|
هل انا صح والا هم الصح..؟؟
قال لي أحد الاشخاص وانا احاوره بالمسن: وراك انت كلامك كذا .. ؟ تلكم زي الناس.. يومها اندهشت واستغربت .. قلت لايصير اتكلم روسي والا نيبالي وانا ما ادري وتكرر هالشي معي مرة ثانية في تويتر بحوار مع بعض المغردين وايضا وحده قالت لي : ليش أنت معقد كذا..؟ خلك كلامك مفهوم.. وأيضا ثانية قالت : ذابحن روحك بالفصحى.. نبي مترجم عشان نفهم عليك هالحين عيوني صارن فوق راسي وصارت العين الوحدة كبر الكورة والبوهة شاخصة ... >> تخيلوا عاد الموقف..! المهم واللي خلان اكتب هالموضوع هو هل صارت اللغة المرتبة والتي تعتني بالاسلوب الجميل حتى وان كانت مليانة من الاخطاء النحوية والاملائية لغة غير مفهومة..؟ وصعبة..؟ طيب أجل اللي يكتبون بالفصحى.. من بيقرأ لهم...؟ وهل لغة الصفصفة وكتابة حروف انجليزية هي اللغة المفهومة بهالوقت.. ؟ يعني باختصاااار هل انا صح والا هم الصح..؟؟ |
والله اللي اشوفه لغتك مفهومه وليست متكلفه
لكن هل انت هناك مثلما انت هنا ؟ |
سادة وقلعك
احد قال كلم بنات موظة البنات الحين كل كلمه وكلمه يكون بينها كلمة انقليزية ولو تسألها وش معناها قالت ما ادري خخخخخ تدري وش اللي مستغرب منه و وش اللي محيرني كلامك يوم تقول قالت لي وحده وقالت الثانية او يعنني مسدحهن خخخخخخ |
^^^^^
خخخخ تكلم على حسب المكان ونوع النقاش يعني مومعقول سواليف تكلم فصحى !! |
وانا بعد اشوف لغتك وكلامك مفهو م وسهل هنا!!!
كلم الناس حسب ثقافتهم ومفهومهم حاورهم بالغتهم وبيئتهم لاتتكلف اممممم جلستكم العائليه مع الاهل والاقارب هل تتحتاج ان تتحدث بالفصحي ولا العاميه اذا عامل الناس حسب قدرة استيعابهم وفهمهم |
التكلم بالفصحى شي جميل
لكن الان الثقافة تغيرت ونحاول نتكلم حسب ثقافة المتلقي بدون تكلف |
[frame="1 80"]
وايضا وحده قالت لي : ليش أنت معقد كذا..؟ خلك كلامك مفهوم.. وأيضا ثانية قالت : ذابحن روحك بالفصحى.. نبي مترجم عشان نفهم عليك [/frame] يوم تكلم هذولي معهن محرم |
اقتباس:
هلابك مديرنا.. يمكن عشان رقي ذوقك ولغتك.. شفتي لغتي مفهومة.. والاكيد انه لكل مقام مقال... لكن الغالب مثل هنا شكرا لك |
اقتباس:
هلابك الزنون السالفة وانا اخوك مافيها بنات والا عيال وراك عفطت وجه ابو السالفة :) ومابه تسديح ولا هم يحزنون.. انا كنت اتكلم عن (تويتر).... مهب عن (مسن) وعلاقات خاصة وانت تعرف تويتر ... مهب لازم انك تصير ضايف احد او داق معه الميانة عشان تقدر ترد او يرد عليك.. ومع ذلك... حياك الله اخوي الزنون... وتمون :) |
اقتباس:
هلابك ملبار مثل ماقلت لكل مقام مقال وويننا وين الفصحى..؟ الله يرحم الحال بس..؟ القصد الكلام العادي غير مفهوم... |
اقتباس:
هلابك بيبسي.. مشكور اخوي.. والله يسهلها عليك يارب.. والمقصود كما ذكرت.. ليست الفصحى.. من كيف حالك ياهذا.. وثكلتك أمك..؟ لكن كلام مفهوم... بس احس هناك ميل للغة بسيطة ... تعتمد احاينا على الحروووف مشكور لمرورك |
خلك على طبيعتك
وتكلم بالهجتك ولاعليك من احد انت صح وهم غلط |
ماتوا اللي يستخدمون الماسن انت للحين ما مت ؟
يامخضرم !! |
يمكن لأن كلامك رسمي شوي مالها علاقة بالفصحى ابد واغلب كلام الشباب
سوالف شات وكلماتهم انجليزية بالعربي . |
اقتباس:
هلابك اخوي رفيع الشان كلامك سليم.. والفصحى هي لغة الأصل وكما تفضلت المزج بينها وبين لغة الحديث افضل لك تحياتي |
اقتباس:
هلابك ام مشقاص مشكورة على رايك وأكيد ان هذا الاسلوب او ذاك له متابعوه ومحبوه شكرا لك |
اقتباس:
هلابك روح.. أحسك متحمسة زووود بالرد :) علامة استفهام.. وتعجب.. والله يستر من العجرا :) ومع شكري لردك وتواجدك هنا إلآ أني أتضايق كثيررررر من الشخص اللي يرد في زاوية بعيدة جدا عن أصل الموضوع تخيلي واحد يسألك عن رأيك بالجو ..؟ وتردين عليه تقولين: المكرونة أحسن وجبه..!!!!! كلامي عزيزتي ماكان عن المسن..!!! ولا له علاقة من قريب أو بعيد به... أو حتى كوني مخضرم أو ناشيء..!! وأتا قلت حوار مع أحد الزملاء بالمسن.. وهذا كان قديم وذكرني له بعض الردود اللي تجيني بتويتر بعض المرات عموما مشكورة على ردك ووسعي صدرك وانا اخوك... وترا مو كل شي يصلح نسيء النية فيه..!!!!!!!!! |
اقتباس:
هلابك غنيمة.. وشكرا لردك الجميل ممكن وجهة نظرك تكون صحيحة.. وان روح الكلام مايكون فيها مرونة وتظهر كانها رسمية هو اللي خلاهم يشوفونها معقدة شوي اشكرك ثانية |
أهلا مدير
.. لافصحى ولاعامية غير مفهومه هناك لغة الصحافة السائدة والبسيطة والمفهومة وربما هي ماتقصده أنت في حديثك . أخي أنت صح لكن ربما من معك من خامس ب وثاني متوسط وأنت متعب حالك ! |
عطنا مثال علشان تسهل الاجابة :)
|
اقتباس:
هلابك عزف الحقيقة وكما قيل .. التوسط في شيء ماكان الا زانه والمزج بين الاسلوب الرصين والشعبي مطلوب وحتى لغة الصحافة اخي الكريم تبدو غير مفهومة.. عند البعض اعجبتني خامس ب.. هههه شكرا لك |
اقتباس:
هلابك مختلفة... مثلا في تويتر... أكتب : سأكمل في الغد... أو سأعود لاحقا ... فأعترض علي البعض: ليش مكلف روحك تكتب بالفصحى..؟ ومن هالامثلة... التي تجد من يعارضها.. إما عدم فهم .. أو شعور بثقل الكلمات شكرا لمرورك مختلفة.... |
| الساعة الآن 05:33 pm. |
Powered by vBulletin® Version 3.8.8 Alpha 1
Copyright ©2000 - 2026, vBulletin Solutions, Inc. Trans by
موقع بريدة