|
ما رأيكم بمحافظة حفر الباطن ؟
السلام عليكم ورحمة الله وبركاته وبعد ....
إنني اتحدث اليكم عن هذه المحافظة وانا احد ساكنيها المتغربين واريد من كل عضو يقرا هذا الموضوع ان يدلي برايه فنحن قد عانينا من صعوبة التعامل مع هذا المحتمع العجيب من جميع النواحي الحياتية فما ادري من اين ابدا امن الشوارع المتهالكة المتبعثرة التي يوجد بين كل عشرة امتار مطب بل ربما الجدار ارحم . فالبنية التحتية للمحافظة ظاهرة للعيان امام الجميع ولا تحتاج لكثرة توضيح ولكن الكلام عن اهالي البلد فما راي الاعضاء فيهم ؟ |
أي مكان في العالم فيه الصالح والطالح وفيه الجيد والردئ ....
فلاتستطيع التعميم على أهل كل المحافظه بالصلاح ولا بالسوء ... |
.
أنا أسميها ديرة الكوكتيل... لأن سكانها من جميع مناطق المملكة ربما لأنها منطقة عسكرية...ورح طالعها بالإجازات الرسمية فاضية مافيها أحد تحيتي إنسانة غيـــــــــــــــر . |
أنا قد زرتها أيام ماكنت أدرس بالمتوسط
وكانت شوارعه شهباء لهباء وذاك الأيام كانت بررررررد ومطرررررر أما الآن ماأدري عنه الصراحه. أحسه منطقه ليست بالمتحضره نوعاً ما . |
ما اعرف عنها شيء .. وللأسف كل ما مريناها .. أكون نايمة بالسيارة .. مايمديني أشوفها .. :( |
يوجد الكثير من اهل القصيم هناك وفعلا هي اشبه بالكوكتيل
ويبدولي ان العادات واللهجة الكويتيه تسيطر على معظم اهالي المنطقة |
حفر الباطن مدينة عسكرية اغلبها سكانها من
قبيلة شمر والعنزي يقدر عدد سكانها بحوالي 350 الف نسمة وهو عدد كبير اكبر مدينة عسكرية صحيح كما سمعنا ان الجرائم تكثرفيها بحكم ان عدد السكان وكذلك طبيعة بعض اهل البادية لانهم متعودين على السلاح وبالنسبة للتطور فاعتقد هي متطورة نوعا لم يسبق لي زيارتها بس فية ناس عايشة فيها ومبسوطة وبالنسبة للسلبيات شيئ طبيعي |
عدد سكان محافظة حفر الباطن يقدر
350 الف نسمة تقريبا |
حفر الباطن مابه الا سوق البقل والفقع اما شوارع ردميه مازفلتن اغلبهن والشوارع العامه كلهن مطبات والبركه بالحي الي عند السوق سلم لي على سكانه لامريت من عنده ولاتنسى تسلم لي على العشيش واهله على دربك |
الاخت انسانة غير
بس حفر الباطن فيها سكانها الاصليين العنزي والشمري ومستقرين فيها ومااعتقد انها بتكون مهجورة وحفر الباطن تتميز بموقع هام لان تحدها 3 دول وهي العراق والاردن والكويت |
الجبل الاسود
والله حفر الباطن المدينه الليمسحوبن على والدينه لا شوارع ولا مباني تفتح النفس مانروح هناك الا عشان الفقع ندبتس حنا والاهل تقل ندور الغام ورداااااتي لك سلااام |
اقتباس:
المشوت .... فسر لي ماتقصد بقولك (صعب التعامل معهم ).... ليه أهلها جايين من المريخ.... أما النقطة الثانية تأخذ رأي الأعضاء بأهالي حفر الباطن ,,,,فعلا إنت غريب والأغرب منك الأعضاء التي تكون ردودهم سطحية ....ويردون بأي كلام يطري على بالهم .... أنا من سكان محافظة حفر الباطن ....وراح أحط حد لأي شي يمس حفرالباطن أو أهل حفرالباطن ....يالمشوت |
حفر الباطن تعتبر مدينة بادية وعسكرية واذا كان
على التطور هناك مناطق ادراية لم تتطور |
هي زينه بالشتاء بس وغيره تحوم سبد اللي ماتحوم سبده !
|
اقتباس:
[align=center]كااااااااااااااااااااااااااااااااااااااااااك طيب مارين .. وين ريحين !![/align] |
الكويت الحبيبة
|
ولد الشمال
احنا ماغلطنا صحيح بعض الردود فيها اساءة لحفر الباطن والكاتب يمكن اساء لاهل الحفر بقولة ان التعامل مع اهلها ولااعتقد ان اهل الحفر بذلك السوء لكن المشكلة ان الكاتب الى الان مارد وفهمنا اكثر |
اقتباس:
مرحبا أخوي المشوت أنا من سكان مدينة حفر الباطن وكلامك أغلبة مو صحيح ...وبعدين وش المعناة الي عانيتها منا ياجدي وش الصعوبة فيها ليية نصبنا عليك وخذنا فلوس وللا سرقنا سيارتك !!!حنا يأهل الحفر ضيوفنا نحطهم فوق رسونا ...وأغلب القصمان يقنصون فيها ولا ذكرو شي من الي ذكرتة لا تتبلي علينا بمواضيعك ...أما بالنسبة للشواع الي تتكلم عندها يأخي الرياض وهي العاصمة فيها شوارع متهالكة وجدة بعد والدمام والقصيم بعد يعني أغلب مناطق اللملكة فيها ...وبعدين وش فيهم أهالي البلد غلطو عليك أو سبوك أو ضربوك علمنا !!!وللا بس تهم وحشو بالموضوع |
اقتباس:
وبعيدن وش الي منطقة مو متحضرة لييية الأخت ساكنة نيويورك أيام المتوسط كان عمرك 12 سنة والحين عمرك 33سنة يعني لو تروحين لها كان ماعرفتها يا عجوز النار |
مثل ماقال الاخ اللى من حفر الباطن ولاالومة لان الموضوع
فية اساءة وتهجم على اهل حفر الباطن ولمزهم بطريقة سيئة |
اقتباس:
حنتوووشتي الظاهر أنك خرفت يالله حسن الخاتمة من متي أنت ماجيت الحفر ياجدي ..وبعدين من يقول أن الحفر مافيها أسواق وين راحت العقارية وسارة مول وأسواق سارة وووو ...أما سوق البقل أو كما يسمونة قي باقي المناطق المضير وسوق الفقع فهذي الأسواق في جميع مناطق المملكة يعني كل منطقة فيها سوق للسمن والبقل والفقع ...أما الشوارع العامة كلامك عنها غير صحيح وشو شارع عام بة مطبات لو أنك قايل الشوارع الداخلية كان ممكن أقول نعم لأنها في وسط الحارة ...أما الحي الي عند السوق فهو أسمة حي الزلفي لأن أغلبة من سكانم الزلفي بس أبشر راح أسلم لك علي أهلة ...وبعدين العشيش الي تتكلم عنة جميع مناطق المملكة في عشيش بما فيها الفصيم والرياض وباقي مناطق المملكة بدال لا تقول الله لا تبلانا جالس تتهزء فيهم |
سلامي على حفر الباطن كثير السلام
|
ولد الشمال
قصدي الله يحفظك اني اريد ان اعلم ماذا تعرف الناس عن هذه المحافظة وليس قصدي التعصب لمنطقة بعينها ونحن اعلى فكرا وثقافة من هذه الامور فنحن شعب واحد وبلد واحد ولكن اردنا النقد الهادف البناء الذي يرتقي بنا للامام والحضارة والسلام ونريد الحوار الهادف الذي يبني لايهدم وشكرا |
بصرااحه ماقد زرتها
لكن واحد من أعمامي بحكم شغله موجود فيها اللي أعرفه منهم إنهم يمدحون أهلها وطيبتهم تغلب فيها التجمعات السكانيه يمكن الشكوى الوحيده من نوع الحياة لانها تعتبر مدينه بسيطه بحكم أنهم من سكان الرياض اصلا يعتبرونها قريه |
[align=right][align=center].
. السلام عليكم يأخوان ولد الشمال zo3ol عند ملاحظات وسؤال الملاحظات: 1. أول مرة دخلت الحفر كان العام الماضي بالعطلة بين الفصلين ولاتوقعت أن الحفر بالحجم هذا والأسواق فيها فخمة وخاصة الفنادق والشقق والملاهي رهيبة ( خاصة لأنه عوائل :D ). 2. الملاحظ أن ليس هناك تخطيط في تنظيم توزيع الأحياء. 3. ألاحظ أن القيصومة أفضل من الحفر تنظيم وخدمة بالطرق. 4. بعض الطرق العامة عندكم ماتشتهي تناظره فما بالك أنك تمشي به ( حفريات ومطاب ). 5. كثير من الأحياء بدون شوارع خاصة الشمالية منها. 6. الحفر بالليل مظلم لأنعدام الأنارة. 7. أفضل مالديكم أعتنائكم الملحوظ بالمساجد ( أفضل من عندنا ). وأما سؤالي .. بالفترة اللي أنا جيت به لاحظت بعد ماتعدا النفق رايح غرب فيه سيارات كثيرة موقفة بالأراضي الفاضية على اليمين واليسار مادري وشوله << أعتبروا هالسؤال بجاحة :D تقبلوا تحياتي . . ابوعبدالله[/align][/align] |
اقتباس:
الله يحفظك إنت إنت الظاهر ماتدري وش كتبت إرجع لبداية موضوعك وشف وش كاتب وإلا تبي واحد يقرالك بعد ...إنت كاتب وبصريح العبارة (مجتمع صعب التعامل معه).... وإلا بعد هذي ماكتبتها.... فسرلي وين النقد البناء اللي تقصده ...وعلى قولتك أنك أعلى فكر وثقافة ... يمكن حنا اللي قرينا الموضوع فهمنا على قدنا ....(مجتمع صعب التعامل معه) وتقول نقد بناء إلا هذا تهجم على أهالي حفر الباطن ....وأنا ماأسمح لأي كان إنه يتهجم على سكان حفر الباطن عامه ... وأنا تراني مطول معاك لما أشوف نقدك البناء .... في بعض الأعضاء اللي ردوا على الموضوع مثل المثل اللي يقول ( مع الخيل ياشقراء).... |
اقتباس:
[align=center]عاشق ديرتي أنا أتوقع إنك أرقى من الكلام ...ولا إنت بعد ماتدري وش تكتب ... يعني إنت شايف إن مصطلح تحوم السبد يرقي للمنتدى وللمكان اللي إنت فيه إذا عندك إنتقاد نحن نرحب فيه لكن بعيد عن المصطلحات التي لاترقى برأيي للمنتدى ولإعضاء المنتدى[/align] |
الحفر منطقه رااائعــــــــــــه ..
ومايبي لك تسأل عنهااا .. |
الحفر مدينه رائعه واهلها طيبيين ومشهوريين بالكرم
|
اقتباس:
أول كلمة حق تنقال |
اقتباس:
شهادة نعتز فيها |
مررتها مرور الكرام اثناء زيارتي للكويت
وفعلاً تحتاج الى تطوير واهتمام من قبل الجهات المختصه خصوصاً البلدية |
لو تحدثنا عن تطور المدن فسوف نجد التطور في الرياض
وجدة والدمام والخبر والجبيل وبريدة ومكة والمدينة اما حفر الباطن فهي مدينة عسكرية وبادية وعلى حسب ماسمعت ندهم فنادق واسواق وغيرها مو شطر تكون في مصاف امدن الاخرى لكن فية تطور |
آه يــالحفــر ..
والله لقـد قضيــت فيـهــا أجمـل سنيّ حيــاتـي العمليـة .. حينمـا تعينـت فيـهـا ركبنـي من الهـم مـالا يعلمـه إلا الله , لكـني ركبـت ثـوب العـزم واتشحـت بإزار الجـد وخضـت غمـار الغـربـة , وجلسـت أيـامهـا أول أسبـوع وحيـداً أسيـر الهـم والقلـق , وفي الأسبـوع الثــاني جلسـت مع أحـد الشبــاب اللــذيـن كنـت قـد تعـرفـت عليـهــم في بــريـدة, ثـم بعـد أن هيئت لي مكـاناً وأحضـرت أهـلي خفـت الغـربـة تدريـجيــاً حتـى زالـت .. ومـع الأيــام تأقلمنـا مع أهــــالـي تلـك المـدينــة الهـادئــة الـرائـعة, ومـع القصـمــان الموجــوديــن فيـهــا وهــم كثــر . . . والآن وبـعـد رحيلـي بسنـوات رأيـت هـذا المـوضوع الـذي أثـار أشـجـاني عـن رأيي في حفــر البــاطـن, فكــانت تجـربتـي تحكـي رأيـي .. ولقـد زرتـهـا بعـد رحيـلي مــراتٍ عـدة .. . . وهـاأنـــا أعــلـن .. أنـنــي مـازلـت ..... {{ أهــواك }} يـاحفـر البــاطن . . . أخـــوكم / الإسـتــــاذ |
هي عشق بريداوي قديم خصوصاً للمعلمين .
