|
هل توافق ان يفتح (( سينما )) في السعودية .. وان كنت موافق فما شروطك ؟
بسم الله الرحمن الرحيم
الاخوه الاعضاء هل تلاحظوا معي ان فكرة السينما غير مطروحه في اعلامنا ولا حتى بالتلميح ؟ مع ان الكثير يتسائل عن عدم وجود سينما في بلادنا لو افتتح سينما في السعودية كان الشباب يتسلى بدل ماهو يتسلى في اشياء بايخه والاغلبيه من شبابنا مو عارف وين يروح في الكثير من اوقات الفراغ المتفحشه يمكن بعض الناس لا يرغب وجود سينما في السعودية من اجل الاختلاط بس هذي حلها سهل جداً حط يوم للرجال ويوم للحريم زي الصناعات الي كل سنه في طريق عنيزه .. او يحطون صاله خاصه بالرجال وصاله خاصه للحريم . واذا عشان بعض الافلام الي فيها شوي وساخه .. مانبيها لا يجوبونها ، او يجبونها بس يقطعون المشاهد البايخه .. والغريب ان محلات الفديو منتشره وفيها كل شي بس السينما اوسع صدر وتغيير جو وافلام جديده وحديثه وش رايكم بالفكره ؟ ياليت تفيدوني في مشاركاتكم فارس |
على فكرة يافارس !
يقولون بالماضي كان فيه سينما بأندية الرياض الهلال والنصر والشباب ! وكان يعرض افلااام وسخة ! وروادها من بعض الشباب وبعض الجاليات العربية ! الله لايعيد ذكراها مرة ثانية ! شكرا لك ,, |
السينما بحد ذاتها وسيلة عرض لجمع كبير من الناس أليس كذلك؟؟؟
طيب الناس تميل الى الخصوصية في كل شأنها ومن ذلك استعمال السيارات الخاصة بدل وسائل النقل العام كالباصات أليس كذلك؟؟ والأنتجاع بالاستراحات بدل حدائق البلدية العامة أليس كذلك ؟؟ ولأن التلفزيون والفديو والدي في دي لم تكتشف قبل 70 او 80 سنة فقد كانوا يذهبون الى صالات السينما الجماعية لمشاهدة العروض... اما الان فقد توفر لكل انسان وسيلة عرض وهو في منزله بارخص الاثمان!!أليس كذلك؟؟ وقلنا ان الناس تميل الى الخصوصية في كل شأنها أليس كذلك ؟؟ طيب س_ماالمنفعة من السينمااااااااااااااااااااااااااااااااا؟؟؟؟؟؟؟؟ ج_ مثل المنفعة من التلغراف والتلكس والتروماي والعربية الكرو وأطر الصعيد ووسائل الاتصال القديمة التي صارت في المتاحف الآن يعني عشان تتفرج على فلم تروح لصالة السينما ؟؟؟......او تشوفه بالبيت او في الاستراحة او حتى في السيارة وانت ماسك خط!!! وبجنبك براد الشاهي او حتى لو تبي تتن او تشيش ماعندك احد توذيه!!! والمعنى انه ما بقى من السينما شي إلا اجتماع الناس في صالة واحدة للفرجة على فلم او اي عرض والناس خلقها ضييييييييييييييق ولا تحب الحشرة في كرسي ساعة او ساعتين..!! يعني بالعربي السينما وصالاتها شي من الماضي ماينفع هالايام يصير وسيلة لإغراء الناس بالخروج من بيوتهم والبحث عن موقف للسيارة والرصة في كراسي تقل طلاب في رابعة جيم. يحترون الفسحة عشان يروحون للحمام... يافارس لو السينما تصلح لهالايام كان ماقصر المرجفون في المدينة وعلى كل حال كما قال واحد عزيز علي الارض الصالحة لا تمطر بالنفايات!!! |
اللي ما عنده مشكلة في وجود محلات الفيديو , فيجب أن يكون موقفه من السينما نفس الشيء ..
هذا رأيي اخوي فارس الميدان ,, وتقبل تحياتي 00 المتزن |
يمكن تكون السينما مرفوضه من مجتمعنا لما التصق بها من سمعة سيئة وكذلك للاعتقاد بان المجتمع محافظ ولايجب افساده بدور السينما لكن الحقيقة ان الفساد تنوعت وسائله حتى غلبت السينما ولايخفى على الجميع صار كل انسان يملك دار سينما مستقله في بيته عبر الدش والفيديو ومحلات الفيديو متابعة لكل جديد ولا حاجة للخروج لدار سينما وحتى في جواله يستطيع متابعة فلم وقناة تلفزيون اذا اراد ذلك وسوف ياتيك عبر الردود من يعلن ارتباط قيام القيامة بانشأ دور سينما ، والسينما كصناعة هي مرتبطة بتقدم المجتمع ثقافياً ودرجة تقبله وبالتالي صياغة شروط اقامته بما تقبله عادات وتقاليد المجتمع ثم يكون الامر عادي اذا كان منضبط بتعليمات يرضاها المجتمع
تحياتي |
موافق
والشروط هي ممنوع الدخول لاقل من 18 ليس بسبب نوعية الفيلم فالفيلم الذي في محلات الفيديو سوف يكون نفس الشي المعروض في السينما وسبب تحديد العمر حتى لايكون فرصه لضعفاء النفوس والبيب بالأشاره يفهمووووووووو |
اقتباس:
هذولا عجزوا يحطون قانون لضبط سياقة التكاسي !!!أو قانون لتحديد سعة القاطع الكهربائي في المنازل!!! تبيهم كفو يحطون قانون لادخال شيء لا وجود له في الذهنية الشعبية المحلية إلا في منطقة الخنبقة والوناسة الممغنطة!!! ياعيون ياعين ابوي قل شي يصلح للتسويق مهوب مثل حكي احمد الرشيد يوم هو وزير للتربية والتعليم !!تقل يقرا تهنئة بالعيد وراية المملكة خفاقة بالمحافل الدولية والسؤدد وما ادري ايش!!!! |
اقتباس:
ياليتك تعطيني رايك في تواجدها عندنا بالسعوديه اشكر لك مرورك فارس |
اقتباس:
اقتباس:
< قروي > ) الحين تقارن السينما في شاشة العرض الخاصه الي عندك .. النت صادق طيب انا بشرحلك 1 السينما لها عرض خاص في ايصال الصوره مختلف تماما عن الشاشه التي في بيتك وقد وصلت التقنيه الحديثه الى ما يسمى بالسينما الثلاثي الابعاد وهذا هو الافضل الان وهو موجود في دبي بالتحديد في سوق ابن بطوطه اذا اردت ان تحضر فلم لكي تعرف طريقة عرضه للصوره مع عدم وجود اي اعراض لعين المشاهد وجعل الاجسام التي بالمشهد وكأنها على الطبيعه 2 السينما له حقوق عرض وارباح مستقله عن الشاشه الخاصه وتسبق التلفاز في( العرض ) في بيتك وله بعض المشاهد التي تكون مصوره خصيصاً لشاشة السينما . 3 السينما لها هندسة في الاصوات واخراج صوت غير التي في بيتك لدرجه تجعلك تعيش اجواء السينما وكأنك حاضر المشهد على الطبيعه .. مثال : اذا كنت متابع فلم اكشن وهناك اصوات اسلحه واطلاق نار ومرور طائره تسمع الاصوات مختلفه وكأنها موجوده عنك والطائره كأنها مرت من فوق الصاله يعني الاصوات مهمه لكي تتعايش مع وضع الفلم وتكون اكثر حماس ومشدود مع حلاوة الصوت والمؤثرات الصوتيه التي يدفع لها الملايين من اجلك .. حتى اني سمعت ان هناك في اليبان قد اخترعو سينما وصاله حديثه تجعلك تشم رائحة الاشياء الموجوده بالمشهد لمبة شارع انت صادق تقارن الكرولا بالبانوراما ؟ كلهم وسيلت نقل بس المواصفات مختلفه تماما .. فهمتني ؟ فارس |
عيون الصقر
