|
سؤال للشباب ؟؟
السلام عليكم ورحمة الله وبركاته
موضوع خطر على بالي وحبيت اناقشه وياكم طبعاً وبكل اسف هالايام نادر ما تلقى بنت مب حافه حياتها يعني نامصه عشان جيه حبيت اناقشكم في موضوع بهالخصوص بس خلونا نوضح للي ما يعرف معنى النمص وحكمه لما ورد عن النبي صلى الله عليه وسلم : ( لعن الله النامصة والمتنمصة) قوله تعالى: ( ولأمرنهم فليغيرن خلق الله). والنامصة: هي ناتفة الشعر تتحسن به.. إلى أن قال: وهذا كله تبديل للخلقة وتغيير للهيئة وهو حرام. وبنحو هذا ، قال الحسن في الآية واللعن: الإبعاد والطرد من الخير. وقيل : الطرد والإبعاد من الله.. وكل من لعنه الله فقد أبعده عن رحمته واستحق العذاب فصار هالكاً. بعد التوضيح البسيط عن النمص وحكمه والتوضيح . . هل انته شرط من شروطك انه شريكة حياتك تكون نامصه؟ هل لا تتقبل المرأة الغير النامصه؟ وشو رايك في موضوع النمص وشو الي تفضله في شريكة حياتك انها تكون ملعونة عشان تحلو؟ ولا انها اتم بحياتها؟! سواء كبيره ولا عريضه ولا حلوه مب مهم شو تعلقيك حول موضوع النمص؟ نصيحة: اتمنى محد يقول كلام ما بيسويه لان يعتبر في الشرع.. عدم ربط القول بالعمل... يعني باختصار منافق وهي من الامور المكروه في الدين قال الله تعالى:(إن المنافقين في الدرك الأسفل من النار ولن تجد لهم نصيرا).(النساء:145). والنامصات يبتعدون عن الموضوع .. حتى ما يحصلون سيئات |
وين الردود؟؟؟
|
[align=center]
اقتباس:
لاتخافين ماراح احد يقول كلام مابيسويه لانه يبي يدخل عليك اكيد ناس ويقولون مافيها شي النمص وعقولهم عن شرع الله متنمصة تحياتي لك[/align] |
مستغرب من قولتك "نادر ما تلقى بنت مب حافه حياتها يعني نامصه"
لأني ماشفت هالشي ؟! . |
اقتباس:
بالنسبة لي يالمبرقعة أنا فاتن قطار الزواج....يعني متزوج منذ مبطي.... كلامك والله جميل ....وظاهرة النمص إنتشرت بين الفتيات بشكل خطير إقتداءا بالفنانات اللعينات..والغريبه أن الفتاة تعرف حكم النمص أنه حرام وأنها ملعونة وتتنمص...يعني غرها طول الأمل,,وهي لاتعلم أن هاذم اللذات سيأتيها دون إنذار...مشكورة أختي المبرقعه... |
عفواً اختي .. ما وضحتي لهم أنه شعر الحواجب ..
أنتي كتبتي : ناتفة الشعر تتحسن به .. ترى العيال ما يدرون وش السالفة .. يمكن يحسبونه شعر الراس .. أو الرموش .. !! |
بالفعل هو أمر منتشر للأسف ونسأل الله الهدايه لمن أبتلين بهذه المعصيه .
بالنسبه لي أرفض ولا مجال للتفكير . |
الحكمة من تحريم النمص , ماهو ؟
طيب التشقير , مايحل المشكلة ؟؟؟ |
اقتباس:
|
نسأل الله السلامة..فهذا الأمر من الامور الواضحة التي لا تحتمل التفسير المتفاوت مثل بقية الفتن التي اختلف فيها الناس وغلبوها قاعدة كون النص حمّال أوجه...
ثم أن الله يسر للناس مايسمى بالتشقير وهو يعطي نفس النتيجة ولا أدري لماذا لايكفي الناس ... |
اقتباس:
لعلك تعيدين النظر في هذا التعليق... |
اقتباس:
وانت كيف بتشوفهن وهن مغطيات وجهن |
ياشخصية مو لازم ترى نعرف الحكمة هناك حكم تعبدية مو لازم نعرفها الاحاديث صريحة بتحريم النمص وانتي كانك بنت عليك الالتزام فيها عاد من زين النمص ؟ مخليها تقل مقلاة |
مرحبا المبرقعه
تذكرت شي طايحات فيه البنات الي هو تمسك المقص وتشيل الحواج من الأول للأخر طبعاً تقصه من الأطراف وإذا حاكيتها قالت انا مانمصت وماازلت الشعر كلياً انا بس قصيت الشعر بعدين انا مانمصت 8 8 8 ياحليلهم يلعبون على ربي مدري وش يسمى هذا اتوقع تحايل على الدين والي يقهر انه صا امر طبيعي وعادي جداً مااقول الا الله يهادي بنات المسلمين اجمعين |
اقتباس:
وياليت كل الرجال تفكر مثلك والله يهدي الجميع |
التشقير .. ما يعطي نفس النتيجة ..
خصوصاً إذا كانت الحواجب غليظة .. و جلست البنت في مكان سَفر ( منور يعني ) .. تطلع مثل القرد .. شعر أصفر بوجهها .. هه !! عاد الحين الموضة تشاينيز .. يعني بس بداية الحاجب موجودة و الباقي خط طاير طاير .. شاطر شاطر .. !! عفواً .. الموضوع للشباب .. عادي أختي نقط فيه ؟ أو مو عادي .. نتوكل !؟ |
اقتباس:
وانا بكلامي اقصد شعر الحواجب |
اقتباس:
اشكرلك رد والله يهدي جميع المسلمين والمسلمات |
اقتباس:
مافي شي بيحرمه الله الا فيه ضرر على الانسان التشقير اختلفوا فيه يعني في مشايخ حرمته وفي مشايخ حللته والله اعلم ماقدر افيدك فيه النقطه مدام فيها اختلاف |
اختي لو سمحتي انتي اتهمتي الاغلبية وانا لا ارى ذلك ؟!!
|
أعتقـد إن أختنا المبرقعة سدد الله خطاها .. تريد ترهيب البنات من النمص (( مارح تعرسين في حالة نمصك ..)) أعتقد المنتشرالآن و اللي أشوفه بنساء كبيرات بالسن , و متزوجات , ..!! فهل نطالب أولئك بتطليقهن ..؟؟ أنا لا يغضني شيء يا المبرقعة إلا حينما تنشر ثقافة , ترهيب العرس , و تقييد حركات البنات به , فلو ألتفتنا بدل من هذا إلى تهذيبها , و أقناعها و تصويب أختياراتها , بدلاً من الترهيب العرسي ... لكن ذلك أنجح. أنما بخصوص السؤال .... سيجيبك عليه الصالح و الطالح و المتهاون بالصلاة و التارك لها فهل من هؤلاء ستأخذي الرأي ..؟؟ فبخصوص الأمور الدينية و أنتقاد تاركيها, يجب أن نسهم بتوطيد علاقاتنا بالدين بدلاً من تطويع الدين للعادات , حينما نأتي لننتقد عاصيًا يجب أن نذكّره بعظمة المعصي و لا نرهبه بعصاة أمثاله .. المبرقعة ... شكر الله مسعاك , و جعله في موازين اعمالك . |
اقتباس:
استغفر الله العظيم وايد مستهينات بها الاموضوع واتحدى وحده منهن انها ما تعرف انه حرام الله يهدي الجميع |
المبرقعة ....
مالمسؤل باعلم من الساااائل ....... بما انه انتي صاحبة الشأن فيهمنا رأيك .. لأن بصرااااحة الرجال اخر شيء يفكر فيه ان زوجته تنمص.. الا اذا الحت عليه الزوجة... بس انتم تحبون تدخلون الرجال بكل شيء عشان تتعلثووووون فيه... تحياتي للجميع........ |
اقتباس:
قصمنجية ومن استحباب العاجلة التخويف من عقوبة العاجلة ولذلك تنشأ في الناس مواعظ متعلقة بها |
اقتباس:
انتي تايدين هالشي ومع العلم انه حرام تطلع مثل القرد .. شعر أصفر بوجهها .. هه !! هذا رد دخيلج وبعد تضحكين تراه الدنيا زايله وبي يوم وبنتحاسب جدام رب العالمين والحلال بين والحرام بين واذا هذي هي وجهة نظرج فالله يهدج ويهدي الجمع (واذا على قولتج مثل القرد) الجمال جمال النفس مب جمال الشكل |
اقتباس:
بالعكس انا ماتهمت حد بس مجرد موضوع حبيت اوضح فيه شي واوصله |
اقتباس:
بالعكس اقول عظه لعل احد ينتفع بها وانا براي قلت سؤال للشباب فحبيت ابين انه هالشي حرام لعل احد من هؤلاء الشباب لايعلم وغافل عن هالشي فذكره وانا كنت ابا اشوف راي الشباب من هاي النقطه |
الله يهدي الجميع الى جادة الصواب .
بس ترى الرجال ماعندهم سالفه هي نامصه والا لا اهم شي تطيح عيونهم على البنت ويحكمون بسرعه إما زينه اوشينه ما يدرون هي نامصه والا حاطة صاع مكياج . ما يعرفون امورنا خيتووو حتى يشترطون . بس حلوة طريقتك في الترهيب . . ... ياليت اللي عنده حكم مؤكد عن التشقير يفيدنا ’’ سمعت من نساء انه حرام لانه تحايل اذا احد عنده فتوى مؤكدة ياااااااااااليت يفيدنا . |
اقتباس:
وانشالله انا بدور بعدني عن التشقير الحواجب معا العلم بختلاف الاراء حول هذا الموضوع |
يا أختي انا ما أيدت التشقير ..
شلون عرفتي إني مؤيدة ولا غير مؤيدة ؟! وأبشرك أنا مرطا .. بدون حواجب .. كل يوم أرسمهن بالكحل الله يرزقني .. ( هه ) = ترى مو ضحكة على فكرة .. ! حبيت أشارك برأيي في التشقير .. و بس ! وعموماً .. ما احب أفتي أحد .. لأني لست أهلاً لذلك و عساني بحملي أقوم ! |
اقتباس:
اوكي سمحيلي ياختي يمكن فهمتج غلط لاني فهمتج وعلى اللي فهمته قهرني والسموحه حبيبتي مره ثانيه |
اقتباس:
انا بقول راي وبكل صراحه مدام الشغله حرام ومذكوره بالقران مستحيل انمص حاجبي ولاعلي من حد ولو حتى الزوج منعني بذكره بربي اغضب زوجي ولا اغضب رب العالمين وانا مارديت اللوم على الزوج ولامتعلثيين بالزوج بس هذي حقيقه في ازواج يجبرون الزوجه على نمص الحاجب |
اقتباس:
يا أستاذ لمبة ماذا لو تركت النمص نتيجة الرهبة من العرس .. ثم بعد العرس .. يعني الرجل و ضمنته, سبب المنع من النمص أنتفى .. هل سيدوم الردع لديها ..؟؟ أو سالفة الرجل لا خطب أنتضم بالمسجد .. ما يدري الأمام إلا بعد اسبوع جايين ناس يسألون عنه خاطب منهم . |
لا ابرر هذا التخويف الذي اوردت الاخت كسبب لجعل الناس يخافون من النمص...
إنما عندما قرأت امتعاضك من الاتكاء على امر الدنيا في تخويف الناس من اوامر الله عز وجل جاء في بالى قوله تعالى المذكور اعلاه كتأكيد لكلامك...ثم قلت شيء متعلق بالربط بين الآيتين الكريمتين وكثرة وعظ الناس بالحرمان من المنفعة الدنيوية عند ارتكاب المعصية كالذي يعتمد في وعظه على قول (لا تزنوا فالزنا ينقل الإيدز!!)..وهذا بسبب تناقص الايمان في قلوب الناس والله المستعان... |
يقولون الرجال طايحين في النمص هاليومين !
ياربي لا تبلانا |
اختى المبرقعه ...
اعرف انا شخصيا رجل موظف حكومي لديه من الاولاد اثنان ومن البنات ثلاث واكبر الاولاد بـثاني جامعه وينمص حاجبيه الهذا وصلت عقول الرجال ؟؟؟ اللهم اهدي رجال ونساء المسلمين وتسلمين على الموضوع .. لاعدمناك يارب.. |
عاد اسمع البنات وش صارت تقول ؟ حولت النمص للرجال محصلين واحد شاذ وينمص وفرحوا فيها اقول الله يهديكم بس يافتيات عشنا وشفنا تاركين المشاغل واللي فيها من بلاوي ونمص وتحريف لخلق الله وماسكين على واحد شاذ دنووووووووووووووو هناك شوي خلونا نكمل الموضوع بحيادية |
ربي يالفاتح اني اعرف الشخص شخصيا !!!
|
[align=center]
اقتباس:
وفيه ناس مثله كثير لكن مايقارنون بحركات النمص وغيرها بالنساء الرسول صلى الله عليه وسلم لعن النامصة والمتنمصة لغلبة الامر هذا على النساء استوعبتي كلامي يابنوتتي الحلوة ؟[/align] |
يا اخ الفاتح
احنا ما ننكر ان هذا موجود ومنتشر بين البنات ,, لكن برضو لا تنكر ان هذا الشي ابتدا يظهر بين الشباب يعني بعد 10 سنين راح يكون الامر عادي عند الشباب ! وماراح ندن هناك .. |
| الساعة الآن 11:39 pm. |
Powered by vBulletin® Version 3.8.8 Alpha 1
Copyright ©2000 - 2026, vBulletin Solutions, Inc. Trans by
موقع بريدة