أحد الشباب زاملنا لسنه واحده في التعليم هنا في بريده وهو من أهل بريده .وفي نهاية السنه طلب النقل الخارجي والعوده لحفر الباطن حيث كان يعمل فيها .. هي عشق لكل من سكنها وعايش أهلها الطيبين . وهي مدينة أخي ابن أبي وأمي ومدينة أخي الذي لم تلده أمي |
عشت فيها سنة هجرية ..
وقد استمتعت بها .. وإن لم يصادف وجودي بها نزول أمطار (العام المنصرم) لكن تظل حلوة بأهلها الطيبين .. وبمن يسكنها من القصمان المنتشرين بكثرة .. أما على مستوى الخدمات .. فأعتقد أن الخدمات لابأس بها .. وقد مررت بمدن لايوجد فيها نصف مافي حفر الباطن .. والتطور قادم لها لامحالة .. |
صرآآحهـ مآقد زوورتهآ...!!
لكنـ احووبهآ عشآآآنـ وآآآحدنـ فيهآ...! عبدالرحمنـ عآآدلـ الشمرريـ..:) |
بصراحه أول ماشفت عنوان الموضوع بالصفحه الرئيسيه للمنتدى أعتقدت أنه جديد
وطلع أن الموضوع له فتره طويله والعجيب أن صاحب الموضوع غير متواجد .... اللي أبي أقوله ....أني من أهل حفر الباطن ....ومن أعضاء منتدى بريده ...... وأي عضو يمر الحفر ....ترى نتشرف بزيارته وبخدمته .... خصوصا وأن الحفر من المناطق الجميله في فصل الربيع وعشاق الكشتات ...والمقانيص يعرفونها ... وأهل الحفر صدقوني أنهم بشر مثلهم مثل أي ناس بالدنيا فيهم الزين والشين ... والتعميم لغة الجاهل .... حتى على مستوى العائله الصغيره تلقى أختلافات بين أفرادها في الطباع وفي كل شيْ ومن ناحية التطور العمراني والبنيه التحتيه أعتقد أنها تطورت عن السابق ولا بد من وجود سلبيات وأحتياجات لهذه المدينه ...أيضا مثل أي مدينه .... ولا أريد التطرق لبعض الردود والتي تدل على أما الجهل أو مع الخيل ياشقرا مثل ما قال ولد الشمال تحياتي ....للجميع ..... |
... سبحان الله..!!!! عراك في عراك..قلب للحقيقة..وحروف ناااارية..!!! ولغة كتابية تحرر ما يمليه القلب ليكتب على الشاشة شبه الكتابة العروضية(يكتب ما ينطق) لهجات وفرضيات كأنها تجبر الغير أن يقول كلامك صح..!!! ردرود أخـــال من كتبها تدمع عينه كمدا على حروف سابقة...!!!!!! حاولت إغلاق الجهاز كي لاينفجر بي من شدة ما رأيت من صفحات (نازية..!)
.. ..مهلا يارجل..إختصر الرد..وناقش بأدب..وهـــات الأدلة..( وإن عدمت ذلك كله) رغم كونك على حق..فاعتزل (المراء) وقد ضمن الرسول صلى الله عليه وسلم لمن ترك المراء(ترك الجدال مع علمه بأنه على حق) أن له بيت في الجنة... |
والله الصراحة اهله وانا مادري عنهم بس ان شاء الله انهم من اهل الطيب ولو انه
على ماسمعت ان اكثره كووويتين ومشكووووووووور ياولد الحفر.. |
| الساعة الآن 07:03 pm. |
Powered by vBulletin® Version 3.8.8 Alpha 1
Copyright ©2000 - 2024, vBulletin Solutions, Inc. Trans by
موقع بريدة