اهلا بك حبيبي من قالك ان السينما سمعتها سيئه ؟ ليش الناس ما خذه هالفكره .. شي غريب ؟ بالعكس السينما جدا عادي ومافي اي شي عشان يكون هناك ضوابط ومادري شنو وبعدين لو تلاحظ معي ترا فيه اشياء مشابهه لسينما ولم ينتبه الناس لها الحين اذا صار فيه مباراه على شاشة art المقاهي كلها تعرضها لناس والناس متقبله الوضع مع ان المباريات انا احسها اقوي من السينما الافلام لان الواحد اذا اتحمس بيلعن ويشتم ويسب .. بس السينما بيضحك وينبسط ويطع فرحان .. صح ؟ فارس |
اقتباس:
لضعفاء النفوس ؟ مافهمت ياليتك توضح اكثر عن سبب دخول الي اصغر من 18 سنه ؟ اسف عشان انا مو ذاك البيب فارس |
اقتباس:
ترا المسأله كلها سينما يعني مو محتاج التنظيم او الحجم الي حاطه انت في راسك عشان تقول مو عارفين ينظمو تكاسي وكهرباء .. لمبة تراها مجرد صاله وتذكره تقصها وتدخل تشوف وتطلع .. بالله وش يبي تنظيم عشان تقول يبي ويبي ؟ فارس |
شرطي الوحيد....نسأل اهل العلم والمعرفة من العلماء والمصلحين .
|
والله مو شينة
بس بشروط : 1 . تحديد يوم رجال و يوم نساء 2 . خضوع المادة المعروضة للرقابة 3 . أسعار التيكت رمزية 4 . منع عرض الافلام المصرية 5 . افتتاح صالات عرض في كل المناطق الرئيسية .. مو وحدة و بس ! 6. عرض الأفلام بعد صلاة العصر مباشرة .. و بعد صلاة العشاء .. و بس .. عشان اللي ينامون بدري |
اقتباس:
ماعدا فيلم الكيت كات!!! والكيت كات حارة في الجيزة مهيب بعيدة عن حديقة الحيوان ...مثل فيها محمود عبد العزيز دور عمى الحارة البصير وهو من اروع الافلام في تاريخ السينما المصرية ..وقد حاول نور الشريف مجاراته بفلم البحث عن سيد مرزوق لكنه فشل فشلا ريعا... وش دعوى حاج متولي والله عاد لو هو البحث عن سميح الذاهل!!! وبعدين فارس انت تتوقع الناس بتروح للسينما عشان الاصوات المدمجة والتصوير ثلاثي الابعاد والتكنلوجيا الرقمية !!! الناس اللي ممكن تروح هي الناس اللي تحب الشرافة وشفت فلان وشفت علان ... وعلى طاري شفت فلان وشفت علان كان محمود عبد العزيز في فلم الكيت كات عزم له واحد عمى مثله على فيلم في السينما وهم في الصالة قاعد يوصف له اللقطات بحكم انه يشوف والعمى اللي معه مايدري انه اعمى مثله..!!! المهم الفلم فيه معركة حربية ومحمود عبد العزيز يقول لخويه::بص بص!!! أهو البطل آعد بيبوسها !!!!! وذاك العمى متحمس ويتخيل اللقطة وانواع الابتسامات!!!... عاد تخيل العمى في الصالة اللي تقول عليها يا فارس مع ذيك التقنية يقدر يشوف بواسطة آذانه |
انا اوافق اذا تم عمل مايلي
1- الرقابه عليها. 2- ممنوع دخول الاقل من 18 سنه. 3-خضوع الافلام لرقابه عليهااا. شكرا لك |
اقتباس:
اقتباس:
اقتباس:
وحتى لو شاف فلان وعلان وش بيكون يعني ؟؟؟ فارس |
اقتباس:
ترا صالات السينما فيها لكل الاعمار .. حتى للاطفال فيه افلام كرتونيه وافلام خاصه للاطفال وللمعلوميه ترا فيه سينما اطفال في احد الاسواق بالرياض بس نسيت اسم السوق بس اذكره في طريق الملك فهد فارس |
برأيي أن السينما موجودة في كل منزل .. مدام الدش و الفيديو و التلفزيون ..
