|
مستشفى الولاده والاطفال حريم بحريم
الى متى هالتخلف بمستشفى الولاده
ادارته سيئه ولا كأن المدراء رجاااال عدد الممرضات السعوديات مهل واذا تنوملنا احد مانلقى الا ممرضتين هنديات وعلى كل الغرف ويشتكون من الضغط والمدامات السعوديات جالسات يطقونها سوالف غير كذا الممرضه مسويه نفسها مديره وكل وحده منهم مغيره وظيفتها وصايره اداااااااااريه خير ان شاءالله هاحد عطاهم خبر انهم ممرضات وفي سالفه داهيييييييييييييه واتحدى اتحدى الصايغ يكذبها لانها عندي بالتفاصيل والاسماء بس بعدين اقولها يعني بعد ماترجوني شوي ههههههههههههه |
الاخت قاهرتهم
ليتك تذكري القصة بالتفاصيل لعل احد من المسؤولين يدخل ويرد واما ماذكرتيه من تخلف فأظن المستشفى عليه كثير من الملاحظات |
مستشفى الولادة حدث ولا حرج .. فوضاء تسيب عدم مبالاة .. مع تقديم خدمة كأنك في دولة من دول افريقيا ..
|
فعلاً الممرضات السعوديات هناك تكاد لا تراهن على الرغم من كثرتهن ...؟؟!!
اغرب شي استغربه ..؟؟؟ أين هن ..؟ اتفق معكي على ان كل وحده مسويه مديره ...,,,’ ولا تنسي تكتلاتهن هناك وتشكيلاتها ..؟! تحياتي ..,,,’ |
الله يعين جايبين هنديات من ديرتهن تخصص توليد بقر مو اوادم وحنا تحت مضلت ابومتعب الله يعزة
صايرين فيران تجارب لهند الي يغثك ان الدولة ما قصرت ابد مبانيي حديثة اكله مليارات بس ها الشركات الدولة تصرف راتب 5000 للممرضة ويجبون بنقلاديشية ب 800 و4200 في بطن الشركات |
قاهرتهم
مهم جداً ان تحددي نواحي القصور وتركزي النقد حتى يصل صوتك بإذن الله تحياتي |
اختى قاهرتهم كلامك صحيح وأتمنا على الاخوان ملاحظة ذالك الله يخلف وازيدك معلومه اكثرهن من خارج بريده .ومن وجهة نظرى ارجو ا عدم طرح اسماء . واتمنا على المسؤلين الرد وتلافى الملاحظات لمصلحة المريض ايضااا اذا عينة رئيسه سعوديه لها شخصيه قويه افضل من مسؤلية الرجل على التمريض فقط وجهة نظر ى بكيفكم .... ط ا خ ط ي خ
|
اختى الكريمة ارحب بك في منتداك واتمنى ان توضحي القصور الذي اخل في اداء العمل من جهة نظرك وللمعلومية ان ادارة هذا المنتدى على اتصال دائم مع كل الجهات الحكومية وعرض الملاجظات والشكاوي حتى نصل الى بر الامان جميعاً انا من وجهة نظري ان مدينة كالغالية بريدة تحتاج الى اكثر من مستشفى كان هناك ضغط كبير جداً في السابق وكان لدينا التخصصي والولادة والاطفال والان مستشفى واحد والسعة الاستيعابية قليله جداً بالنسبة للزيادة الكبيرة في معدل التزايد السكاني كل الشكر لك وارجوا تكرمك بكتابة الملاحظات اخوك |
اول شى حضره الصايغ معطي الممرضات مكاتب مالها داعي وبعضهم مو ممرضات يعني تلاقي الوحده مامعها شهاده وحاطينلها مكتب طول بعرض وكأنها مديره المستشفى!
بعدين انا قد رافقت مع اقارب لي كثير بعمري ماشفت السعوديه تجي تقيس ضغط والا حراره والاتأخذ عينه والضغط كله على الهنديات والفلبينيات وتعالو شوفو الاخطاء لان عددهم قليل والغرف كثيره ومره كلمت وحده من السعوديات وقلتلها عن التقصير قالت بصراحه انا ماني مستوعبه اني اقعد اخذ من المريضات عينات دم وبراز واقعد اسويلهم تحليل بول عشان كذا كلنا مختارات اننا بس نعبي بيانات المريضه بالملف والباقي على الهنديات!!!!! ليه يامدام لما دخلتي التمريض ضحكو عليك وقالولك بيحطونك وزير الصحه!!!!!!!! وايش هالملفات اللي فوق 60ممرضه سعوديه يكتبونها!!!!!!!!! وبعدين الدكاتره والاستشاريين اللي معاهم شهادات اعلى منك بكثير يسوون هالتحاليل المقرفه وماقالو شى لان هذا شغلهم!!!! غير كذا الكل عرف بموضوع الشباب اللي جو وتهجمو على البنات الممرضات وقالولهم بالحرف الواحد نبي نعلمكم الادب على ايش شايفين نفوسكم وطلعو لاامن قدر يمسكهم ولاشى ومدير المستشفى برر الموقف بانه سوى اتصالات وفصل الشباب من مادري وين!! ايه وبرر الموقف ان اللي كان متزعم الشباب شخص سوري!!!!!ههههههه مع ان هالشخص يتكلم سعودي احسن من مدير المستشفى.......هههههه وقام مدير المستشفى يعتم على الموضوع ويطلب من الممرضات ان ماحد يعلم!! على مين!! كل بريده تعرف !! واعرف حريم ماعاد يولدون بالمستشفى خايفين الرجال يتهجمون عليهم !!لان الدعوه صارت فوضى! |
اقتباس:
كيف صار تهجم ؟؟ وش السالفه بالضبط يا اختي الفاضله اقتباس:
اتمنى يكون لك توضيح |
صباح الورد والياسمين
|
السالفه الثانيه
ان الممرضات الي بالحضانه مايحبون يرضعون الاطفال وصارو يعطون العاملات اللي ينظفون الحمامات مسووليه ترضيع الاطفال الحليب والكل يعرف ان الحضانه لازم تصير معقمه عشان الاطفال مايموتون من البكتريا! كيف يخلون وحده تنظف الحمام ولاتلبس قفاز عامله ترضع الاطفال وجت وحده الله يجزاها خير من المريضات وصورت السالفه بالجوال وودتها للمنومات وقالت شوفو عيالنا مع العاملات اللي مايعرفون شى بالتمريض واتفقو وكلهم قدمو شكوى لمدير المستشفى وزي العاده تقفل على الموضوع ولاكأنه صار شى!!!!! وعلى فكره قريبتي من ضمن المنومين ووقعو على الشكوى |
قاهرتهم والكرز km0311 بريداوي9 مترو الانفاق و و
تحيه طيبه للجميع مهم جداً ان تحددي نواحي القصور وتركزي النقد الهادف البناء من اجل مصلحه الجميع حتى نصل الى الهدف والطريق الصحيح كلام وعبارات غيرمقبوله تنسب الى اداره ومنسوبى المستشفى الذين هم فى قمه الاحترام و الاخلاق فى تعاملهم الانسانى مع المرضى و المراجعين ويبذلون قصار جهدهم من اجل راحه المرضى . اما عن الطاقم التمريض يعملون فى خدمه المرضى وعلى مدار 24 ساعه فى المستشفى الشامخ بطاقمهم الطبى الرائع ولا كن فئه قليله من الناس لا تقدرجهودهم الجباره وبخصوص الممرضات السعوديات نفتخر فيهن وهن يقدمن خدمه انسانيه ووجودهن فى المستشفى فخر لنا والمرضى يشعرون بأرتياح نفسى لوجود بنت البلد ويجب علينا تشجيع واعطاء معنويات مرتفه للتمريض وبالنسبه نفتخر ونفرح اذا ممرضه تكون ريئسه قسم فى المستشفى لانها قدراتهاوكفائتها عاليه و تتحمل المسئوليه وهاذا شى جميل ورائع وهاذادليل على ثقه الاداره فى التمريض تحيه خاصه لمدير المستشفى وتحيه خاصه لمساعد المدير وتحيه خاصه لكل منسوبى المستشفى على جهودهم من أجل راحه المرضى تحيه خاصه الى مديرالادارى منتدى بريده الاستاذ عبدالله الحلوه وكذالك ذوق مشرف منتدى بريده الخاص وجميع اعضاء منتدى بريده تحياتى للجميع للحديث بقيه.. |
تحية طيبة للجميع ..أما من ناحية أن هناك قصور نعم هناك قصور واضح في مستوى الخدمات التي تقدمها جميع مستشفيات المنطقة دون استثناء حتى لانظلم أحد وهذا يعود الى ضعف امكانيات الشؤون الصحية في المنطقة .. فهي بحاجة الى مدير حازم ليعطي كل ذي حقا حقه...
اما قولك أنك لم تشاهدي أي ممرضة سعودية تأخذ الحرارة أو الضغط فهذا صحيح نوعا ما ولو رجعنا للسبب بطل العجب فنحن من تسبب في ذلك الا وهو أنعدام الثقة بالتمرض السعوي وعدم الاقتناع بهن فهن بحاجة الى تشجيع وهذا حادثةحصلت اي عندما ذهبت احداهن لخدمة احد المريضات رفضت المريضة بحجت ان الممرضة سعوديه لاتفقه شيئا وبدأت بالاستهتار فيها فحصل لها ردت فعل .. أما في وقت الزيارة فحدث ولا حرج من الزوار وتعليقاتهم التي غالبها الاستهتار..فلو كنتي انتي مكانها لفعلتي فعلتها... أما مدير المستشفى فوالله اني لأعرفه ولم اقابله الا مرة واحدة فالشهادة لله اولا انه رجل متفهم وفوق ذلك خدووم ولكنه يعمل وفق الامكانيات المتاحه له فلا نظلمه << اسأل الله ان يصلح الحال وأخيرا اضم صوتي لصوت الاخوان الذين سبقوني بأن تحددي نوعية الخلل أو الاهمال الذي واجهك حتى تتم معالجته باذن الله ..ايضا حتى لانعمم الخطاء ونظلم الجميع.. اختلاف الرأي لايفسد للود قضية.. ودمتــــــــــــــــــــــــــــــــم |
الله المستعان
|
| الساعة الآن 08:22 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة