|
عاجل: أبي استراحة تنفع لشبكة..:(
السلام عليكم..
الله يعافيكم أبي استراحة تكون حلوة ومرتبة تنفع لشبكة.. تكون ببريدة طبعاً وعطون رقمها.. وعلمون وش احتاج للشبكة بعد.. أحس محتاسة مرة ادعوا لي:( وأي محلات للشوكلاته والهدايا عطون اسمائها وعلموني كم ممكن تكلف وكم تتوقعون كل حفلة الشبكة كم تكلف الله يوفقكم.. |
تبغين بالشمال ولى بالجنوب
|
بالشمال الله يعافيك..
|
للأسف إستراحات في بريده ماأعرف..
إن شاء الله البنات ببريده يساعدونك.. تحتاجين للشبكه..حسب طبعكم وعاداتكم..وطبع أهل العريس.. طبعاً لوازم العروس فستان..وكمالياته..المكياج والتسريحه أقرب مشغل يسويها.. بخصوص الحفل.. وترى أغلبها كماليات مو ضروريه.. ترته..وحلويات تقدم مع القهوه..وشوكولاتات..وموالح وفطاير مع الشاهي.. وعصير.. حسب الناس اللي بيجون..يفضل تسألون قبل لو قدرتوا أو تحسبون عددهم إذا تعرفون اللي ممكن يجون.. شريط..دف وأفراح..مع المسجل وتوصيلاته.. ورد طبيعي عند إستقبال الضيوف أو توديعهم.. هدايا تذكاريه..ممكن تكتفين بالورد..مربوط فيه عبارة أو أي كلمة تذكاريه مع التاريخ.. وممكن دهن عود لو العدد قليل.. وممكن شوكلاته مغلفه بشكل حلو..وغير المقدم لهم طبعاً..وفخمه..مثلاً من باتشي وإذا بتسوون عشاء الله يعينكم.. وفيه ناس يحطون بوفيه مع الذبايح.. وممكن تكتفين ببوفيه حلويات مع الذبايح.. إنتي وميزانيتك وعادات أهل العريس وعاداتكم.. وممكن ترى تستغنين عن كل شيء وتقولين إرسلوا الشبكه <<< صدق ترى وإذا تذكرت شيء بقولك.. تحيتي,,, |
أختي
العبرى كفت ووفت لكِ ولها الشكر دمتم بووود |
بنت عمي حطت شبكتها بإستراحة كـــادي ..شمال
حلوة وأنيقة |
العبري... أنا ناوية اتكلف بالشبكة وانبسط به مع صديقاتي، والزواج اخليه عادي..
بس المشكلة مامعي وقت.. أحس صار الموضوع بسرعة، الله ييسر الأمر بس:( عاد شكلي لا ضاقت بي الدنيا بقول ارسلوا الشبكة وبس !. الله يجزاك خير.. كفيتي ووفيتي والله. الملتاعة.. شكراً الله يجزاك خير وسن.. طيب ياحبي لتس تعرفين كم رقمها؟ |
كادي الآن قاعه للمناسبات
, بعد أن كانت استراحه , وسعرها 5000 ريال , وجدا حلوه للمناسبات , والله يوفقك إن شاء الله وييسر أمرك |
شفاء ارسلت لك عالخاص كل اللي سويته انا بشبكتي ياليت تقرينه واي مساعده انا حاضره
|
يا ربييييييييه !
كل هذا تتسونه بالشبكة , أجل بالعرس وش تتسوون ؟! ياويليييييه على البذخ والصرفيات الي مالها أم ولا أبو !! بصراحة ولا تزعلن : بعذرهم لو بتلوا يتكلمون عن غلاء المهور وتكاليف الزواج ! على بالي هالظاهرة انتهت والا هي ظاربة أطنابها لما الحين بمجتمعنا <<<< مالها علم بالعروس ! |
عذراً..رد على صاحبة السموالفكري
من قال إن العريس له دخل بتكاليف حفلة الشبكه..؟ غلاء المهور ماله دخل بالشبكه وغالباً اللي يندفع وينعمل بالشبكه ماينعمل بالفرح..! تحيتي,,, |
صاحبة السمو الفكري
أنا معك بوجهة النظر انه هذا تبذير وفسق أجل بالعرس وش بيصير حنا أهل الشمال ماعندنا موضوع الشبكة وإن حصلت تكون في بيت العروس وتكون وختصرة ومقتصره على أهل العروس وأقربائها والعريس تجي أمه وخواته وبس . تحياتي |
اقتباس:
معاليش حبيبتي نورين لأن السالفة ما دخلت مخي ! الحين هالصرفيات على الشبكة مو من المهر خيتو ؟! ومو الي يدفع المهر هو الزوج ؟! يعني سيم سيم !! وفي رواية : صبه احقنه !! وحتى لو قلتن إن هالصرفيات من أبو البنت والا أهلها والا جدها الأكبر والا والا ... مو لو يحطونها في بيتهم تاثيث والا شي مفيد أحسن من المظاهر الي ما تنفع ؟! وحتى قولتك ان الي يسوونه بالشبكة ما يسوونه بالعرس بعد ما دخلت مخي , لأن أكثر الي ذكرتوه من مصاريف تنعمل بالزواجات على حد علمي من ضيافة ولبس ووووووو !!!!! ولو كان الامر زي ما تقولين فالسالفة من جد تضحك لأنهم بيكونون زي الي يترك الفريضة ويصلي السنة !! أقصد لاقسمهم الله دافعين دافعين ومتكلفين متكلفين يحطون خسايرهم بالعرس مير أهون !! |
[align=center]
اقتباس:
هلا فيك.. اللي يدفع المهر أكيد الزوج..لكن المتعارف عليه قيمة المهر تكون من الزوج وهو الذي يحدد..أما بماذا تنصرف..فهذا ليس شأنه.. هذا إذا كان المهر قبل الشبكه..لكن الأغلب الشبكه قبل بعدين المهر..! اقتباس:
إذا كان الاب مقتدر..فلن يمانع بتحمل تكاليف الحفل.. وإن لم يكن..لاأعتقد بأن هناك فتاة تحمل أبيها فوق طاقته.. ستضع الأهم والضروري بالنسبه لها..وتستغنى عن الكماليات.. حتى تجديد الأثاث قد يكون مظاهر..لا أكثر..! لكن تنفع..! اقتباس:
بالعكس الشبكه تختلف..فمثلاً إذا قدمت بالشبكه سلتين من كلاً من (الحلى - الفطائر - الموالح ) حجمها لن يكون بحجم المقدم بالزواج..وعددها كذلك..وتشكيلتها..مثلاً بالشبكه ممكن أجيب فطائر قيمة الحبه بريال أو ريالين..وبالزواج صعب أن أفعل ذلك لأن العدد كبير..! الشبكه شيء خاص..لأهل العريس وليس للمعازيم وكلام الناس ومدحهم..! الشبكه تحضرها العروس من أولها لآخرها..! عسى أن تكون الفكره وضحت..والشبكه بأول الأمر وآخره حسب عادات الأطراف المعنيه..! تحيتي,,,[/align] |
اقتباس:
|
[align=center]
اقتباس:
[/align][/QUOTE] تلك آفه..قد لاتنزع من المجتمع إلا بنزعة الأرواح..![/align] |
أنا معك يالعبرى
