|
قصة زواجي الاول وطلاقي ( للفايدة)
لاتظنون اني احاول اجذبكم او اثير مشاعركم حتى الفت انتباهكم لمي ولكني ابي اعلمكم كيف اخطاء الحياة تكون ضرر علينا احيانا
انا كنت في الثانوية ادرس وعاداتنا العائلية تفرض علينا الزواج بدري وهذا لا يقلقني لاني اعي هذا ومؤمنة فيه ولذلك لم يشكل شيء بحياتي واحسب له وفي يوم كنا فيه نهاية الاختبارات الثانوية وجت امي الله يرحمها لمي وقالت شرايك فيه عريس لك ولم اتفاجا وقلت موب توني على الزواج لين اخلص دراسة وكنت اعرف انه مافيه امل بها الشيء الا اذا طاعني الزوج اكمل ولم يبقى الا ان اعرف منهو الزوج اللي خطبني وقالت واحد مطوع يشتغل بالخضرة ويعرفه ابوك زين قلت مدري قالت فكري وترا ابوك يبي يكلمك عنه بعد يومين دخل علي ابوي بالغرفة وكلمني وجلس يمدح بالولد وخلاه وحيد امه بعدها وافقت وانا متردده بس شسوي بابوي اخاف يزعل ويرتفع سكره وضغطه وخاصة انه متزوج ثنتين غير امي تزوجت وكان الزوج يطلع الفجر لسوق الخضرة ولا يرد الا بعد الظهر ويطلع العصر ولا يرد العشاء واذا رد فهو تعبان ولا يدري عن شيء والمأساة اللي انا فيها لكن صبرت وسكت ولم استعجل بعد ماشفت حياته على الاطفال وصرت اخذ موانع من وراه لاني كنت اخطط على عدم الاستمرار حتى السفر والاسواق ماكان يروح يوديني وعذره مافيه وقت او فيه اختلاط وبعد سنتين عرفت ان الحياة اصبحت صعبة معه وغير المشاكل العادية التي تحصل بيننا وفي يوم قلت ابي اهلي وكانت امي الله يرحمها تدري اني ماني مبسوطة معه وقلت لها لازم تشوفين لي حل مع الرجال لاني ماحبيته وصرت زي الخادمة عنده قالت حاولي تصبري قلت تكفين انا مليت من العيشة مع هذا كلشي حرام حرام ولا يعرف الا سوق الخضرة ماصارت عيشة بعد ماجاء في الليل عشان ياخذني رفضت وقلت لازم تتغير والا مالي عيشة معك وقال سوق الخضرة مستحيل اتركه قلت انا ماقلت اتركه انا قلت مو ضروري لين الليل قال هذا رزقنا وهذي حياتي من يوم انا صغير بعدها رفضت وعرفت ان عيشتي معه وصلت لنهايتها وتركني كم يوم عند اهلي وحاول ابوي يتدخل لكن اخوتي رفضو اني اطلع معه والصراحة اخوتي ماكانوا يحبونه وهو اللي شجعني اني اجلس ويوم جاني خبر انه رايح يتزوج ثانية حتى وبعدها ركبت براسي اني اطلب الطلاق منه وبعد زواجه بكم يوم جاء اخوي ومعه ورقة الطلاق والحمدلله ارتحت ذاك اليوم ونمت نومة طويلة وليت كنت ادري ان الزمن كان يلاحقني من واحد لواحد لكن الحمدلله |
اختي مطلقه بالنسبه للقرائئتي للموضوع واسنتاجي له ارى ان طلاقك من زوجك الاول اسبابه غير مقنعه يعني ممكن انك كنتي تحاولين تغيرن من اطباعه وتبيني حاجتك له واشياء كثيره ويمكن عمرك كان له دور في انك ماتتصرفين في مثل هالامور هذي مطلقه ثلاث مرات يقول المثل مايحس بالنار غير واطيها ويمكن اكون امحسيت بنار عيشتك مع زوجك الاول :( اتمنى ان الله يوفقك وان تكونين اقوى من كذا ومهما صار للانسان من مشاكل والام لابد يصبر والفرج بعون الرحمن انه بالطريق |
صدَّق الرسول صلى الله عليه وسلم عندما قال: (إنَّ لربِّك عليك حقًّا، وإنَّ لنفسك عليك حقًّا، ولأهلك عليك حقًّا، فأعط كلَّ ذي حقٍّ حقَّه) رواه البخاري. اعجبني حسن تصرفك عندما أخرتي الحمل استدراكا للعواقب ! وأسأل المولى أن يرزقك الزوج الصالح ! تقبلي مروري اختي مطلقة .. |
البدر
انت قلتها مايحس بالنار غير واطيها وكيف الوحدة تبيها تعيش مع واحد يطلع الفجر ويرد اخر الليل واذا رد فهو يفكر متى يقوم الفجر يعني طوال الاسبوع مرهق ولا تقدر حتى تجلس معه تسولف وغير المشاكل الثانية اللي تصير |
توبي
ردك واستشهادك صدقني له اثر كبير عندي والحياة لم ولن تتوقف عند هذا الحد |
ياشيختي الحمدلله رجل حسرة وتخلصتي منه ولسى الحياة تنتظرك ومهما قست راح تلين .,
وصدقيني أنتِ أرحم من اللي خلفن ضحايا يتألمن ليل نهار علشانهم ., يكفي أنك رجعتي كما خرجتي لاولد ولا بنت يقهرك فيهم ., لاتشغلي بالك يالغلا وتأكدي أن من وضع لك الطريق لن يتركك وحيدة في منتصفه ., الأرزاق بيد الله وليست بيد أحمد أو خالد ., وكثير حصل لهن كذا وتوفقن ., لم ولن تتوقف الحياة على رجل أو رجلين أو ثلاثة ., فلازالت مليئة بغيرهم ., أتمنى لك التوفيق في الدنيا والآخرة ., أهذب تاهيه’ |
اهلين اختي مطلقة كم مرة
انا قليل ادخل القسم هذا لكن شفت الموضوع وحبيت اشارك فيه بدون زعل احس انك تبحثين عن الاثارة ومشكلتك هذي تصير مع كثير من الزواجات لكن يبدو ان تربيتك انت غير يعني فيها نوع من الدلال والرفاهية وبعد زواجك انصدمتي مع حياة الزوج وشغله اجل لو زوجك سواق تاكسي ويسافر للرياض او المدينة وش كنتي تسوين او موظف خارج المنطقة ورايح جاي لا يا اختي الكريمة مو كذا لازم تكوني صادقة حتى وانت تعرضي مشكلتك لنا لكي نكون محايدين مو مجاملين معك |
الزواج ميثاق غليظ وشروطه كثيرة لاستمراره
وتعددت الاسباب والطلاق واحد قال عمر بن الخطاب رضي الله عنه:(أيما امرأة غرر بها رجل به جنون أو جذام أو برص فلها مهرها بما اصاب منها وصداق الرجل على من غرر) (إذا جاءكم من ترضون دينه وخلقه فزوجوه) الدين هو الالتزام بمراعاة الزوجه الخلق هو كافة الخصال الحميده فيجب ان يحتاط ولي الامر لذلك رزقكي الله بزوج صالح يلتزم بامور الزوجه . ونسال الله لكي التوفيق بحياتك . تقبلي مروري |
انصحك لاتتزوجين خلى زواجك بالجنه
ترى ماهنا رجال بذا الوقت غير خونه وانذال وماوراهم الا الهم عيشى حياتك كذا ارحم لك وقفلى الخاص يجونك الشهبان يخطبون مسيار قطعن يقطهم |
بصراحه السبب غير مقنع للطلاق ,,فيه رجل يسافرون اسابيع لطلب الرزق وتجلس الزوجه عنداهلها
واذا رجع يجلس فتره بسيطه ويسافر مره اخرى ! يمكن انك ماحبيتيه عشان كذا كرهتيه هو و وظيفته كان الله بعونك |
الزواج يااخوان هو حب وتفاهم بين الزوجين ومن قرائتي للقصه وجدت او بالاحرى استنتجت ان الحب والتفاهم غير موجود في كل الطرفين الرجل اعتبر الزوجه ثلاجه وضعها في البيت وهي تريد الرفاهيه والاسواق والزيارات ,,,,,,,, الخ فهناك فجوه بينهما تربع الشيطان فيها ,,,,,,لااقول الا الله يعوضك بالزوج الكفو ولا تهتمين بمن يقول ما فيه رجال في هذا الزمن كلهم انذال هذا الكلام غير صحيح ,,,,,,,,تقبلي رايي بصدر رحب
|
بعد أذن كاتبة الموضوع !! الي الاخوة الذين ينسبون الخطأ الي الفتاة :: وش اللي رفع اسهم مهند فوق الا الخمام من رجالنا !! نترك القضية هذه على جنب !! ونأخذ لنا ساعات نتمشى بالراشديات واماكن الاستراحات وتشوف الصوالين والكوابريس والفوردات عند الاستراحات ملازمين اربعة وعشرين ساعة !! رح للا سواق وتشوف حريم بالكوم بدون رجال !! القضية ماهب قضية دلع او عيشه ثانية !! القضية ان الوضع عندنا دكتاتوري ! بنسبة كبيرة !! اتمنى ان نقدم الصراحة في نقاشنا وعدم النظر الي القضية بعين حالنا !! يا عزيزي فيه ناس سياراتهم سيارات ( اجرة ) بس مامثلهم !! ساعة تشوفها واقفه عند سوق وساعة عند مطعم واخرى في منتزة !! نحن لا نعيب الوظيفة بكثر ما نعيب التوفيق بين الوظيفة والبيت !! اعرف من يعمل اكثر من اربعة عشر ساعة متواصلة الا انه يكافح ويسهر ليعوض اهله !! تمنياتي لكم بالتوفيق |
اختبي الفاضله قديكون هناك فارق كبير بالسن بينكما بحيث لاتتوافق الافكار .
تقبلي مروري |
زوجة طموح وزوج لم يذنب بحقها !!
اختي لا ارى سبباً للطلاق سوى الخطأ بالأختيار الذنب ذنبك لقبولك دون تفكير فالرجل واضح منذ البداية ولم يغرر بك او يرسم لنفسه صورة غير واقعه وكان عليكِ التفكير بحاله قبل الزواج وليس بعده كانت الفرصه امامك لتقرر ان كان وضعه يتناسب مع رغباتك وآمالك ام لا فمثله واضح المعالم وواضح المسلك ولاينتظر منه ان يكون صاحب صولات وجولات بين الأسواق والحدائق !! خسرتي بقرارك وعليكِ تحمل تبعات ذلك فخسارة رجل مثله ليست بالأمر اليسير في هذا الزمن تحياتي ,,, |
مرحبآ آختي ,,
آولآ ,, من آكبر آلآخطآء آلتي لآزمت مجتمعنآ للآسف تزويج آلفتآة وهي بسن صغيرة من رجل يكبرهآ بآعوآم,, فهي لآتعرف آلكثير عن آلحيآة فمآ بآلك بآلحيآة آلزوجية وآلمسؤلية وووو ,, آختي من خلآل قرآتي لقصتك آستنتجت ,, عدم آلوفآق وآلتفآهم بينكم ويرجع آلسبب آلرئيسي للزوج لعدم آهتمامه بك آو حتى آلمحآولة ,, آيضآ هنآك آلكثير ممن يعملون كنظآم عمله وآستطآع آن يوفق بين عمله وبيته ولآكن هو لم يفعل ,, آختي هنآك آلكثير من آلآزوآج للآسف لآيولي آهتمآم للزوجه وكآنه آشترى قطعة آثآث ورمآهآ في بيته ,, ومآيحزنني كثيرآ آنك تقولين آنه ملتزم دينيآ فكيف لآ يولي لزوجته وآهل بيته آي آهتمآم ,,!!! عجبآ لبعض رجآل هذآ آلزمن آقصد آشبآه رجآل ,, آختي لآ آريد آن آطيل آكثر ولآكن آسآل آلمولى عزوجل آن يرزقك آلزوج آلصآلح ,, بآلتوفيق لك ,, آورفوآر ,,, |
الاخت مطلقه 3 مرات
ما نقول الا الله يعينك الناس ما ترحم ... ولا تقدر.... والنار ماتحرق الا رجل واطيها ...فنصيحة الامور الشخصية والعائلية لاتناقشينها على العامة ... وحاولي تناقشينها مع من تثقين بمقدار تفهمهم لمشكلتك لأنه في النهاية .. الناس ماترحم ... ودائما تبحث عن الاعذار للجلاد وتنسى الضحية الله يكون في عونك |
السلام عليكم ورحمة الله وبركاته,, اختي ..اتمنى ان تكوني مهيئة نفسيا..لما سأكتبه..حقيقة لا أحب ان اضايق أحد.. لكني لا أكتب إلا ما أقتنع به.. شوفي عزيزتي..الغلط الأكبر تراه منك..بتجربتك الأولى.. تزوجت عن عدم اقتناع..بس لان الاهل قالو لك..من قرائتي لك ..رأيت منذ موافقة كانت لك نية عودة.. لانك ما غيرتي زوجك..ولا حاولت..كنت تعرفين انه يشتغل بالخضرة..طيب اشفيها..وين دورك كمرأة لجذبه لك..وتخلينه يحن لبيته..هذا الدور على الاقل كان يخليه يستغنى عن الخضره في الليل.. وبدليل انه بخير..وكان يقدر يدلع ويعطيك..الي تبين..انك يوم عاندت راح تزوج غيرك.. اشتبينه يسوي..وتوقعي ما بيصيبر عليك..لانك ما بذلت عشانه اي مجهود.. كنت سلبية بكل شيء..وغير مكترثة..فقط تبين تفتكين منه.. ولاحظي ما جبت عيال..رغم ان هالنقطة تلوي ذراع الرجل..وتخلي لك مكانه على الاقل ببيته مو بقلبه.. حاطه في بالك الطلاق..للأسف ما شفت المستقبل قدام..ولا فكرت بسوء النتائج,, قد يكون كان براسك شي..وخطة ما..لكن سود الايام والحظ..ما حالفك.. التخطيط من ناحيتك كان سيء,,بالاضافة للامبالاه..هذا ما رايته.. وارجو ان تعذريني..فقد عرضت هذا للاستفادة .. دمت بخير |
اسمحولي ان اشكر الكل واعرف ان منكم من حملني السبب مع اني حاولت لكن اعرف ان فيه فجوة بيننا وهي ماخلتني انهي حياتي بهذي النتيجة
واسمحولي اني ما ارد عل كل مداخلة لان الموضوع بالنسبة لي منتهي وصار ماضي وسيكون لي رجعة مع الزوج الثاني |
[align=center]تزوجي رجلين آخرين وتطلقي منهم عشان تحطمين رقم الفنانه فيروز !
خليك واقعيه وعقلانيه يا مدام تطلقتي ثلاث مرات والقصه الأولى كان غلطك لوحدك ما يشارك أحد فيه ما فيه أسباب مقنعه في مضمون حكايتك هذه لو تدققين بمثل ما نسمع أن النساء لا تريد أن تقابل زوجها دومآ وأنتي هنا تريدينه دائمآ جنبك حرنابكن يالحريم ! فيه أحد منكم معه عصى سحري ويقولي كيف أقدر أفهم ماذا تريد المرأة من الرجل إحتراماتي لذاتي[/align] |
يــاقلبــي انـتــي الله يكـوون بعونكـ يــارب..
