|
هيئة الرياض تقبض على لاعب النصر الكولمبي
صحيفة المرصد قامت هيئة الأمر بالمعروف و النهي عن المنكر بتوقيف اللاعب الكولمبي خوان بابلو بينو في احد أسواق الرياض هو وزوجته . و كان لاعب النصر يتجول في احد الأسواق هو زوجته مرتديا قميصا بدون أكمام مما أدى لتلاسن رواد المول عليه إلى أن أتت الهيئة و تحفظت على اللاعب هو زوجته الحامل في السيارة حتى أتى مندوب نادي النصر و تم حل الموقف . و ذكرت مصادر مطلعة أن زوجة بينو عاشت في حالة من القلق، طالبةً الرحيل من السعودية وعدم الخروج من المنزل لحين إنهاء كافة الارتباطات المتعلقة بسفرها مع زوجها، و تشير المصادر إلى أن إدارة النصر طلبت من زوجة مدرب الفريق كوستاس وزوجة مساعده التدخل لتهدئة الأوضاع وثنيها عن قرار الرحيل ولكن باءت كل المحاولات بالفشل. و في معرض تعليقه على الخبر أعرب بينو عن حزنه الشديد لحدوث مثل هذا الأمر، ومؤكداً في الوقت ذاته أن الذي يقف خلف هذا التصعيد هم الجماهير المنافسة للنصر، موضحا أنه يعلم أن الهيئة في المملكة لها اشتراطات معينة، وذكر أنه اشترى عباءة لزوجته لكي تخرج للأسواق وهي محتشمة. =هذه هي أحدى اخطاء ادارة النصر هو ترك الحبل على الغارب وعدم تنبيه الاجانب بالتقيد بالنظام والمحافظة على الذوق العام |
ننتظر المُتشدقين بالدين ممن بكى الدم ايام رادوي
|
لو أنه وجد من يردعه لما فعل ذلك ..
ولكن يبدو أن النصراويين مشغولين بفريقهم فنياً وتجاهلوهم أخلاقياً!! |
الأهم هو رافعن أصبعه أو لا .. ههههههههههههههههههههه
جنرال لا تصير أنت الي تويتس بأبطه و بلغت الهيئة عنه .. يعني عقب ما شبعت دحمت الدين مداحم ..... ما عندي به إن تسانه مخطي يمهن خيره .. و إن تسانه رافعن أصبعة يقص أصبعه .. طيب و إن تسانه واااش بأحد الإسطبلات نحمل المسؤولية الحصان الرصاصي ما حسس زي عز الخيل .. هع أضحكوا آخر الزمان هلالي يدور الستر .. هههههههههههه |
نسيت شيء .. هههههههههههههههههههههههه
هي عادة الهيئة تتحفظ عن إسم اللاعب و الكاتب الصحفي يعرفه هههههههههههههههههههههههههه قسم إني تهمت من الضحك ... طبعاً نرجع لقاعدة أصبعة وشهو من أصبع إيمانا .. هع |
مافهمت شالسالفة ؟
فقط قمبص بدون أكمام ؟ |
^
منتب فاهمن شيء و الهيئة تتحفظ و الصحفي يعرفه ههههههه و النكته من وراء كل المشكلة هذي اصبع إيمانا .. الي خلى الهلاليين بهم دين ما يلاحن .. حنا يا جماعة الخير مؤمنين بأن اللاعب الأجنبي ما يوجد أنجس منه لا دين و لا أخلاق .. و من هذا المبدأ نتقبل برحابة صدر كل سذاجة أو وقاحة يقوم بها اللاعب الأجنبي ، بأننا نسير على منظور معين و الي يقول : ما أعظم من الكفر شيء ... بس ربيعنا الله يفتح على قلوبهم مخلين اللاعب الأجنبي طالب حلقه ، تكرم الحلقات ..! شفت يا جنرال و الله لو يفتح لك المجال إن تدخل للفيصلية لابس فانيلة علاقي و إن هشناك أو قلنا شيء قلت وش التخلف هذا ... لذلك حط بالبريق أميه و تعوذ من الشيطان ، ترى اللاعب الأجنبي ثورن محكحك و أولهم شيطانا حقكم .. :) |
يلا عاد نبي نشوف المشايخ وهيئة كبار العلماء شرط ان يقولون حنا
بلشين بالحريم وانتخاباتهن ويوم رادوي السدلان طلع يهرج |
الحقيقة اذا كان هذا الخبر حقيقي فيجب معاقبة هذا الاعب فا الوشم او الرسومات اللي بذرعانه واصله لرقبته اخو الشباب طالع للسوق ومصلع ذرعانه وين حنا فيه ..
|
الحين كل هالموضوع عشآن قميص بدون اكمام ..؟؟
صدز اهل العقول في راحة.. سيي يو |
الموقع الرسمي للفيفا يحتفل بميلاد الكابتن ياسر القحطاني
كتب في تصنيف محليات يومية بتاريخ Oct 09 2011 19:53:27 صحيفة المرصد أفرد الموقع الرسمي للاتحاد الدولي فيفا تقريراً اليوم الأحد احتفالاً بعيد ميلاد أبرز النجوم، من بينهم المهاجم السعودي ياسر القحطاني بالإضافة إلى أربعة عشراسماً من أبرز اللاعبين في العالم. وقال الموقع الرسمي للفيفا إن نجم المنتخب السعودي ياسر القحطاني والمحترف بنادي العين الإماراتي (29 عاماً) أحدأبرز الهدافين في السعودية خلال السنوات العشر الأخيرة، حيث ساهم بتأهل منتخب بلاده إلى نهائيات كأس العالم المانيا 2006 وهناك وضع اسمه في قائمة المسجلين في مباراة التعادل أمام تونس. وبعد عام حمل شارة قيادة "الأخضر" وقاده نحو نهائي كأس آسيا 2007 لكنه خسر فرصة حمل اللقب أمام العراق رغم تتويجه بلقب الهداف. كان ذلك العام 2007 رائعا للغاية إذ توج القحطاني بلقب أفضل لاعب في القارة الآسيوية، وساهم ياسر في انتصارات مهمة للمنتخب،حيث فاز معه بلقب كأس الخليج وكأس العرب. انطلق القحطاني من صفوف نادي القادسية وبعد محاولات انتقل نحو العملاق الكبير فريق الهلال وهناك ساهم في نيله للقب الدوري "4مرات" وكأس ولي العهد "6 مرات"، أراد ياسر خوض تجربة جديدة فخرج نحو الإمارات ليلعب مع العين بنظام الإعارة اعتبارا من بداية هذا الموسم. المصدر : وكالات |
ليت إدارة النصر تقول للكنيسة المتنقله يغطي عنا صور مريم وعيسى _ عليهما السلام _ المزعومه
وودكم تشوفون بعض العقليات اللي تمشي الدين على كيفه ادخلو هـالموضوع وشوفو نصايحهم http://www.buraydh.com/forum/showthr...D1%C7%CF%E6%ED اللهم أرنا الحق حقاً وارزقنا اتباعه ... وارنا الباطل باطلاً وارزقنا اجتنابه |
^^
يحركون الدين حسب الألوان |
اقتباس:
الله المستعان الان مع الاسف اصبح الدين مسيس حسب الهوى والميول عند بعض الناس ومع الاسف ان هذا شي لايجب ان يسكت عنه واتذكر هنا موقف للمرحوم عبدالرحمن بن سعود حينما قالوا ما جد عبدالله يلبس سلسال فقال رحمه الله انت البس ( رشرش او مجلس ) بس جب اهداف ويبدو ان المسئولين طبقوا المقوله وبدل من ان يبحثون عن صليب احضروا كنيسه كامله الشوي ما به بركه ومع الاسف هناك من يتفنن بحجز الحريات ويجب ان نظامنا يطبق على لاعبيننا السعوديين فقط وبنسبه لتقليد المراهقين لهم اصلا من هم حتى يقلدونهم وشم عند لاعبين الفرق الخارجيه الناس الان تتابع الكوره الخارجيه اكثر من الداخليه إذا من اين سوف يأتي التأثير لو كل فريق وفر جهده لفريقه لكان افضل صبرا جميلا والله المستعان |
يعني ممنوع اطلع عضلاتي والتسويات الي بكتوفي ؟
|
|
عندنا مثل يقول ياغريب كون اديب
لوزم الواحد يتقيد بعادات وتقاليد البلد ويتبع قوانيينه واحكامه وبث ^_^ |
.
. . كريه ذا اللاعب وكل يوم يفاجأني بشي يكرهني فيه زياده ويلي كان يطلع زوجته بالعبايه ومتفهم الوضع لبى قلبه |
شاطئ الراحه ....
انت تقووول (( حنا يا جماعة الخير مؤمنين بأن اللاعب الأجنبي ما يوجد أنجس منه لا دين و لا أخلاق .. و من هذا المبدأ نتقبل برحابة صدر كل سذاجة أو وقاحة يقوم بها اللاعب الأجنبي ، بأننا نسير على منظور معين و الي يقول : ما أعظم من الكفر شيء ... بس ربيعنا الله يفتح على قلوبهم مخلين اللاعب الأجنبي طالب حلقه ، تكرم الحلقات ..! )) طيب وين انتم يوم رادوي به سويتوا صجه ولجه وسويتوا قضيه ... وهي ماتستاهل يعني معروووفه ان الدين ماله دخل بالرياضه بس سويتوا انفسكم يا هالفقراويه مشايخ وطلبة علم .... لكن الله بلاكم بلاعب اشين واشين ياسبحان الله ... ومن ناحية اصبع ايمانا مصوركم اللي صور ايمانا ماجا وقت المحاكمه وهذ اكبر دليه انه مفبركه ... شطحهـ :: (( انا ما ادي وشلون شافه لحاله مع العلم انه به حول 4 مصورين ياسبحان الله )) تحياااااااااتي |
لي عودة لكم
|
هههههههههههههههههههههههههه
س : سؤال ؟ الحين الرجال وش مسوي ؟... عشان عليه بلوزه بدون اكمام طيب وشفيها عاد هو رجال وعادي اناقلت متحرش باحد الناس او شيء اخر غرررريبه والله يلبس الي يلبس الى متى تدوير العلل الحين موشبابنا يلبسون هذا الي يسمى بالكت ,, طيب ليه التدقيق صدق النصر ملاحق بكل مكان الله يكون بعونهم!!!!!!!!!!؟؟؟؟؟؟؟؟؟؟؟؟؟ شر البليه مايضحك هههههههههههههههههههههههههههههههههه |
هيئه غريبه فعلا ...!! واذا لبس فنيله بدون كمام ..؟! ..من متى ممنوع ومخالف للذوق العام .. الشاب السعودي في العشر سنوات الاخيرة مابقى الا يمشي في الشارع بمايوه حتى الشعر طوله مثل البنات وبدا يربطه بربطات وهالمسيحي يمشي بأمان الله لابس لبس عادي جدا ومقبول ويمسك كمخالف للذوق العام .. او لانه مسيحي يرون كل شي منه غلط ..!؟ الله يخلف على عقول هيئاتنا وبعض شبابنا ..وللعلم مادافع لانه نصراوي.حتى لو هو بنادي الهلال راح ادافع عنه... الحق حق ...واعترفوا ياهلاليين ان هالقرار والقضيه فعلا سخيفه مو استلمتوا ادارة النصر تأيدوا زميلكم جنرال لايتفشل بنقل هالموضوع السخيف والتافه.. : |
-
|
- اقتباس:
|
^ جزاك الله خير ماوقفت على رسومات وغيرها الرياضه كذا لابد تتقبل والا قل لنواف وشلته ضفوا عفشكم واطلعوا من الفيفا والا لا يقبل محترفين كفار خخخخخخخخخخـ الفيفا له قوانينه التي تسن على اي اتحاد والفيفا مايدخل الديانات ولا السياسه بأنظمته عندك حكي ثاني مثل ماقلت لك رح لنواف وقله شل عفشك واطلع من الفيفا اما اذا سيظل يتبع الفيفا الفيفا بيقول له سياستك برا وديانتك برا ..! فـ جزاك الله خير كلنا مسلمين وكلنا نقول ( الله يقويكم يالهيئه ) لكن موب مع اللاعبين اسألك سؤال كم من كافر بالسعوديه يلبس قلاده والا راسم شي بيده والا يلبس سواره ؟ قرب الجمس خل نحملهم ههههههههههـ :p اقتباس:
+1 انا مع هالحكي الزين :) لو رادوي مكانه بقول نفس الحكي << كي لا ينبرش هلالي وينشب بحلقي .! خخخخـ وين احنا فيه ؟ محمد ديارا ايام كابيلو بريال مدريد العالم اخذه الدوري وشمبانيا والخ ومحمد ديارا ساجد بوسط الدائره ماحد قال له ليش ؟ واطردوه ؟ ووقفوه ؟ والخ اساساً مايحق لهم ويعرفون انهم مايقدرون .! ريبيري ببايرن ميونخ يجي لمكه ويعتمر ويلعب مع بايرن وفرنسا ويقرأ فاتحه ولا احد قال له شي ولو بيسوي اي شي يخص ديانته المسلمه ماحد مسه بكلمه ابيدال ببرشلونه يقرأ قران ويسوي اموره الدينيه عادي :) وين احنا فيه ؟ بيمنعون لاعب النصر او اي لاعب فريق آخر لانه واضع رسومات على يده والا لانه واضع صليب والا والا .! يعني انسان ديانته كذا وش تتوقعون ؟ اذا وقفتوه بيكون بروضة المسجد ؟ هههههههـ اذا ربي هداه بيسلم وغير كذا هو عقليه رياضيه ولديه علم ان الفيفا يبعد الاديان عن مسابقاته ويرى هذا الامر عادي البعض بيقول هذا بلد الحرمين وبلد مسلمين وغير ذلك ولابد من الانصياع لكل تقاليد هالبلد وهو لم يقرب من سياسه هذا البلد ولا ديانته ولم يعمل شي يعاقب عليه القانون .! فـ ليش ينمسك من هيئه وليش يمنع اساساً ؟ اقول لكم هالبلد سحابين وربي ههههههههههـ :p يعني البعض بيفهمني انه مثلاً بالسعوديه ماسبق وان شاف احد راسم بيده شي حتى لو سعودي ؟ طبعاً شفنا وشفنا آخرين من ديانات مختلفه على كلامكم قربوا جموس الهيئه واي احد بالشارع لابس سواره او سلسال او راسم شي بيده ضفوه بالجمس هههههههههههـ قسم بالله هالبلد غريب عجيب فيه العجب العجاب ويركز على اتفه الامور ههههههههههههـ .! يابلادي واصلي :p |
اقتباس:
لازلت مقتنعه برأيي ...:) عزيزتي ليلاس .. قلت ان شبابنا يلبس من عشر سنين تقريبا وبشكل عادي ملابس بدون اكمام وشورتات وبرمودات بشكل عادي في الشارع ..فليه وقفت على هالنصراني انه مخالف للذوق العام وهو عليه بلوزة رياضيه ..؟ والوشوم خليه ان بغى يوشم قلبه ..حنا ماعلينا من وشومه ولا هو من حقنا اننا نتدخل بوشومه ولا بدينه.. عجيبين والله ..صدق بلشين بارواحكم المهم المعارضه للعضو النصراوي فقط ..! : |
سبحان الله تغيرت النظرهـ
من غيرهـ على الدين لدى النصراويين الي طلب التسامح وعدم تنفير الناس من الاسلام دين مُتحرك يتبع اللون |
^ ^ ^ |
88
عجيبين والله .. الميول ماله خص نهائيا في تحليلي وتعليقاتي كل ماقلته واقوله انهم مالهم شغل فيه يعمل اللي يعمله ويلبس اللي يلبسه هو حر باللي يعمله طالما ماطال ديننا بشي ولا جلس يدعو لدينه ولا تحرش بمتسوقات..وش الداعي لبهذلته هو وزوجته الحامل ..؟ و حتى لوكان لاعب هلالي راح اقول نفس هذا الكلام ... اعرف ان تعليقكم بعدي وكأنكم صامين عقولكم عن الفهم وتصرون تدخلون الميول في الموضوع : |
قبل الخروج من الطرح اود شكركم مشجعي الهلال انكم اديتونا دليل ان جماهير الهلال والنصر متشابهين تماما ومافي فرق بينهم في العقليه في ميولهم لأديتهم كنت دائما في المنتديات النصراويه ورابطاتها في المنتديات الاخرى اقول في نفسي انهم فعلا نفسيات وهمهم الهلال وتدوير وجمع زلاته ..وانصحهم بضبط النفس وترك الهلال وشانه ولكن هنا في منتدى بريدة في هذا القسم تأكدت ان من جمهور الهلال من ينطبق عليهم جميع مايذكر عن بعض النصراويين... نفسيات ..متعصبين ..صمخان عن سماع الحق ..متمسكين بآرائهم ..عنيدين .. لايتقبلون الرأي الآخر .. مادري والله وش بتاصلون له بهالقسم يا اخوة..لا ألوم من ترك القسم من النصراويين. : |
الحين صحيت من غفوتي
نسيت أن الأكمام ليست هي المشكلة بل الاستعراض برسوماته الدينية سبب للرفض اتمنى ألا نضخم الأمر ونشكر الهيئة ع اجراءاتها الحريصة ع التقليل من ضرره |
ونسيت أخبركم أني هلالي !
وأطالب ألا نتكلم عن القضايا الرياضية بلغة الميول لأن هذا خطر ف الدين ويبقى الإنسان ع رأية سواء كان رادوي الهلال أو بينيو النصر ويوم أشعر أنني اقترفت ذلك أبتعد عن الرياضة 100000000 قدم حتى لا يشتعل قلبي بالنار |
أتابع جميع الردود
بدون إستثناء كائناً من كان |
تحدوها البشر .........
كلامك عين العقل... |
أين البقية ...........
|
| الساعة الآن 08:50 am. |
Powered by vBulletin® Version 3.8.8 Alpha 1
Copyright ©2000 - 2026, vBulletin Solutions, Inc. Trans by
موقع بريدة