|
هل تعلم ؟؟
[align=center]سلام للجميع
كل ماقلت ابتثقف واشري جريدة وقمت اقلبه طلع لي اعلان وزراة المياه صفحة كامله هل تعلم هل تعلم ان كيلو قمح يكلف كذا الف لتر من الماء هل تعلم ان كيلو اللحم يكلف كذا من الماء هل تعلم ان حزمة دزت يعني برسيم تكلف كذا الف لتر ماء وكل السالفه هل تعلم وهل تعلم ....!! ولكن بما اني في مامضى جلست بجنب حفار افطر فانا اقول هل تعلم ان كل هالكلام عن نضوب الماء خرطي .؟ من بركات الجزيرة العربية انه على شكل طاسة تحت الارض وهذي معلومة من ناسا يعني مافيه امل يقضى الماء الي عندنا والربع الخالي تحته مياهة القضا الماء ياطولين العمر نوعين مياه عميقة وهذي يجيها التغذية من خارج الجزيرة من امطار اوربا ومصر والشام وغيره ... ومياه سطحية وهذي تغذيته من ماء الامطار بالسعودية .. وبينهم طبقة من الصخور مافيه امل يختلطون مع بعض... عشان تسذا اذا حفر احد بير عميق لازم يحجبه بكيسي يعني ماصورة قويه واسمنت عشان مايلوث السطحي العميق لان العميق حلو والسطحي هماج .. الماء السطحي صحيح ينقص مع قل الامطار اما العميق فلاااا .. وورسمت لكم هالصورة لاني ادري ناس يبون سبورة : http://alfaris.net/up/61/alfaris_net_1280774847.JPG الماء الازرق هذا العميق ومع الزوايا يهرب على البحر لانه منضغط واكيد تعرفونه ... وذكرت بالقران الكريم (هذا عذب فرات وهذا ملح اجاج وجعل بينهما برزخا وحجرا محجورا ) الاخضر ماء سطحي يتغذى من الامطار .. الاسود طبقة صخرية صلبة عازله بينهم .. الحين لاطقيت بير ووصلت للحصاة الفاصله تسوي الحجب وبعده يبدا الحفار بفتح الحصاة وبعد مايفتحه يطلع الماء فوووق لانه مضغوط تحت يعني عادي يحفر كيلو ونص ولاوصل الماء رقا كيلو وثلاث مية متر .. الزبدة الماء مهوب قاضي بس اشغلونا مايبوننا نزرع الله يشغلهم وبدل هالكلام الفاضي وراهم ماينقلون الماء الحلو الي يطلع للبحر الاحمر ويحطونة على وادي الرمة وكذا يغذون المياه السطحية ويصير الجو لطيف .. او ازين يجدعون كم ماصورة وينقولون من ماء البحر لوادي الرمة عشان نصير ببريدة ناكل سمك .. والجو يصير رطووبه وتمشي ومعك بودرة الاطفال ..[/align] |
طيب و الي ما فهم بالسبوره........(وحده بجنبي من زمان ماسكه عليها السبوره) ما فهمت بالسبوره
وش تسوي...؟؟؟؟ |
اقتباس:
|
شكرا ياأستاذ الجـــغرافيا ..
|
اقتباس:
|
يارجال خذ كفايتك وزيادة وخل الأجيال القادمة هم يدبرون أنفسهم ... |
اقتباس:
يابن الحلال عيو علينا وقفو زراعة القمح عشان الماء مايقضي والحين بيقفون زراعة الاعلاف .؟ ويقولون يبي يحطون عدادات على الابيار ..:f6: وعلى حتسي الرواة يقولون اننا لا صرنا نشفط مياهه للزراعة قل الماء على اسرائيل وهذا مربط الفرس .. لان الماء ينزل عندهم لاصرنا نسني ... اما يقضي فربك احكم الحاكمين وليتهم يخففون من شفط هالبترول لانه هو الي صدز يبي يقضي .. |
معلومة مفيدة
يعني نخلي عيالنا يبربسون تصدق اول مرة أعرف سالفة حفر البئر والسد والماء والخربطة |
اقتباس:
|
8888888
الزبده ان الماء موب قاضي ... أجل نغسل حوشتنا ,, شكرآ ملحوس والله أنك أطلتز مدرس . |
اقتباس:
توك تعرفين سالفة الابيار والحفر ولايهمك ابشرحه وقت ثاني اوضح حياك الله |
اقتباس:
مهوب مثلنا ربط بالعامود وتسطيع بعز البرود المسطعة هي قطعة خشبة طوله نص متر وعلى حسب نغاله المدرس تصير السماكة يخلي الطالب يفتح ايده ويرفعه ويسطعه تقل بينهم ثار |
اقتباس:
اغسلوه يامل الغنيمة الماء مهوب قاضي الله مير يحييتس |
اقتباس:
|
اقتباس:
هلا ابوالريش اي حفارين تقصد السوريين ؟؟ الحين صارو يحطو حفارات جموس اصغر عشان يحفر مايدرى عنه هذولا شغلهم على الماء السطحي وانا كلامي على العميق |
يقال كلن على همه سرا .. (:
جلست فترة أتأمل في الرسم الإيضاحي .. جميل تعبك فيه لمن لا يفهمون إلا بالسبورة (مثلي) :) فهمت من حديثك أنك تستغرب منع الزراعة .. لا أن تطالب بالإسراف .. لكن .. هل أنت متأكد من تفسير الآية التي استشهدت بها ؟ : (((هذا عذب فرات وهذا ملح أجاج وجعل بينهما برزخا وحجرا محجورا )) |
أخس أجل بيون يحطون عدادات على المطق اخس اخس اخس وحتى لو قضت العميقه عندهم البحر يحلونه وحنا نبربس شكريات يا استاذ- ملح ـوس |
اقتباس:
نسيم تويتر انت الاجمل يابعدي اكيد مابي يمنعون الزراعة بحجة ان الماء بيقضي لاني مزارع وعايش على الله ثم على الزراعة .. اما تفسير الاية فالقران واضح ومعجزة كل الازمان قال تعالى " مافرطنا في الكتاب من شي " قال تعالى " مرج البحرين يلتقيان * بينهما برزخ لايبغيان " البرزخ : حاجز بين شيئين ومثل مافيه بحر فوق الارض فيه بحر تحت الارض وفيه ينابيع مياه حلوة داخل البحر الاحمر والخليج العربي حتى فيه قرية بجنوب المملكة يدخل البعارين للبحر سباحة يشربون من ماء حلو ينبع بالبحر .. وحياك الله وبياك |
اقتباس:
مايحتاج يحلون البحر الخير واجد وربك ارحم بعبادة اما الماديين والملاحده والطبيعيين الي يقولون كل شي طلع صدفه دام مايؤمنون بخالق يصرف هالكون اكيد بيقولون كلام كثير ولكن العتب على الي منا وبنا ويصدقون كلام ناس يسمون علماء ولايعترفون بالخالق الكريم ولو السالفه على البشر كان الكون تدمر منذ مبطي ولك تحية كبيرة |
أهلا بك أخي الكريم ..
فلتشرف إذن أنك مزارع .. فأشرف المهن عند كثير من العلماء هي الزراعة .. بالنسبة للآية .. فالذي أعرفه أنّ المراد بالبحرين : المالح و الحلو .. فلا يختلطان مع اتحاد مكانهما .. وهنا تتجلى قدرة الله تعالى .. وشكرا لك |
اخوي ملحوس والله خايف عليك ماتنطرد من المنتدى وبس إلا من المملكة الحين هم يسوون إعلانات ودعايات لترشيد استهلاك الماء وانت تكتب هالموضوع الله يستر عليك بس وبالمناسبة أيضاً بضيف نقطة حتى جريان وادي الرمة غذا المياه الجوفية لسنواااااااات بعيدة لكن على مقولة الشيبان ( ولو ) لاااااااتسرفون بالماء |
هههههههه كلام البارق في الصميم
اجل بربسووو ياملحوس هااااااااااه ياليتك عند جدي تقول هاالهرج عشان يقول عجييييييييييييييييييب |
اقتباس:
كلامك صحيح كثير من التفاسير تقول نفس كلامك وفيها اختلاف ولا احد يجزم بذلك القران معجزة كل زمان بمعنى انه يتماشى مع التطور والتكنولوجيا الى يوم الدين.. المفسرون القداما اجتهدو على حسب المشاهد لهم .. وهذا طبعا فيما يخص جميع الجوانب بخلاف العقائد . فالعقيدة الامر مفروغ منها وماهو سوى العقيدة الامر فيه سعة وكلها اجتهادات فمثلا قوله تعالى (فمن يرد الله ان يهديه يشرح صدره للاسلام ومن يرد ان يضله يجعل صدره ضيقا حرجا كانما يصعد في السماء كذلك يجعل الله الرجس على الذين لا يؤمنون) فسرو يصعد وهي بفتح اليا وتشديد الصاد والعين وضم الدال فسروها بالتالي : قرأه ابن كثير بإسكان الصاد مخففا , من الصعود هو الطلوع . شبه الله الكافر في نفوره من الإيمان وثقله عليه بمنزلة من تكلف ما لا يطيقه ; كما أن صعود السماء لا يطاق . وكذلك يصاعد وأصله يتصاعد , أدغمت التاء في الصاد , وهي قراءة أبي بكر والنخعي ; إلا أن فيه معنى فعل شيء بعد شيء , وذلك أثقل على فاعله . وقرأ الباقون بالتشديد من غير ألف , وهو كالذي قبله . معناه يتكلف ما لا