|
شقة مسروقة
في هذه الايام مشغولاً ذهنيا في التفكير في رسم مخطط للمنزل ! مع الحرص على ان يكون منزلا عملياً يخدم بشكل كبير احتياجاتي واحتياجات الاسرة :) ! مع علمي ان مدة العمار ستكون طويله نوعا ماً ، لأن البناء سيقوم مع الراتب :( ! لذلك تعبت في التخطيط والذي يجب ان تراعي ثقافة المجتمع :) بعد كم سنة !! فمرة اضع مجلس الرجال يعادل ضعفي المقلط واخرى اقول لماذا ؟ ثم اعود للتخطيط من جديد ! فأضيف شقه مسروقة :) كي تشكل ايرادا اضافيا للبيت ! ومرة اقول لا ما الذي يحدني بجار !! في تخطيط منزل المستقبل ما الذي يهمك فيه ؟ هل ستدخل التربية ضمن تخطيط المنزل وكيف يكون ذلك ؟ هل ستأخذ العادات والتقاليد في التخطيط اما انك ستسقطها ؟ ما الذي ستحسب له مستقبلا كي تضيفه في المخطط ؟ اتحفونا في ارائكم |
اولا الله يعينك على السكر والضغط وإحتمال جلطه خفيفه .
مهبول أنت تعمر وتبني بالسعوديه !!! لكن شكلك ملزم على العماره .شف ضبط لك دور علوي للفرفوره الجديده وخلك على شارعين (خر مر) نازل لأم العيال وطالع للفرفوره ...هيك بده أبوحنيفه. بس شكلك من النوع الذروق . ترى مجموعة خن بط على أتم الإستعداد إذا تبي (سلف). إلا وش سالفة هالعادات والتقاليد ..كل ماطق عود عود قالوا (العادات والتقاليد) . ياحول يالعادات والتقاليد . |
اقتباس:
قبــل التخطيط ساسأل عن من يسكن بجانبــي!!! |
الله يعينك اخي العزيز
تجربة العمار ممتعه لكنها متعبه وتحتاج الكثير من المتابعه . نصيحة أخ خطط وارسم وفكر حسب ماترغبه انت وشريكة حياتك ولاتتردد أو تستمع لفلان وعلان المجالس الكبيرة لاتخدم المنزل في ظل العادات الراهنه في المناسبات فالإستراحات اختصرت الجهد ووفرت المساحات وقليل من يعد مناسبة كبيرة في منزله . أتمنى أن تبتعد عن التقليديه التي نعاني منها في تصاميمنا للمنازل .تجاوز المألوف واخلق الجديد وانت بلاشك مؤهل لذلك . ختاماً : هيء نفسك للضغط وانتظار العماله في اليوم ثلاث مرات وبالأخير مايجون :( |
to be العمار ببلد البترول منهك جداً ما احب احبطك بهالكلام بس هذي الحقيقه واعتقد ماتخفى على احد لكن لما نتوكل على ربنا بأذن الله راح تذوب كل المصاعب والمتاعب شخصياً مالي سابق تجربه لكن بتكلم من واقع خبره بمعاشره ناس عمرت وناس تعمر :) انصحك بجنب بعض الاخطاء اللي ماتبين الا بعد الانتهاء من العمار ! واكبر خطأ بأعتراف كثير من اللي عمروا هو المساحات الواسعه بالبيت :( تعرف لما يبدأ العمار يكون كريم حبتين ويوسع المجلس والصاله وغرف البيت ودورات المياه بشكل مبالغ فيه! وبأمكانه تقليص هالمساحات وبشكل مايقلل من جمال بيته ويريحه بعدين ! ومراح اقول تكاليف المساحات الكبيره وقت العمار بقول تكاليف زياده المتر والمترين بالدهان والكهرباء بالتشطيبات والتكييف بالتأثيث والتنظيف والصيانه وتعرف وش يعني التأثيث ببلد يعشق المظاهر زي بلدنا :( ضروري تستحضر ان البيت لك ولزوجتك واولادك وبس ! مو للناس ووش راح يقولون لما تسوي نزاله البيت ،، وياحلو البيت الوذف المتكتك اللي مايهلكني بمصاريف تأثيثه وتسكير مساحاته وتنظيفه اللي ماينتهي وصيانته الدوريه :( والله يسهل عليك وعقبال ماتطرح لنا تقرير عن بيتك لما تنتهي من عماره :) |
