|
حــــــــــــريـــــــــم الـــــــمـــــــطــــــاوعـــــــه !!!
السلام عليكم ورحمة الله وبركاته ......
حينما أكون في أحد الأسواق أو الحدائق أو في أحد الأماكن العامة , أرى بعض الرجال الملتزمين ( المطاوعه ) ومعهم زوجاتهم !!! ولكني أرى تلك الزوجات بكامل زينتهن من لبس البنطال والعباية المخصرة وتكحيل العيون !!!! وإني لأستغرب أشد الإستغراب من حالهم مع زوجاتهم !! فإذا كان هؤلاء الملتزمون قدوة لغيرهم فكيف يرضون لزوجاتهم أن يكن فتنة للرجال ؟؟!! والسبب في إعتقادي يرجع لأمرين : إما أن الزوجة راكبه زوجها فلايستطيع منعها !!!! أو بما أن الزوج ملتزم فهو لايتأثر بالنظر إلى النساء فهو لايبالي بحال زوجته ولا إلى لبسها !!! فأقول للأول : لاعليك ملامه فأنت لا تستطيع منع زوجتك أو على الأقل نصحها لضعف شخصيتك أمامها !!! ولايصلح العطار ماأفسده الدهر ...... أما الثاني : فأقول له إذا كنت لاتنفتن برؤية النساء بهذا الحال فاعلم أن غيرك تفتنه هذه المناظر !! فاحفظ زوجتك من عيون المتطفلين !!! أو بالأصح خل عندك شوية غيره على زوجتك من هذه العيون المتربصة !!! ومن العجب أيضا أنك ترى رجل غير ملتزم ( يعني في الظاهر ) ومعه زوجته ولاترى مجرد إصبعها من زود الستر !!! والله يستر على بناتنا وبنات المسلمين !! تحياتي للجميع |
والشي مشاهد وكثير حتى انك تشوف بنات بعض المطاوعة لباسهن فاضح في المناسبات وغيرها بعض المطاوعة يحسب الناس كلهم مثل حبيبين وحليلين ومايناظرون شي الله يستر عليهم ما ابي اقول مواقف او اخليهم مضحاكة ابتوقف شكرا لك |
اقتباس:
احس الكلام فيه زود ... |
اخوي رايق فعلا موضوع كان مشغل بالي
ورحت مره وسالت ملتزم قلت له نفس سالفتك قلت الحين امام الجامع يخطب بالناس وينصحهم ويطلب انهم يحافضون على نسائهم بس الامام زوجته لابسه كعب ونقاب وشكله فتنه تدري وش قال لي قال لاتحسب كل من حط لحيه صار مطوع ولاتحسب من خطب بالناس صار مطوع قال الله المستعان الحين اكثر اللي كانو يسمون مطاوعه صارو اشكال مطاوعه فقط ماودي اكثر بالهرج اخاف استئثم !! |
..
اللحية ليست مقياس على كمال دين الرجل .. كما أن الستر ليس حكراً على زوجات الملتزمين .. لكن نحن تعودنا أن نضع " الملتزم أو الملتحي تحت المجهر ".. فلا نتقبل منهم الخطأ .. شكراً لك .. ..... |
إصابعك مهب واحد,وماشاهدته لايعد قاعدة تقيس عليها المطاوعه....الدين لايقاس بشعر الوجه وإنما بما وقر في القلب.....دمت بخير
|
اقتباس:
فعلا أخي والمشكلة إذا قعد واحد منهم بمجلس قعد ينتقد اللي حريمهم يلبسن كذا !!! وإذا رجعت لزوجته وبناته لقيتهم أردى من غيرهم من ناحية اللبس ! تحياتي لك وشكرا على مرورك |
للأسف أننا ننظر للمطاوعه بأنهم معصومون ومنزهون عن الخطأ !!
فأصبح الجميع يستنكر أي خطأ أو معصيه من هؤلاء المطاوعه ..وكما ذكر أخي ابوخالد الإلتزام شيء بعيد عن الشكل والواجب أن نلوم الجميع لانلوم من كان مضهره ملتزماً ونتركه غيره شكراً لك اخي رايق |
[align=center]الف الف شكر لك اخوي رايق . على الموضوع
لكن بعض الاحيان الا حض عكس الشي هذا ( بالعربي ماتشوف اي شي من جسمها لا بسه عبايه اسلاميه ومداسيس وجوارب وووو... ) يعني بالعربي متشدد .... تحياتي.. [/align] |
اقتباس:
لا أخوي مافيه زود ولاشي !! هذا الشي مشاهد وبكثرة !!! تحياتي لك شاكرا مرورك |
تصدق انا قاهرينن طبعن موب كلهم البعض
يعني مطوع ماشاء الله ولحيه وكذا تلبس مرته ولا بعد تعال شفهن بالزواجات والاجتماعات واذكر مره بسيتي بلازا مخففه النقاب لاني قاعده اشري واتفرج على الملابس المهم ويجين ذاك المطوع اللي جاي مع مرته ويعطين من هالنصايح الله يجزاه خير يوم راح لم مرته اثره فاتحتن هالعيون ولا لابسه النقاب اللي مامعه غطاء اللي على طرحه بعد لا وتمشي هي قدامه بعد وهو وراه<<<< اكره ماشوف الرجل اللي يمشي ورى مرته بالاماكن العامه استحقره استحقار موب طبيعي المهم مادري وراه ماينصح اهل بيته قبل وانا متأكده انه مرته لاني قعدت اراقب لين طلعو وركبو السياره بس غثن مايشوف مرته ولاعيون الحب لايمكن تناظر عيوب الخل لو هو عيب كله الله يهدينا ويحلله |
صحيح الشيئ موجود لكن مو كثير ,,,
لكن انا اعتقد ان الأمر لا يرجع بالمقام الاول والاخير الي الدين احيانا يرجع إلي الأخلاق لانه في ناس واجد دينهم لك عليه ومع ذلك ماتشوف من حريمهم شي ,,,,, |
اقتباس:
هلا بعشووووق ...... وش رايك بالتدليع :5[1]: أدري إنك مبسوط بالموضوع !! لقيت مساند لك على الحريم :for6: صدق خويك مصيبتنا إننا نؤمن بأشياء ولانستطيع تنفيذها !!! وليس كل من حط لحية صارمنزه ! تحياتي لك شاكرا مرورك |
اقتباس:
أهلا ماء وهذا ماقصدته بموضوعي أخي !! أحد الزملاء قبل أن يتزوج كان ينتقد النساء على لباسهن ويقول وين أهلهن وين ولي أمرهن !! والله لو لي سلطه عليهن كان سويت وسويت ....!! والمفاجأة ... بعد ماتزوج صارت زوجته تلبس مثل اللاتي كان ينتقدهن !!! لاتنه عن خلق وتأتي مثله ### عار عليك إذا فعلت عظيم تحياتي لك شاكرا مرورك |
اقتباس:
هاذا ماتوقعته !! إنكم تقولون ماهي قاعدة ولاتعمم ... الخ !! عزيزي أنا قلت بكلامي ( بـــــــــــعـــــــض ) ! يعني ماعممت ! عموما قولك أن الدين لايقاس بشعر الوجه ...... كلام رائع !! وماذبحنا في هاالمجتمع إلا إننا ناخذ الناس على ظاهرها !!!! تحياتي لك شاكرا مرورك |
اقتباس:
ومن قال إن المطاوعة منزهون عن الخطأ !!! لكن أكثر مايقهرني اللي ينصح الناس وينتقدهم وهو تارك أهل بيته على راحتهم !!! تحياتي لك شاكرا مرورك |
اقتباس:
وليش وش فيها إذا كانت متستره !!!! هي رايحة لزواج ولا رايحه تستعرض يعني !!! سلميلي على زوجها القبضاي ! تحياتي لك شاكرا مرورك |
كلامك صحيح ولكن مثل ماقلت هذولا البعض .
يعني حنا أبوي له لحيه وحتى وحنا برا المملكة مانغير عباياتنا اللي على الراس أو مثل مايسميها البعض الاسلامية ولبسنا محترم وبحدود الادب . واللبس أحيانا يكون من ورا الاب يعني قدامه تلبس تنورة طويلة واذا جت للعزيمة فصخته وظهرت الفضائح وهذا ما شاهدته بعيني . |
اقتباس:
ماشاءالله عليك تابعتيهم لين ركبوا السيارة :36_1_1[1] هاذا أنتي قلتيها , ينصحون حريم الناس ويتركون حريمهم !!! وهذا مرادي من الموضوع ! وفعلا عيون الحب لايمكن تناظر ...... وأنا بزيدها ..... يظرب الحب شو بيزل ! ....... ماالظاهرإنه حب إلا كماخه وقل دبره:for6: تحياتي لك شاكرا مرورك |
انت شكلك حاقد على المطاوعه ....
اقول اشتغل بعيوب نفسك وخل الناس انت تبي الناس يسبون المطاوعه لانك شفت خطا افراد منهم ليش ما تكلمت عن التفحيط والمغازل والمخدرات ليش بذات تتكلم عن المطاوعه الا انك بك شي في قلبك الله يشفيك هاذولا اهل القران وقيام الليل والدعوه الى الله مهو انت حاط حيلك في عيوب الاخرين انا شفت ونا شفت ايقالك ماسك عليهم شي يعني انت ماتخطي اول خطا انك عميت المطاوعه ثانيا خليت بعض الاعضاء يسبون المطاوعه والسسبب انت يا مسكين ثالثا انت تتكلم عن اناس هم افضل منك علم ومعرفه رابعا يعني اذا قلت المطاوعه يعني معهم المشائخ والعلماء انا الدري انك تبي الشهره من الموضوع الله يهديك... |
كلام فيه تجنّي على المطاوعة عموما... وإلا كيف عرفت أنه مطوع..
أما غرك المظهر.. فإذا كانت على المظهر لكان اهل الأفغان جميعهم من الصالحين.. في هذا المنتدى لازلنا محلك سر الناس تتقدم ونحن لاااااتعليق .. صرنا كما كان أل زلفة شغلنا الشاغل المطاوعة والمرأة ... في بعض الأحيان وأنا في هذه الصفحة أسأل نفسي هل أنا في منتدى عالم حواء ... مجرد تساؤل ... اتمنى أن نستنتج مواضيع تخدم المنطقة عامة وبريدة على وجه الخصوص.... تحياتي لك .... |
الي شفته اخي لا يعد قاعده
فاكثير من الملتزمين زوجاتهم وبناتهم واخواتهم مثال الحشمه وستر وهذا من واقع انا عيشته وملاحظته ودمت وهذا رائي انا |
والله معك حق ...
المشكله ان بعض المطاوعه بداء ينظر الى الدشوش ( طبعآ بحجة الاخبار ) وشوي وشوي حتى الرجال بداء يفرك بلقنوات ... ومع الفديو كلبات وهالبنيات هالخلعات وغيرها يظن ان لبس زوجته امام الناس عاديه جدآ ...! لاحول ولا قوة الا بالله .. مشكلة المطاوعه من شلته والحلقه الى الدش مباشره ثم ينصدم هالمسكين .. |
والله المطاوعه موب أنبياء معصومين عن الخطأ أحنا بمجتمع واحد تحيط بنا الفتن سوى من مطوع أو أزقرتي أو غيره كلن محطوط عليه العين اللباس اللي أنت ذكرته عن المرأة .. المطاوعه وغيرهم من الرجال يرفضونه ما خصص للرجل الملتزم فقد كلن يغار على أهله ويحافظ على سمعة بناته بس أحنا للآسف بمجتمع ينظر للظاهر وينسى الباطن كمن مظاهر أبطنت جواهر الناس بالوقت هذا عندما ترى الشخص من حيث ظاهره بسهوله وبسرعه يحكمون عليه ومثل ما قلت أنت في نهاية موضوعك .. أقتلب الحال الملتزم ما يهمه ستر بناته والرجل العادي هو المحافظ والمتشدد على هذا اللبس تقلبات الدعوى .. وكل مالنا بردا .. بس الله يستر |
ايه والله انك صادق اخوي رايق انا دايم اشوف الاشكال هذي بس في مطاوعة اهل جده والاحنا مادري ماقدشفت بس فعلايصير
|
اخي رايق
الملتزموم حقا تجد اثار التزامهم علي اهلهم بينما الملتزمون بهدف الموضة او المديح والثنى من الغير او لجل هدف مادي هؤلا اللي ذكرتهم فان الزوجه لو كانت مثل ما قيل واطية فوق اخناعهة فلابد ان تحترم تدينه واللتزامة ولاكنها ممكن تكون عارفة اسرار اللتزامة تحيتي للك |
[align=center]اهلين اخووي
صدقني يمكن حالات قلائل تنطبق عليها قاعدتك لكن كبرتها حبتين شوي على العمووم كلامك صواب اكيد لكن من المسؤول ..؟؟ اقتباس:
|
صحيح ماقلت مهب الريح
واللحية بهالزمن ليست بدليل على المطوع من الرجّال العايدي نسأل الله السلامة.. |
اقتباس:
صدقت أخي ! وأيضا فيه ناس واجد ملتزمين ومع ذلك تشوف من حريمهم ماالله به عليم ! وهذا اللي يقهر ! تحياتي لك شاكرا مرورك |
اقتباس:
فعلا أختي بعض الآباء مهمل لبناته ! وتاركهم على راحتهم !!! لكن المصيبة الكبرى الزوجة اللي تلبس قدام زوجها لبس وقدام الناس لبس آخر !!! تحياتي لك شاكرا مرورك |
الفاضل رايق
اتفق معك بهذه الملاحظه لكن لا اتفق معك بتعميمها ... وهناك بعض الرجال ممن عُرفو بالطوع والالتزام يكون التزامهم لأنفسهم فقط ( ماعليهم من احد وكلٍ اثمه على جنبه ) متناسين قول الله تعالى ( قو انفسكم واهليكم نارا وقودها الناس والحجارة ) |
بالله فيه مطاوعه الحين ؟؟؟
وينهم ما اشوفهم هه اما عن البطال فهذا شي عادي لان الوحده بالسوق تمشي ولازم انها تلبس بنطال عشان يكون اسهل للمشي .. مو معقوله بعد تلبس قميص مايمديها تشق خطوه .. بس كحل وعبايه ماصخه لا هذا عيب .. الظاهر المطوع الي انت شايفه من النوع المركووووووب .. |
اقتباس:
يالله خذ هالتخلف ....!! ومن قال إني أسب المطاوعة يالحبيب ؟؟؟ المطاوعة نحبهم ونقدرهم ونحطهم تاج على رؤوسنا !!! وهؤلاء هم المطاوعه الحقيقيون الذين يوافق ظاهرهم باطنهم !! وبعدين إذا صاروا أهل القران وقيام الليل !! يعني زوجات هؤلاء ماشاءالله مثلهم يقمن الليل ويقرأن القرآن ....!!! حبيبي إذهب إلى مكه ستجد رب الأسرة معتكف بالحرم ويقوم الليل ويقرأ القرآن !! ولكن أين أولاده وبناته ؟؟؟؟؟ صايعين بهالشوارع إلى طلوع الفجر !!! فأيهما أفضل لهذا يعتكف بالحرم ويهمل أهله أو يجلس مع أولاده ويتابعهم ويوجههم إلى الطريق السوي !!!! نجي لأولا :أنا ماعميت !! أنا قلت بعض وفتح عيونك زين !!! ثانيا :ومن قالك إنهم سبوا المطاوعة !! نحن ننتقد تصرفهم مع زوجاتهم وانتقادنا هذا من غيرتنا على محارم المسلمين !! شكلك ماتعرف الغيرة !!!! ثالثا : أفضل مني علما ومعرفة !!!! وأين علمهم ومعرفتهم من نصح زوجاتهم ؟؟؟؟ ولا هالعلم يلقنوه للناس فقط ! وأهل بيته مايقدر عليهم !! رابعا : لاياشيخ معقولة المشايخ والعلماء من المطاوعة !!!!! توني أدري !!! خامسا : هاذي من عندي ! شكلك أصبت بحساسية ما من هذا الموضوع !!! عموما إذا الموضوع مو عاجبك ماأحد جابرك تدخل وتقراه !! ورحم الله إمراء أهدى إلي عيوبي !! تحياتي |
غالباً .. اللي يصير مغازلجي و راعي بنات في عزوبيته ..
يصير شكاك .. و حاشر أم أم أم زوجته .. يعني تشوف البنية مكتومه .. ترى مو كله دين فيها .. مممممممممم لا من زوجها المجنون .. حاط حيله فيها و ياويل أحد يفكر بس يناظر فيها .. وهو .. اسم الله على أمه ماخذ راحته بالبصبصة .. هه !! وع |
اخوي رايق حريم المطاوعة هن غير شكل لكن الطوع والايمان هو في القلب
وشكر على الموظوع الرووووووووووووعة |
اقتباس:
نتكلم عن الغيرة على النساء ووجوب حفظهن وأنهن فتنه مابعدها فتنه !!! وهذا جاي يقول خدمة المنطقة وبريدة .......!!!!!!! همكم مظهر المدينة الزائل ! ونسيتم مظهر نسائكم الذي ستحاسبون عليه يوم القيامة !!! قال صلى الله عليه وسلم " كلكم راع وكلكم مسئول عن رعيته " تحياتي |
اقتباس:
أهلا كلي لهم ياخوي للمرة الألف ماقلت إنها قاعدة !!!!!! قلنا( بــــــــــــــــعــــــــــض )!!!!!!!!! أحترم واقعك الذي تعيش فيه تحياتي شاكرا مرورك |
اقتباس:
أهلا الوسام موهذه المشكله أخي ! المشكلة إن بعضهم مايصدق بالأمور اللي تحصل بهالزمان من النساء !!! فلذلك قد تبلد إحساسه من ناحية زوجته !!! تحياتي لك شاكرا مرورك |
إن ستروا حريمهم قلتوا محجرين بناتهم وعيالهم ..وإن لقيتوا بعض الحريم متفتحات قلتوا يالمطاوعة ليش حريمكم كذا ..!
وش بلاكم ماوراكم سالفة إلا المطاوعة ..؟؟ اولا يالغالي المتطوع الحقيقي ليس من يدعي الطوع والتدين ..! كثيرين عليهم لحى وهم ألعن العش إذا سافروا او خلوا إلى شياطينهم تلاقيهم يمارسون تصرفات مشينة لكن ليس كل من حط لحية (عاداتية ) صار متدين او مطوع ..!! سألت احد الأخوة المصريين ترك لحيته مثل كفيلة ..وحصلت بارع بالفن والفنانين ويتكلم عن حاجات يسويها إذا سافر لمصر..! قلتله ليه طيب تارك لحيتك كأنك مطوع ؟؟ قال ياعم دي لزوم الشغل ..!!! وانا اقولك بعض اللي يتركون لحاهم بكل أسف ليس من اجل التدين والدين ...ولكن لزوم (العادات ) نصيحيتي لايكون كلامك كله عن المطاوعة ..! شكرا لك ... |
اقتباس:
صدقت أخوي ماذبحنا إلا الحكم على الإنسان من ظاهره فقط !!! وكم من واحد ظاهره عادي ولكنه يساوي ألف رجل !!! تحياتي لك شاكرا مرورك |
| الساعة الآن 02:39 pm. |
Powered by vBulletin® Version 3.8.8 Alpha 1
Copyright ©2000 - 2026, vBulletin Solutions, Inc. Trans by
موقع بريدة