مافيه !! حب .. يتم .. من غير لقـيـــا
 

السلام عليكم ورحمة الله وبركاته


أسعد الله أوقاكم جميعًا


فكـــر و قــــرر


يالـلـي لسـانـك للمشـاعـر مـــدرر
..........أبطيت بسباتك وأنا أندهك فق..يـا


يامـالـك الأشــواق للـشـوق حـــرر
..........أفواج شوق الحـب ترغـب بلقيـا


يانـاطـقٍ بالـرفـض مخـفـي المـبـرر
..........لاتتخذ صوتي عـن الصـد تقيـا


أبطيـت أعـدي لـك وأمـشـي وأمــرر
..........إلين صبري مـا بقـا منـه بقيـا


لا تكـثـر التسـويـف فـكـر وقـــرر
..........وقناعتـك إن المحبـيـن شقـيـا


وجهـة نـظـر لـكـن بـهـا لاتــزرر
..........عندي لحل زرارهـا حلـول نقيـا


حلـيـن.. مـانـي بإعتـقـادي مـغـرر
..........للحب وصل!! وللمسابيب رقيـا!!


وإن مـا امتثلـت العـلـم مــا ينتـكـرر
..........ماعاد لي ظنـون بالوصـل هقيـا


أببتـعـد مـادمـت مـنـك امـتـضـرر
..........عذري نشف ريقي وأنا أرجيك سقيا


لـوكـان صـوتـك للمشـاعـر مــدرر
..........مافيه..!! حب.. يتم.. من غير لقيا


وتقبلوا تحيات أخوكم/
أحـمـد بن نــاحــل

الله على الابداع في رجل الابدااع


قصيده ولاأجمل ويشرفني ان تكون لي المصافحه الاولى


رائعه من روائعك اللتي تشرفت بمعانقتها مسبقا

وهاهي تتألق في منتدى بريده فهنيئا لنا وجودك بيننا اخوي احمد


صح لسانك وتقبل مني خالص الود والتقدير

من اروع ماقرأت

صح لسانك احمد بن ناحل على هذا الأبداع المتميز



تقبل تحياتي

عوض البشري


صح بدنك ولاهنت


شاكر لك حضورك الطيب المعتاد

بارك الله فيك

دمت بخير


تحياتي لك.......,

الله الله الله عليك

رغم انك اخترت قافيه صعبه شوي الا انك كفو وجبتها صح لسانك مليارااااااااااااااااااااات

رااااااااااااااااااااااائع من ساحل تهامه حتى مكانك الان لا تكفي حقا ولكن خذها وانا اختك دعوة اسال الله أن يصلك ردها منه سبحانه حتى لو كنت باخر الدينا ((( عسى حليفك التوفيق في كل خير ))

نسخه للمستندات بعد اذنك وبيض الله وجهك ياخوي

احترامي و سلامي

شاعرنا المبدع احمد بن ناحل


قصيدة جميله

و ابدعت في ترويض القافيه مع صعوبتها

شكرا لك

[align=center]أبداع مميز ،،

كلمات رائعه ،،

معاني رصينه ،،

دائماً هي بين أنامل شاعرنا المميز ( أحمد بن ناحل )

ودمت بكل الخير ،،،،،،[/align]

أبطيـت أعـدي لـك وأمـشـي وأمــرر
..........إلين صبري مـا بقـا منـه بقيـا ......

جميل جدا

صح لسااانك مليووون ولا يكفووووون

قصيده رائعه وقافيه اروع

لاتحرمنا ابداااعك

الأستاذ عبدالله الحلوة


صح بدنك ولاهنت

شاكر لك هذه الإطلالة

بارك الله فيك

تحياتي لك..........,

صح لسانك احمد بن ناحل على هذا الأبداع المتميز هوهذه الابيات الانيقه

وصايف تهامية



صح بدنك أكثر ولاهنتي


شاكر لك مرورك العطر وإطراؤك الطيب


بارك الله فيك


تحياتي لك....,

احمد بن ناحل .... انت شاعر متمكن ماشاء الله عليك...طرقت قافية صعبة ووزن رشيق من ذلك النوع الذي تلحنه وانت تقرأه بشكل لا ارادي.....

تقبل تحية طيبة ....

الله الله عليك


الشاعر القدير / احمد بن ناحل



تشرفت بمعانقتي هذه الفاتنه


رائعه بل الروعه تستنشق منها الهواء العذب


لا حرمنا الله وجودك بيننا فشاعر بحجمك نفتخر به ونسعد بحضوره دائما


واعذرني على التأخير


لك محبتي و إعجابي