|
الله من الطيحات والزلقات والتصبيخات..!!
السلام عليكم أعضاء المنتدى،،
: : : : : : : حبيت نفتح سيرة ((أول ماتغطيتي عن أقاربك))>>>>>الله من الطيحات والزلقات والتصبيخات.. ما أتوقع وحدة منكم ماقد مرت بموقف يفشل مع شباب العيلة غيرالمحارم اللي ياحرام وش حليلهم مايحبون يناظرونك إذا تفشلتي ويضحكون عليك،، لا..لا أبد.. إذا طحتي قدامهم على طووووووول يصدون!!لا وبعض الأحيان يغمضون!! وأبدأ أنا بموقفي.. :) نزلت من الدرج اللي يطل على الصالة وأنا لابسة جلالي لأن عيال خالاتي مجتمعين بالصالة.. مشيت بهدوء ثقل وخطوات مدروسة عشان ما أوطى طرف الجلال وأتكرفس لنهاية الدرج.. كنت أبغاهم يحسون إني خلاص كبرت وصرت وحدة ثانية [عاقلة وثقيلة] مو هذيك القديمة اللي تدقّ الميانة والسواليف معهم.. هبطت للأرض أخيراً ! أوف! مابغى يخلص الدرج!! كملت الطريق بكللل ثقة ..خلاص مافيه عوائق .. عدّلت ظهري ومشيت .. وإذا بي أتفاجأ قدامي بولد خالتي الصغير واللي كنت بذاك الوقت [أمّه أُس 2] ،،ساجد بطرف الصالة ويصيح !!>>>>أبوك أبو الموقع!! تفطّر قلبي حزناً وشفقة عليه .. ركعت فوقه : ((عبودي حبيبي وش فيـــ....))هو الله يجزاه خير تمغّط مدري سوّا طقوس خاصة مدري وش سوّا .. المهم ومدّ ساقه..فإذا بقدمي تعلق بالشرك [ساقه]..وأفقد التوازن و.... طرطاااااااااااخ على خشتي !! فجأة تحوّل ركوعي إلى سجود! وأنقز من دون انتباه وأنواع الإقلاع وأركض وأنا أشتم على ولد خالتي لأول مرة بحياتي ،،وأنا أسمع الضحكات المكتومة من المؤدبين والصرخات المدوّية من البجيحين تجي من الصالة .. وأصرخ بداخلي : وين الثقل .. وين الثقة!..لاوعلى بالي كبيرة!! ايه هذا وجهي إن طلعت قدامهم مرة ثانية...!! على إن الموقف قديييييم إلا إني وأنا أكتبه أسوي فاصل إعلاني بين كل سطر والثاني أفجّر فيه صرخات الفشيلة المكبوته....فعلاً موقف قبيح! أنتظر منكم اتحافي بفشيلتكم... حتى الأولاد أكيد إنكم قد مرّيتوا بمواقف زي هالنوع،،، مثلاً لو ولد خالتي مسجّل كان كتب موقفي هذا !! .... |
لا تذكريني أول مابديت أتغطى والله من موقف وموقف صارلي بس بصراحه قمة الضحك لاتذكرت هذي المواقف ,,,
مره مسافرين حنا وقرايبنا . صار الوقت الظهر وقفوا يتغدون . نزلوا كلهم ألا أنا قلت بنزل بعد شوي . المهم أنا موب لمهم أبد ماأدري وش كنت لاهيه فيه . كانت سيارة أبوي عند الرجال يعني بابي لم الرجال ولا شفتهم وهم بعد ناسين أني باالسيارة . أول مافتحت الباب كانت السياره جمس رفيع شوي وفتحت الباب وأزلقت رجلي وأدب ماوقفت ألا بحجر ولد خالي ...؟؟؟؟؟؟؟؟؟؟ هذا موقف وبعدين أكملك المواقف الثانيه ... تحياتي لك على المواقف يا ستازيا |
ليش تنزلين وهم فيه
تستعرضين عندهم قالك كبرتي وتغطيتي والله من البياخه |
ههههههههههههههههه يقطع بليسك يا سوسو
