فيها شيب واااااااضح :) [/align] |
[align=center]
الحنتريش لا والله ياخيي دهن العود مالمس شعري اقتباس:
يوم كانن معدودات وأنا كنت أسوي كذا بس الحين ماعاد ينفع هالحل متغربة اممممممم اقتراحك دخل مزاجي والله بجربه إن شاء الله في وقت لاحق [/align] |
وه بس يازين سواليف البنات
الشيب وقار الرجال .. اما النساء عاد مادري ؟؟ ولو ان مالي دخل هي تكلم البنات .. بس الحل هامه .. مصعيهن .. :a2: |
[align=center]
قصيمية يعطيك العافية الغلا ولك هدية بمناسبة زيارتك الأولى لمواضيعي :) قصمنجية يا هلا والله امممممم يمكن وراثة بس مو مره يعني معدودين اللي فيهم أما المكع فيخلي بدال الوحدة عشر بشهادة فارس السهلي:) [/align] |
[align=center]
سهود ومهود تسلم والله على رفعة المعنويات :) أما المصع فليس حلا مجديا :) تحيتي هامة حاسوبية [/align] |
| الساعة الآن 04:49 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة