منتدى بريدة - ايام التسدح قدام القناه الاولى

منتدى بريدة (https://www.buraydh.com/forum/index.php)

- إستراحة المنتدى (https://www.buraydh.com/forum/forumdisplay.php?f=19)

- - ايام التسدح قدام القناه الاولى (https://www.buraydh.com/forum/showthread.php?t=214136)

ايام التسدح قدام القناه الاولى

!!~°~!! أيـام التسدح قـد111م القناة الأولى !!~°~!!

يا هلا والله وغلا بكم
يالله ان تحييهم وتبقيهم << نآطلته

المهم انا اليوم سالفتي عن التلفزيون
ياحبي للتسدح قدامه ايام البر111ءة ==>> افلقني
يوم كنت طفلة كنت أقوم مع زقزقة البلابل

وانسدح قداامه قبل ماتفتح القناة الأولى
وبعدين أجلس أغني مع السلام الوطني بصوتي الشـجـي
<== لو سمحتي بدون تسذب ونفآق
وبعد السلام الوطني أجلس احتري الحذيفي يخلص
واذا خلص قلت صدق الله العظيم <==هذا اللي حافظته

واذا بدت افلام الكرتووون أرووح فيها وافتح هالخشه وما اسكرها
الا اذا قطعوا علي الفيلم وقالو موجز لاهم الانباء يرفعون ضغطي
وعلبال ما يخلص الموجز اقعد ادور فضولي بمجلة ماجد
هذي بعض الافلام اللي حفظتها صم من كثر ما شوفها

!!~°~!! كــونــان !!~°~!!
هذا اللي انا اسعبل عنده
==>> فارس احلامي ""طبعا قبل ما يتحول لبزر""
والله ياعليه مــخ مفتح مب امخاخنا المقفله
والله لو يأجر مخه للناس ان كان يطق للوليد بن طلال باصبع

!!~°~!! وداعاً ماركو !!~°~!!
ماركو <<== والله ياهو زززاحف بعد رايحن للأرجنتين لحاله
مسوي بيدور امه وهو مامعه لا جوال ولا حتى بيجر والله من الذكاء

!!~°~!! ننجا !!~°~!!
ننجا <<== لاتحسبونه سلاحف الننجا فيه فرق بين ننجا وسلاحف الننجا
اذكر انهبلت ودي آكل طعام "الشومن " .. بعدين دريت انه هو الشعيرية

!!~°~!! جزيرة الكنز !!~°~!!
""خمسة عشر رجلا ماتوا من اجل صندووووق""
الله على أيامك يا جون سيلفر يا قرصان البحار السبعة

!!~°~!! قرانديزر !!~°~!!
اوووووووف هذا حبيب القلب
هو وشلته اللي رجولهم طواااااااااااااال
تلقى رسمة الظهر اصباعين والرجووول مخلينها مترين

!!~°~!! توم وجيري !!~°~!!
طبعا ما راح انسى توم وجيري اللي تقطعت اجسامهم ولا ماتوا
وجـــع والله ياهم كانوا ينصبون علينا بعد ..!!!

!!~°~!! بشار (نحول) !!~°~!!
هذا اللي جابلي الضغط وانا صغيره
وجـــع 10000 حلقه وهو يدووووور امه
المشكلة على كبر عيونه امه تمر من جنبه ومايشوفها
وانا عاد من زود التحمس اصااااااارخ
واقوله: امـــك يا الغبي التــفــت
وهو مسّوي لي سنع وفازعن لي مع هالصراصير والدبابير

!!~°~!! الكابتن ماجد !!~°~!!
مدري وشلون يتشقلب في الهوا كم دقيقه وبعدها يسدد الهدف
ويطيح عالارض ومايجيه شي ماشاء الله<<== ماشاء الله مصدقه
والا حركة التوأم منير وأنور
ولا آآآه معذب قلوب البنات بــسـّـام
اوووووووووووووووووووووووووووف
والله يا كنت اخق معه بعد هو وبلوزته المرفعه ياويلي عليه بس
بس اشين شي اننا عارفين انهم فايزين فايزين بالمباراه حتى لو بآخر ثانيه
يسجلون هدف المهم يــفـــوزون

!!~°~!! سالي (حبيبه قلوبنا يالبنات) !!~°~!!
عاد تجيكم سيدة الشاشه الكرتونيه سـالـي
يااااحلووووو فستانها الاحمر الى الان ودي بمثله
بس والله يا هالبنت انها قطعت قلبي حته حته
من تبدأ الحلقه الين تنتهي وانا صياح وغلقه
بس كانت تقهررررني الى هاوشتها النجسه آنسه منشن
وهي سااااكته عليها وتكرفها وهي منطمه

!!~°~!! هايدي !!~°~!!
هايدي اللي تحب الخرفا111ن مثلي
ياحبي لها هي وبيتر وكلير <<== المشلوله ابشركم مشت
وجدها الشديد <<== والله يا عليه صوت يرووووع مرررررره
ولا تهون جدة بيتر العجوز المنتهيه والعنزه وايتي

!!~°~!! عدنان ولينا !!~°~!!
هذا الكرتون للحين عندي اشرطته من اول شي الى اخر شي
وعدنان ذا الي من اول حلقه ماغير لبسه شين ووصخ
واخر حلقه تكشخ وجااااااااااب العيد
والا صديقه عبسي أبو شوشه حمرا هاذا عاد عاااالم ثااااني
أنا بصراحه أقدّر شخصيته خصوصا لاقام يحفر بخشمه
وعلام الشرير ياكرهي له هو وجهه المربع

!!~°~!! عبقور !!~°~!!
<<== هذا جد اللي كان فله هو وكيسه اللي حول بطنه
تلقى فيه كل شيٍ تبيه انواااااااع الوناااااااسه
آآه يا ليته عندي

وفيه برضو افلام كرتون حلوه مثل
الرمية الملتهبه ==>> كان مجنن ببنات المدرسه هالقزم
الصياد الصغير ==>> يانصبهم يخلونه يصيد سمكه 200 رجال مايشيلونها
النمر المقنع ==>> الحلقه الاخيره حلوووه يوم يفصخ قناعه بالغابه وتشوفه ميادة
ماوكلي ==>> عشيقي الازلي والابدي
لولو الصغيره ودحروج ==>> لولو الصغيره..لولو حركتها مثيره..لولو
فلونه ==>> والله ياهي كانت مهبله فيني وانا صغيرة
كابتن رابح ==>> بسبته صرت احب الكوره و(هلاليه طبعا)
عهد الاصدقاء ==>> اذكر قلت لامي ابي اصير منظفة مداخن
خماسي ==>> احلى فيلم كرتون في الدوووونيا
زورو ==>> هذا الفيلم كرتون اعتبره ابا111حي

آآآآآآآآآآآآآآآهـ بـــس

الا ليت الطفوله تعود يوما ....
فأخبرها بما فعل الشبابو

جـــدن غــيــــر

اقتباس:

!!~°~!! جزيرة الكنز !!~°~!!
""خمسة عشر رجلا ماتوا من اجل صندووووق""
الله على أيامك يا جون سيلفر يا قرصان البحار السبعة

ههه يازينه هذي اول اتابعه مره مره ,, العرج منسم هالسلفر خخخخ

وآآوك غبااار

بس صدق ذكريات نحن لها بعنفhttp://www.5d5l.com/smilles/smile_albums/other/124.gif

يمآل العافيه ..~

[align=center]سحليه ياهلا وغلا منوره

يسلمو ع الموضوع[/align]

ههههههههههههههه من اول مآآقريت موضوعتس مت ضححك ((قنااة الاولى)) <--يآآقدمه بس كآآن له طعم ثآآني ...

بس

سنآآآآآآن يآآ سنآآآآآآآن سنان يآآبطل ....الخ <-- افاا ليش نسيته الله يهديتس بس ..

يسلمووو ..

الله مستعان مر عليهن الزمن وشرب

اول ماندري وش نتابع لانهم محدده البرامج ههههه

اشكرك على الطرح

هههههههههه ياحلوهم بعد زمان
الف شكر لك

اياااااااااااااااااااااااااااااام راحت
مشكورة على الطرح

اقتباس:

الا ليت الطفوله تعود يوما ....

فأخبرها بما فعل الشبابو

اي والله

ابصراحه أحلــــــــى ذكرياااااااااااااات
تسلمين

هههههه

اكثر شيء كنت احب هايــدي

ياسلام يازين زمن اول
والله فله مو زي الحين
الله يعطيك العافيه ع الذكريات الحلوه

اقتباس:

المشاركة الأصلية كتبت بواسطة الأسيره (المشاركة 3069136)

ياسلام يازين زمن اول
والله فله مو زي الحين
الله يعطيك العافيه ع الذكريات الحلوه

ههههههههههههههههه

كم عمرك هالحين 80 سنه هالحين احسن من اول شباب ونشاط \\\ يعرف الناس هع هع

مزززززززززززززح لا تزعلين

واحد يامنه بغ يكذب يقول معلنينه بالقناة الاولى \هع هع

يدري محد يناظرها

أزين شي كنت أتابعه عبقور ههههه والله ياهو وناسه

وهـ بس يآحوبي لقلوبكم ..~
آهم شي آعجبتكم عآإآإد هذآ آللي آبيه http://sub3.rofof.com/img3/011pjdbc2.gif ..
يعطيكم ربي آلف عآإآإفيه وسعتوآ صدري آول موضوع آنزله ..~

هههههههههه والله جخه موضوعتس يالهره ذكرتين ابيتنا القديم متابع الاولى والدفايه وتحمية الكيت كات واووك اوجعن بطني

وناااااااااااااااااااااااااااااااااااااسه ذكريات وناسه الى بكرى وناسه

سالي وهايدي احبهن من قلب شكلي بتابع هالحين من جديد,,

شكرا لكــ

[align=center]

كونان
جديد شوي مااذكر مارن علي ذاك الوقت لآني عقب ماكبرت بديت اتابعه مع اخويhttp://www.buraydh.com/forum/images/icons/icon10.gif
وداعاً ماركو
ياطوله بعد ويضيق الصدر ارحمه يقطع قلبي
الكابتن ماجد ورابح
يجي العصر واتابعه انا وولد عمتي اذا صاروا عندنا

سالي
من قوة اني مولعتن به مفصلتن لي امي على بالطواته ذوليك الفروhttp://www.buraydh.com/forum/images/icons/icon10.gif

هايدي
يالله رمز الدجه والمطامر من ذاك الوقت وانا ودي اعيش مثله بذيك الطبيعه الي تجيب العافيه وانا بالمتوسط
قالي عمي انو مسوين مثل المتحف لها بسويسر بنفس الكوخ وانهبل ابروح عاد مواعدن ابوي بس تونآآ يقول بدري http://www.buraydh.com/forum/images/icons/icon10.gif

والباقي مايجوزن لي بالحيل
بس المسلسلات وأفلام الكرتون قبل له طعم وغير
الحين ماهنآ اكثر من القنوات بانواعه بس يجيبن الهم http://www.buraydh.com/forum/images/icons/icon11.gif

[/align]

الله ونااااااااسه ايام حلووه

نسيتي..افتح ياسمسم ابوااابك نحن الاطفاااااال لالالالالالاه ...

هع