موقف يموت ضحك..أستغرب ماشنقتي ولد خالتك الصغير... تصدقين عاد فتحتي علي صفحات قديمة كنت أحاول أنساها.... أول ماتغطيت كان أخوي يحب يستلعن معي قدام أولاد خالتي إذا مريت ... وذاك اليوم كنت أبي أطلع من الغرفة وهو ماشاء الله طويل يعني لو يجلس بصدر المجلس ويمد رجوله يعكرف للي عند الباب وكنت ماني متوازنة ...مرتبكة وخايفة إن رجولي باينة وأنا أمشي .. مادريت إلا مد رجوله بطريقي >>>>ألعن من هالحركة ماشفت وبحركة بهلوانية وبدل ما أتعرقل برجولة وقفت عليها>>>فجأة صرت طويلة...! وصرت قدّامهم متقصدة الحركة عشان أعطيه درس بالأدب...هههه رمية من غير رامي وعندي كثيييييييييييير بس الحين داااايخة وبسيّر عليك وقت ثاني ..مشكورة وسعتي صدري الله يوسع صدرك بالعافية .. |
الحمد لله اننا مانتغطى والا كان علوم
والله مواقف لاتحسدي عليها مشكوره وتسلمي على الفكره يالله عاد وين باقي العضوات نشوف مواقفهم ههههههههههههههههههههههه ودي اشوف وحيدة امها وومواقفها انواع الصعاريع بوجهها من الطيحات والزلقات |
يــــــــــــــــــــــــــاسلام موزووووووووع كتير كتير فرفوووووووووووووش: تسلم يمينك خيتوا والله مووووووووواقف البنات اللي قبل رهيبة تمزعت ضحك عليها طيب أقولكم موقفي وياويلكم تضحكون خخخخخخخخخخ مرة كنا رايحين لخوالي وماشاء الله عيال خالي الله لا يضرهم كثيررررررررين بشكل جايتكم المملوحة نازلة من فوق والعيال مجتمعين بالصالة عاد الصالة ماشاء الله مليانة مالك ماطاء وكانت أمي عندهم عاد نازلة طبعا أنا وبنت خالي(( تخيلوا أنزل لحالي كان أنام فوق ولا أنزل لحالي والدعوى مجتمعة)) خخخخخخ المهم نزلت أنا وجلالي أتميلح يعني إني كبرت ووخروا عن ماعاد صرت بزر وأسولف معكم نازلة أنا وكعبي اللي ماأدري وش يبي ذاك الوقت نازلة وأنا مطنبسة وخروا عن أناظر طريقي أخاف أتدربى ههههههههه المهم كملنا الدرج بسلام لكن حصل مالكم يكن في الحسباااااااااااااان؟؟؟؟؟؟؟؟؟؟؟؟؟؟؟ طرررررررررررررررررررطاخ طررباااااااااااااااااااخ طططططططططططرطاخاخ وتدربت محــــــــــــــــــــدثتكم مع آخر درررررررررجة وقدام الجمهور كلهم عاد الجلال والحالة حااااااااااااااالة لاتسأأأأأأأأأأأأأأألون عن حالتي بذاك الوقت وجهي صار ألوان الطيف من الفشيلة عيال خالي إيقالهم مايبون يفشلونن ماضحكوا الا واحد منهم بس يوم راااااحوا شكلهم تسدحوا من الضحك لا وبنات خالي ثنتين ضغار متميلحات أرواحهن وجايات لمي يضحكن ويوقلن طحتي قلت وش رايكن لا أرقص خخخخخخخ قلت لهن ظفن خلاقينكن لأجي أمسح بكن البلاط عاد ماتشوفون إلا غبارهن عرفن إن أم العنزين حاظرة خخخخخخخخخخخخ البراااااااااااااق999 إستانس إضحك لا وبعد شوية صعارير إن بغيت مطبات بالجبهة مو بس صعارير ههههههههههههههههههههههه نشوف ليان بكرى لاكبرت وش مواقفها مع الغطاء ههههههههه <<<<<<<عجلة عليها ياحليلكم والله توسعون الصددددددددر |
الله يقطع أبيلستس يابسكاتي وش رايتس أصلح بنت
|
[align=center]هههههههههههههههه
يا الدبه موتين ضحك بــــــــــــــس صدق ترحـــــــــمين الحمد لله ماقد صار لي موقف مثل كذا الله وسع صدرك مثل ما وسعتي صدي خيتو انا ستازيا ................................... ههههههههههههههههه صراحه وحيده امها حـــــــــــــــــلو موقفك هههههههههههههههههه[/align] |
هههههاااااااااااااااااااااااااااااااااااااااي يا ملحك يا أناستازيا موقف لا تحسدين عليه ...تمنيت أكون معك عشان أرقع السالفة أوقف قدامك على بالي أكلمك أو أي شي ..
