عاجل: أبي استراحة تنفع لشبكة..:(
 

السلام عليكم..

الله يعافيكم أبي استراحة تكون حلوة ومرتبة تنفع لشبكة.. تكون ببريدة طبعاً
وعطون رقمها..

وعلمون وش احتاج للشبكة بعد.. أحس محتاسة مرة ادعوا لي:(

وأي محلات للشوكلاته والهدايا عطون اسمائها وعلموني كم ممكن تكلف

وكم تتوقعون كل حفلة الشبكة كم تكلف

الله يوفقكم..

تبغين بالشمال ولى بالجنوب

بالشمال الله يعافيك..

أختي

العبرى كفت ووفت لكِ ولها الشكر

دمتم بووود

العبري... أنا ناوية اتكلف بالشبكة وانبسط به مع صديقاتي، والزواج اخليه عادي..
بس المشكلة مامعي وقت.. أحس صار الموضوع بسرعة، الله ييسر الأمر بس:(
عاد شكلي لا ضاقت بي الدنيا بقول ارسلوا الشبكة وبس !.
الله يجزاك خير.. كفيتي ووفيتي والله.

الملتاعة.. شكراً الله يجزاك خير

وسن.. طيب ياحبي لتس تعرفين كم رقمها؟

كادي الآن قاعه للمناسبات
,
بعد أن كانت استراحه
,
وسعرها 5000 ريال
,
وجدا حلوه للمناسبات ,
والله يوفقك إن شاء الله وييسر أمرك

شفاء ارسلت لك عالخاص كل اللي سويته انا بشبكتي ياليت تقرينه واي مساعده انا حاضره

يا ربييييييييه !

كل هذا تتسونه بالشبكة , أجل بالعرس وش تتسوون ؟!

ياويليييييه على البذخ والصرفيات الي مالها أم ولا أبو !!

بصراحة ولا تزعلن : بعذرهم لو بتلوا يتكلمون عن غلاء المهور وتكاليف الزواج !

على بالي هالظاهرة انتهت والا هي ظاربة أطنابها لما الحين بمجتمعنا <<<< مالها علم بالعروس !

صاحبة السمو الفكري

أنا معك بوجهة النظر انه هذا تبذير وفسق أجل بالعرس وش بيصير


حنا أهل الشمال ماعندنا موضوع الشبكة وإن حصلت تكون في بيت العروس وتكون وختصرة ومقتصره على أهل العروس وأقربائها والعريس تجي أمه وخواته وبس .




تحياتي

معاليش حبيبتي

نورين لأن السالفة ما دخلت مخي !

الحين هالصرفيات على الشبكة مو من المهر خيتو ؟!

ومو الي يدفع المهر هو الزوج ؟!

يعني سيم سيم !! وفي رواية : صبه احقنه !!


وحتى لو قلتن إن هالصرفيات من أبو البنت والا أهلها والا جدها الأكبر والا والا ...

مو لو يحطونها في بيتهم تاثيث والا شي مفيد أحسن من المظاهر الي ما تنفع ؟!


وحتى قولتك ان الي يسوونه بالشبكة ما يسوونه بالعرس بعد ما دخلت مخي , لأن أكثر الي ذكرتوه من مصاريف تنعمل بالزواجات على حد علمي من ضيافة ولبس ووووووو !!!!!

ولو كان الامر زي ما تقولين فالسالفة من جد تضحك لأنهم بيكونون زي الي يترك الفريضة ويصلي السنة !!

أقصد لاقسمهم الله دافعين دافعين ومتكلفين متكلفين يحطون خسايرهم بالعرس مير أهون !!

[align=center]

اقتباس:

المشاركة الأصلية كتبت بواسطة صاحبة السموالفكري (المشاركة 1175269) معاليش حبيبتي نورين لأن السالفة ما دخلت مخي ! الحين هالصرفيات على الشبكة مو من المهر خيتو ؟! ومو الي يدفع المهر هو الزوج ؟! يعني سيم سيم !! وفي رواية : صبه احقنه !!

هلا فيك..

اللي يدفع المهر أكيد الزوج..لكن المتعارف عليه قيمة المهر تكون من الزوج

وهو الذي يحدد..أما بماذا تنصرف..فهذا ليس شأنه..

هذا إذا كان المهر قبل الشبكه..لكن الأغلب الشبكه قبل بعدين المهر..!

اقتباس:

المشاركة الأصلية كتبت بواسطة صاحبة السموالفكري (المشاركة 1175269) وحتى لو قلتن إن هالصرفيات من أبو البنت والا أهلها والا جدها الأكبر والا والا ... مو لو يحطونها في بيتهم تاثيث والا شي مفيد أحسن من المظاهر الي ما تنفع ؟!

إذا كان الاب مقتدر..فلن يمانع بتحمل تكاليف الحفل..

وإن لم يكن..لاأعتقد بأن هناك فتاة تحمل أبيها فوق طاقته..

ستضع الأهم والضروري بالنسبه لها..وتستغنى عن الكماليات..

حتى تجديد الأثاث قد يكون مظاهر..لا أكثر..!

لكن تنفع..!

اقتباس:

المشاركة الأصلية كتبت بواسطة صاحبة السموالفكري (المشاركة 1175269) وحتى قولتك ان الي يسوونه بالشبكة ما يسوونه بالعرس بعد ما دخلت مخي , لأن أكثر الي ذكرتوه من مصاريف تنعمل بالزواجات على حد علمي من ضيافة ولبس ووووووو !!!!! ولو كان الامر زي ما تقولين فالسالفة من جد تضحك لأنهم بيكونون زي الي يترك الفريضة ويصلي السنة !! أقصد لاقسمهم الله دافعين دافعين ومتكلفين متكلفين يحطون خسايرهم بالعرس مير أهون !!

بالعكس الشبكه تختلف..فمثلاً إذا قدمت بالشبكه سلتين من كلاً من (الحلى - الفطائر - الموالح )

حجمها لن يكون بحجم المقدم بالزواج..وعددها كذلك..وتشكيلتها..مثلاً بالشبكه ممكن أجيب فطائر قيمة الحبه بريال أو ريالين..وبالزواج صعب أن أفعل ذلك لأن العدد كبير..!


الشبكه شيء خاص..لأهل العريس وليس للمعازيم وكلام الناس ومدحهم..!

الشبكه تحضرها العروس من أولها لآخرها..!


عسى أن تكون الفكره وضحت..والشبكه بأول الأمر وآخره حسب عادات الأطراف المعنيه..!




تحيتي,,,[/align]

ما هو ما خرب بيتنا الا هالعادات الي نركض وراها بدون لحظة تفكير او مراجعة للنفس لفرز الصالح وطرح الطالح !!!