تزوجته بعد أن رفضت الكثير فكافأها بزوجة ثانيه وصار يضربها بليلتها !!
 

للأسف هناك رجال فيهم من القسوة والظلم الكثير و انعدام الرحمه 00



منهم هذا الرجل الذي تقدم لقريبتي التي رفضت الكثيرمن الخاطبين




لكن سبحان الله وافقت على هذا وليتها لم توافق ( استغفر الله العظيم )



فقد تزوجته وانجبت منه عدد من الأطفال ( ماشاء الله حلا وأدب )



بعد قرابة عشر سنوات على زواجهما ( وبدلا من تقديم هديه بمناسبة



مرور شر سنوات على زواجهما ) فاجأها بزوجة ثانيه !!



مفاجأة أذهلت الجميع ( فزوجته لم تقصر بحقه إضافة لجمالها



وطيبتها 0000 لكن ( النذل ) نذل وبعض الرجال ( لئيم ) مايقدر !



تزوج من فتاة أقل بكثير جمالا من زوجته الأولى !!



00 المهم زوجته الأولى تحملت الوضع ولم يكن أما مها سوى الرضا



بالقدر والقيام بدورها كزوجه 0000 لكنه للأسف تغير ( وكأنه منتقم )



فصار يأتي ليوم الزوجه الأولى ( متأخر ونفسه براس خشمه ثم ينام ) !!



ولاقام ( سعادته ) قعد يهوش ثم يلبس ويروح ( للثانيه ) (( أي عدل هذا )) ؟؟



00 الأولى ما أن يخرج حتى ( تذرف الدموع مما لاقته وتلاقيه من زوجها وصارت على



هالحال فترة 000 زاد بعدها من ظلمه وصار يشتمها ويسخر منها ثم ينهال عليها ( بالضرب )



وهذا حال يومها (( لاعاده من يوم )) 00 هذا ( الظالم ) لم يكفيه كل هذا فصار يأتي



ليأخذ الأطفال ويكشت بهم ويترك أمهم ( وحيده بالبيت ) تفنن بتعذيبها وبحق اي تعذيب



أشد من ذلك ؟ يا إلهي أي رجل أنت (( ستندم كثيرا على كل مافعلته بهذه المسكينه ))



ورغم كل هذا وهي صابره محتسبه دموعها لا تفارقها وآلام الضرب ما أن تهون هذا اليوم



حتى يتجدد في اليوم التالي !! ولم تخبر أهلها من أجل أطفالها وتخشى أن يصل الأمر للطلاق



( وضحّت من أجل هالأطفال ) حتى كثرت الأمراض التي تشتكي منها وصارت ملامحها ملامح



عجوز بالستينات وهي لم تبلغ الأربعين بعد !!



000 وأنا أكتب هذه الأسطر ذرفت الدموع (رحمة ) بتلك المسكينه وتمنيت لو أنه يطلقها


لأتزوجها ( فقط رحمة بها ) ولأعوضها شيئا من السنوات التي عاشتها بالتعذيب والضرب والبكاء !



(( لاحول ولاقوة إلا بالله ))000 وش رايكم اليس الطلاق أفضل من البقاء مع هذا المستبد الظالم ؟

هو لو لاقي وراها رجال يتوطون ببطنه لارفع يده عليها
ماسوّا هالسواه

ما أقول غير الله يفرج همها وكل مسلم ومسلمه

الله يصلح حالها ويهدي زوجها .... ما احد يعلم الحقيقه والسبب ..
البيوت اسرار يا نصراوي لاتحمس كثير ويضيق بالك. الرجل مثل الطفل بسلوك المرأة تحطه كرت بجيبه .. والعكس ..
تأكد يستحيل الرجل يتصرف كذا بدون اسباب ..


ماشاء الله عليك .. الله يكثر من امثالك ..

ماشاء الله عنده رجال يمكن يطحنونه طحن لكن هي رافضه أحد يتدخل


خايفه المسكينه من الطلاق 000 شكرا لطيب روحك 00

الرائعه العالميه تحدوها البشر شكلك ( تتهمين المرأة ) ؟


والله العظيم أنها قريبتي وخواتي وأمي يثنون عليها بالمرة


وحتى الكل يثني عليها بأدبها وخلقها وطيبتها وحتى طاعة زوجها


لكن تحدوها البشر هناك فئة من الرجال ( مستبدين ) ثم لو أنها


لم تكن مظلومه ومعذبه 00 لما تمنيت الزواج منها 00 شكرا لإضاءتك


ايها العالميه 000 تحياتي

نسأل الله العافية
كثير من الحالات هذي تصير
هي تصبر ... وهو يزيد
أحس ان الحريم اللي زيها هي اللي تجيب المشاكل لبيتها بيدها وهي ماتدري
لازم تحط حد لحياتها تخليه مايتعدى عليها ..أو انها تتحمل اللي يجيها
_ نسأل الله العافية _