لكن لو أردت سينما .. يجب أن تتوفر فيه شروط .. |
اخي الكريم00تحية طيبة0
والله شىء جميل00لكن كيف لنا بسينما يناسب عاداتنا وتقاليدنا ؟ مشكلتنا أن مجتمع ينفتح في الخارج وينغلق في الداخل00يريد أن يواكب كل تقدم رغم تشبثه بعاداته وتقاليده! تحياتي لك0 |
اقتباس:
،،، |
المنتزهات والشاليهات فيها الاختلاط والنون ومايعلومون اكثر ماتكون في صالة وفيه 60 الى 80 شخص !!
اعتقد ان الافلام سوف تراقب وتحذف كثير من المشاهد لين تصير دعاية :c7: والمعروف ان دور السينما تنزل الفلم قبل ماينزل الاسواق يعني تبطي عندنا شوي !! مع اننا سمعنا عن نية وجود صالات سينما للاطفال وشوي شوي لين تصير الدعوه خليطي اقتباس:
عاد تبون الجد تخيلوا لو حطوا سينما في السعوديه اول سنه اكثر الحضور تبي تنكسر ارقابهم كل واحد يبي يناظر اللي بجنبه هههههههههههههه تشااااااااااو |
اقتباس:
ولو سمحت وش الشروط الي تبغاها في السينما ؟ فارس |
اقتباس:
اقتباس:
لو سمحت ليش الواحد اذا حصل قرار قال عاداتنا وتقاليدنا اخوي عبدالله انا ماقلت نبي ستربتيز .. تراه سينما زي التلفاز بس افضل بالعرض والاداء والكل شي .. والفرق بدال ما تشوف بالحالك .. تشوفه مع الناس في ضو خافت واجواء افضل ابي اعرف وش دخل عاداتنا وتقاليدنا الي مدري ليش الواحد يخل عاداته في كل شي ؟ فارس |
اقتباس:
كلامك حلو بس يشكك الناس انه قد يحصل في السينما شي وهو مافي شي عشان يقارن بغيره اقتباس:
فارس |
عفوا
ما أحب الأفلام المصرية كلها قلة أدب .. و مادري احس بــ ريحة ثوم قوية .. واع أما أفلام الهنود .. !!! والله لو اموت ما أتابع فيلم هندي .. أصلاً .. ما صنعت هذي النوعية من الأفلام إلا : للفارغات عقلياً .. و المتعطشات عاطفياً شوكرن لحسن الإصغاء .. آآه تذكرت .. ياليت يمنع حضور المنقبات و الملثمات و المغاتير و الوضح و الزرق .. عشان ما يدخلون رجال متبرقعين .. في يومنا .. هه :) |
صاحب سينما في البحرين يقول لو دور السينما تعتمد على دخلها من اهل البحرين كان قفلنا من زمان ولكن الله يخلي ابناء السعودية ماهو مقصرين 0
|
السينما فن راقي ومهم جدا,,, بأمكاننا ان نوصل رسالتنا من خلاله الي العالم اجمع ,,, لكن هناك عقده للاسف في المجتمع السعودي حتى الان وهي كره ومحاربة اي جديد او اي تغير ؟؟؟؟
وهذه من طبائع المجتمعات المنغلقة او التقليدية ,,,, تحياتي للجميع ,,,, |
اقتباس:
حبيب قلبي والله يالمبة شارع جبت اللي بالخاطر لكني ملتزم بشرط الرد في طرح شروط اقامة دور للسينما ومركز على العادات والتقاليد لاننا الحقيقة امام اشكالية تعور القلب وحتى الان ماشفنا لها حل وهي ان جيلنا بهالوقت واقعين بالنص مضيعين مشيتهم ومشية الحمامه والشغل صاير زحافه باتجاه الثبات يعني اجيال تربت بالبيت على نمط معين مايخفاك وطلعت بالشارع لقت شيء مختلف عنه وبالاعلام مختلف اكثر حتى تلاشت الهوية او خلنا نقول هويه كوكتيل قايمة على اللي تكسب به العب به وصار الصورة الغالبة بالمسجد نرهبن تقل حداة ممطوره وخذ روكعه وتنحنح ومع الاهل بسروال وفنيلة وصايرين بالشوفه والراس مليان علوم كبار والصدر مثله وبالشغل نفسي نفسي وامسك لي واقطع لك والله غفور رحيم وبقريح لاجا ناقوط او اخذنا حقنا وبالشارع ان لم تكن ذئب فانت شاة تاكلك الذئاب وتعرمشك والله يحب المؤمن القوي وبالليل والليل ابو الاسرار عاد ماودي اكمل عشان ماتوصل لترددات وسوالف حمراء وبصدر المجلس نلبس بشت الورع والتقوى وقال الله وقال رسوله واتق الله ياشيخ الا تخشى العقوبه الامة كذا ستضيع ياشيخ النساء ستفسد وستشيع الفاحشة اتحب ان تشيع الفاحشة بالقوم المؤمنين. الصورة النمطية لاحمد الرشيد موجودة وبمستويات ومواقع واشكال والوان مختلفه كلها تؤكد اننا سبهلله في جانب الثبات على صورة واحدة محل فخرنا واعتزازنا. |
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
اقتباس:
الله يستر اخاف يفتحون سينما ويصير بس للحريم يقال في عصرنا هذا انه اي فكره تريد طرحها وتخاف من الاستجابه لفكرتك .. ما عليك الى ان تدخل فيها العنصر النسائي وسوف تكون الفكره منفذه ولكن الخوف ان تكون ملغاه عن الرجال ومنفذه للنساء فقط .. سالفة ملاهي بريده الي بس للحريم فارس |
اقتباس:
مو بس السينما ،، السينما والمطاعم والاسواق والمقاهي والفنادق والشقق والدوله كلها واقفه على السعوديه اشكر لك حضورك فارس |
اقتباس:
السعوديه اتغيرت وصار مافيها انغلاق الحين كل شي مفتوح والممنوع سهل السينما المفروض ما يدخل في القضايا التقليديه والي مايبي لا يحضر وتنتهي السالفه اذا تقاليده ماتسمحله اشكر لك مرورك فارس |
اقتباس:
اخي عيون الصقر وعقل الذئب انت مركز على العادات والتقاليد في كلامك كما ذكرت وقلت لاننا امام اشكاليه تعور القلب كلامك ترا صحيح بس مو في كل مكان .. ترا الاشياء هذي بس عندنا بالقصيم وخاصه بريده المدن من حولنا تجاهلت التقاليد والعادات التي ليس لها دستور معين او نهج واتمنى ان نلحق بهم فارس |
.
. ذكرتني بسالفة السواقه يافارس انتم موافقين :ايه : وانتم لا : طيب ليش عاد احنا متعودين ان الدولهـ تشاركنا بقراراتها !! جوال طفل لايتجاوز العاشره كفى ووفى عن الف دار سينما اما لعرض قبيح او العكس وإذا صار عاد موافقين ولا ماوافقنا فهي ليست الا مجاراااااه تقليد يعني او انهم يلزقونها بالثقافه .... او السياحهـ يخرب بيت السياحهـ اللي طلعت المفتاحهـ .... !!! الله يرحم حال شبابنا بس ... اعرف واحد من بريده مايبغى طاري سواقة الحريم ولايبغى طاري السينما ولايبغى ولايبغى ودي اكمل ........... مفهوم صح !!!:29_1_16[1 . . |
اقتباس:
انا ودي زي الحريم اركب مع سواق عشان احس بالعز ، والي ماعندها فلوس هذي من الاصل لو يسمح لها بالسواقه كيف بتشتري سياره ؟ يعني هذي محلوله بس من الفسق الي في المرأه ومن زيادة النعمه طغت وقالت ابي اسوق اقتباس:
اقتباس:
السينما غير وجوها اهدى بكثييييييير وتستفيد منها جميع المراحل العمريه بالتسليه اشكرك على المرور فارس |
هلا بفارسنا
سينما وعندنا ..معليش ما أظنها مناسبه لا للتقاليد ولا للعادات الشيء الآخر ما أظن عندنا وقت نجلس جلسه متواصله ساعتين أو أكثر .. انت ما شفت اللي بالشوارع وشلون يسوقون !!! عالم فاهمه عصر السرعه بطريقه عكسيه دمت بعز |
[align=center]
السينما فن راقي ،، هدفه التطهير وهذا عن الكلام النظري فيه ،،، ونحن هنا نسأل هل يوجد سينمائيون يستحقون الإحتفاء والمتابعة ،،، هل سيأتي مصطفى عقاد آخر ،،، هل سنجد سينمائي لايجعل المرأة هي محور تسويق فلمه ،،، هل يستطيع سينمائي أن يتخلص من تراث السينمائيين السابقين المنحط !!! في السعودية نقول عند الناس ونحن لا إذاَ يجب أن يكون عندنا ،،، أما من يقول من لا يحب السينما فعليه أن لا يأتي إليها ،،، فهذا كلام بعيد عن العقل ،،، يستطيع آخر أن يقول إفتحوا خمارة ومن لا يريد الخمر فلا يدخلها ،،، أما قاعات السينما فمن أردا أن يجربها بنفسه فماعليه إلى أن يشاهد الفيلم أي فيلم عن طريق البروجكتر ،،، وكثير من الناس شاهدوا كأس العالم عن طريق شاشات البروجكتر ،،، تحياتي [/align] |
لامانع من وجود السينما بالسعودية
بشروط 1- ألا تعرض الأفلام الإباحية .. أو التي تخدش بالحياء والأفلام التي يسمح بها بمحلات الفيديو .. تعرض اوكي بالسينما 2- أن تكون مقسومة قسمن .. فـ قسم للشباب وقسم للبنات ولا أوافق فكرة أنه يوم للرجال ويوم للنساء ..! افرض واحد بيطلع هو وعائلته يتفرجون !!!!!! 3- يغلق في منتصف الليل . **** وبعدين ترى له فوائد كثيرة .. أكثر من أضراره وأهم فوائده .. بتقل سفرات الشباب والعوائل للبحرين والامارات .. عشان السينما انا اعرف الكثير من الاقارب يذهب للبحرين فقط يشاهد سينما ويعود وهو عنده في بيته كل أنواع الأقمار الفضائيه .. ومع ذلك يفضل السينما وبعدين بالنسبة للي يقول السينما كانوا الناس يذهبون اليه فقط في الماضي قبل اكتشاف الدي في دي والستلايت اقول له شوف العالم كله واصلهم هالتقنيات قبلك .. ومازال للسينما صيت عندهم هذا ماعندي مع كل الود ديزوو |
بحت حناجرنا ونحن نرجو وزارة الاعلام والحمد لله صدرت الموافقه على المسارح
طبعا نبي سينما ، وقد سبق لي الكتابه عن ذلك ، وحبــذا سينما سيارات أيضا ياأخي : كل واحد وزوجته بسيارتهم وخصوصيتهم ويشوفون افلام ترفيهيه ووثائقيه ويسمعون بالهيد قون ، ويتوفر بوفيه للوجبات الخفيفه والمرطبات بصراحه وناسة وسعة صدر ( يفتح مثلا من بعد صلاة العشاء الى الساعه 2 بعد منتصف الليل ) والشاشه اعتقد 6 في 4 متر تكفي ، وودرجات بين ممتازة واولى وثانيه ( يعني الصف الأول والثاني والثالث وهكذا ) وكل صف يكون مثلا 10 سيارات وتشوفون كيف يقضي الناس وقت بريء وسعاده ...... شكرا لك اخي ديزبي |
| الساعة الآن 04:55 pm. |
Powered by vBulletin® Version 3.8.8 Alpha 1
Copyright ©2000 - 2026, vBulletin Solutions, Inc. Trans by
موقع بريدة