|
لاشي ..يستحق !! ... مهاجم دولي
5:53 ص الخميس 2010/10/14م ستكون هنا اوراق .. ماضي .. وحاضر نعيشه .. ومستقبل نتمنآه سيكون .. البياض المتفرد .. هو المتواجد .. هنا فقط قلب ابيض .. يكتب ..مايريد ..من دون اي تجميل للحياه .. وهنا ايضا .. مزاج متقلب ..مثل الفصول الاربعه .. لاشي بالتحديد... مشاعر انسان .. وكيبورد ... ومنتدى .. هذا كل ما احتاج .. |
[align=center]
جاك الذيب .. جاك وليده هذا مثل معروف ... ينقال دائم.. لــ الشي .. اللي يغثك...وكل شوي ..طالع لك ولامنه فكه.. طبعا .. جاك الذيب .. يعني لاصارت مصيبتك كبيره ..وجاك وليده ... لاصارت المصيبه صغيره... وكلهن مصايب والذيب... هنا ... http://www7.0zz0.com/thumbs/2010/10/15/17/159261296.jpg ايه ... ساهر ... اللي بكل زاويه ... تلاقيه والله .. اخاف اجي ... مره .. والاقيه بحوشنا ... وياليته على سنع... يعني امس امشي .. والاقي لوحه .. ثمانين وشوي ..والاقي لوحه..تسعين بنفس الخط.... يعني مدري وش اقول .. النظام.. بشكل عام...رائع .. ومطبق باكثر من دوله وناجح... بس عندنا.. شغلهم..حوسه... وجآآك الذيب.. جاك وليده...[/align] |
الطماط
..وبالانقليزي ..اول ماحفظت هو من مدرس الانقليزي ..زمان لما كنت اطلب..شسمه العلم:b3: .. تومايتوز... لنا الله اللحين.. وصل الكيلو ... خمسين ريال ... طبعا .. انا ماتفرق .. معي .. مويا .. وتمره.. ونعيش بس .. بعضهم ... مايستغني .. ولايقدر يدفع... المشكله .. لاجاك ضيوف... وتبي تكشن العشاء .. يصلح تكشنه بخيار ؟؟!.. احيان افكر .. ازرع .. طماط بحوشنا... والا اروح لمهرجان .. كل سنه يقام .. باسبانيا .. يجمعون الطماط .. ويحذفون بعض .. فيه الله يعين.. ان شاء الله الى متى الجشع ؟؟!!!!!!!!!! |
مقدر اواصل خطوتـي لآخـر الـدرب... ومقدر اضحي لخاطـر عيـون غايـب
تقدر تقول اني كذا مـا اعـرف احـب... وتقدر تقول انـي مـن الحـب تايـب صدر الغلا لا ضاق من سيـرة الحـب... ارم المحبـة فـي طريـق الهبـايـب ثنـتيـن فالدنيـا تـرى مالهـا طــب ... خيانـة الصحبـة ..وظـلـم القـــــرايـب |
فيه ... ناس بحياتك ..
لو تناظر .. تلاقي ... لهم بصمه.. ودائم .. موجودين ..معك مو شرط.. يكونون.. والديك .. احيان.. صديق .. فيه.. ناس بحياتي ... وين ما التفت .. الاقيهم .. موجودين بحياتي الله لايحرمنا .. من احبابنا ... |
ادعى رجل من الاعراب النبوة
في زمن المهدي العباسي فاعتقله الجندي وساقوه الى المهدي فقال له: انت نبي؟ قال: نعم قال المهدي: الى من بعثت؟ قال الاعرابي : أو تركتموني ابعث الى احد؟ بعثت في الصباح واعتقلتموني في المساء. |
تلك الدموع الهاميات أحبها ،،
وأحب خلف سقوطها تشرينا بعض النساء وجوههنَّ جميلة ،، وتصير أجمل .. عندما يبكينا هذا يقوله نزار قباني .. النساء يكونون اجمل اذا بكو وش رايكم يالحريم صدق هـ الحكي والا لاء .. |
http://img104.herosh.com/2010/10/15/470920587.jpg من كموم الفجر جيتك صبح عاشق جيت مثل الغرس فالارض الخصيبه جيت شتلات الوفا والطلـع باسـق جيت محبوب ويـدوّر عـن حبيبه |
تخيل .. ان معك .. مفتاح باب .. واحد لباب بيتكم .. الخارجي
ومره .. جيت .. وانت .. تفتح باب .. بيتكم .. انكسر هذا .. شي ..عادي .. راس ماله .. مفتاح بس ياترى ؟ كم ..مفتاح .. وحيد.. كان .. معنا .. كسرنا .. هـ المفتاح سواء .. مع ابوك .. امك.. زوجتك .. هذا النوع.. من المفاتيح .. لا انكسر ... صعب .. تلاقي بداله.. حافظوا .. على مفاتيحكم .. مع الناس .. اللي تحبونهم.. ومن اكبر ..مفاتيح .. القلوب هي الابتسامه .. فلا تكسرونها ... بينكم .. وبين اللي تحبونهم .. : ) |
..
رضيتْ أوادعها .. بلا شوُق وأحبابْ وشْ لون أبعشقها وهي ماهي بــ لـي ؟ .. |
http://img105.herosh.com/2010/10/16/463529152.jpg
مابيك تستغرب إن صارالحـزن هـادي البعد واحـد ،،،و لـو تكثـر تفاصيلـه ياصاحبي لوضحكت من الحزن ،،، عادي ما عاد باقي حزن يستاهـل أبكـي لـه |
واحد.. من الشباب ..دق علي .. قال ... تكفى .. تعال ... ضروري ..
قلت .. وين .. وقال لي .. المكان... رحت .. له .. ولقيته .. موقف على الرصيف... نزلت ..وسلمت عليه .. قلت له .. سلامات قال .. ابيك .. توديني البيت.. قلت..له.. وتخلي سيارتك هنا... خل نصلحها اول قال .. لالا.. انا .. عارضها ..قلت ليه ..تبي تبيعها؟؟!.. قال لاء ..بس اخليها هنا موقفه.. بالمكان ..ذا.. هذي حركات ..شبابيه.. وين عايش انت .. قلت..ايه بس .. كذا عاد.. انا .. اخذت .. فوق .. تحت .. ووقفت.. عند ..بقاله.. وقلت له ابي .. ببسي نزل.. ودخل البقاله.. مشيت .. وتركته... دق علي .. وينك.. قلت ..ابد .. حصل ظرف طاري لــ اهلي .. ورحت ... قعد ..يسب .. قلت له.. ليه.. قال .. وين اروح انا اللحين... قلت .. لاتروح .. اقطع .. الشارع .. واركب سيارتك.. ورح لـــ قريح.... جايبني... من .. آخر بريده... عششان.. ارجعك ... لبيتك .. وسيارتك..معك وش تبي .. بــ منة ..خلق الله... اركب سيارتك.. ورح لبيتكم... زعل مني.. الظاهره... ذي انتشرت... بــ بريده.. ناس ..توقف ..سيارتها .. وتخليها... ويشغلون.. اهلهم.. او اخوانهم.. او اصحابهم... عطني سيارتك برووح قريب ما اقووول الا ... عجبي .. اصحـــاب العقول في رآآحه !! |
امانه الله عليك إن غبـت عـن عينـي لا يكون قلبك مثل قلـب الزمـن جافـي مع كـل دمعـة تذكـر رعشـة يدينـي ومع كل ضحكـة تذكـر قلبـي الوافـي |
يقول لكم محشش حكم عليه بالاعدام
سألوه : وش اخر شي تتمناه قبل تنفيذ الحكم ؟ قال : اتمنى يكون هذا درس لي بالمستقبل اي مسستقبل يابو الششباب هههههههههههههههههااي |
ما مثل الإستغفار يتلاه تهليل .. تقطيع وقت وأجر منّا و مناا ..! وهذي هي الدنيآ طلوع و تحآويل .. مآجت لإبن آدم على ماتمنى ..! |
الرجل الَّذي لايجعل ( أنثاهُ ) تنحصر دموعها
في . . " دموع الفرح " . . - لا يستحقُّها - |
* لا تطلب الفتاة من الدنيا إلا زوجاً.. فإذا جاء طلبت منهُ كل شيء
شكسبير |
قطّاع الطرق يطلبون منك إما النقود وإما الحياة ..
