|
أمس تقدمين دروع وتشكرين المدرسة
الاستاذة والله فشلتينا زودتيها حيل انا الى الحين موعارفة ليش تسوين كذا وسويتي من الحبة قبه_ يمكن اللي شفتيه صار مرة او مرتين وانا والله العظيم ماشفت ضرب ولا مرة ولا صفع ولا كلام فاضي _ وحطيتي كلام لاصار ولا حصل وينك أمس يوم تدفعونا مبلغ وقدرة وانت اول من دفع عشان تسوون حفل ختامي (سفرة من مالذ وطاب ) للمدرسة وتعزمون المديرة والله انها روعه وكأنها صديقتنا اللي تقولين عنها (سيئة التعامل) مع انها حذرتنا وقالت لنا ابيه بسيط ومصغر وجت وجلست معنا بكل طيبة وتواضع وشكرتنا و عزمتي من لقبتيها جلادة وانتي شفتي بعينك طيبتهم معنا والجهد اللي سووه معانا وخاصة اللي تقولين عنها جلادة تضبط الفصول لنا وتحذر البنات واثناء الحصة تدخل علينا وتمدح بالطالبات اذا شافتهم مشاركين والله اننا نقول حرام ماتجلس اصلا اذا جلست حنا اللي نناديها قبل كل حصة ندخلها وماشفتها تسوي اللي قلتيه اصلا باين ان البنات يحبونها وماني ناسية يوم دخلت علينا كل الاقسام وشرحت لنا طريقة التدريس والاهداف مع انه مو شغلها والمساعدة و المعلمات ماقصروا ابد (نسيتي الطالبات يوم يرمون العلك على شعر زميلتنا ويوم يدفون فلانه و.....بعدين زميلاتنا الله يهديهم زودوها مع البنات ضحك ومسخرة لما طاحت هيبتنا عند الطالبات وامس توديع واوتوجرافات وانتي يوم تسألينهم وتخلينهم يتكلمون عن المديرة والمعلمات ويسبونهم تراهم بعد مامشيتي سبوكي عند زميلتنا ع. وقالو ماتشرح بس تسولف معنا وتضحك ومانسمع شرحها من اللجه لا واللي يضحك مشهد شفته بعيني قالوا لوحدة من الزميلات الله ياأبلا انتي تهبلين وضحكت وضحكوا ويوم مشت ... قالوا شكلها صدقت... والله طاحت هيبتنا لا ونبيهم ينضبطون معانا ) وامس اول من قدمتي درع شكر وفيه اجمل العبارات للمديرة واللي وصفتيها بالجلادة و شكرناهم على تعبهم واللاب توب اللي كان ينشد بأعلى الصوت بالسماعات الخارجية _طبعا احنا اللي جايبينه_ أيام عشناها سعادة ياعساها ماتضيع عندي أمل في تكرارها أقول اعقلي وبلا دجل و...! على الاقل كان مادفعتي أو ماحضرتي الحفل والمستغربة منه انك كنتي مبسوطه طول الحفل وتضحكين !!! والله انك انسانه غريبة وجد فشلتينا مع الناس لا وتقولين لهم سامحونا ماني عارفة وشبيصير ردك ؟؟!!! واتمنى انك ماتكذبيني لأنك انتي اللي بتصيرين سالفة الجامعة ودجلك . وبصراحه شكلك ورطتي حالك |
الاستاذه بارك الله فيكِ وكثر الله من امثالك :)
قسم رياضيات والله انتي فشلتي نفسك ومدرستكِ أيضاً لم تسجلي في المنتدى إلا للدفاع عن مدرستكِ ومديرتكِ أتمنى ان تعالجي الوضع افضل من أن تمدحي وتعززي الضرب في مدرستكِ |
مدرسة رياضيات
احسن امسكي مسطره واجلدينا بس على هونتس ياعسل ماحصل الا الخييير وكل انسان اللي يكتبه مسئول عنه مايحتاج تسجلين عشان تتابعين وغير تسذا يالبى قلبتس وش عرفك انها هي اللي قدمت الدرع والزي منه هوشه حريم هع هع هع |
اقتباس:
فشلتكم ؟! لاني اطالب بايقاف الضرب والمهازل ... الـ(فشيله) هي وجود مدرسه بهذا النظام رغم التطور وانفتاح العقول واتجاه الكثير اسلوب التربيه الصحيح ... وتطبيقه بالمدارس كـ احدى القرارات لكن للاسف بالورق والختم والتوقيع دون تطبيق ... ام (فشلتكم )لاني تكلمت بالواقع وامرت بالمعروف .. فهدفي ايقاف تلك المهازل ولااستطيع ان اقول كما قال غيري (يحترقون ومالنا ) لماذا الهروب ؟ وترك الامور كما هي ان لم اكن شخصيه فعاله في مجتمعي فلماذا اظهر فيه .. نريد مستقبلا معلمات اجيال (محترمات) كيف سيكون مستقبل من تضرب ؟ الان متبلده من الضرب ومستقبلا لن يهمها ذلك فنراها تطبقه على غيرها من الطالبات ويستمر الـ(الشريط) هذا اذا عاشت بمشاعر واحساسيس هل تعلمون مامعنى البنت تضرب :( اذا كان ماحدث مره او مرتين فلماذا تكون هذه المرات ؟ وتقولين لم تري ذلك .. غريب امرك وهل معنى انك لم تري ذلك بانه ليس موجود ؟ ان لم تريه كثيرا تكلمنا في جلساتنا عن الضرب للطالبات والكثير يؤيدن ذلك من باب الـ تربيه ! و .. يستاهلن (قليلات الادب).. حرامٌ مايحدث ... تستاهل بنت صغيره عمرها 12 تضرب وتهان !! اتمنى ان املك قلبا قويا بقدر تلك القلوب التي (تعدي) فاملك احاسيس ومشاعر تجبرني محاولة تغيير المجتمع للافضل ... فاتخيل نفسي مكان تلك الطالبه لكن لااستطيع تخيل باقي الموقف اياً كان سبب شد الشعر الـ جلاده نعم ضبطت لنا الفصول بعنفها وشدتها فلماذا هذا النكران ؟ الطالبات يحبونها ! نعم يحبون من تشد شعورهم يحبون من تهينهم يحبون من تضربهم يحبون من تمسح معاني الكبرياء والاحترام في نفوسهم هل اشتراكي بالحفل يعني الرضا عن ذلك ؟؟ واراك ظلمتي شخصية اخرى فلا تستعجلي بالتحديد وتقولين اول من دفع !! فتعامل المعلمات معنا لااعتراض عليه الاعتراض على العنف مع الطالبات وبالتحديد الـ جلاده المديره لم اكلمها شخصيا فحديثي معها كان لمره واحده ولم يكن جيداً ابدا ففضلت ان اكون بعيده ... رغم طيبتها بالامس فانا اراها واحترق من الداخل لصغراتنا فبالاول والاخير اسلوبها .. لها ... لكن عتبي عليها كيف ترضى بذلك في مدرستها .. ايداعي ذلك المبلغ ليس للمدرسه بقدر ماهو مشاركة لزميلات التطبيق مشكلتنا اننا نريد كلمات مجامله وغير واقعيه هل معنى الحفل والتكريم والـ (موال) السعودي والمجاملات تصمتني لاوالله فانا هنا دفاعا عن الصغيرات والحاقاً بنفوسهن ... الطالبات لاانسى (قلة ادبهن من علك وغيره الكثير) فبرايك ماسبب هذه قلة الادب ؟ طالبة متمرده بكل شي لانها تعرف بالنهاية ماسيحل بها ... فالضرب امر روتين يومي اعتادت عليه فلا مشكله من تكراره فالحل الامثل مع هذه النماذج التي اعتادت على الضرب ان تاتي لها باسلوب اللين وسترينها شخصيه اخرى مختلفه ... فقط بعيداً عن العنف ... فرايت احداهن بنفسي تُضرب وهي (عادي مظهرها ووقفتها يقولان ... كملي ضرب ) لكن يبدو لي انها من الداخل تحترق ... فهي اولا واخيرا لها احاسيس ومشاعر ... شكراً لك |
اقتباس:
رزقنا الله واياك والمسلمين الدخول لتلك الجنان شكرا لمرورك |
اقتباس:
نعم انا مسؤله عما اكتب لثقتي والحمدلله بالواقع ومااكتبه شكراً لك غاليتي لمداخلاتك |
...................
|
السلام عليكم ورحمة الله وبركاته
اهلا اختي الاستاذه صراحه مو قادره اشكرك على اللي تسوينه وخاصة فائده الموضوع باللي رد بنقل كلامك للتعليم كثير كلموني عن موضوعك وجراته ولذلك سجلت بشكرك بعد قرائتي لكل الموضوع والردود بدعمك بالوقت اللي غيري انكرو اللي يصير وللاسف ان منهم من كانت معنا بالتطبيق صحيح سوينا حفل وانبسطنا انا معك بكل كلمة قلتيها ضرب البنات ومعط شوشهن الاهانه والصراخ واللي سميتيها الجلاده عرفتها واصلا معروفه معك بكل كلمة الا موقفك من المديره شوفي المديره والله طيييييييبه لابعد الحدود يمكن على قولتك موقف وحوار بس ماتدرين عنها يمكن معصبه من شي كذا والا كذا المديره مره حبوبه ويمكنك تجنبتيها ولاعرفتيها من قرب لو عرفتها والا كلمتيها ثانيه يمكن تتغير نظرتك لها والله حبوبه بقوة الله يحفظها اما الجلاده طيبه ومحترمه واقصد اكذب النقطه هذي معنا لكن مع البنات وحش وهذا اللي نقدته عليها ضرب البنات يااااناااااااااس اللي يصير بالمتوسطه 21 اقسم بالله صحيييييح ماعليك من اللي يحبطونك وماشاء الله عليك شخصيه محترمه بردودك واسلوبك الله يقوووووووويييييييييييك بلغينا وش يصير |
يالاستــــــــــــــــــــــاذة : تقولين أمر بمعروف !! دفاعا عن الصغيرات !! كفاية دجل عمر الأمر بمعروف ماكان خلف الأسوار وبالظلماء هذا اذا كنتي صادقه !! هذا اسمه اثارة فتنة ونفاق مرعب .... قاعدة بهالمنتدى سووا وفعلوا وانتي بالمدرسة ضحك وسوالف وتشاركين بالحفل وبتقديم الدروع لنفس الاشخاص اللي تسبينهم ، وتضحكين معاهم وتشكرينهم ....!!!!!! يااااااااااااااااااااااااااربي شي يخوف !! وشلون يتقطع قلبك ؟! كفاية لاتضحكين على الناس وقسم بالله انتي قايلة بلسانك بناتهم قليلات أدب الله يعينهم ، كنت انتظرك بالحفل تقولين كلمة على الأقل عشان احترمك بس اللي اذهلني شفت العكس ، عندك الف باب لو بتصلحين قلت يمكن شافت شي عشان كذا مقهورة ، بس تأكدت انك ......!!!! ، بعدين الاهانه ان البنت اذا انهانت تبكي بس اللي شفته انها كانت صحيح تدخلهم الفصول بس كانوا يضحكون معاها باين انها حبوبه معاهم لاتنكرين ان كلنا معجبين فيها ونمدحها (حتى اللي تقولين مسكت شعرها قالوا البنات كان كأنه مزح البنت تضحك وهي وأسألك بالله تردين على هذي ماكانوا البنات يضحكون معاها حتى وهي تهاوشهم وبنفس الوقت تمزح معهم طريقتها روعه ) عرفت انك مالك أمان ممكن بكرا تسوين فينا زميلاتك نفس الحركة ، تضحكين معنا وتمدحين ونساعدك ..... ومن ورانا تسبين وتنتقدين وتكذبين على فكرة ترا المديرة عرفتك ،، |
ليش تكررين ردك مرتين
خليك واثقه |
ايووووه كذا
وعدلي ردك اللي قبل قلتيه مرتين |
اقتباس:
ههههههههههههههههه وانتي معاي على الخط ياحبيلك وشرايك كذا صرت واثقة مارح اعدل وياهلا بك......... |
قسم رياضيات بالله عليك كم مره غيرتي الرد ؟؟؟
|
اقتباس:
يارب ماتكونين غيرتي الرد يعني فيها معط شوش بالاول قلتي مافيه والحين جايه تقولين مزح حددي فيه او لا ؟ من قلب ضحكت الله يجزاك خير اجل تمعط الشعر وهي تمزح يمكن بعد الهواش مزح يمكن بعد اللي منزل صورة يد ولده بالمنتدى مضروب يمكن الاستاذ مايقصد يمزح معهم |
^^^^^^^
الضرب والصراخ مهما جاء على شكل مزح (يعني خفيف) او على شكل جدّ فهو يأثر على النفسيه والناس تختلف بعضهم يتحمل الجبال وبعضهم ما يتحمل ثانيا : لو المعلمه والمديرة تتعامل مع الطالبات مثل تعامل الرسول للمرأة كان أفضل وهي ما وظفت عشان تكون مزاحه او جلاده |
| الساعة الآن 12:05 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة