اذا تمردت زوجتك على اوامرك .. اتبع الخطوات التالية .
 

لما تتمرد زوجتك عليك ويطول لسانها وترفض اوامرك فهنا تحتاج لعسف شديد لانها خرجت عن نطاق السيطره ...

عزيزي الزرج اتبع الخطوات التالية ..

1- الهواش لن يفيد .. بس تزعج الجيران بصراخك وصراخها .

2- الهجر لن يؤدب وإن ادب سيكون بشكل موقت وحسب مزاجها .

3- الضرب ليس اسلوب حضاري وبرضه لن يفيد . وقد يسبب مشكلة صحية ومشاكل اكثر .

4- حرمانها من مصاريف الملابس لن يفيد وخاصة ان كثير منهن معلمات وموظفات .

5- تكلم ابوها .برضه ماينفع لان ابوها بيقول عنك رخمه ماتعرف تعسف وانا ماجوزتك الا برتاح وجاين تشغلني .

6- تكلم امها .. ياسواد ليلك لانك انت الغلطان بتطلع نمره واستماره ( الحريم يحكمون بالمشاعر )


7- تكلم اخوها .. هذا حلو ,, بس بتدخل بمشكلة معها اكبر وهو انك تنشر الغسيل برا البيت .


8- توديها بيت اهلها وتطفي جوالك وتنساها لك كم اسبوع هذا احسن حل
لهذه الاسبـــــــــــــــــــــــــــــــــــاب ..


1- تعرف انك رجل جاد ولا عندك كيري ميري .

2- تبدا الوساوس تاكلها اكل ( اعرس علي .. اعرس علي.. اخس يانا كيف خربت بيتي بيدي) ومن هذا الكلام ) .

3- تلقط وجهها قدام خواتها والطالع والداخل .. خواتها ازواجهن ياعيني داخلين.. طالعين .. وهي بارد وجها .

4- اذا ابوها وامها سنعين بيكرفون والديها بالبيت يخلون يدها على الجوال بس تنتظر منك اتصال ولا رساله ولا نفس .

5- خلاص ( بتله نقاط ) اشوف السالفه جازت لكم !!

مع السلامه

ياعيني هم ابيهم يحسمون الوضع ويرتاحون( لو الجدى اليوم قضيته بس البلا طول الايام ) .. اما بالنسبة للزوجة اللي بتادب زوجها وتهج من نفسها لاهلها ما تنفع مع كل الرجال .. بعضهم عنيد وماتلوي ايده ولذا كوني حذره .

وانتي بعد خلتس محضر خير :(

الصز اني اشتهيت جبن كيري من قريت موضوعك وخاصه كلمتك (كيري ميري)

سؤال /
هو للحين الرجل والمره يتهاوشون ؟

الظاهر يالقلم الصريح .....
الحل مو على كل حال يضبط .....

الخوف من هي تسكر جواله وتقعد بالبيت لحالك
وبعده تجي وأنت تحبي لبيتهم ..

الركااده زينه والآ ؟؟

اما الجزاء فالتطبيق الشرعي افضل

واتمنى من الجميع في حين

الغضب ان يقف وقفه

ذهنيه لحظه

بسيطه

ويقول

في نفسه

هالحين انا اوهي

عصبت ونسيت طيبته

وكرامته علي طبعن كل الطرفين

لحد يجلس يطلق عنان اللسان ولا يسكت

حتى الشيطان يحس بالانس في

هذه النزاعات وهو من يدبرها

يجب علينا حين الزعل

كل م الطرف الثاني

يذكر فضل الاخر

حتى ترجع

المياه

لمجاريها

أسئل الله ان

يوفق كل زوج مع

زوجته وان لايدخل الشيطان

بينهما وجمعهم في

الدارين الدنيا

والاخره

تقديري

واحترامي

قال تعالى :
(وَاللَّاتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلَا تَبْغُوا عَلَيْهِنَّ سَبِيلًا إِنَّ اللَّهَ كَانَ عَلِيًّا كَبِيرًا )

سبحانه ..
قدم الله سبحانه وتعالى الموعظة و الدعوة واتخاذ السبل للعلاج على الهجر و الضرب وهما يمثلان اسلوب الزجر والعقاب في حال نشوز الزوجه وعدم طاعتها لزوجها في حق من حقوقه ..
لكن من ذا الذي يتخذ من القرآن منهج ونظام حياة يسير عليها ..

ورب السماء لو سارت حياتنا على توجيهات القرآن و تعاليمة لما تشتت البيوت وتقطعت الأرحام ..

بريداويه .. لا هذولاء خليهم يولون مولى ام عامر وحمارها
انا اسولف عن الاشياء اللي مواجيب عليها مثل طعامه ولبسه وضيوفه وفراشه واوامر الشرع والعادات

انتم ماصيعكم يالرجال الا هالهرج .. العيال والاكل .. والشرب والنوم
لا حدت اضرب بالارض برجلك لا تخف جوعا ولا حتى صبخه وشف النتيجه .

اسمحلي لم توفق لإسداء النصح المناسب بل ان نصيحتك تؤدي الى تفاقم المشكله
وغالبا من يسدي النصائح بهذا الأسلوب غالبا مايعاني من نفس المشكله ولم يستطع السيطره عليها او تداركها فيلجأ الى حلول غير منطقيه عقيمه اما من ينظر الى المشكله عن بعد يستطيع ان يتحكم بها ويسيطر عليها أكثر ممن يعايشها لما يعتريه من تشتت الذهن وفقدان االتوازن الفكري فيخرج بحلول أو نصائح غير مجديه كما هي مدونه في بدايه هذا الموضوع وربما تنهي العلا قه الزوجيه للأسف..
اتمنى لك حياه زوجيه يسودها التفاهم والإحترام...

هههه تزحكين من ورا قلبك ادري خليه يتاخر شوين بص عن البيت قصم
تنسين عيالك من الشر اللي بتس ومخك يضر اسداس باخماس
هالهيس وين ذلف اكيد واكيد وابليس شاطر ومبسوط زيك الساعه ومسوي صداقه معك
..

تبون الجد احس هالحركه تنفع على الزوج اكثر من الزوجه (زي ماقال البعض)

يعني انا وش بينقصن لرحت لاهلي وخليته ؟!
الا بيزود
- اولاً عيالي محفولين مكفولين ومافيه وجع راس وكلن بيفرح بهم من اصغر اخواني لاكبرهم
- وجع الظهر بيروح لاني بصير ماغير تسدح وتبطح وحتى الماء بيجي لمي بدال ما انا الي اجيب الماء لرجلي
- بنام على كيفي واصحى على كيفي <-- طراه ماعندي مسؤوليات ومخي فاضي
- الغداء يجي لعندي والمواعين (تراه اهم شي هن) ماراح اسبعهن , وبهالمناسبه حتى شغل البيت مافيه

وهو بينقصه كثيرررررر لراحت عنه زوجته وخلته
- ثياب وسخه ومافيه شي جاهر
- لخلص متروش واكتشف انه ماجاب الفوطه بلش بعمره خاصه المكيفات يرزحن بهالبيوت يعني لطلع بيدخله برد <- لان ماعنده زوجه تنتظره برى باب الحمام تعطيه المنشفه
- لعطش وبغى ماء هنا عاد البلشه بيموت من العطش لانه ماله خلق يجيب لنفسه ماء
- ثيابه المطرقات بيصيرن محتاسات (لانه ماتعود ياخذ ثيابه بنفسه من الدولاب)
- وياسلام بعد لو تاركه عنده عيالهم وما اخذتهم , هنا الاكشن على اصوله

اتوقع هي كم ساعه وبيروح يترجاه لانه مب قادر يعيش بدون احد يهف عليه http://www.buraydh.com/forum/images/icons/icon10.gif

وعلى فكره تراه ايام منول اندثرن الي لجت البنت لبيت اهله ودمعته على خده قالوا انتي الغلطانه
الحين يستقبلونهن اهلهن بالاحضان ويقولون مازوجناتس عشان متضايقين منك او عشان تتنكدين الا مزوجينتس لان هذي سنة الحياة ونبيك تسعدين

ويالقلم الصريح بتحس بهالشي متى ماتزوجت بنتك
وتذكر كلامي
لانه كل مادخلت بنتك مع الباب, غصب عليك بتناظر وجهه هي مبسوطه؟؟ هي متكدره؟؟؟ <-- لانك ربيته وتعبت عليه , وسلمته لرجل ودك انه يحافظ على جوهرتك




شكلك ماتزوجتي والا لو متزوجه كان عرفتي ان فيه فرق بين خوفك عليه من تاخره عن البيت بانه يمكن جاه شي لاسمح الله !!!
وبين انه يسويه ويحطك عند اهلك ويختفي وتدرين انه مسوي هالحركه عدم مسؤوليه منه ولا مبالاة
اكيد هنا بيطيح من عينك طيحة شينه


تحياتي

اهم شيء طلعنا بفائدة وبالعافية غليك ..
طيب انت تنشدين هم للحين يتهاوشون يعني مار عليك الجزر والمد البحري .
ا

اذا كان الرجل رخمه مارايح يضبط .. هالعلوم تبي قلوب رجال صامدين

الا تسكر افمها عن الاكل والشرب وقولوا ماقاله قلم صريع

لا ماعليك خوف مادامك مشيمه نفسك ومشيمته .

نادر جدا والنادر ماله جكم يحفظ ولا يقاس عليه

اصلا اسمي مثل العلاج مرفوع دايم عن المبزره ههههه

حلوه النقطة الخامسه هههههه
مايادب الزوجة العاصي الا بيت اهلها وان ماادربها بيت اهلها مافيها رجاء .. امسح الجاده اللي قد حطيت ودور لك جاده جديده

الله لا يحرمك من هالضحكه اللي طولها مترين .. لو مايجي من مقالي التافهه الا هي .