الله ياجرك على احساسك

لاحرمك الله الأجر والسداد ,,,

وانا اقرأ رجعت اشوف الكاتب شكيت انه عضوه مو عضو

كيف تلقبه بالنذل عندما تزوج وهذا شرع شرعه الله سبحانه وتعالى؟؟

اما عن سالفة العدل الله سبحانه وتعالى فقط المحاسب عن هذا

اما الشي الثالث تاكد انه هناك اشياء خفيه لا تعلم بها لذلك لاتتسرع في الحكم وليس كا مايقال صحيح

ولا تاخف على المظلوم ربي ينصره

حسبي الله ونعم الوكيل الله يهدية ولا ان الله يسلط عليها ملائكة السماء وجنود الارض
ذا منزوعه الرحمة من قلبة
لاكن كما تدين تدان ماسواه فية بيجي من يسوية ببناته ولاخواته
الله يفرجلها بهدايتة ولا اخذتة نزلت دموعي قبل كلماتي
بعد انت يانصراوي والله انك اجودي الله يعطيك على فالك يارب

قلت مرة يانصراوي الرجل خائن بطبعة إلا القليل جداً ولم يصدقني أحد,
لا يستوجب أن يؤمن الرجل ويعامل عالياً جدا ً ولايستحقر فينزل جداً الوسط الوسط,
قل لها لاتبتأس متلما هو اوجد لنفسة البدائل ليرتاح لتجد لنفسها أي بديل قد يسعدها لانه بزواجه من آخرى يكون قد أنتهى ,
أسأل الله لها التفريج والنصرة على من ظلمها وان يجزيها بقدر نوايها البيض ,
شكراً لعرضك نموذج لحال الرجل المكافىء .!

وربي ماصدقت ولا قلت الحق الرجال الطيبن كثر وهو الغالب .

والقليل الانذال لحقيرين لو ان الرجال اخائنين لارأيت السجون والمحاكم والشرط مكتضة بهم

لا توهقين بنات الناس وربي ان السعيده من تنام باحضان زوجها وتسمع كلمه وتعز مقامه

اما كلامك فهو عاري عن الصحة في الغالب ,

ياحياتي هي الله يهدي زوجه ويسخره له ياحي ياقيوم
بعدين لو تبي تتطلق عياله وين بيروحون؟!!
الزوجه دايم قبل تفكر بنفسه تفكر بعياله
الله يخليهم له

ياويله من ربي على هاللي يسويه بالمسكينة..

لا شيء يجعل المرأة ترمي *بكرامتها ارضا أمام رجل حقير نذل سافل إلا فلذات الكبد..

كان الله في عونها..فلتلجأ الى ربا رحيما رؤوفا يجيب المضطر اذا دعااااااه

قلت إلا القليل : يالله أنتا من القليل http://www.buraydh.com/forum/images/icons/icon7.gif

ياحنون قلبك حنون .. اجل ذرفت دموعك رحمة بها !!
والله ماخبرنا الرجال فيهم ذرة رحمة وهالرجل اللي جايب لنا قصته اكبر دليل وياكثر اللي على شاكلته
لكن عتبي على هالحريم الدلوخ اللي صايرات عبدات لأزواجهن مو زوجات
انا خابرة ثنتين متزوج عليهن زوجهن ومتعذبات .. ماتجي تتزوجهن وتاخذ أجرهن ؟؟ تراهن جميلات لكن معهن دستة عيال وبس ينتظرن ورقتهن .

أغاب عنه هدي الحبيب علية الصلاة والسلام !!؟؟

قال الرسول http://www.kalemat.org/gfx/article_salla.gif: استوصوا بالنساء خيرا فإنما هن عوان عندكم، إن لكم عليهن حقا، ولهن عليكم حقا) ، رواه الترمذي.

الرجل "الشهم" من يعي انه اذا استحالت العشره بينه وبين زوجته يكن "الطلاق" واذا كره هذا الامر فًيُبقى الود واحترام العشره
لا الاهانة والضرب !!
قال الرسول عليه الصلاة و السلام (((إنما النساء شقائق الرجال، ما أكرمهن إلا كريم، وما أهانهن إلا لئيم )))، (رواه احمد)،

ماطار طير وارتفع الاكما طار وقع...

طاف الرجال ومرده يصحي ويعقل...

اولا يجب عليها الصبر ثانيا التطنيش...

لاتسوي له اي اعتبار واهتمام زايد دون التقصير بواجباته وتحاول تبين له انه مو هامها واخر شي تفكر فيه...

الرجال اذا شافها مقفيه لحقها وطول ماهي تلاحقه ومهتمه له بيهج ويتغلا ...

لازم تلغيه من حياتها وتعيش لنفسها وعيالها سواء راح او جاء....

الله يسعدها وينصرها ويسخره لها غصب عليه...

[align=justify]

نصراوي

ما بعد الاهانة بالشتم والضرب شي انا اقول اذا كان فيها كدمات من اثر الضرب انصح انها تروح لمستشفى حكومي وتسوي شكوى عليه

ليه خايفه من الطلاق عشان عيالها وهو ماطلقها راحو معاه وتركوها انا لو ابوي يسوي بامي كذا ما بكلمة لو ايش يصير كيف اتمشى معاه

خليها تنفذ بجلدها وتخبر اهلها مافيه شي بالدنيا يستاهل الاهانه اهم شي الكرامة واذا راحت راح كل شي وراها.

نصيحة لها خليها تدعي عليه آخر الليل وبتشوف قدرة ربي عليه مفعول الدعاء عجيب.
[/align]

قريبتك والله العالم انه مثل اللي يقولن (كله الا ابو العيال وهي تصير دنيا بدونه وانا من لي غيره ..))لا وتلقينه مصبحها و ومسيها بكف وهوش وصراخ وفطور ينقز مر ..واخرته تدور رضاه ..!!الحرمه من تصنع لها شان واحترام واذا تنازلت عن اي حق من حقوقها راحت عليها وصارت مثل ذي ...وبالاخير هي الخسرانه وهالبزران راس مالهم يكبرون وهو تتركه بحريقه هذا مو رجال والا اذا مايبيها بعد زوجته يتركها او يعاملها بحسنى ...بس شعب ماعنده مسؤوليه وهي الغلطانه اللي تسمح لاشكاله يفكر يتطاول عليها ...الرجال يحسبونه يملكون الحرمونه وانهم يمنون عليها بالزواج ...


الله يساعدها ويفرج لها بالفرج القريب مالها الا الدعاء

وين هووووووبه اروح ممكن توصفين للي

شوفي اذا تكلمتي فاثبتي ولاتحكمين على الرجال بقصة سمعتيها

والا انا قسم بالذي لايحلف بسواه ان قريبتي فوق رووس رجالهن اميرات واميرات بحب وغلا ازواجهن

بصراحه قتاله فكرت اتحداكي بس بعد ماشفت الشروط هونت ...الا بالله صادقه وكلامك عالعين والراس واتركي شعرك سواد الليل لا تقصيه ..عشانهم ترى ماعنك احد يستاهل ...

ههههههههه

خلاص كلامك صحيح

قتالة

مو كل السعوديين وحوش فيه رجال يخافون ربهم، انا طيب كيف اثبت لك.

انا اخذ كلامي من القران والسنه >>بوجوب طاعة المرأة لزوجها على الحب والمكره من غير معصية الله .



وصدقين لوحطيتي استفتاء ان تبنشرين ماتلقين من يساعدك غير وحده او ثنتين .

الله يسلمك هكذا عرفت النساء بحب الخير للجميع .

استغفر الله بعض الناس ماعنده اي رحمه

اااااااااااااااااكيد الطلاق ازين من الجلوس مع هذا الرجل الضالم

اذا انا ابتحدث عن نفسي وربي ان دمعة تخرج من عين امي او اختى اشد على من خروجها من عيني .




انا ماقلت الرجال ملائكة منزلين ولا انبياء معصومين هم بشر فيهم الصالح والطالح

وفيهم الذي يسوى والذي مايسوى ظفر امرأة قصته ورمته بالزباله واعلم ان فيهم ظلمه وفاسقين.

لكن ياعزيزتي انا اقول لاتحرضين البنات على ازواجهن لان كلامك شاهر ياظاهر كل يقرأه

فيه السفية والضعيفة والقاصرة عندما ترى مثل هذا الكلام تشيل شراعها وجلبابها على زوجها .

أختي أنت قلت تزوج يعني حلال محله الله ، بالنسبة لعدم العدل فالله يهديه وهذا ما يجب أن ينبه عليه
وأما مسألة جميلة وغير جميلة فليست عنصر جذب لمن يتوغل في المرأة هناك عناصر أخرى تجذب الرجل
وإلا وش خلا تشارلز ولي عهد بريطانيا يخلي المزيونها ديانا ويرتبط بالشيفه كاميلا
نعم الطيبة والحنونة مطلب ولكني من خلال اطلاع ومشاهدات أجد هذا الصنف دائما مستسلمه وتتحمل بزيادة وضعيفة وشخصية مهزوزة