احس ان اغلب المشاركات ماله دخل بالموضوع لكن دام الموضوع جاي بشكل جدي ابتكلم ومن واقعيه وشفافيه وعقل واعي ونترك المزح والفرفشه شوي ولكن ابتكلم بالواقع وبكل صراحه ولا تعتبر مشاركتي اني مدخن او غير مدخن اول شي الموضوع احسه متشتت شوي انتي وشوي قريبتس وبالاخير طلع سؤال للبنات
الدخان يعتبر معصيه مثله مثل سماع الاغاني وحلق اللحيه ولكن يزيد الدخان بريحته الشينه وماننسى ان الغنا من مزامير الشيطان وحلق اللحيه نازل فيه حديث صريح وصحيح بالتحريم
للاسف ان البعض يعتقد ان المدخن راعي مخدرات وهذا خطاء واعرف الكثير من المدخنين ماتفوته الصلاة والناس يذكرونه بالخير ويتصف باغلب صفات الرجوله والشهامه. وش تبي البنت اكثر من هالصفه بالزوج؟
فيه مدخنين كثير محطين زوجاتهم بين عيونهم وانواع التدليع والسعاده وكم من واحد غير مدخن معلق زوجته من هدب عيونها ولا يستاهل انه يتزوج انسانه لها مشاعر وعواطف ولاننسى انه لابد للزوجه من التأثير على زوجه من بداية زواجهما بالحب والتدليع حتى يبدا مايعصى لها طلب وتبدا هي تمشيه على ماتبي ولا يعتبر الدخان هو الحاجز الاساسي للعزوف من الزواج واكبر دليل قربيتكم الي ذكرتي وبعد به ناس غير مدخنين مايستاهل يتزوج ولا بقره
ولا تنسين ان بعض بنات الكليات الحين تعدو مرحلة التدخين والتعسيل لما بعدها بكثير
والي يقول ان المدخن دايم نفسيته زفت وربي انه غلطان ثم غلطان لان المدخن اذا انبسط شرب زقاره واذا زعل شرب زقاره واذا انسجم طع زقاره بعد اما الغير مدخن مايلاقي شي يمص غضبه وتصير نفسيته زفت لان مازال الزعل داخله
الغير مدخن اكثر عصبيه من المدخن بالادله واتحدى احد يخالف
ونصيحه للبنات كلهن من واقع تجربه الي يجيه زوج وتتاكد ان مافيه عيب الا الدخان توتفق وهي مغمضه خصوصا لاصار يدخن بالخفا ولا يجاهر