أما المرأة فتطلب الأمرين " صموئيل بتلر " |
هــــــــــــــات يـــدك
كلمه دايم يقولها .. اللي جالس للي واقف عشان يقوم من مكانه وهي كلمه حلوه .. ومعبره ..وتدل على التعاون ولها معنى ثاني .. اعمق بكثير من الاول .. وهي انك تقولها لشخص طاح في مصيبه .. ولا قدر يطلع منها وانت تعرض عليه المساعده .. والفزعه ... وتقول هآت يدك واللحين .. لاتنسون .. اذا احد قال هات يدك.. مدها له... لانك بــ يوم .. راح تحتاج انك تقول .. هاتوا ايديكم : ) |
اخف من الريشه !! يمكن نقولها لما نعبر عن امر خفيف وهمه بسيط او نقوله لما نشيل شي خفيف مابه ثقل وبعد تقال :: للى عقله خفيف وبه طفاقه !! فلان عقله اخف من الريشه ... نكون مثل الريشه بخفه الروح والسوالف والدم مايكون ثقيل ونكون عكس الريشه بالعقل هذا المفروض بس البعض فعلا عقله اخف من الريشه .. او على قوله اهل الشام : فلان عقله جوزتين بخرج !! ولى على آامتى .... |
التفله بعشره !!
فشل بالدارسه وتخبط ماحصل وظيفه سنعه وصار عاطل باطل قصر الثوب واطلق اللحيه واشتغل تفال !! وصار له ناس تطلبه وتدفع فلوس عشان تفلته المباركه !! وشوى مويه مقرى عليها وزيت والتفله صارت بعشره لا بميه لا تطلب لها جلسه خاصه تف تف تف اللحيه وتقصير الثوب البعض وضعها لهدف استغلال الناس وضعفهم تف عليه مايخاف ربه .. |
عندك قروش
افتح لك مستوصف اهلى واطمر للديره ذيك وهات لك كم دكتور توه متخرج ماحصل وظيفه وعلى كل فاتوره ياخذ نسبه وكثر من التحاليل والاشعه ... وحط بالاستقبال بنت .... وابشر بالخير هذا الواقع!!!! |
http://www5.0zz0.com/2010/12/11/15/504225225.jpg
ابدا مافيه شي ... مواطن طاح بحفره صرف صحى!!! مافيها شي ولا يطيح الا الشاطر ومافيه اهمال والمواطن عقب ماطاح ابشركم فزعوا له عقب طعش ساعه وجت سياره الاسعاف عقب ماطلعت روحه وراح يحصل كامل الرعايه الطبيه وكل شي ماشى ومنظم ولافيه اى خلل !!!!! |
زوجه قالت لزوجها شوف ابو فلان مشاء الله عليه بعد ماماتت زوجته بنى لها مسجد باسمها رد عليها الزوج انا شارى الارض من زمان بس التاخير من عندك هههههههههههههههه |
جلد ماهو جلدك على الشوك جره !! البعض كذا يتعامل مع شي لايملكه او يشوفه ملك عام او للاخرين يعنى لو كل واحد منا تعامل مع ممتلكات الغير كانها له ماجرينا جلود غيرنا على الشوك .. |
لا تقتحم احساسك في بعض المتاهات وخلك ماتعلم .....حتى لو كنت تعلم وعشان تتفادى جروح وخسارات سطح علاقاتك مع الناس تسلم سطح علاقاتك مع الناس تسلم الععلاقات السطحيه يمكن تكون من انجح العلاقات واقوها وتستمر سنوات يعنى علاقتك مع فلان سطحيه تظل معه بشكل ودى سنوات بدون مشاكل لان علاقتك فيه سطحيه !! التعمق بالعلاقات بين الناس قد يجر مشاكل سوء فهم او كشف اسرار يندم صاحبها بعدها ماصارت قلوب الناس على بعض تخيل انت مسطح بمعنى علاقاتك كلها سطحيه مع الجيران مع زملاء العمل زملاء الدارسه كلش سطحى مافيه احتكاك تقارب زمن عجيب مسطح !!! |
مشاكل هــ الناس احيان تحصل مشاكل .. بين الناس بسبب بزر ... او بسبب موقف سياره طبعا لو تناظر اللي يتهاوشون.. تلاقيهم.. ناس خفيفين كلمه توديهم.. وهمسه تجيبهم ونادر تحصل هوشه طرفها شخص رزين وعلى قولة المثل الثوب ماينشَق بين عاقل ومجنون!!! |
للهمّ عندي ... إرْتباطات عدّه !! .................. ولا يمكن اتْعدّي حياتي بلا همّ عادي ومتْعوّد .. ليا زاد حدّه ! .................. مبطي واناابْحضْن الغيابات ملتمّ يرخي معي مرّات ، من بعْد شدّه .................. أضيّعه .... وارْجع ألاقيه وانْغمّ |
* أحســاس بشــع *
أن تهبهم كل مساحات الثقة البيضاء وتمنحهم كل الأراضي الخضراء التي بداخلك..!! وتضع باقاتك الحمراء عند بابهم وتسهر لتقرأ أخبارهم..؟! فوق جبين القمر ثم تكتشف إنهم وضعوا أسمك في قائمة الأغبياء بلا حدود ..!! . وكفى .!! |
فلان على وجهه !!
دايم الكلمه هذي تسمعها من اخوياك بالاستراحه والا من زملائك بالعمل والا بمجلس .. يعني ان فلان مسكين ..وساذج .. وينضحك عليه بسهوله!!! بهــ الوقت صارت طيبه القلب .. سذاجه عند اغلب الناس |
لحظات للمرح ..
هذا واحد من الشباب راح يخطب وكاشخ المهم ابو البنت يبيه يتكلم يبي يشوف منطوقه قاله وين تشتغل !؟ ارتبك و قاله اشتغل في شركة كبيره ومعتمدين علي بكل شي حتى شف جوالي يدقون علي يقولون تعال مانقدر نسوي شي بدونك بالوقت ذا جت له رساله عاد ابو البنت يعرف هالحركات قاله ورني اشوف صارت الرساله واحد من اخوياه يقول له لاتنسى وانت جاي الاستراحه تجيب معسل:f5: قاله ابو البنت اي والله مايقدرون يسون شي بدونك ههههههههههههههه :f5::f5::f5: |
لو كان المال يغني عن الرجال .. لما تزوجت بنات الملوك !
|
ام فلان عزمت حريم الحاره على القهوه ... ومثل العاده تدخل الحرمه وتستقبلها ام فلان بالهلا والمرحبا وتشيل عبايه الضيفه عشان الضيفه تاخذ راحتها والحريم جالسات بالصاله فجاءه !!! دخل رجال معه اكياس للمطبخ !!!! هنا تنغازت الحريم وتتطامرن كلن من مكانها واللى وويلاه رجال .... وتغطى وجهها بالمخده !! والثانيه تخبت وراء ظهر الاولى !!! والثالثه هجت تركض وطاحت لو جالسه مكانها ابرك والرابعه تصارخ هاتوا عباتى وخزياه !!! ووسط الصجه واللجه دخلت المعزبه وقالت ماعليكم الا العافيه وش فيكم هذا مو رجال !!!!! اجل وشو ؟؟؟؟ هذا سواقنا كومار جايب اغراض للمطبخ ؟؟؟؟؟؟؟؟؟؟؟ ايه اشوى تصدقين احسبه رجال طاح قلبى !!! دامه مو من رجال البيت اشوى ويدخل كومار ويجيب اغراض للمطبخ وسط الحريم وهو طبعا مو رجال !!! ماله عيون مثل الرجاجيل وماله احساس مثلهم عادى سواق خذن راحتكن يالحريم ؟؟؟؟؟؟؟؟؟؟؟؟؟؟؟؟؟؟ |
يشب قلبك نار !! كثير نقول شاب قلبى نار يشب قلبك نار غيره على من تحب ما تتحمل تشوفه مع غيرك او احد يجيب طاريه قدامك يشب قلبك نار لما فجاءه من كان ظهرك وسندك يوقف ضدك ويتخلى عندك بدون سبب يشب قلبك نار حقد وبغض للبعض وبنهايه انت من احترق قلبك لانك ماطفيت النار بتسامح والمحبه يشب قلبك نار لغياب من تحب لفقده لبعده دون اشاره منه عن غيابه اعتذار تنبيه !! يشب قلبك نار لما غيرك اقل منك يتقدم عليك عشانه من ربع الواسطه كم مره شبت قلوبنا نار على فرض تركناه او النسيان غيبه عنا كم مره شبت قلوبنا نار على ضياع يوم بدون ذكر الله!!! |
http://www13.0zz0.com/2010/12/14/19/865663744.jpg
قلت المطر قالت من اليوم ديمه ما به رعد لا برق ما غير هتان عشق جمع ما بين قاع وغيمه فيض على صدر الثرى دمع الأمزان همس النديم اللي يعاتب نديمه صوت المطر كنه تعاتيب خلان البـــدر |
[][align=center][tabletext="width:70%;background-color:black;border:5px ridge skyblue;"][cell="filter:;"][align=center]
ليس من الرشد .. أن تصنّف الناس إلى أعداء وأصدقاء وكأنك مركز الكون .. ! فهناك الكثيرون .. لم يعلموا بوجودك أصلاً .. الشيخ " سلمان العودة " [/align][/cell][/tabletext][/align][/] |
الأشيـاء الجميلة تأتي عندمـا ,,
نكف عن إنتظارهااا ...! هل المقوله هذي صحيحه ؟؟ انا اعتقد انها .. صحيحه 100% اقعد انتظر لك شي ... شخص تحبه ... وظيفه .. واسطه .. مار اح تجيك مهما سعيت لها ... بس صد عنها .. وانس هــ الحاجه.... تلاقيها جت يمك..!! ليه.. مدري ..يمكن المسأله فيها .. كيمئاء !! حاول تجربون .. تنسون حاجاتكم اللي سعيتو لها وماتحققت الى اللآن.. وشوفو .. يمكن تجي لكم ... وان ماجت ... مالي شغل فيكم .. |
sms :-
تعلمتُ اليوم أن الرسائل لا تضل الطريق , لكنها القلوب التي ترفض الإجابة . * أحمد العثمان |
[][ALIGN=CENTER][TABLETEXT="width:70%;background-color:black;border:5px ridge skyblue;"][CELL="filter:;"][ALIGN=center]
http://www8.0zz0.com/2010/12/18/00/431042558.jpg " وش سَهَـَرك فيني وانا كِلي نعَـاس " [/ALIGN][/CELL][/TABLETEXT][/ALIGN] |
لما تشوف عيوبه مزايا اكيد تحبه لما تحرص تكون بافضل حال وصوره قدامه اكيد تحبه لما يهمك تسمع رايه اكيد تحبه لما عند كل خطاء تحصل له عذر اكيد تحبه لما تفقده مده ودك بس يقولك شي !! اى شي اكيد تحبه لما تكذب احيانا وتقول انك تعبان ومصخن !! بس عشان يقول ماتشوف شر اكيد تحبه لما تكون مع مجموعه كبيره حولك ومع هذا ماتشوف الا هو اكيد تحبه لما تحس مرات انك محظوظ انك عرفته اكيد تحبه لما تحس بمتعه وانت تغوص باعماقه وتحاول تفهمه اانت تحبه .. مو محتاجين علامات عشان نعرف اننا بحاله حب القلب يتكلم بحنيه ... ويقول احبه ! |
| الساعة الآن 11:07 pm. |
Powered by vBulletin® Version 3.8.8 Alpha 1
Copyright ©2000 - 2026, vBulletin Solutions, Inc. Trans by
موقع بريدة