حد الألم
 

على حد الألم والعين تدمع والندم بركان
صحى .. ليته صحى فيما مضى من سالف سنيني
**
عقب ماني على الرمضى مشيت ادور النسيان
وافتش بآخر الغربة عن أعذارٍ تواسيني
**
عقب ماني زرعت الياس بدروب الامل حرمان
وخليت الفرح ينزف .. عزاه بنوح سكيني
**
عقب ما خنت انا نفسي وخنتك يا اعز انسان
وخنت حروفي العذرا دفنت الشوق بيديني
**
خطاي اكبر من ذنوب البشر واكبر من الغفران
خطاي اقسى من احساسٍ غريب وعايشٍ فيني
**
خطاي اني خطيت وما دريت اني بعد غلطان
وذي اكبر مصيبه والمصيبه وينه وويني
**
تشيم وابتعَد عني وفي حالي بدا النقصان
انا مالوم مضنوني ولو بالنار يكويني
**
دخيلك يا بعد روحي اذا تسمع صدى الولهان
تغيب تجدد جروحي ابي بعدك يبكيني
**
ابيك تصير لي مثل الزمن كله وجع واحزان
ابيك السمع والتفكير ابيك الدمع في عيني
**
ابيك الامن ابيك الخوف ابيك السجن والسجان
ابيك الفرح ابيك الجرح ابيك الزين والشيني
**
ابيك السكه اللي ما توهني عن العنوان
ابي ليلك طويل ولا ابي صبحك يصحيني
**
ابيك من الفرح تروى واموت لخاطرك ضميان
ابيك ترجع ايامٍ مضت ما بينك وبيني
**
على الهمسه على اللمسه على التذويب يا فتان
اضمك لين احطك وسط قلبي مع شراييني
**
انا مجنون في حبك انا يمكن بعد سكران
الا يا حلوها سكرة عذابك قوم واسقيني
**
ترى والله ما خنتك لجل غيرك من الخلان
ولا فكرة اخونك بس عيا الوقت يذريني

شعر/ بدوررري

الله المستعاااااان يزين قصيد البدو يذيب . معا اني ماحب هالقصايد لكن صح لسانك اخي وبالتوفيق اناشالله
الـذيــب ذيــب والـذيابــه قليليــن *** ذيـب الـذيـابـه ماخـذ اليوم ثاره
الــذيـب يـفــهـم ويـنـتـبـه زيـــن *** من قبل مايوقع وسط بيـر جاره
الله اكــبــر يـزمــان الــقـديـمـيـن *** يالـيـت مجـانا زمان الحضاره
سلومنا مشت على الطيب والدين *** وافـعـالـنـا تشـهـد لـنا بالشطاره
ودمتم بحفظ الله ورعايته .

يا مرحبا ياللي على العسر واللين *** ما تنطفي لجل المخاليق ناره
شرفتنا يا بو عوض

الله الله عليك رووووعه

وصح لسانك ملايين ولايكفون

بإنتظار جديدك

الشعر الحقيقي هو من يكتبك .. وليس ما تكتبه

مشكور على الاطراء

شكرا جزيلا لك أخي بدوووري

صح لسانك

وفقك الله

مشكور بندر .. كلك ذوق

شكراً على الاطراء العبرى .. تحياتي

بالبيت جالسه ومحشومه

شاعرنا المبدع بدوري


صح لسانك ملايين


اطربتنا و انتزعت اعجابنا

انا مجنون في حبك انا يمكن بعد سكران
الا يا حلوها سكرة عذابك قوم واسقيني

عزيزي خالد .. حقيقة لا املك إلا أن اشكرك على دعمك المعنوي

وراح اسمعك قصيدك في شخصك الكريم قريباً

تحياتي