يطيق شيئا بعد شيء ; كقولك : يتجرع ويتفوق . وروي عن عبد الله بن مسعود أنه قرأ " كأنما يتصعد " . قال النحاس : ومعنى هذه القراءة وقراءة من قرأ يصعد ويصاعد واحد . والمعنى فيهما أن الكافر من ضيق صدره كأنه يريد أن يصعد إلى السماء وهو لا يقدر على ذلك ; فكأنه يستدعي ذلك . وقيل : المعنى كاد قلبه يصعد إلى السماء نبوا عن الإسلام . وثبت بالعلم الحديث ان من يصعد للسماء بالطائرة او غيرها يحس بضيق بالصدر وكتمه و هذي معجزة للقران .. كذلك قول الرسول صلى الله عليه وسلم ( لاتقوم الساعة حتى يتكلم رجل من اهل المشرق فيسمعة اهل المغرب ) نجد ان المسلمين لم يتفقو على تفسير هذا الحديث حيث لم يخطر في بالهم ظهور التلفاز والهاتف والانترت الخ وهذي معجزة للرسول صلى الله عليه وسلم القصد ان الموضوع فيه سعة فيما يخص جميع نواحي الحياة ماعدى العقيدة ناتي لموضوعنا تقول : اقتباس:
وقال تعالى (بينهما برزخ لا يبغيان ) ولو تاملت تجد المقصد استحالة اختلاطهما وبغي احدهمها على الاخر بوجود برزخ وحجر محجورا .. وهو فاصل بينهما .. اما المالح والحلو بكلامك فعدم اختلاطهم هو اختلاف التركيب ولكن لو وضعتهم في وعاء لاختلطو انما بالانهار طبيعي لان التغذية مستمرة .. معليش طولت بالقرق ... حياك الله ولك كل التحية والتقدير |
اقتباس:
يارجال الحين اعدهم طردون من وقفو زراعة القمح وانا مطرود بس من المنتدى ماظن ربعنا حبيبين يراعون مشاعر المغبونين وخلنا ننفس لو بالقرق عاد الي يشوفك يقول طاعون والله مادرو عن هذاهم كل يوم بالجريده صفحه كامله هل تعلم وحياك الله يابعدي |
اقتباس:
اما جدك مالومه لانه لحق على الغثاء مايطلعون الماء الا بالكسافة والغرابيل وكل شغلهم يحفرون عشرة امتار شغل سواني ادري تبي تقولين ماعرف جبت صورة مقدما http://sub3.rofof.com/img4/08vroty8.jpg وحياك الله ياخييتي |
,,
الله يعين ,, ,, الاسراف مايجوز ,,.. ,والتقييد مايصلح .! http://www.buraydh.com/forum/images/icons/icon9.gif اقتباس:
[mark=#9999ff] شكرا لكـ [/mark] |
أحسنت أخي الكريم ملح ـوس
استمتعت حقا فيما كتبت واقتبست .. بالتأكيد لا اختلف معك في أنّ بعض التفسيرات اتضحت أكثر بتطور العلم الحديث .. وخير مثال ما ذكرت عن ابن كثير .. كذلك لست ضد ما يسمى بالإعجاز العلمي .. مع تحفظ على المبالغة فيه عند بعضهم .. على كلّ ما ذكرته من تفسير لك هو ما ذكره الإعجاز العلمي الحديث لا التفاسير الأصول .. حيث فسّروا الحاجز بأنه ضغوط مختلفة وصلبة .. وبسببها لا يستطيع الإنسان الغوص لأمتار بغير الغواصات .. هكذا قالوا .. وخلاصة كلامهم أنّ الحاجز (حاجز مائي) وبالإمكان الاستفادة من محاضرة للزنداني حول حواجز البحار .. ومنها : # لقد توصل علماء البحار بعد تقدم العلوم في هذا العصر إلى اكتشاف الحاجز بين البحرين كما يلي: هناك برزخ بين البحرين يتحرك بينهما يسميه علماء البحار (الجبهة) تشبيهاً له بالجبهة التي تفصل بين الجبهتين، وبهذا يحافظ كل بحر على خصائصه التي قدرها الله له، ويكون مناسباً لما فيه من كائنات حية تعيش في تلك البيئة. وهناك اختلاط بين البحرين رغم وجود هذا البرزخ لكنه اختلاط بطيء يجعل القدر الذي يعبر من بحر إلى بحر آخر يتحول إلى خصائص البحر الذي ينتقل إليه، دون أن يؤثر على تلك الخصائص. # وشاكر لك عذوبة حوارك .. وأدبه .. ومتعته .. هكذا يجب أن نكون .. تحياتي العذبة |
| الساعة الآن 03:11 am. |
Powered by vBulletin® Version 3.8.8 Alpha 1
Copyright ©2000 - 2026, vBulletin Solutions, Inc. Trans by
موقع بريدة