وان شاء الله ربــي يعوضكـ غيــرهـ اللي يدللك ويحطـك بعيونــه.. وهذي المشكــله بعض الرجــال يأخذون المرأه عندهم كخادهم او اســم زوجـه.. تقبــل مودتـي ودعواتــي .. |
زين انك ماجبتي منه عيال
والله يوفق الجميع |
الله يكون بعونكـ اختي
وربي يرزقكـ الزوج الصالح وجميع المسلمين دمتم.,. |
ياعزيزتي
قرار الطلاق جداً جريء وتصرفك بأخذ الموانع عين العقل وبصراحه لو انا مكانك اعتقد بتصرف نفس التصرف .. لأن لي حق على زوجي زي ماله حق علي وكان الافضل انك تفكرين قبل توافقين بالارتباط بدون اي تأثير خارجي .. لكن اتوقع صغر سنّك له دور كبير شكراً ,, استفدت كثير من تجربتك |
لا يضيق صدرك المره هالوقت عامه عند بعض اللي ما يتحملون مسؤولية يعطيها ورقة الطلاق كأنه مدير شركة معطي موظف عنده إخلاء طرف أو موظف متعاقد يعني روحه ولا رجعه .. حتى لو عنده منها أولاد .. سبحان الله .. ما يبحث هو عن حلول .. ولا يذكر في يوم أنه كان لباس لها وكانت لباس له أو حتى يذكر أنهم أفضوا إلى بعض .. وبينهم ميثااااااااااااااق غليظ .. لكن الفرق بينها وبين الموظف لو هو مستخدم أن ما فيه مكافأة نهاية الخدمه تسريح بتنكيل .. تقل هي اللي طابه عليه في بيت أهله متزوجته .. الله المستعان وبه المستغاث ..
لكن الله هو المنتقم .. تصدقوا زميله لنا زوجها 10 سنين ما يعرف شكل بناته والسنه هذي جاي يفجع أمهن عليهن .. ومعلقها مو مطلقه .. وهات ياعيشة النكد سنين تدور لقمة العيش أبوها وأمها مسنين وهي عفيفه .. وع العموم طلبت خلع .. وطلب مهر كامل مع طلب أخذ بناته .. والله جا الخبر زي خبر العيد جاه حادث وماااااااااااااااااااااات .. والحمد لله ورثت هي وبناتها أموااااااااااااااااااااااااااااااله وربك رحيم .. بعد ما كان ذالها في المحاكم .. ذله الله بشر موته ورد لها شقى السنين مع الطمأنينه والسكينة ، وربك يمهل .. ولا يهمل .. وما الله بغافل .. ولا ظلام .. علينا نحن معشر النساء التحلي بالصبر ورباطة الجأش واللي بيدخل الجنه بيدخلها من غيرهم .. وعلينا قطع العلائق عن الخلائق والتمسك بأسباب السماء .. وإلا لا منظمة تطلع حقوقنا ولا تبعث في نفوسنا السكينه والاطمئان نسير في هذه الدنيا كمركب في وسط موج البحر وظلامه يسير باليقين .. ويوجهه شراع الإيمان .. ولولا رحمة الله غرق .. (مطلقة)لم تعرف أن معنى الطلاق أن يدفن أبو أولادها حي .. ويكون اليتم مصيرهم في ظل حياة أبوهم وأن الطلاق إشارة حمراء ،ممنوع الزواج في ظل وجود أولاد من زوج سابق .. وممنوع التمتع بالسكينه والاطمئنان منذ لحظة ورقة الطلاق إلى أن يموت واحد من ثلاثة الأم أو الأب أو الأبن .. لكي تضمن أنها لن تُفجع على ضناها يوما ما .. |
الله يريحك دووم يا اختي .. ويوفقك بحيآتك .. تحيتي |
اقتباس:
انت ماعندك احساس؟؟ وشلون ترد كذا تتشمت اى تحطيم رقم ان شاء الله انت اطلق 9 مرت وتصير مثل سميرة سعيد احترامى للمحترمين المذوقين اللى يعرفون يردون |
اقتباس:
الاخ يحسب خراب البيوت سهل ويعدي مرور الكرام احرجتوني بكلامكم الحلو واللي جالس يتشمت الله يهديه ولا يمر بظروف مثل اللي مريت فيها |
اقتباس:
وحتى لوتطلقت 5مرت وصارت مثل فيروز عادى الطلاق مو عيب وكل هذا مقدر ومكتوب |
[align=center]
اقتباس:
أنا قمة وهمه في هذه الأشياء لكن صاحبة الموضوع هي من تفتقد لهذه الأحاسيس للآسف وليس لديها همه على قدر من المسؤوليه هنا في هذا الزواج ومن شاركها ووقف معاها في محنتها هذه وأيدها فهو يفقد لهذا الأحساس كثيرآ أين هي من نساء زمان أيام ما كان الرجال يذهبون لطلب الرزق ويتغيبون شهور عن زوجاتهم أنا أعرف أكثر من زوج الأن متغيبين عن زوجاتهم بسبب دراسه وعمل في الخارج وبرضاء من زوجاتهم لماذا هن لم يكابرن ويتشكن مثل الأخت مطلقه ليش الأخت مطلقه نازله من السماء بكتشب ومايونيز وغيرها من النساء نازلات بطشت لونه دواوي خلينا عقلانين وضربي أنا لهذا المثل من حيث تعدي رقم فيروز كان واقعي جدآ في إنسانه بالدنيا تتطلق ثلاث مرات وتحمل غيرها وزر هذا الطلاق هي لا تريد منكم تأييد هنا أو العطف لحالها تريد منكم من يعلمها كيف تعالج أمورها بالشكل الصحيح لكي ما ترجع لطلقات آخرى وتتعدا فيروز وتخطف درع من بين ثنايها ! أن شاء الله أطلق 9 مرات وأنتي شو يدخلك جالس فوق راسك أنا أنتي وقناصيعك المعكرشه أزين ما فيك أنك قلتي رقم ماجد عبدالله خلاس طسي عطيتك وجهه يا جديده ![/align] |
[align=center]
اقتباس:
أنتن هنا وحده ترفع ووحده تكبس والظروف اللي أنتي فيها تأكدي أنه أنتي اللي فاتحه أبواب هذه المشاكل لذاتك فكري بعقل وبعدها راح تزول كل مشاكلك ![/align] |
[align=center]
اقتباس:
والمرأة ما تكبر بعيني إلا إذا طلقت << أستانستي عاد تدرين ليه ؟؟؟ لإنها أفتكت من غثاء ذئب بشري هذا الزمان ! [/align] |
امممممممممممم صراحه ما اعرف وش اقولك
لكن تأكدي انه فيه كثييييييييييييير مثلك وتاكدي بعد أنك الحمدلله احسن من غيرك بالف مره اوصيك يالغاليه بأن تلزمي الأستغفار ... "تلزمي" يعني "لسانك لا يوقف من الأستغفار" واوصيك بالدعاء ففيهما حلت الكثير من المشاكل بارك الله فيك و وفقك لما يحب ويرضى كان الله بعون الجميع |
اختى الفاضلة
