قررريب طيراان له ان شااء الله
بس عسى ابوي يوافق

مادام ان اسعاره مرتفعه بشره بالخساره
لأنه في بريده صعب تلعب عليهم اذا لعب عليهم بالمره الأولى ايس يدخلونه مره ثانية
هذولاء اولاد علي يتعبون بجمع الفلوس ماجنهم ببلاش لذلك لازم يدققون بصرفها زين

السلام

اي سعر غالي بالمرة اذكان المصدر الاسماك والروبيان معروفة رخيصة ليش دبل الدبل 00

(من محل الاسماك اللي بالسادة) تلقاه حاطة على جنب راح يقولك هذا للمطعم الصيني مارح يتعدى كل الاسماك والروبيان 400ريال00

مشكـــــــــــــــــــــورين 00

اقول يازين عشاء ام العيال وبس

الإخوة الفضلاء
أتمنى أن تكونوا بخير

قبل تقريبا أسبوعين كنت وزوجتي وصغيري في المطعم الصيني ، وللحقيقة والأمانة كان الديكور رائع ومتميز وفيه لمسة إبداع جديدة .

أما مستوى الطبخ فلا استطيع أن أعبر عما بداخلي من استياء من سوء مستوى الطبخ ورداءة الطعم والمبالغة بصلصة الصويا حتى على الشيئ الذي لا يحتاج لصويا مطلقا ً فأكلهم سيئ جدا ً جدا ً لأبعد الحدود .

الأسعار : الحقيقة قبل أن أرد على هذا الموضوع قرأت الردود حرفا ً حرفا ً وذهلت كثيرا ً لحبنا لصرف المال بشراهة لنقول أننا فعلنا هذا الشيئ حتى ولو لم يكن عن رضا وقناعة منا ، الكثيرون في ردود بلغت الثمانين ردا ً فرحين بافتتاح المطعم الصيني ببريدة كيفما اتفق دون النظر للكنه والكيفية و( الهبال ) اللي قاعد يصير بالصيني اللي أنتم تقولون .

عندي استعداد تام أدفع فاتورة بأي مبلغ لكن على أكل صيني حقيقة ، وأكل يفتح النفس ، وأكل معد بطريقة صحيحة وصحية مب ( صويا ) يعني حتى الصويا هالمصاريا مب عارفين كيف يحطونها ( مصاريا وبنقالية بمطعم صيني ضحكت كثيرا ً ) .

شريحة دجاج متروسة صويا تستحي تمد يدك عليها أنت وزوجتك جميع لأنكم منتب طايلين شيئ منها مبلغها ثمانية أو تسعة وأربعين ريال يااااااااه وبعض المهبّل بالردود يقولون فشلتونا يابريدة حنا فرحين وأنتم تقولون غالي .

المشروب الغازي يدبّل سبعمائة بالمائة وهالمهبّل يقولون فشلتونا خوذوا واسكتوا .
طبعا ً أنا ولله الحمد أفقه أين يكون العيب وأين لا يكون فبعد أن حاسبت فاتورتي استدعيت مدير الصالة وجلست معه في جلسة هادئة وهو مصري الجنسية وناقشته حول أن هذه الأسعار المبالغ فيها ليست إلا سكين في خاصرة المطعم ستقتله قبل أن يقف على قدميه وأحلته على منتديي بريدة الشرهيرين لقراءة ردة فعل الشارع وحاولت نقاشه حول خدمة ال( 15%) وأنه مادام أنه أخذ حقه وافيا ً بالأسعار المبالغ بها المفترض أنه يستحي على وجهه يخلي عنه الهبال اللي أسمه ( 15%) .

أعزائي مطاعم كبرى على شارع زايد بالإمارات لا تتعامل مع الزبون بهذا الاستغلال ، مطاعم صينية في دبي والشارقة والقاهرة والرياض والدمام وجده دخلتها انا بنفسي مافيها هالهبال وقلة الحيا اللي المصري والله يا أخواني قاعد يقول لي ( معلشّ معلش ّ أصلو أحنا مالناش دعوى دا صاحب المطعم ... وما أدري إيش من الكلام الفاضي ) .

البارحة ليلة الإثنين كنت مع عائلتي في سينيز ونتذكر هبال الصيني وأخذنا شريحة دجاج مقاربة جدا ً لشكل تلك الشريحة بالمطعم الصيني وأفضل طعما بــ 18 ريال ولكن هل يقارن سينيز بالصيني لا طبعا من وجهة نظري لكن من وجهة نظر عيال الخيخي لا الصيني أحسن لأننا نبي ندفع 400 ريال وأنتم دافعين 64ريال بسينيز .

أتمنى أن نعي مفهوم الرقي جيدا ً دون التهافت على دفع المال على شيئ مايستاهل .

خخخخخخخخخخخخخ 200ريالا هاذي اسبوعين من قرية التوت او بيت البيتزا

انا اقول ام صالح الله يجزاه خير تحوف جميع الطبخات ماشاء الله عليه
وشوله اتعشى بااكثر من يومية بالدوام والتجارة ما تدري عنكم
اصلا انا سامع تصريح لوزير التجارة يقول نحن نهدف لالغاء الطبقية
يعني مافيه طبقات عاليه وطبقات متوسطة وطبقات الفقر
ابن ......................

رز+نصف دجاجة تخب عليكم

ياحياتي ياعرعر منارات شو جاب عرعر هنا

بريده
مدينه كبيره .. كل ما تكبر يكبر فيها عدد المشكلجيه!!
:(

هذ المطعم لزم غالي وش تبية يصير رز بخاري

أهم شي اكلهم حلو وخدمتهم راقيه