منتدى بريدة - استفسار أرجوا الإجابة عليه.. الرجاء الدخول..

صفحة 1 من 2

عرض 40 مشاركات من هذا الموضوع لكل صفحة

منتدى بريدة (https://www.buraydh.com/forum/index.php)

- منتدى التصوير والرحلات السياحية (https://www.buraydh.com/forum/forumdisplay.php?f=49)

- - استفسار أرجوا الإجابة عليه.. الرجاء الدخول.. (https://www.buraydh.com/forum/showthread.php?t=107322)

..أناستازيا..

21-03-07 08:56 am

استفسار أرجوا الإجابة عليه.. الرجاء الدخول..

السلام عليكم..

في الواقع أنا عندي كاميرا رقمية من نوع (سوني)..

تصويرها ممتاز لكن المشكلة في حجم الصورة..يوصّل لواحد أو اثنين (ميغا بايت) أو أكثر..

بعض الأحيان يكون بودّي أنزل صور..لكن حجمها الكبير مايساعد..

"ما أدري إن كان نوع الكاميرا له دخل أو لا.."

فـــ الله يعافيكم أنا أبغى طريقة أقلل من حجم الصورة أو جودتها ..بحيث إنها تكون بــالكيلو بايت..

ما أقصد أصغّر الصورة (نفسها) لأني جربت هذي الطريقة وصارت الصورة بايخة ومو واضحة..
ومانقص من حجمها (الميغا بايت)شي..يعني ما استفدت من تصغيرها ..

إن شاء الله تكونون فهمتوا اللي أقصده..

أعتذر على الإطالة.. و أتمنى أن تجيني إجابة شافية..

تحيــــــــــــاتي للجميـــــع..

جلوي العتيبي

22-03-07 03:52 am

من خلال خبرتي الضعيفه

أعتقد أن هناك حجم يشار له بـ:e mail

حجم مناسب للتصوير ونقله للمنتديات

أو التصغير ببرنامج الفوتوشوب

ămōяẻ

22-03-07 04:00 am

والله انا مالي التصوير

والزعيم ماقصر

اصبري يجيك محترفنا فارس القصيم

وهو خبير

وبانتظار صورك

..أناستازيا..

22-03-07 05:46 am

الزعيم _ عموري..

مشكوريـــن وماقصــرتــوا الله يعطيــكم ألــف عافـيـــة ...

وأتمنى يشرف أخوي فارس القصيم..

تحيــــاتي وشكري لكم..

بندر الحمر

24-03-07 12:51 am

>>واحد ما فهم

أنتي وين تبي تحطين الصورة >>بالمنتدى مثلا

؟؟

..أناستازيا..

24-03-07 03:55 am

اقتباس:

>>واحد ما فهم

أنتي وين تبي تحطين الصورة >>بالمنتدى مثلا

إيه لو أبغى أنزلها بالمنتدى أو أخليها توقيع ،،،

والأهم إني ودّي أعرف كيف أصغرها علشان ماتثقّل على جهازي..

فلو كانت عندك معلومات عن هذا الموضوع ياليت تفيدني..

the tiger

24-03-07 05:14 am

اهلين وسهلين ..

اتوقع حسب خبرتي في مجال الرسم .. اعتقد انها مافيها حجاااااار .. (بطاريه)

لان البطاريه .. لها دور في تكبير الصوره ..

فاذا بغيتي الصوره تصير صغيره .. ركبي فيها حجاااار الريموت حقكم .. لانه من زمان ماغير .. ويصير ضعيف ..

وبعدين تطلع الصوره صغيره .. واذا بغيتيها تكبر الصوره .. ماعليك الا تطلعين الحجر .. وتعظييييينه مع النص وترجعينه لمكانه ..

وبعدين تكبر الصوره ..

اي خدمه ..

وترى بندر الحمر هو اللي معلمن الطريقة هذي جزاه الله خير ..

..أناستازيا..

24-03-07 05:46 am

والله إنك طيّار مهب طبيعي..!

فنان مبدع ...

غريبة مافكرت أنا فيها..! بس شكله مايفكر كذا إلا الأذكياء..

طيب ريموتنا توها مغيّره بطارياته..وش أسوي؟

صح!!بقلّب القنوات طوووول الوقت لمّا تدوخ البطاريات بعدين أنفذ خطتك..

اقتباس:

وترى بندر الحمر هو اللي معلمن الطريقة هذي جزاه الله خير ..

ياباطل ،،، شوّهت سمعة الرجال!!

اقتباس:

اي خدمه ..

أنا مدينة لك بهذي الخدمة مدى العمر مالي وجه أطلب شي ثاني..

مشكور نوّرت الموضوع بإضافتك المهمة..

the tiger

25-03-07 02:14 am

على العمووووووووم حنا موجوديــــــــــــــــــن بالخدمة مؤقتا ..

السكب روح الشفق

25-03-07 10:34 am

انا ستازيا

طبعا الصورة عندك كبيرة جدا وهذا الافضل

انه يتم التقاط الصور بحجم كبير وبمواصفات عالية

التصغير يتم من خلال عدة برامج الفوتو شب يمكنك التحكم بحجم الصورة

كذلك عارض الصور acd see يتم من خلاله تصغير الصور وتصغير الارتفاعات خصوصا اذا كانت بالالف افضل ارتفاع
خاص للمنتدى 750
عموما لاتفكر في تصغير الصور عن طريق الكامرا نفسها لانها تفقد الصورة كثيرا من خواصها ودقتها

شكرا لك

فارس القصيم

25-03-07 03:52 pm

تصغير الصور عن طريق الفوتوشوب
وبعض الكاميرات تتميز بخاصية تصغير الصور

حددي موديل كاميرتك يمكن أقدر أنا أوحد من الاخوان يفيدك بشيء

ومع التحية

Eengineer

25-03-07 05:17 pm

أسهل طريقة لتقليل الحجم أفتحي الصورة عن طريق برنامج الرسام الموجود مع كل ويندوز في البرامج الملحقة من أبدا

بعدين حفظ بأسم وخلاص

lightphoto

25-03-07 06:07 pm

السلام عليكم ورحمة الله..
لا أزيد على ما تفضل به الأخوان هنا ماشاء الله عليهم.. ما تفضل به السكب وفارس هو الصحيح على الأجدر، فألتقاط الصورة باقصى عدد من البكسلات أفضل بكثير أو ما يسمى بالكاميرات الإحترافيه Large Format أي أن الريزولشن يكون أعلى قيمة بالكاميرا، ومن ثم يأتي دور الفوتوشوب لتصغير حجم الصورة مع الإحتفاظ بجودتها وامكانية عمل اقتصاص ان لزم الأمر.
خلاصة الأمر، الفوتوشوب هو أفضل الطرق وأجودها لأي مصور ..
بالتوفيق :)

..أناستازيا..

31-03-07 01:03 am

أخوي السكب روح الشفق..

أنا ما أعرف عارض الصور [acd see ]

ياليت توضح لي..

مشكور على المعلومات الله يعطيك العافية..

..أناستازيا..

31-03-07 01:09 am

اقتباس:

وبعض الكاميرات تتميز بخاصية تصغير الصور

حددي موديل كاميرتك

الكاميرا سوني [DSC - T10]

شكرا أخوي الله يعطيك العافية ..

الساعة الآن 04:25 pm.

صفحة 1 من 2

عرض 40 مشاركات من هذا الموضوع لكل صفحة