اقتباس:

المشاركة الأصلية كتبت بواسطة ليليان الصقعبي (المشاركة 3588706) اختي وضوح للاسف هذا مجتمعنا الغالب فيه كذا ...اعانها الله ,,,شيء محزن حقيقة :(

أهلاً ليليان الصقعبي /

أشكر إطلالتكـ الغاليه وأبعد الله عنا وعنك الأحزان ..،؛


تحيتي،؛

اقتباس:

المشاركة الأصلية كتبت بواسطة ونة خفية (المشاركة 3589152) مرحبا مشرفتنا وضوح ,, تصدقين إذا جاءت طيبة أو فزعه من احد بهالوقت تراودني الشكوك بأنه مقدمة لشيء أو لمصلحة وبالفعل يتضح صدق احساسي وصرت اختصر عليهم الطريق وأقول لهم تعالوا من الأخير بخصوص قريبتك هذه كفو والله والنعم بها لأنها لم تدخل على اسرتها أي زوج ليحل محل ابيهم وينغص حياتهم كما أنها لم تقبل بالزواج من الرجال الذين تربطها علاقة صداقة وقرابه مع زوجاتهم وكلها أن شاء الله سنوات بسيطة ويكبرون عيالها وتتهنىء برعايتهم لها يارب ،،

أهلين ونة خفيه /

فعلاً المصلحة طغت على حب الخير وطلب الأجر ..!

الزواج من قريب او صديق مقرب للزوج برأيي
أنه غير مقبول ..وقليل من تقبله من النساء ..،،

أشكر دعواتكـ وحضوركـ ،


تحيتي،؛

اقتباس:

المشاركة الأصلية كتبت بواسطة الأسترليني (المشاركة 3589175) [align=center] المال سالب عقول الرجال و الجاذب الاول و الاخير وهو اللحمة الشهية التي تملكها قريبتك و تدور و تحوم الذئاب من أجلها ..[/align]

أهلاً بالمقلد الأول /
صدقت المال والبيت والجمال
مطابق لمواصفات زواج المسيار ..،،


لا أدري إلى متى الإستغلال ..؟!
سمعنا عن شاب متزوج عرف بالصلاح طلبه
جاره ان يرقي ابنته المريضه ..
فتزوجها ..!

نسمع عن مواقف مشابهه عديده
لما لاتكون مثل هالأعمال خالصة لوجه الله ولاتختم بمصلحة ..؟!


تحيتي،؛

اقتباس:

المشاركة الأصلية كتبت بواسطة عاشق الكلمة (المشاركة 3590317) [align=right] المرأة هذه تعتبر كنز دفين الحصول عليها ضرب من الصعوبة متى يجتمع زين ومال ـ مواصفات ليمتد ـ لذا الرجال يتسابقون عليها تسابق الجياد في المضمار ومستعدين لبذل الغالي والنفيس للحصول عليها وماألومهم ماعلى الرجل إلا يجيب ثيابه وخلقانه ويدخل عليها .. أعرف واحدة ماأشغلوها الخطاب بعد وفاة زوجها إلا لما توظفت واشترت منزل .. بصراحة أستغرب من جرأة البعض ، وطريقة العرض هذه بتقديم القربات والشفاعات ، لعل القلب يلين .. فلا أخالفهم برغبة الزواج منها ، فالكثير له رغبة بل أخالفهم بالطريقة والله إنه لشيء مخجل الباب موجود فاطرقه دون هذه الحيل .. إذا إجتمع في الأرملة صغر السن والجمال والمال ـ يعني على سنقت عشرة ـ فباعتقادي إن إختيارها للرجل أصعب من لو كانت بكر .. هذا كله كوم ونظرة النساء وجفاؤهن منها كوم ثاني ، فهو الأصعب والأقوى على نفسها كل وحدة من هالمسكينات تهرب منها خوفا على حياتها ولكن كما صدمها رجال المجتمع فلتنصدم من نساؤه .. وهذا حكم المجتمع ـ للأسف ـ على الأرملة والمطلقة .. انصحيها بألا تترهب ، فكل جنس محتاج للآخر وبشدة ولكن الله يعينها على اختيار الرجل المناسب .. بالمناسبة تراي ماأحب المرأة الزينة واللي عندها فلوس بس أحب الأجر :).. ولنرى من الأمير الذي ستختاره سندريلا .. [/align]

أهلاً بعاشق الكلمه /

رأي جدير بالإحترام ..فعلاً لما الحيل ؟
لو تقدم بشكل رسمي وبالطريقة المعتاده
أفضل من أن يكسر قلبها وابناءها بإدعاء حب الخير والعطف عليهم
وما أن ترفضه الا ويظهر على حقيقته ..!

مشكلتهم مثل ماقلت يبغى يجيب ثيابه والسلام

حامض عليه وعلى اللي خلفوهـ ..،

ماكل امرأهـ تتقبل هالنوعية من أشباهـ الرجال ،،

وأي رجال أقارب وانساب ناس تعتقد انهم أرقى من هيك ...

تفكير النساء والخوف منها لالوم عليهن وهؤلاء رجالهن !!

أجل تبغى الأجر ..؟
تعال امسح على رؤوس ابناءها وانصحهم بدون ماتخطبها ..!
ولك الأجر ان شاء الله ،:36_1_1[1]

تحيتي،؛

اقتباس:

المشاركة الأصلية كتبت بواسطة أبو الريش (المشاركة 3590392) [align=center]غالبية الرجال بس بيتذوق,,[/align][align=center] هوايته التذوق لانه متمرس وتعود على اللعب هذا غير انه لاعب وصاير كابتن بهالأشيــاء مع ناس غيره آخذ المرأه مجرد جاريه ,, الأرمله بمجتمعنا اذا مالقت اولاد ذيابه يحمونه ويعلمونه ويوجهونه مهما كان عمره انجرفت ورى كل شيئ وكل خطه مدبره لأنهن آخذات الرجال أنهم أجاويد وهو ياخابر وراه خير وبيتمكن منها, اللي اعجبني واحد توفى أبوه وجاء مطوع وتقدم لأمــه أول مافتح باب بيتهم لقى المطوع واقف عند الباب وبعد الحداد مباشره اللي أعجبني بالولد يقولي أول ماشفته تفلت بوجهه ومسكته مع لحيته قلتله اشوفك واقف عند بابنا أحرقت بلحيتك قبل وجهك ,, قليل اللي يسدد ويقارب,, [/align]

أهلاً أبو الريش/

مصيبة حين نجد تأكيد من نفس الجنس ..،
أبو الريش ،،كلامك خطير ويضيق الخلق ..!
اجل قد تكون ضحية خطة مدبرهـ ..؟
الله يظهر الحقائق ويفضح هالنوعيات ،،


تحيتي،؛

اقتباس:

المشاركة الأصلية كتبت بواسطة خن بط (المشاركة 3590424) تكفين ياوضوح توسطي لي عندها وأنا شاب وعمري خمس وعشرين بقراطيسي وجامعي بس ماتعينت للحين ومستعد اطبخ واكنس واسبع المواعين .. اهم شي القى صدر حنون . تكفين ياوضوح وحلاوتك محفوظه إذا تعينت بالوظيفه اكزها لتس مع ام محمد . >>ضمن العرس على فكره ياوضوح كل اللي يشجبون ويستنكرون ترى سعابيلهم تقوطر على ام محمد

أهلاً خن بط /

غير اسمك أوجه حين تقديم الطلب ...!
ترى ماهي أم محمد أم فارس :36_1_1[1]
شكلك زوجتها أبو محمد اللي يصلي بمسجدهم مؤقتاً ..،،
عموماً بما إنك تراجعت في ردك الآخر
فلعلها الخيرهـ أحفظ لكرامتك ..!


تحيتي،؛

اقتباس:

المشاركة الأصلية كتبت بواسطة سماويه (المشاركة 3608792) وضوح عسى مهب متقدم له زوجنا المصون ؟؟؟؟؟؟:ash: والله مااستبعد أي شيء الله يستر منها بس وتقولين مايبونه الحريم وانتي تقولين انه تترحم على زوجاتهم يعني الدعوى خربانه وكل رجالهن خاطبينه وجع يوجع العدو

معليش لمن قفزت ردودهم ..لزوم التطمين

ياست سماويه وش فيك خربتي الدعوى :36_1_1[1]
ماعليك خوف انتي عن عشرة رجال ..!

أما زوجك المصون فـ إن كان ناوي له على نيه
ماراح توقف على أم فارس ..،،

تحيتي ،؛

اقتباس:

المشاركة الأصلية كتبت بواسطة البل عشقي (المشاركة 3590596) ^ خن بط انت غير مؤهل لها أنا اللي أصلح خخخ تراي عريس لقطه ..اخت وضوح قولي له يسلم عليتس البل عشقي ويقول انا لها ...والله ماتندم تراي ناوي لي على الثالثه خبرك ودي بوحدة جميله بدون طمع صراحه مسكينه الارمله من كل النواحي اذا طاحت عينه بعين عياله تفطر قلبه واذا احد ساعدهم نفس الشيء دائما تكون حساسه حتى لو كان الناس يخدمونه من قلب بدون مصالح الله يفرج له ويصلح عياله

شر البلية ما يضحك ..!
لو تشوفون لكم خطابه تفتح الدفتر الخاص بها
يمكن تلاقون طلبكم ..،

،

بداية ردك يختلف تماما
عن نهايته الجميله .،
ألف شكر ياعاشق البل ،،


تحيتي،؛

اقتباس:

المشاركة الأصلية كتبت بواسطة ميادهـ (المشاركة 3590719) فعلاً ... لاتعليق !!! حين يكون هذا هو تفكير الرجال فـعلى الدنيا السلام ،، أتمنى لها حياة سعيده وهادئه بعيداً عن الرجال وأن تسعد بماوهبها الله به من مال وابناء والبيت الخاص والسائق الخاص كافيان فنصيحه لا تقدم على هذه الخطوة بعد زوجها لأنها سوف تنصدم ! الرجل الحقيقي رحل ،، ، تقديري ؛

أهلين ميادهـ /

فعلاً ..في هذا الوقت اصبح من السهل
الإستغناء عن وجود الرجل في حياة المرأهـ ..،،

يبدو ان الصدمة شامله ولاتختص بهذهـ الأرمله ..!!


تحيتي،؛