تحرير المرأة من ((الفضلة))
 

البارح كنت معزوم عند واحد من الشخصيات الكبيرة في أحدى الشركات الكبرى في رأس تنورة

المهم هالشخص حلف وأصر إلا أنه يعشينا .. قلت خلاص يا أبن الحلال ماعندي مانع بس (( وش تبي تذبح لنا )) أمزح :)

جيناه في بيته واكرم ضيافتنا .. وما قصر معنا .. لقيناه ماطخ هاك الخروف على هاك الصحن (( بالله اجل على كرتون هه :) )) ..

المهم انا من النوع الأكول :) (( اللهم لا حسد .. )) .. (( خمسة وخميسة بعين الأعداء )).. وطبعا (( دب )) مع سبق الأصرار والترصد :)

طبعا مانيب دب دب .. لا دبيبيب صغير :)

وأنسى نفسي عند الاكل .. ما أشعر بوجودي أو وجود احد حولي .. وقتها يصيبني العمى ، ولا أشوف إلا صورة الخروف والرز.. ويبصيبني الخرس لأني فاتح المغارة أستعدادا لقصف بطني (( باللقمات )) وتجلس تدحرج إلى قاع البطن وتعطي دوي هائل مروع ((كأنها صواريخ إسرائيلية على الضاحية الجنوبية )) .. :)

وخشمي يتسكر لأني ما أقدر أتنفس من الأكل .. أخاف واحدن من الملاقيف اللي على الصحن ياخذ له لحمة حاطها في بالي :)

والعرق ما غير يتصبصب من حرارة لقائي في معشوقتي (( الذبيحة )) .. وطبعا معشوقتي اخونها مع (( الرز )) ..

المهم .. انا مثل ما قلت لكم كنت غائب عن وجودي بالعزيمة لأني مشغول (( مع حبيبة القلب والبطن )) .. إلا واللي عندي يجرني مع يدي يقولي خلصنا ترانا قم خلاص لا تفضحنا ..

وانا أقوله وخر ياشين .. ياهادم اللذات ومفرق الاحباب والخلان.. يا عديم الأنسانية والرحمة .. يا متحجر القلب والفؤاد .. يا معدوم الضمير والأخلاق .. يا أخرق يا اهبل يا اجوف .. ثكلتك أمك .. وبكتك أختك ..ولطمك أباك .. ولعنك أخاك .. وضربك جداك ..أتفرق بيني وبين معشوقتي بعد طول لقاء وجفاء .. بعد أنتظار دام لاكثر من أسبوع .. اما تنظر لمعشوقتي وهي تومئ لي بعينيها الناعستين الغائرتين .. كم هي جميلة دعني أستمتع بها وأتحسس جسدها الغض الطري بيدي .. دعني أقبل رأسها وألعق (( عصاقيلها )) ..وامصمص ((لسانها )) .. فأن بي وجد عليها :) ..

المهم انه سحبني ووصلني للمغسلة .. وانا ألوحس (( الحس )) يدي وأمصمص أصيبعاتي (( أصابعي ))
وبعد ما غسلنا وشربنا اللبن (( عاداتي أخربها في الليل )) :)
طلعنا من عند هالشخصية .. وقلت لأختي (( هااه عساتس تعشيتي )) .. قالت (( أيه تعشينا بس القلطة الثانية .. ونفسي مسدودة)) .. تكفين يا بنت الوليد بن طلال هه :)

قلت : (( يا حليلتس تقولين قلطة ثانية وهي تسمى الفضلة )) :)
وبصراحة انا أستغربت أن هالشخصية اللي تعشينا عنده يسوي هالحركة
(( لأنه درس في أمريكا خمس سنوات .. وجلس في بريطانيا سنتين ))

بس قلت هذا طبع السعوديين شيء خاص فيهم ..

وأستغرب من هالحريم فعلاً (( اللي تكرف وتدهر بالطبخ من المغرب ألين ما يتعشون تاكل (( من الفضلة )) .. وكيف لها نفس تاكل بعد أن لوثتها أيدي الرجال .. يعني هالحين ماتدري وين حاط يده قبل الاكل :)
بعضهم يجي ما يغسل يده .. واللي طول شغالة في (( خشمه )) .. يستخرج منه النفط خخ .. ولا جالس يحك فيها شعره اللي كله قشرة وغبار وتراب ..ولا المصيبة الكبرى أن يده راح لمكان يمسمس فيها (( .. )) أكمل الفراغ بما تراه مناسب

لا وتاكل وهي تستمتع .. ولا همها هالأهانة لها .. وكأنها درجة ثانية لاوجود لكيانها .. مهمشة .. أهم شي طبخها يصير سنع .. ولا تفشل .. (( طبعا هذا قديما )) .. والحين تطورت المرأة وتعلمت وفهمت .. لأنها ما عادت تطبخ في البيت الذبيحة (( تطبخ عند الطباخ )) .. بس الفضلة لها هي واللي عندها من الحريم :)

(( الحين عندي سؤال لآكلات الفضلات .. كيف تنفتح نفستس للأكل من فضلة الرجال .. هالرجال اللي حط يده اغلبهم ما يغسلون يديهم .. والله أعلم وين كان حاط يده قبل :) ))


لا فعلاً .. عندنا اهانة للمراة ما بعدها اهانة .. ولازم تتحرر المرأة عندنا من أفكار وتقاليد ما انزل الله بها من سلطان ..
فرضناها عليهن .. وكأنهن عبدات عندنا لا مشاعر ولا احاسيس (( وبرضاهن المشكلة ))


تحياتي لكم


ا

[align=center]إقلاع حتى الضياع

كيف تسمي النعمه ...... فضله ؟

استغفر الله

بعدين إذا كان كلامك بهاي الطريقة يعني هل إنت من نوعية الرياييل يلي ما يغسلون أياديهم ؟

مستحيل يلي تقوله أنه يصير ( طبعا على حسب يلي أشوفه عندنا ) لأنا كمجتمع إماراتي

الحريم ياكلن بعد الرياييل ........ أعتقد هذا نوع من الاحترام

بعدين على فكرة :) من قال لك أن النسوان ياكلن محل الرياييل

المكان الماكول يتم رميه لأقرب صحن جانبي ( حتى تأكله الدجاجات )

ومن ثم يتم نشر و توزيع العيش الساخن الموجود في وسط الصحن :)

صحح معلوماتك لأن الناس لا يتشابهون ..


وغرفة غسل الأيادي تأتي بعد المجلس و بعد تلك الغرفه تأتي غرف الطعام

يعني الواحد ما يدخلها إلا وهو غاسل إيدينه بالماي و الصابون المعطر بعد


:)
[/align]

هههههههه الله يحوم تسبدك وعععععععع احس بغثيان

يبي يجي يوم ياكلون الرجال عقب الحريم <<متوهقه

خخخخخخخخخخخ ايه فعلااا اهانه ,,, بس انا تذبحني ولا آكل بعدهم ,,, يا اخي عمري ما أكلت مو لازم اتعشى.. اذا رجعت للبيت أكلت :)

بس برضو احسها هالعاده بدت تتلاشى بووقتنا هذا ,,, مدري انا اللي اشوفه انو قليييييييل مره يسوون كذا ,, صحيح الرجال يتعشون قبل الحريم , بس لما يجي وقت الحريم يجددون الأكل من جديد ,,,

لا الحمدلله أشوف ان هالعاده مندثره عندنا ببريده ماصارت موجوده مثل أول

مستر إقلاع انت واحد ماهمك الابطنك ومتعقد وافكارك معششه (شكلك رابي مع شيبان) والحرمه باين ماله قدر عندك مااقول الا الله يخلف على امك ومقدما يخلف على الحرمه اللي بتجازف بعمره وتاخذك لانه ماراح تلقى محل في قلبك من كثر المفاطيح اللي متسدحه فيه والله يشفيييييييييييييييييييييييك

الحمدلله والشكر نعمة ما قلت شي (( بس أسمها فضلة )) :)

والفضلة ما ياكلها إلا الغراب :)

(( بصراحة انا من النوع اللي إذا شفت الأكل أدوخ وأنعمي ولا أغسل يدي :) ))

وأغلب اللي ياكلون وانا أشوفهم شوفه عيني ما يغسلون يدينهم قلة بس تغسل يديها ..

اجل الماكول تعطونه لدجاج :)
على تسذا إذا كل الذبيحة لدجاج لأن ما يبقى فيها إلا العظام :)

تحياتي لتس

أزيدتس من الشعر بيت .. السعابيل اللي تقوطر على الأكل لا تنسينها :)

ناكل عقب الحريم !

ليه غربان حنا :)

اهانة قوية :)


اجل ماتاكلين مع الحريم إلا إذا رجعتي للبيت هه :)

(( والله ما يشوفون إلا غبرتس سابقة الحريم لصحن :) ))



وين تتلاشى ؟

أبدا هالعادة موجودة ومنتشرة بشكل رهيب .. إلا إذا قصدتس بالعروس هذا شي ثاني :)

والخافي اعظم من الوصف :)

وش يرمون ؟

اللحم ما ينرمي .. اللهم ان الرز بس يزيدونه عشان يخون التجاويف بالصحن من أثار الجريمة النكراء :)

بصراحة احس أن تفكيرتس أمبريالي وليبرالي ويدعو لتطرف ضد الرجال :)

وانا من هذا المنطلق اطالب جميع الرجال أنه يتحدون ضد عنصريتس البغيضة تجاهنا (( هلموا يارجال ))

سيداتكم قالت سيداتكم ((( واااااااااااااااااك يا قوها قواه )) :)

ببريدة عاد :)

شوفي .. هالعادة في القصيم والشمال .. والرياض .. والجنوب .. منتشرة أنتشار رهيب .. :)

هلا انوار :)

أدري أن النظافة من الإيمان بس عند الأكل الواحد يفقد كل شعوره :)


شكرا لتس ولردودتس اللي تثري الموضوع :)

عفوا ..

انا ماقلت أنكن (( غربان )) ..

انا قصدت أن الغربان هي اللي مشهورة عنها اكل الجيف :)

اهاااااااااااااااااااااااااااااااااااااااااااااااا اااااااا


كفشنااااك

إذا عرف السبب بطل العجب

تذكر موضوعك (تبين رجلتس يحبتس)
يوم تقول

النيصحة تقول ..

خلتس بالمطبخ واطبخي .. وانسي السوق
بس اهم شي تسمعن النصيحة وتطبقنها

أثر السر في بطنك هههههههههههههههههههههههههههه

ياحبيبي تحسب الفضلة كما تسميها فضلة

لا يتم تنسيق العشاء وابعاد المستخدم (ترميم)


وبعدين انت اسطورة
لانك الى الحين تحسب اللي درس بامريكا صار مية مية يااااي وتحس انك حقير عنده لانه فاهم
صحح معلوماتك

ولاتواخذني على الممازحة
وارجع لكلام انوار المدينة و بنت الديرة

ولا يهون shrh555

لكن وصفك لنفسك أعجبني وزين انك علمتني عشان مااعزمك لانك تخسررررر مرررررررة

هذاك أول
 

في بريدة الآن الرجال هم من يطالبون بالمساواة !
الرجال لهم اللحم والرز بينما النساء لهن الحلويات وورق العنب!!! والبوفيه المفتوح !!
وجميع المناسبات التي حضرتها في بريدة عشاء النساء أفضل من الرجال !

الإحترام للنساء ولله الحمد موجود على الغالب وقضية الفضلة في الطعام بدأت في الزوال الان كما قال بعض الاخوان النساء تأكل أفضل من الرجال ( بوفيهات وحلويات )
لكن العملية قد تكون مكلفة للرجال من ناحية تأمين عشاء للرجال وعشاء للنساء
لذا يا شقناالآخر تحملوا وتغاضوا وإلا تحملوا المصاريف وعطونا الفضلة ( تبادل مراكز )

إقلاع حتى الضياع إسمك لايق عليك والله لايوليك علينا ااااااااااااااااااااامين

الحين الدنيا تغيرت اخوي

سفرتين وحده تفرش للرجال

ووحدة للحريم

صح ان الحريم بعدهم بس اللي يفرق التوقيت بس

يعني الرجال اول وبعدهم الحريم بس بسفرة ثانيه وبوادي رز جديدة خاااااااااااصه لهن

شف يا القصيمي :)

البطن لولاه ما عرفت تحرك :)

وعشان أتحرك انا قلت لازم وحتما أن المره تطبخ بموضوع للي قبل :)


بالنسبة للي درس في امريكا انا قلت ربما عادات الغرب قدرت أثر فيه (( بس هو بدوي ما يأثر فيه إلا عوامل التعريه بوجهه )) :)

وبالنسبة لترميم هم يرممون الرز بس :)
لكن الذبيحة وشلون يرممونها :)



أجل ما انتب عازمني عشان ما تخسر ؟؟ :)

قل غير هالكلام ..

شكل المره قالت لك (( شف ترى إذا عزمت إقلاع أبو سعابيل ودني لبيت اهلي )) :)

تحياتي لك يا غالي

عاد بهذي صدقت (( احرجتني ))

شف الرجال لو يبي شي يحطه .. بس هو ماله ومال البوفيه المفتوح والمسكر .. يبي رز وذبيحة :)

انا ماتهمني خرابيط هالحريم أم بوفيهات :)

حتى فيه مناسبات كثيرة احضرها ما اعترف بالوفيهات على طول (( أقرب مطعم مضغوط )) :)

(( تهقى أن الحريم يعطنا فضلتهن بعد البوفيه المفتوح ؟ ))

هي مكلفة طبعا بس لو يقتسمون هالذبيحة بين الرجال والحريم ماهوب أزين :)



تحياتي لك

صح كلامتس من ناحية الرز :)

بس الذبيحة لكم ذبيحة ولرجال ذبيحة ؟

شكرا جزيلا :)

[align=center]إقلاع حتى الضياع

على فكرة بخصوص الذبيحه بدون ما نتطرق للعيش

ترا الرياييل ما يقدرون ياكلون 3 ذبايح

:)

تدري ليش

بسبب الأمراض يلي الكل يعرفها كلسترول و السكر و ما أدري شو :)

و السمنه يلي تبهدل الواحد من الأمراض الواحد ياكل شوي

ثلث لأكلك و ثلث لشربك و ثلث لنفسك

هب تاكل ذبيحه و كأنك مش ماكل من سنه كامله :)

شوي شوي على عمرك

:)[/align]

(( تدرين أن أغلب الرجال اللي اعرفهم مصابين بالمجاعة ؟ ))

(( تدرين أن اوزانهم وزن الريشة ؟؟ ))

(( تدرين أنهم (( مثل القطاوة )) مسنترين عند المطاعم ؟))

وكل هذا بسبب أن ست الحسن والدلال مو فاضية لطبخ والنفخ

عليكم حركات يا الحريم ما ادري وش أسميها ..

فيكم مصالة .. وفيكم خنبقة .. وفيكم جلافة (( إذا شفتوا رجالكن ))

بس إذا.. بالعروس اناقة وشياكة وعطورات ..ألخ من الموال ..


انوار يا علتس منورة دوووم

من يأكلن بعد الرجال , يأكلن بعد اناس نظيفين وليس كما وصفتهم في آخر موضوعك ...

هذا اللي انا شايفة بعيني :)

لا تحاول تلمع صورة الرجال عند الأكل :)

تحياتي لك

هذي مصيبه اذا انت قاعد تاكل مع ناس يسوون الحركات اللي ذكرتها في آخر موضوعك ...



على فكره سؤال ع الطاير

كيف عرفت انها تاكل وهي مستمتعه ..؟؟

طيب ياخ اقلاااااااع بماذا تنصح
حتى تتحرر المرأة من الفضلة......

براااايفت....
اهتم بصحتك ولاتكثر من الدسم
واذا كنت ماتقدر تقاوم حب هذه
المعشوقة انصحك تعود نفسك
تمشي كل يوم ساعة ....

ايه تذكرررت دام رمضان دخل علينا
حاول تسوي لنفسك برنامج وتقلل
من الدهون واكبر غلط اكل الكبسة
بالسحور وبعدها تنام ....
معليش منصحة لكن هذا موضوع
جدا مهم ...ولا تنسى تمشي
اوووووكيه....

شوووف .. انا شفت وعادي الامر عندي تعودت منهم زز


تاكل وهي مستمتعة اجل فيه احد ياكل وهو مغصوب :)

شكرا على النصائح يا ست مي

ههههههههههههههههههههههه

تصدق عاد اثر اهلي متمدنين ماعمرنا قلطنا عقب الرجال .

عندنا عمات نكف وكرهات ومسوسات وينضرب لهن الف حساب ,,,, كاس الماء غير كاس اللبن غير كاس العصير يعني الصفره كله مواعين الله يعظم اجرنا وكل مسلم ,,,,
موضوع رهيب ,, الى الامام

قصدتس ما عمر الرجال لقطوا عقبكن :)

الله يكفينا شر أستمس يخرع :)

تحياتي

اي احترام ؟؟

اهو احترام أم احتقار؟؟

بصراحه انك صدقك اخوي ..

هالعادات والتقاليد..

مو من الدين ..

يعني هذي اشياء تعودنا عليها

ومنها ان المراءة تركب وراء بالسياره اذا كان فيه رجلين ختى لو انا اكبر او عمه او خاله

واشياء كثيييره

ايوه انا ابغى اتحرر

ابغى اتحرر من هالعادات والتقاليد .. ماهي من الدين ولم ينزل الله بها من سلطان

الي متى وهاذه افكارنا ؟؟

متى سنتطور ونرقى بفكرنا؟؟

[align=center]السلام عليكم و رحمة الله و بركاته

هايدي الجميلة

سؤال

إذا أكلتي بعد الوالد أو أخوج أو عمج أو خالج هل هذا راح ينقص شيء في نفسج

يا أختي الفاضله نحن بدو و ما عندنا ( السيدات أولاً ) لكن في نفس الوقت مش جاهلين و العادات و التقاليد مش نفس قبل بالضبط في تعديل فيها خصوصا إذا تكلمنا من ناحية طريقة تقديم الأكل ...

بعدين الريال له أحترامه و قدرة و حتى إذا ركبنا في الكرسي الورا من السيارة ما فيها شي و لا راح تنهد الدنيا :)

شكرا جزيلا[/align]