كان الله بعونك وجبر مصيبتك واخلف عليك خير منه البعض يحسب الحياة مجامله , والعيش فيها اصبح عادة ولم ينظر اليها من عدة جوانب لانها حياة وعشرة حتى الموت فيجب ان نختار من نعيش معه ونشاركة الحياة ولا ننسى حديث الرسول صلى الله عليه وسلم : خيركم خيركم لاهله وانا خيركم لاهلي !!! اعانك الله على نظرة مجتمعنا من كونك مطلقة حيث يحرم عليك اشياء كثيرة غير البنت البكر او المتزوجه واتوقع تمرين في هذه الحاله ولكن اصبري واحتسبي والله يعوضك خير منه كل واحد علق يبدوا انه لم يحس بالمسئوليه واتوقع لو كانت ابنته او اخته لوقف موقف الشهامه والغيرة على محارمه وحفظ حقوقها ... لا اريد الاطاله ولا الرد على كل تعليق ولكن حبيت ان اخفف من وطأتك واخيرا (( قل لن يصيبنا الا ما كتب الله لنا )) وعسى ان تكرهو شيئا وهو خير لكم ... تحياتي للجميع |
ان الحياة الزوجية تعتبر كالشركة , رأس مالها الحب والعطاء واعضائها الزوج والزوجة والابناء , فالعلاقة بينهم ليست كالشركة قصيرة الاجل ولا كالشركة ذو المدة المحدودة ولكنها شركة بميثاق غليظ طويلة الاجل وهذه الشركة تحتاج الى ادارة ناجحة ويكون لهذه الادارة الصلاحيات في كل ما يطرأعليها من مشاكل ومتاعب
|
للرررررررررررررررررررررررررررررفع
|
اقتباس:
هنا مكمن المشكلة :( ياحبيبتي كل شي غامري فيه إلا قرار الزواج .. كثير مانشوف زوجين مرتبطين بسبب إقناع وتأثير والدايهم عليهم وهم مو مقتنعين بالإرتباط وبالنهايه يحصل الطلاق ولا راح يفيدك أحد من اللي أقنعوك من البدايه :( أسأل الله أن يبدل حالك للأحسن .. وأعانك ووفقك .. دمتِ بخير ؛ |
اقتباس:
جبت اللي ببالي الله يوفقك دنيا واخره |
عزيزتي ماابغى اكلمك في الماضي لانه راح وانتهى
لكن ..... الزواج مايبغاله اقناع لااااااااا يبغاله اقتناع وفي فرق وطبعا الاستخارة بتنهيك من كل هالحيرة نجي لنقطة الثانية ... اعتقد مافيها حياء انك تعرفين زوج المستقبل ايش يشتغل وكيف طبيعة شغله وعلى اساسها بتحددين ..اذا كنتي بتتحملين هالنظام ولا لا !؟ ثالثا ... الزوج والارتبااااااااااااط والعشرة يستاهل انك تعطين اكثر من فرصه لتصليح الوضع او الخطأ وفي النهاااااااية موفقة ياقلبي وربي يرزقك بالزوج الصالح اللي يصونك ويقدرك ويحطك على راسة من فوووق :) تحياتي ياقمر |
اقتباس:
لكن يااختي العزيزه المشكله اتوقع عندك المراه يجب ان تحدد تخيلاتها برجلها ولا تقبل بغير شروطها الى مضطره فقط يعني مراه ماتحب رجلها متدين فيجب ان لا تقبل الى بواحد غير متدين المراه الملتزمه تصلح للمتدين ولغيره لكن ممكن نشوف الزواجات الثانيه ونحكم لك ولا عليك رغم انها من طرف واحد فقط |
أختي الكريمة
قصتك مؤلمة أرجو لكي الرزق والتوفيق مع إنسان في المستقبل يعوضك عن كل شي ويسعدك مع العلم إن قريبتي مطلقة ثلاث مرات وهي الآن كبيرة في السن ولها أولاد تقريباً من زوجان وعايشة حياتها مع أولادها بأتم سعادة ولله الحمد فلست الوحيدة لذلك أشكري الله فهذا إبتلاء من الله أنت تريد وأنا أريد والله يفعل مايشاء ويريد |
| الساعة الآن 04:57 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة