فتاة تتهم الهيئه بصدم سيارتها ومصادرة جوالها
 

http://www.alriyadh.com/2009/02/09/img/112211.jpg المواطنة تتحدث للزميل العوفي

الرياض - خالد العوفي:تصوير - عبداللطيف الحمدان
اتهمت إحدى المواطنات فرقة هيئة الأمر بالمعروف والنهي عن المنكر وعددهم خمسة أشخاص يركبون سيارتين الأولى من نوع كامري والثانية جيب لاندكروزر يوجد عليه شعار الهيئة رسمي يخص هيئة الأمر بالمعروف والنهي عن المنكر بمطاردتها ومضايقتها في شارع العليا بالإضافة إلى مصادرة جهازها المحمول الذي يحوي صورها هي وأسرتها.

وتقول المواطنة التي حضرت إلى «الرياض» قام ركاب سيارتين بمضايقتي واستوقفوا سيارتي وطلبوا من سائقي الإقامة بعد ذلك من شدة الموقف قمت بالصراخ أمام الناس المتواجدين أمام أحد المحلات التجارية.
وتضيف المواطنة أن أفراد الهيئة قاموا بصدم سيارتي عدة مرات ولم يكتفوا بذلك بل صادروا جهاز «لاب توب» يحتوي على صور خاصة لي ولعائلتي.
وتساءلت المواطنة ما الذنب الذي قمت به حتى تتم معاملتي بهذه الطريقة

http://www.alriyadh.com/2009/02/09/img/112212.jpg

وصدم سيارتي ومصادرة جهازي المحمول بعد ذلك يذهبون بدون أن أعرف ما المشكلة أو ما الجرم الذي ارتكبته وكيف يحق لهم مشاهدة صوري الخاصة أنا وعائلتي؟ وحول الموضوع اتصلت «الرياض» بأحد الحاضرين للحادثة الذي أكد أنه شاهد رجال هيئة الأمر بالمعروف يحاصروا سيارة الفتاة ويقومون بصدمها ومحاولة إيقافها بالقوة ويتحدثون عبر الميكرفون ويطلبون من قائد السيارة النزول، وإضاف أنه شاهد بعد ذلك رجال الهيئة يذهبون.

لا بعد هاذي اقول الجريده كفت ووفت شهود عيان <<<بس كيف عرفت انه موجود يمكن البنت عطتهم رقمه ...

يا جريده يا محترمه

ليش بدل اتصالك بالشاهد ما اتصلت بمدير مركز الهيئه واستفسرتي عن الموضوع ...>>او يمكن الرقم ما يعرفونه

الله يعين الهيئة اذا ساقت البنات سيارات الصراحة حتى ماتعرف ولاتكذب البنت والله من زين السواقه تلقاه من العجله إذاساقت تصك على عباته عاديالله شف المنظروتلقى الشباب كلهم يوقفونه على شان العباة (خدمه انسانيه)

والجريدة صايرة منقذ

يجب جلد الفتاة حتى تعرف كيف تتهم الهيئة

[align=center]وراه بعض المشرفين يخلون المواضيع اللي من شبكة النت هنا بالقسم


وانا لو اجيب موضوع منقول اجدعوه بقسم مادري وينه


مسكين ابو الريش<<<< [/align]

طيب بأي حق يمسكونة ويتناقشون معه وين الدين كان طلبوا رقم ولي أمره وتفاهموا معه

ولا أخذوا لوحة السيارة وجابوا ولي أمره ماهو يصدمونه
بس هم تحس أنهم بزارين علشان عاندتهم سو حركاتهم هالبايخة ولا لو هي قايلة الله يجزاكم خير كان خلوه

قسم بالله تخلف

مجربتهم أنا أذا قالو غطي عيونك قلتله الله يجزاك خير راح وتركن حتى لو ماغطيت عيوني وأشوف اللي يعاندنهم ويقولن وش دخلك تعالو شوفوا لجة وتسحيب للمركز وحالة

بس الله يجزى الأشخاص اللي وقفوا الهيئة عند حدهم وصار لهم حدود ولا كان نشوف علوم مثل منول

كانوا أول يلاحقون الشباب اللي يغازلون عند المدارس ويالله خذ سرعة وتفحيط وكد صدم أخوي من هالحركة وبغى يروح فيها بس ربي ستر عليه ياربي لك الحمد والشكر
خلاص خوذو رقم السيارة وقضينا

[align=center]اشوى اني ما اعرفها :f5:






بيس:)[/align]

[SIZE="7"][COLOR="Blue"]كلنا خطائون وخير الخطائين التوابون

[COLOR="blue"]أقول لفتاة كل واحد يصلح سيارته[/

بحق انهم جهاز مخول من ولي الأمر للقيام بهذه المهمه ..

مهمة الحد من الرزيله والحرص على عدم وقوعها ..

مهما قلتي ومهما سطرتي من خربشات لا يمكن لعاقل ان يتجاهل دورهم الكبير ..

وانت هنا تحكمين على رجال اخيار نحسبهم كذلك ولا نزكي على الله احد لمجرد خبر في جريده من مجهولة لا يدرى ما الغرض من نشرها !!

اما عن مطارداتهم فلعلمك إن صح ذلك فلهم الحق كما ان الحق لاصغر سلتوح بالمرور ان يوقف اي عائله ويفتش سيارتهم بدون نقاش >>او صح هذا عسكري

تقول او ماتقول هذه البنت عن الهيئة فاءن جهودهم لا تحصى الله يثيبهم ويثبتهم..............

أوكيه هم على عيني وراسي والله يحفظهم وأنا ماتجاهلت دورهم بس اقول بهم نسبة تخلف ببعض حركاتهم متسرعين

هذا غير التصوير والتشهير اللي هم طايحين فيه أذا مسكوا أحد متلبس

بس مهما كان مالهم حق يمسكون مره وياخذون الاب توب بتاعه وكذلك جواله

ومالهم حق يتناقشون ويتكلمون مع حرمة

والعسكري أذا معه بلاغ يفتش أما غيره لا ماله اي حق ويرفع عليه قضية لو يتجرء ويمسك حريم يفتشهم


تخيلوا لو هذي محرم وحدة منكم ويسوى فيها كذا تحدد وتصدم وتمسك ويوخذ أغراضه الخاصه هل ترضون فيهااا

ماقول ألا اللهم أرنا الحق حق وأرزقنا أتباعه وأرنا الباطل باطل واجنبنا اتباعه

جهاز جوال او لاب توب اللي صادروهـ ..
اتوقع فيه مشكله لم توضح !! ياليت اخذو اقوال الهيئه ..
الله يهدي الجميع

ماصدموتس الا بك بلاء انتي وسواقك يالقزماء !

ما شوه سمعة الهيئه الا تجاوزها للحدود

اذا الكلام صحيح!!!

اولاً.. ممنوع المطارده
ثانياً: لاتملك حق مصادرة اي شي من املاك المواطنين لو خيط
ثالثاً: رجال الهيئه لا يحق لهم استجواب او تفتيش اي إمراه .. ولو اشتبهوا فيها
عندهم تعليمات يجب تطبيقها


فيه تعليمااااااااااااااااااااااااات وتوجيهات كثيررررره كل موظفين وموظفات الهيئه موقعين عليها ....




انا كا مواطنه تعجبني فكرة الهيئه بس يقهرني
تمسكهم بأساليب الأكراه والمبالغه في انكار المنكر







شكرا لك

اتركوا البنت بحاله ماتدرون وش السالفه الاكيده

هاذا الي يبونه هو ان ننشر تفاهتهم وش الي صدموك شكله تحسب الدعوى سواليف اكيد بس بلا

اقول ياوخيتي إذا صار الأخو يلاحق مغازلجي والبنت تطلع عيونه بالسوق وماتخاف الله اكيد يبي يضيق صدورهم من الهيئة....

أولا الله لايحللك لأنك أتهمتنا بشرفنا ولو أجيب الكلام هذا للمحكمة كان أخذت حقي منك


ثانياً : عيوني مطلعتهم لأني البس نظارات وشلون يسكرن العيون بنظارات ها خبرني

وأخوي أقولك صدم يعني صدموه الهيئة وهو ياحبة عيني طالع الظهر يمشي برجولة وجو تقل مراهقين يفحطون وقشوا أخيي وصغير بأول أبتدائي مو قاعد يغازل لا هم يلاحقون الشباب اللي يلاحقون بنات الثانوي والمتوسط وسرعة وتفحيط بالشوارع خلاص خذ رقم لوحة السيارة وأستدعيه بالمركز وتفاهم معه مو تلاحقه

وأنا ماضاق صدري منهم أنا أقول المفروض يعرفون وشلو ن التعامل مو تقل بزارين هم وحركاتهم علشان أعداء الدين والعلمانيين مايلقون عليهم منفذ يترصدونهم فيه يعني هالموقف اللي صار للبنت هذي بيحسب ضدهم وبيحاسبون عليه وبيكرهون فهمت كيف

يقال لايوجد دخان بلا نار

والمتهم بريء حتى تثبت إدانته

ولابد من رأي الطرفين

والله يجيب العواقب سليمه

ودمتم بخير

نبراس

صدقت أخوي.
ثم وين ولي أمرها يجي يشتكي أو تخاف تخرج الفضايح لكن الله يستر على بنات المسلمين.

السالفة انها بنت ماتربت وتحتاج من يربيها.
ويقولون الاوائل ((اللي ببطنه ريح مايستريح))

اولا ليش يحقق معها وين ولي امرها

ثانيا ليش تطلع صورها بالجرايد والنت والله بنت البيت صارت على هالحال بعد ما كانت مستوره ببيتها الله يهدينا واياه

الاهم ان الهيئه لا يمكن يصدر منهم هذا التصرف

لا وازيدك من الشعر بيت تراي مب مطوع ومره مسكون الهيئه مع انه ظلم ومن زود ماهو ظلم مسجلين علي تعهد "جالساً بعيداً عن اهله"
ومجرجرينً جرجره ومع كذا اقول جزاهم الله ألف خير لانهم أُناس لايعلمون مابقلوب غيرهم.

سبحانك اللهم وبحمدك استغفرك واتوب إليك

كله مساله وقت والبنات يسوقــــــــن
وكلـه فتره من الزمن وتسحب صلاحيات الهيئـه
وقولوا قاله اللي مايفهم شي

الله يعين الهيئه ويسدد خطاهم بعدين تحس من الخبر انه فلم هندي ماقول الا الله يحسن العاقبه

(سبق) الرياض : أكد مدير عام فرع الرئاسة العامة لهيئة الامر بالمعروف والنهي عن المنكر بمنطقة الرياض بالنيابة الشيخ صلاح بن ناصر السعيد احالة قضية سعودية ارتكبيت مخالفات شرعية الى الجهات الامنية لاستكمال التحقيقات .
وقال الشيخ السعيد في رده على ماذكرته صحيفة الرياض حول اتهام المواطنة لفرقة هيئة الأمر بالمعروف والنهي عن المنكر بمطاردتها ومضايقتها في شارع العليا بالإضافة إلى مصادرة جهازها المحمول :" نود التوضيح بأن حقيقة الأمر, هي أن المرأة ارتكبت مخالفة شرعية تستوجب إيقافها حسب الأنظمة والتعليمات ، وتم التحفظ على حقيبة كان السائق يحاول إخفائها وهي التي تحوي جهاز محمول وقد تسبب تهور السائق في اصطدامه بسيارة الفرقة الرسمية ، علاوة أنه كاد يتسبب في دهس أحد أعضاء الهيئة بسبب صراخ المرأة وأمرها له بالتحرك من الموقع وقد تم إحالة أرواق القضية والمضبوطات لمركز الشرطة المختص لاستكمال التحقيق".

جريدة الرياض الموقره تناولت هذا الموضوع بلهجــة عنيفه
والهيئة أصدرت بيانها الموجز بأن ( السواق هو الي صدم الهيئة ، واللاب توب كانت المرأه مغبيته ، و السوا ق بعد حاول دعس واحد من الهيئة )<<<< يعني مطبله على السواق والحرمه ....... !!!
والله يرحم الحال من عنده
أنا أقترح أنهم يصلحون بس وماحصل الا الخير والحمد لله أنه صارت بالحديد

ألي في بطنه ريح ما يستريح ماعندة شي ليش ماتاقف ولاخابرة وراة تركي السديري بياخذ معها مقابلة على طول

الصحيفة لاتقدر أن تذهب للهيئة وتسألها لأن الهيئة لايتعاملون مع الصحافة ويقولون أن الصحافة هي الشيطان الأكبر ..

أذهب الى كل دول العالم تجد أن الصحافه تنقل الأخبار كما هي وهي لها فائدة عظيمة للوطن وتقدم الشعوب ..


التظليل ياخي أن يأتي موظف حكومي ويكسر الأنظمة الحكومية ومنها المطاردة وتفتيش الأجهزة الشخصية من محمول وجوال
وغيرها اللي تحدد عمل أفراد الهيئة ويقول أن البنت عليها مخالفة شرعية ؟؟

طيب ممكن أنا ساحب ثوبي بالأرض وحالق لحيتي وتجي الهيئة تصدم سيارتي وتصادر جوالي ويقول عليك مخالفة شرعية ؟؟

هل هذا يعقل ؟؟ هل هذا هو شرع محمد رسول الله ؟؟

http://www.alriyadh.com/2009/02/11/img/110328.jpg

هذا التوضيح من الهيئة يحمل أكثر من ادانة للهيئة ويحتم ضرورة التدخل في أوضاع هذا الجهاز الذي أصبح مضايقاً للناس فمن جامعة اليمامة إلى مركز الملك فهد الثقافي وأخيراً مواطنة في سيارتها يتم ايقافها ثم إعلان وجود مخالفة شرعية.. ما هي هذه المخالفة.. ولماذا البحث عن الحقيبة..؟ هل تفعل أجهزة الأمن ذلك..؟ بالطبع لا.. ثم لماذا المطاردة وهي ممنوعة بسبب كوارث الهيئة السابقة.. ولماذا مصادرة جهازها المحمول وهذا ممنوع ايضاً ويأتي الادعاء بأن سائقها هو الذي صدم سيارة الهيئة بينما توضح الصورة ان موقع الصدمة هو في الجزء الجانبي الخلفي من السيارة مما يوضح أنها مصدومة لا صادمة..

شـكــ وبارك الله فيك ـــرا لك ... لك مني أجمل تحية .