كل شي ولا الفشلة قدام الأقارب >>>لأن الشماته وااااالمه عند الباب .. حتى موقفك يا وحيدة أمها يجنن تشتركين فيه انتي وأناستازيابـــــــ(يعني اني كبرنا).. وروز عاد شي ثااااني ... ذكرتيني بموقف صار لي هو صحيح ما فيه طيحة وصبخة...بس ذهانة شوي..وشوي براءة .. قبل سنوات.. كنت في استراحة مع خوالي وكان ولد خالي يبي يدخل قسم الحريم عشان يصلح خراب في المطبخ وأنا كنت جالسة في الصالة اللي تطل على المطبخ يوم قال يا ولد وقبل لايدخل قلت له لحظه شوي .. وأطمر بكل رشاقة وأطلع مع باب بجنب المطبخ (يعني لازم يمر من عنده إذا بغى يروح للمطبخ) و(طرّفت) الباب ووقفت عنده..وبكل ثقة ...وبكل ذكاء ..وبكل (يا ناس تراني كبيرة)..قلت له :يالله مر.. المهم ..الرجال مر وانا أحس فيه شي غلط بالموضوع ..لا لا ما فيه ..إلا إلا فيه شي غلط .. صح!!!! يا جوان الولد مر وشفتيه بعيونك وهوكأنه شافك !!...وشلون والباب مسكّر؟؟ وشلون؟؟ تدرون وش صار... صار الباب اللي أنا احتميت خلفه وقعدت أهوجس.. ومسوّية نفسي ثقل وأدب.. طلع قزاز ......................................! مشكوووووووووووووووووووووووووووووورة يا أناستازيا...موضوعك مرة روعة وفكرته حلوة ..وأبشري بموقف ثاني بإذن الله من المواقف اللي ما تعد ولا تحصى _مشكلتي اذا أعجبني الموضوع انشب فيه تحملي عاد_ |
اقتباس:
|
خخخخخخخخخخخخخخخخخخخ ..
أناستازيا .. إنتِ ناويه تضحكين التماسيح علينا .. الله يهديتس بس .. على كل حال .. موضوووع حلووووو ويفرفش .. وكل ما ضاق صدري بفتح موضوعتس وبتسدح من الضحك .. عالمواقف المذكووره .. المــــــــــــــــهم .. كني طولت وما قلت اللي عندي .. الله يطول بعمرتس .. في يوم من الأيام وليتني أقدر أنساه .. شاءت الأقدار ان بنت عمي .. تستنجد فيني من اخوي اللي مطفشها .. وقمت فزعت لها .. وانا واخوووي لا اشتبكنا .. محد يفرقنا .. المهم .. اخووي يمسك شعري .. ويشده .. وانا ماسكه رقبته .. وبكذا أشله عن الحركه => إجراميه هالبنت ..وتخيلوا .. من اللي فكنا عن بعض .. ولد عمي الكبير .. طبعآ ما كنت اتغطى عنه .. لكن من يومها وانا اتغطى من الفشله .. وامي تسألني وش عندك تتغطين عنه مو بالعاده .. => في العاده هي اللي تجبرني ع هالشي .. بعدها جلست .. في .. ؟؟ الله يكرمكم .. ساعه كامله من الفشيله .. لي حد ما تطمنت ان الاوضااااع استقرت .. وطلعت ولا كأن شي صار .. واللي كان مساعد .. انه ما فيه غيرنا يالأربعه في البيت .. .. وغيرهـــــــــــــــــــــــــا .. في الطريـــــــــــــــــــــــــق .. |
قهررر _ بسكاتي..
مشكورين كل يوم تعالوا هنا عشان ترفعون الموضوع.. :) |
[align=center]
ههههههههههههههههههههه وربي مت ضحك عليكم يازيننا يالسحليات ويازين مواقفنا << وربي ناسيه كل المواقف هذاني اسأل أختي أقول تذكرين لي طيحة ولازلقة <<<جااري البحث عن موقف ..أناستازيا.. الله يخليك وسعتي صدري بهالمواقف[/align] |
أهلين أختي روز،،
اقتباس:
ههههههههههه يحمد ربه شفعت له سنين الأمومة الطويلة للي بيني وبينه!!!!.. """""""""""""""""" هههههههههههه أومّا موقفك صراحة دوّخني من الضحك ،، والله معجزة إنك توازنتي فوق رجوله،، وصارت حركتك إنتقام مو تصريف طيحة أبد!!! بس احمدي ربك جت سليمة.. أخوك هذا.. بيتقطع من مشاعر الأخوّة تجاهك.. شكلي بأقتدي فيك وأتعلم الباليه علشان ما أطيح وأتفشل قدّام خلق الله،،، طيب ليش أنا بعد ماصار لي كذا وبدل ما أتعكرف برجل ولد خالتي أنقز فوقها!! مشكورة رووز على هالموقف الحلو ويعطيك ألف عافية عالمرور يالغالية... وتشرفين متى ماجيتي :) |
ههههههههههههههه
لا انا احسن منك عاقله متغطيه حتى عن عمومتي كانت امي تتغطى عن عمومتي وكنا في بيت واحد المهم انا صغيره عمري 9 سنوات ومع الخيل ياشقرى إذاتغطت امي انا اسحب جلالي اتغطى واجلس جنبه وإذا جاء الغداء رحت اتغداء معهم وانا متغطيك |
| الساعة الآن 01:17 pm. |
Powered by vBulletin® Version 3.8.8 Alpha 1
Copyright ©2000 - 2026, vBulletin Solutions, Inc. Trans by
موقع بريدة