|| أســـئـــلـــة و اســتــفـــســـارات ||
http://img02.arabsh.com/uploads/imag...474f63fb03.png :: صباحكم خير و مسائكم رضا :: من لديه أي سؤال بخصوص أي أداة تصوير سواء كانت ضوئية أو مرئية هنا فقط و بمشاركة الجمعيع سيتم الإجابة عليه بإذن الله بالتوفيق للجميع :) إدارة القسم |
السلام عليكم
السلام عليكم .. عندي استفسار اذا ما عليكم كلافه .. ودي انزل صور واشارك معكم بالقسم .. وانا مصوره جديده بقراطيسي :) بس اعشق شي اسمه تصوير ( تركت موضوعه وقعدت تحتسي عن هواياته هههههه ) اهم شي ودي اكتب على صوري .. واسوي توقيع وشفت تواقيع جممميله هنا .. فأذا ماعليكم كلافه احد يشرح لي وشلون ومشكورين وما قصرتوا ... |
حياك الله اختي
يشرفنا تواجدك وادراج تصويرك ولاادراج تصويرك بإمكانك تدخلي هذ الموضوع لكيفية وضع الصوره بالمنتدي ,,, شـرح طـريقة [ تصغير ] و [ رفـع ] الصــور ,,, http://www.buraydh.com/forum/showthread.php?t=269487 |
اقتباس:
مهوب تسذا قصدي الله يسعدك انا اعرف اصغر واحمل .. بس ودي اسوي لي توقيع بالصور يعني اسوي حقوق الطبع محفوظه هههههههه |
|
لآلآلآلآلآلآلآلآلآ ( تصيح عاشنكم مافهمتوه هههههههه
دقيقه بجيب صورة توضح طلبي |
http://im20.gulfup.com/2012-03-18/1332076397345.jpg
زي كذا .. مو اقصد تواقيع اللي بالمقطع ..مصره اعرف وشلون هههههههه |
اااااااااااااااااااهاااااااااااااااااا .. هاذي أختي تسوينها بالفوتوشوب تكون مفرغة أو كتابة بالنص
|
اقتباس:
طيب الله يجزاك الجنة مافيه موضوع بالمنتدى طريقة شرحه يعني وشلون اسوي هالتوقيع !! |
|
اقتباس:
مشكووور ويعطيك العااافيه :) |
.|| أســـئـــلـــة و اســتــفـــســـارات ||.
http://img02.arabsh.com/uploads/imag...474f63fb03.png :: صباحكم خير و مسائكم رضا :: من لديه أي سؤال بخصوص التصوير سواء كانت ضوئية أو مرئية و بمشاركة الجميع سيتم الإجابة عليه بإذن الله بالتوفيق للجميع :) إدارة القسم |
شكر لك مستر صالح ..
ع خدمة الاعضاء .. تم التقيم ... |
وحبي لك صلوح دايم تسعى لـ رقي المنتدى شكرا لك ياغلا
|
اشتريت استديو سوفت بوكس من كام فور سل
بس الاظائه صفرا سالت وقالو ركبي عليه ترايقر ركبت بس جربت كذا اعداد ماضبط تطلع الاظائه مره بيضاء او ابيض علي خفيف قالو ابعدي الاظائه عن المودل تقريبا متر او متر وشوي ويضبط بس نفس الشي .. اتمنى احد يفيدني وشرحي يكون واضح + ابي طابعه حلوه لصور الفتوغرافيه غير ابسون وشكرا مقدما |
مافيه رد /: ^
|
اقتباس:
اولاً على البركة بالاستوديو وان شاء الله نشوف النتايج الحلوه بخصوص ان تصويرك يكون ابيض لازم تضبطي الاعدادات حق الكام اولا يكون الوضع على المانيول اي تكون على حرف(M) ويكون الاعدادات كالتالي: 1/ الايزوا (iso) على 200 او 100 2/ فتحه العدسة 11 واذا الاضاءات عالية خليها 13 يعني كل مكان عالي زودي الارقام لين تزبط معاك 3/سرعة الغالق يكون من 200 وطالع وهذا طبعا مو أرقام ثابتة يعني يعتمد على قوة الفلاشات يعني العبي وحوسي في ذولي لاتتعدينها اما بخصوص طابعة Epson انا عن تجربة اشوف الايبسون افضل واجود من ناحية الصور الفوتو وفيه موديلات حلوه مثل p50 ارخص واجود واذا تبغي غيرها فيه شركة اسمها Brother اسمع عنها انها حلوه بس ماجربتها تحصلينها في جرير ولا اكسترا واي حاجه ثانية حاضرين |
الله يجزاك خير
راح اجرب الاعدادات واخبرك اذا ضبط معي رحت لشامل سالت عن الطابعات شفت وحده موديلها 7500a وش رايك فيها والا ماتعرفه ومشكور لانك عطيتني من وقتك جزاك الله خير |
اقتباس:
تمام جربيها واي اشكالية حاضرين شنو نوع الشركة الي شفتيها لاهنتي ماسوينى الا الواجب وتحياتي لك |
نوعه اتش بي
الله يجزاك الجنه ماقصرت |
اقتباس:
لكن الي اعرفه ان اغلب المصورين يعتمدون على الايبسون والبرذر بالامكان وضع المودل على جوجل وبحث مواصفاتها او ممكن احد الاعضاء جربها وعنده راي فيها اما الشركات الاخرى تعتمد على الكتابي اكثر من الفوتو من ناحي الجودة |
اقتباس:
أو قوة الإضائة لأني أشوفك تقولين أقترحوا تبعدين السوفت بوكس معلومة كل ما كان السوفت بوكس أقرب للشخص كانت الإضائة أنعم والظلال ناعمه بالنسبة للإعدادات حقت الكام كلام أخوي سعيد حلو لكن السرعة كحد أقصى 250 بحيث ما يكون أسرع من الفلاش أنا أستخدم سرعة 160 أو 125 الظاهر إذا ماني غلطان الأيزو 200 لأن كامرتي نيكون ثم يبقا لك فتحة العدسة f مبدئيا خلوه f8 إذا الإضائة تمام حلو إذا قوية نضيك فتحة العدسة إلى f11 وهكذا إذا الإضائة ضعيفة نوسع فتحة العدسة f4 وهكذا لحد تضبط ضبط الوايت بلنس له أكثر من طريقة إما وضعة على وضعية الفلاش أو بإستخدام قطعة بيضاء أو رصاصي وإستخدام خيار الكوستم وايت بلنس الطابعات ما عندي خلفية عنها |
أسئلة عن العدسات (نيكون)
السلام عليكم
أنا معي كاميرة D3100 ومعي عدستين, اللي هن: - العدسة الأصلية - عدسة العزل 50mm f/1.8D اللي بـ 400 ريال طبعًا تصويري زين, وعندي استعداد لتعلم التصوير, كما أني أجيد برنامج الفوتوشوب جيدا المهم: أنا ودي أشري عدسات وكيذا, وفلاش للكام, لكن ماعندي خلفية شوي, وأنا أحب أصور الأطعمة و البورتريه والمناظر الطبيعة وهكذا يعني... فوش تنصحونن بالعدسات اللي أشري ياليت تقولون لي اسم مثلا العدسة وظيفته, والسعر هين عادي أنا أسأل عنه وجزاكم الله ألف خيرا |
إضافة رائعة منك أبوتركي
وانت استاذ في ذا المجال مايحتاج |
ياليت كان سؤالك بقسم الإستفسارات
عموما العدسة ال 50 كافية للبورترية والأطعمة والعدسة الأصلية إذا هي 15-55 أعتقد كافية للطبيعة إذا تبي عدسات غيرها حدد ميزانيتك قبل والأماكن المستخدمة للتصوير بإمكاني أقول عدسة سعرها 10000 ممتازة للبورترية لكن تكون غالية عليك أو أعطيك عدسة ما تنفع تستخدمها داخل المنزل أنت تحتاج الحين شغلتين حامل ثلاثي (ترايبود) وفلاش فقط مع الإمكان الإستغناء عن الفلاش وإستخدام بدائل الحامل الثلاثي راح يخدمك بتصوير الأطعمة والطبيعة لإعطاء حدة وصفاء للصور بدون إهتزاز |
اعجبني شرحك ابو تركي وكلامك سليم
|
الله يعطيكم العافيه ماقصرتو والله
سعيد سويت اعداداتك حلوه بس ماعطتني النتيجه اللي ابي لان الاظائه شبه قويه شوي راح اجرب اعدادات اخوي طارق وان شاء الله احصل الاعدادات المطلوبه وبالنسبه لطابعه اخذت اتش بي هي حلوه بس طباعته باهته شوي مدري اذا من الورق او من الحبر لانه قال تجريبيه بس جربت طبعت بالورق من ورا اللي بدون لمعه حسيته حلو بس ينقصه لمعه بسيطه الله يعرف بهالامور لايبخل علي |
ايه نسيت اقولكم اذا طبعت الصوره بالجهه اللي تلمع
تطلع بالصوره خطوط ! |
الطيب الحامل وش اللي تنصح فيه ؟
والفلاش بعد ؟ شف مزانيتي هالحين اللي معي أنا خمسة آلاف إلا شوي وهو حدي أما لو تبي تشير بعد لي بعدسات ثانية بعد من خمس وتحت لإني أنا نظامي أجمع قرنقش وأشري كل خمس شهور شيء وجزاكم الله ألف خير و الله يوفقكم ملوحظة: عدستي حقت العزل ذي مابه فوكس داخلي, فهل تنصح إني أشري عدسة عزل بفوكس داخلي ولا مايتحاج ؟! |
من ناحية المكان مافي شيء محدد .. أروح به معي لكل مكان يعني أنقله من مكان إلى آخر ...
|
اقتباس:
الحامل الأشهر بين الشباب ماركة Manfrotto لكن إحرص على شي يتحمل وزن الكاميرا والعدسات أتوقع سعره من ال500 لل 600 ريال بالنسبة للفلاش الأفضل بالنيكون موديل 910 سعرة قرابة ال 2000 لكن لا تستعجل على الفلاش العدسات بإمكانك تستخدم عدسة شاملة 18-200 وتريحك من تجميع العدسات لحد تتعلم وتشوف وش الإتجاه اللي يناسبك ووقتها تختار الأفضل في مجالك ما أنصحك بكثرة التجميع للعدسات والخساير حاليا لأنه ممكن يجيك وقت تبي تبدل ولا تترك التصوير وتتحسف على خسايرك لأنك ما راح تبيع بنفس مشتراك |
السلام عليكم
عندي مشكله بكمرتي وأبي حل صار بالذاكرة فيروس وامسح كل الصور الي فيها ومكتوب full وهي مافيها الا200 صور والذاكرة 8جيجا واذا حطيت الذاكرة بالكام الكام ماتصور هل اقدر اني ارجع الصور ولا وش اسوي بالضبط ـــــــــــــــــــــــــــــــــــــــــ لو احد يعرف حل مشكلتي !!؟ يرد علي # شكرا ... |
اقتباس:
في حالة العثور على الملفات تكون الأمور تمام أو ما لك إلا تسوي لها فورمات |
طيب انا مالقيت الصور ممسوحه من الذاكرة
واذا فتحت الكام وفيها الذاكرة مكتوب يمكن عمل مجلد !!!.؟ |
قصدي .....88
* لايمكن عمل مجلد |
طيب هل جربت قارئ الكروت
و هل سويت فورمات للذاكرة وهل تعدلت أم لا بعد الفورمات |
جربت بس طلع لي كلام انجليزي وحوسه شوي \
شكرا وجزاك الله خير طيب وين القى محلات للصيانه ببريده ومايطول !؟ وشكرا |
اقتباس:
أو عندك أحد أمرين إما عبدالواحد اللي بالنخيل أو جرير |
جزاك الله خير
|
طارق الحميدان و سعيد عبد الغني .. الف شكر لكم .. كفيتو و وفيتو :)
|
الساعة الآن 08:46 pm. |
Powered by vBulletin® Version 3.8.8 Alpha 1
Copyright ©2000 - 2024, vBulletin Solutions, Inc. Trans by
موقع بريدة