اقتباس:
اقتباس:
وأكتف بالصاله لأستقبال الضيوف بالنسبه للنساء اقتباس:
ترى اعرف لك سباك انصحك تتعامل معه باكستاني مشتغل معه شغله ممتاز جداً |
[align=center]ماخرب بيوتنا
الا العادات والتقاليد مجلس لرجال ومجلس للحريم وكنب لرجال وبالاخير يجلسون ع الارض الحين العالم ان تكلفت وعزمت راح تكون العزيمه بستراحه والزيارات الخفيفه ماراح يبلش الواحد فيها [/align] |
مشكلتنا أننا نهتم لراحة ضيوفنا ونشوف وش يهمهم وقت العمار ووقت التاثيث
ولانشوف رغباتنا شف رغبتك بعيد عن ضيوفك لـأنه أنت وعيالك من بيسكن ويعيش هالبيت أكثر من ضيوفك يعني ابعد عن العادات والتقاليد ببناء مجالس بأبوابها تسكر وتغبر الآن المنازل الشرحة هي اللي مافيها غرف للمجالس وأبواب كثيرة كلها تكون مفتوحة على بعض لأنه لو حصل عزايم وضيوف من النوع اللي يقلقنا لاجينا نعمر ماراح يكون رجال وحريم مع بعض لانه لو كان كذا كان على طول استراحات وطبخ طباخ اذا حصل ضيوف بيكون زيارات خفيفة الرجال ملحق خارجي مرتب والنساء بالبيت بهالمساحات المفتوحه والشرحه أقولك هالشي لأني عايشت هالشي كثير من أقربائي تحسفوا اللي اتبعواالتقليدية وارتاحوا اللي اتبعوا التجديد |
سبحان الله .. اليوم السالفه عندي البيوت والعمار ..!!! برأيي صمم بيت لك لا للناس .. وإستغل كل زاويه في البيت لراحتك ..،، احذر من سرقة بيتك ..واستمتع بالتصميم ولو طالت المدهـ ! الله يعينك ويسهل أمرك وكل مسلم ،، الآن عندي مخطط جاهز بكم تبغاهـ ...؟!:36_1_1[1] تحيتي،؛ |
تو بي.. الله يسهل عليك في مشوارك(العمراني)!!
ربما رأيــي سوف يكون مختلف .. لن أسدي عليك بنصائح معينه حول التصور النهائي للمخطط لأنك في الاخير ..سوف تندم على أشياء صممتها..وأخرى لم تضعها ..بسب أنها ظهرت كموضه في عالم البناء والعمار! ووقتها كنت في مرحلة التركيبات الاخيره! بالنسبه لي...لم تكن أهم أولوياتي أشغال النفس والذهن والقلب . بمراحل البناء! لقد كنت غير مبالي بشكل قد يُصدق؟؟ لكن (تداركت الامر)وأوكلت المهمه لمشرف ماهر..وأعطيته (كافة) الصلاحيات بأستثناء اللمسات الاخيره كأناره وتركيبات معينه ولم يكن الامبالاة .طبع ..وأنما (نظريه) مقتنع بها . أن الحرص الزائد والتفرغ الكامل ..لن تجني منه سوى الخسائر الصحيه والنفسيه والاخطاء الكبيره!! وفي الاخر..سوف يكون للمنزل الجديد (شمه) لمده سنه أوسنتين بتصاميمه وتركيباته وأثاثه.. وبعدها.. تختفي مظاهر النشوه !!ِ |
[align=center]اولا \ الله يوفقك في العمار ويسهل لك امرك يارب[/align][align=center]
ثانيا \ ما قلت لنا كم مساحة مسطح البناء .. علشان نقدر نشوف ونقولك اراءنا في تخطيط منزل المستقبل ما الذي يهمك فيه ؟ يهمني في التخطيط هو أن أخطط بتأني وعدم أستعجال . هل ستأخذ العادات والتقاليد في التخطيط اما انك ستسقطها ؟ انا أنصحك بأن لا تأخذ العادات والتقاليد في التخطيط .. أنا عن نفسي يوم أبني بيتي كنت ما راح أخذ في العادات والتقاليد .. لكن بسبب أن الشارع اللي انا بنيت فيه .. شارع عرضه 30 .. فأضطروا البلدية أن يأخذوا مني عدة أمتار من أرضي . فصارت مساحة البناء عندي صغيره .. وبعدها أضطريت أني أبني شقتين مستقلة مثل الناس .. وأنصحك بأن تتفق أنت وزوجتك في مخطط منزلكم .. وأن لا تسمع كلام بعض الناس .. لأنه في بعض الاحيان .. تأتيك فكرة رائعة في تخطيطك .. ثم أذا استشرت عدة أناس . راح كل واحد منهم يعطيك فكرة غير فكرتك . وبعدها تتوه في التخطيط . لكن في أمور السباكة والكهرباء ضروري تستشير أصحاب الخبرة وأنصحك بأن تضع مساحة المجلس صغيرة . وان لا يتعدى مساحة المجلس فوق 4 في 4 لأنه الان اغلب العزائم تكون بالاستراحات .. ودائما تكون مجالسنا خاليه من الضيوف .. علشان كذا ما راح تستفيد أبد من المجلس الا قليلا لكن اياك أن تضغط على نفسك .. علشان ما تخرج وكلك ديون .. خل شغلك بالبناء بالهداوة ما الذي ستحسب له مستقبلا كي تضيفه في المخطط ؟ ما أدري كيف اجاوبك .. لاني لا اعرف كم ستبني من شقه .. والله يوفقك يارب ويسهل لك امورك[/align] |
الا على طاري المسروق هذا الرد خاص لـ< زوجتك المسروق للسعودي خطر ..! لذا يرجى توخي الحذر ..:c3: |
توبي
راح نخسرك في المنتدى عمار ومنتدى ما ينجمعون الله يخلف خسرنا واحد جديد ولموضوعك شوف ياحبيبي تحت صاله متكتكه هي روح البيت لك ولعيالك فيها التلفزيون وأجهزتك . ولحق خاجي للرجال ولعيالك لاكبرو . اهم ضي كثر من غرف النوم مع حمامها أكرمك الله . وملخق بالسطح للشغاله وحمام كبير لغسيل الملابس . ولي عوده معاك بالتفصيل خبير مباني ... |
كان الله بعونك أخ توبي ,,
العمار مجرد التفكير فيه يدهور النفسيه على العائلة أجمع الأهم تحقيق رغباتك ورغبات عائلتك بعيداً عن العالم الخارجي ولا أزيد على ما تفضل به الإخوان البعد عن التصاميم التقلديه ركز على المساحة الواسعه لفناء المنزل وتصميمه على طراز جيد من حدائق ومداخل ,, << الحريم أهم ماعليهن الحوش يكون واسع :) ولكونه الواجهة الأولى للمنزل وعساكم تعمرونه على الخير والأُنس والطاعه وعقبال ماتبشرنا بالنزاله :) أخيراً ,, أتمنى أن تنتهي فترة بنائك وأنت مازلت محافظاً على شعرك الأسود :) لك مثال والداي العزيز ( من طلعت على الدنيا وهو بشعر أبيض ) تقول الوالده من الحرارة والظغط الناتجه من العمار وغرابيله :( لكن في ظل الترميمات الشكليه ومع الصبغة السوداء اصبح مافيش مستحيل :) ! |
|
| الساعة الآن 03:25 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة