|
لاتبزع وعن اصدقاءك في المطاعم تدفع
ارجو من الاخوة المشرفين اعطاء الموضوع فرصة اكبربالبقاء في هذا المنتدىللاطلاع عليه
بسم الله الرحمن الرحيم والعاقبة للمتقين والصلاة والسلام على اشرف الانبياء والمرسلين حقيقة ياخواني لاادري من اين ابدا حكايتي لانها مضحكة مبكية هي بين الجد والهزل وبين الرجولة والاستغلال وبين الكرم عند من لايستحق الكرم وابدا من المطاعم والبوفيهات حيث لايخفى عليكم ان 70% من تغذية الشباب هذه الايام تعتمد على المطاعم والبوفيهات وهذه بحد ذاتها مصيبة وقد تم التطرق لها في غير موضع لكننا سوف نتكلم اليوم عن موضوع كثر السكوت عنه ولايقدره الا من انكواء بناره وهو موضوع دفع الحساب بما ان الشباب يتناولون الاكل جماعي فالوضع يفرض عليهم ان الحساب جماعي يدفعه اكثرهم حياء ويسلم منه اكثرهم بجاحة مع العلم اننا ورثنا المثل العامي المشهور (دقق الحساب تطول او تزين العشره) الا اننا نتجاوز ذلك بسبب الحياء واستغلال الاصحاب لنا وتمضي الايام ونكتشف الحقائق المذهلة الاتية 1- ان اصحابنا الذي دفعنا عنهم اكثر دخلا من دخلنا او اسرهم اغنى من اسرنا 2- ان اصحابنا لا يحسون بنا ويقدورن تضحياتنا ويدفعو المرة القادمة 3- وهو الاهم ان بعض الاصحاب هداهم الله عندما يتكلمون عن موضوع الدفع يعتبروننا مغفلين بسبب دفعنا المتكرر يعني لن ياتي احد ويقول انت تاخذ من والدك مصروفا يوميا وتصرفه علينا فلك منا الشكر والدعاء وارهقت ميزانية اسرتك بسببنا وقد تتخلف عن الشله بسبب انه ليس معك مصروف علما اننا نحن ناتي وقد ضاقت محافظنا بالريالات ومع ذلك لانستخدمها طالما انك تبزع وتدفع واحيانا تاخذك العزة بالاثم فتحلف يمينا ان تدفع انت الحساب ونحن لانريد ان تحنث في يمينك ادفع وادفع وارهق نفسك واسرتك على شله تعتبر ذلك من حقها والامثلة كثيرة لايتسع المجال لذكرها فما ذكر يتكرر باستمرار بالاسترحات والسفر والطلعات البرية يعني كل ذلك يقع فوق راس الشاب الخلوق علما انه يجب على احد الشباب المؤثرين بالشله ان يبادر بالطلب من الجميع ان يدفع كل واحد مبلغ معين يرد للمسكين الذي قام بدفع الحساب انصافا له وعدم اثقاله بالمصاريف وعدم ظلمه من الذين لايهمهم الا انفسهم ارجو من الاخوة الذي مر عليهم مواقف ان يذكروها للعبرة ارجو من الاخوة ان يسمحو لي عن الاطالة ارجو من الاخوة ان يتذكر وان هناك شعره دقيقه تفصل بين الكرم والاستغلال |
[align=center][/align]اقول
لاتبخل وعن اصدقاؤك في المطاعم ترحل |
اقتباس:
اخي الفاضل سبق ان وضحنا الخط الفاصل بين البخل والتدبير شكرا لمرورك وتعليقك |
الله يعطيك العافيه على طرح الموضوع
فعلاً الشاب الميسور هو الذي يدفع والمفروض تكون قطيه دائماً عادي حتى لا يرهقون أسرهم بالطلبات وأغلب الأسر دخلها محدود .. |
اقتباس:
نحن لانريد احد يدفع عن احد الا اذا كان هناك مبرر كان يكون هناك نجاح او وظيفه او ترقيه شكرا لمروورك ومشاركتك |
لا صااار الواحد بجيح خلك ابجح منه
نفس اللي حاصل عندنا بالمدرسه نشري واذجاء الدفع بدن يتهججن والا يتسلفن وعلى ذاك السلف يطيح عليه جدار لدرجة اني اكتشفت اني اصرف عليه انا ووحده من البنااات طول السنه مرتن تاخذ من ومرتن منه زميلتي بالاخير بديناااا ناخذ الفلوس والطلبيه منهن قبل نطلب والا مامعه وهي كالعاده مامعه من طلعتنا على الدنيااا ومحومتن اتسبدنا نتركه ونتعذر انه مامعنااااا الا حق طلبيتناااتبين ادفعي ماتبين بقريح يطير بتس.. |
المشكلة كثيرا ماتتكرر اولا يفترض أن الانسان يكون على معرفة تامة باصدقاءة يعني تعرف كامل صفاتهم ومميزاتهم مثلا تعرف القادر منهم على غير القادر تعلم ان فلان فادر وكريم وفلان قادر وبخيل وفلان كريم لكنه غير قادر وهكذا ومن خلال هذه المعلومات تحدد مصيرك بالدفع فالمبادرة اذا كنت تعرف ان من معك كريم واخر غير قادر فهذا تصرف جميل منك هذه طريقتي مع من اتعامل معهم واعايشهم كثيرا ما ادفع واحلف بالدفع ونا مغمض لكن لو كان معنا شخص اعلم انه قادر وبخيل والله لو يبون ذنب وهنا اطالب بالقطة ليس بخلا ولا تدقيق حساب لكن من شان هذا البخيل المستغل ابيه يلعن كترة وكثيرا ماتكتشف ان هذه النوعية ربما يحرم نفسه من شان مايدفع أهم ما بالقضية يجب ان تعرف اصحابك جيدا وكثيرا ما ارى انسان دخله ضعيف والمسكين تجده يبادر ورغم معرفة الاغلبية بوضعه تجدهم ياكلون ومبسوطين وقل من تجد من يطالبهم بالدفع لهذا الشخص |
اللي يدفع الحساب ويطق صدره ابن حلال أصقع لو جاء يتزوج اختي مسكته الباب
الا ان كانت مناسبة سعيدة ، أو عليه الدور. أمي الله يرحمها تقوووووووووووول .. من خدم الناس ببلاش اتهموه بالسرق . |
|
الحال من بعضـه هههه في احد المهمات وجهت لي مهمة حجز استراحة للعائله لمناسبـه وتم دفع العربون وكل مايلزم تجاه الاجتماع وعنـدما اردت ان يقوم كل شخص بدفع ماعليه من مبالـغ بدات الاعذار والحجج الواهيـه والمجادلات تجاه بعض الاشياء ومالك بالطويلـه راح نص المبلـغ على وجهه وصار درس لي والسفر يبين لك كثير من هالنوعيات |
اقتباس:
[align=justify] بعد يقولون والعهده على الراوي :) وصلت قطتهن في الاستراحات البيالات والفناجيل :( [/align] |
اقتباس:
رحم الله والدتك وغفر الله لها واحسنت في تعليمك ذلك لتنقله لنا اللهم اسألك ان تقسم لها مما كتبت لعبادك من رحمه في هذا اليوم |
[align=center]مشكلتي مالي أخويا الا أخوي وبعد أخوي من أبوي وهو أننا أنا وياه شغل امريكي حتى ان النص حق البيبسي سبب بيني انا وياه مشكله ماقدرنا نقسمه لاننا دافعين العشاء تناصف بيننا,
كل مادخلت مطعم لقيت شباب عند الكاشيير (حلوف وايمان) وكل واحد يحلف على الثاني أنه يدفع,, أقول آآآآخ ياليت لي خوي يحلف علي :)!!,, ننتظر القصص المأساويه من البقيه أصحاب الأيدي البيضاء [/align] |
فرق كبير بين الناس
بعضهم كريم اذا دفعت مرة دفع هو عشر مرات وبعضهم لئيم اذا دفعت مرة ينتظرك تدفع في كل مرة |
اقتباس:
|
اقتباس:
لو اني انقد عليك انك تحاسب وانت مغمض صحيح فيه مواقف لازم تؤدي فيها الواجب وتحاسب اما دائما فلا حتى لو كانو صفوة الشباب كل واحد لابد ان يشارك |
اقتباس:
عندما يطلبون منه الشباب ان يباشر عليهم يعني يشتري لهم على حسابه يقول كلمته المشهورة( اللي يباشر داشر) |
لو كنت ذا ترف لاأصرفت على كل من حولي
ولاكن للقطيه فوائد جمه..! |
اقتباس:
كلامك ذهب وقطقطتك قمة المرح اضحكتني اضحك الله سنك لكن حرمتنا من الاستمتاع به من صغر الكتابه |
اقتباس:
ذكرتني بمن يقومون بالطلعات البريه يقوم الفجر ويشتري ذبيحه ولوازمها وجميع اغراض الطلعه ويمكن يذبح ويطبخ والبهوات مشخصين وبعد الاكل كل واحد ياخذ منقاش ينقش سنونه ويشتغل عليك مدقق حسابات ثم تحس بفداحة فعلك وتبدا تستجدي فلوسك منهم هذا ان سلمت من نقد الطبخ اما قومة الصبح وتحميل الاغراض والتعب فاحسنهم سوف يقول حنا قايلين لك قم الصبح |
اقتباس:
فاجئتوني ان الحريم حريصات على الاموال الله يبارك فيهن |
من الأسآس قلّ ..
ترا القطة من تسذآ.! وهذي قطتي .. وحطه فوق الطاولة .. وهو بيدفع قطته .. الدنيا اللحين شابه ضيان كل شيء غالي والناس ماهنا حيآ .. يآخذون اللي بمخبآتك .. فأنت عامل الناس بمثل مايعاملونك فيه .. الردي خلك ردي معه والجزل خلك جزل معه وشكرآ لك |
فيه وحده تقول المعلمات القديمات البعض منهن إذا عليها القهوة تجيب تمر وبس والمستجدات إذا كانت عليها القهوة جابت ما لذا وطاب من الحلى والفطاير تخجل وتطلع خسرانه هههههههه
|
8888888888888
هههههههههههههههههههه والله انه صادقة .. دآيم اللي مآعندهم هم اللي يجونك ييفشخرون ويحطون ويجيبون .. أمآ ع قولة أبوي اللي معه ريال يطمع يبيه ريآلين .. خخخخخ والله صادقة |
اول من ابتكر السياسه الامريكيه بالقصيم انا هههههههه
مع العائله وافرادها والشباب الي امون عليهم مره كلن يحاسب عن نفسه .. لانه زي ماقلت ياما باشرت عليهم وعشيتهم وبعد فتره يقلون عنك بخيل !! علشانك ماعشيتهم المره الثانيه .. عاد طلعنا نظام جديد ههههه لارضا الطرفين هم مره يعشوني وانا مره .. وتستمر الحياه :) اما لا مع اصدقاء جدد او صديق من زمان ماشفته لا مستحيل اني اسوي هالحركه مهما كان حنا عرب وشهامتنا تميزنا ..! شكرااالك |
اقتباس:
لذلك لايكون الإنسان مرتعا لاستغلال المستغلين فليس الكل على خلق وليس الكل يكره المكر والخديعة كماأننا دائما نسمع أن القانون لايحمي...؟؟؟ ليس أنتم ..(تكرمون من هذا النعت..) بل لايحمي صانعي المعروف في غير أهله.. هكذا أفضل.. كماأنه جميل من الإنسان أن يكون متزن في سلوكه صادق في حديثه ..حكيم في تصرفه.. فلابأس في أن يدفع الكل جزءا من المال حتى يُرفع العبء عن تحمل الشخص للتكلفة لوحده ..خاصة أنه غير قادر عليها.. كماأنه..وإن كانت دائرة الإستغلال متسعة ..وأنت( ترى بجاحة )الغير..كماأسميتها أنت.. تتمرد فليس من الضروري دعوته ..أو كل يدفع حساب نفسه.. أوتكون الطلعة لتناول الطعام..بين الشباب بقسمة معتدلة ..مسبقا قبل الجلوس على المائدة.. أو ستجدون لأنفسكم حلا آخر.. مع الوقت بالنسبة لهذه الأشكال.. والله الموفق.. شكرا لك.. |
الموضوع رئع
|
من الفضائل ممارسة الكرم مع الأصحاب حين الاستطاعة
|
اقتباس:
هذا الكلام.. تدري فيه ناس يتقاطون من 3 أو من 5 وهم أربعة أشخاص والله عيب.. مدام اني امشي مع اصدقاء عزيزين فلابد أنهم يستاهلون وبالتالي ليس فيهم خسااارة.. والكلام يطول ولي رجعه للتوضيح.. |
اقتباس:
عسى هذا طبعك وحنا من ربعك |
كان هي على القطة تهون
البلا باللي داقه علي قبل شهر ونص تقريبا تشحذ مني بلوزة وهي ماتمون علي ابد انا استغربت انها تشحذ بلايز !! الناس تشحذ طماط ولا بصل ماتشحذ شي بنلبس اسحيت منها وارسلت لها اربع بلايز والله ان كروتهن فيهن جدد توني مشتريتهن والى ساعتكم ماشفت ولا بلوزة منهن اتوقعتها تختار منهن وحده وترجع الباقي والوحده بحل مابيها لها بس صكّت عليهن ودقت علي الاسبوع اللي فات تقولي ادري اني طولت ببلايزك بس عندي مناسبات بالعطلة وبلبسهن معليش لاتزعلين ياحبيلك عاد بالله هذا كلام؟؟ بعد شهر ونص تدق وليتها بترجعهن لااااااااا تقول بلبسهن بالعطله ( تبي ترجعهن رايحة الوانهن من الغسيل ) :( الصراحة ماودي اخرب اجري واتكلم فيها بس مرات الذوق مع الناس مايفيد .البجيح صر ابجح منه يالله يالله تاخذ حقك يبيلي سبع طلعات للسوق عشان أأثث من أول وجديد بلايز لمناسبات العطلة :( |
اقتباس:
عموما شكرا لاعطائنا تجربتك المريره لكي يتعلم منها الجميع والله يعوض عليك |
ما مثل القطه سلم تسلم امشي عدل يحتار عدوك فيك
|
| الساعة الآن 01:45 am. |
Powered by vBulletin® Version 3.8.8 Alpha 1
Copyright ©2000 - 2026, vBulletin Solutions, Inc. Trans by
موقع بريدة