الشبكه بالعكس شي حلوو للعروس بالذات لآنه تكون مقتصرة على اهلها وأهل العريس أنا صديقتي سوت الشبكه وفلتها وأستأجرت وفصلت وديجية وبوفيه وكل شي براسها سوته والصراحه انبسطت لكـن أضافت على الشبكه الاعتيادية أنها ملكت وطبعآ لآنها حسب عاداتهم وتقاليدهم يعني خير البنت تعزم وهي ماملكت (( عادات وتقاليد العائلة )) كانت تقول لو مااسوي الا زواج عائلي مايهمني .. ولكــن الآن تزوجت بأحدى القصور الفخمه وجرى مايجري على العالم والحمد لله مبسوطه ولآأحس انها تكلفت او اسرفت .. بالعكس جرى لها مايجري للعالم.. المهم يمدحون البركه بس مدري عنها ماشفتها .. ايوه والمملكه حليوه تنفع للشبكه اذا الضيوف مايتعدون 25 شخص |
العبري
هلا فيك اختي المشكلة انك فصفصتي ردي , بس تركت أهم عبارة يدور حولها مضمون النقاش , وهي قولي : ( ما هو ما خرب بيتنا الا هالعادات الي نركض وراها بدون لحظة تفكير او مراجعة للنفس لفرز الصالح وطرح الطالح !!!) لكن يا قلبي يكفيني منك اقرارك الي قلت فيه ( مصاريف إضافيه لا شك بذلك..لكن مادامت العروس هي التي تريد عليها بتحمل ذلك..! ) فأنتتعترفين أنها مصريف ( اضافيه ) !! ولكنك تمررينها من مبدأ ( المخرج عاوز كده ) ! قصدي العروس تبي هالصرفيات !! طيب وش رايك وفق هالمنهج الغريب اني أروح واقش كل الي أشوفه ويعجبن بالسوق ؟ وش رايك ألف الدنيا بالخطوط السعودية ؟ وش رايك أسوي لنفسي (كل يوم ) نيو لوك بالمبلغ الفلاني ؟ مو المبدأ انه الي أبيه عادي أسويه ؟! يا اختي مع احترامي مبدؤك هذا يكسر كل قوانين التفكير المتزن وكل مبادئ التخطيط الناجح ويحطم بلا هوادة أنظمة الاقتصاد والصرف المنضبط !! كنت أتمنى منك مناقشة مظاهر الاسراف والصرف غير المنضبط أكثر من محاولة ( تبرير ) الصرفيات الي مالها داعي !! |
أختي صاحبة السمو الفكري كلامك منطقي وعين العقل -الحين حنا نحاول الحد من خساير الزواج ومصاريفه يطلع لنا موضوع الشبكة <<أحسها عادة قديمة والحمد لله أحس في صحوة مب بسيطة عند البنات عن هالموضوع |
مارغريت تاتشر.. هلا فيك هذا المتبع غالباً..أن الشبكه تكون نفسها حفلة الملكه.. ويكون الفرح عادي ومختصر.. أهلاً صاحبة السمو الفكري أكيد مصاريف ولاأحد ينكر..لكن كل شخص هو أعلم بحددوه وكيف يوفر من المصاريف.. وأكيد أن من يريد شيء عليه أن يسعى للحصول عليه مادام منطقياً..حتى لو كان بقناعاته.. لا تنظري للأمر أنه منهج غريب.. هي رغبات وقناعات..! أنتي مقتنعه جزئياً بأن هذه المصاريف لو كانت بالزواج أفضل.. وأنا أرى العكس..! ولا مجال لمقارنة حفلة تأتي بالعمر مره..مع السفر وكل لحظه طالع برأسي موال..! هذا مرض..! ترين هذا المبدأ يكسر كل قوانين التفكير المتزن.. عليكِ إذاً بمساعدة الأخت السائله بذكر ملتزمات الحفل المقتصد وإفادتها.. فهي أحوج بإقناعك..وأحوج للإقتصاد..مع العلم بأنها هي من ذكرت لا تهمها المصاريف..! تحيتي,,, |
الله يوفقك .. << يفكر بالعرس الله يعين :)
|
الله يوفقك اهم شيء
ومقدما بارك الله لكما وبارك عليكما وجمع بينكم بخير |
الله يرحم ايام زمان لاشبكه ولا فكه
كله لاصار يوم العرس زبطو امورهم الله يوفقك ويجمع بينكم بخير مع اني اتوقع انك تزوجتي قبل ماادخل للموضوع واشارك ومالك منا الا الدعاء بظهر الغيب |
| الساعة الآن 12:01 am. |
Powered by vBulletin® Version 3.8.8 Alpha 1
Copyright ©2000 - 2026, vBulletin Solutions, Inc. Trans by
موقع بريدة