المشاركة الأصلية كتبت بواسطة فتحي الشقاقي (المشاركة 1212679) اعتقد ان فيه دعوه (( اللهم احشرنا مع المجانين )) مدري انا مخطي او لا ؟

المشاركة الأصلية كتبت بواسطة ابو تريكه (المشاركة 1212425) وعليكم السلام ورحمه الله وبركاته وأشهر مهابيل بريده (بليصاء) متعصب (هلال) وأذكر كد قالي ليش مايجيبون التعاون سعد الحارثي. ودائم ثيابه نضيفه إذا راح إلى أحد ينسدح مايقعد علشان ما تتعرفط ثيابه. على العموم زادو المهابيل في بريده عقب الأسهم كل حاره تجد فيها إثنين أو ثلاثه.

رتاج فتحي ترى عقلك تررلي في احد يدعي هذه الدعوه اللي اعرفه الواحد يقول اللهم احشرنا مع المتقين ،،،، مع الصالحين اما مع المجانين اول مره اقرأها

المتزن شف يا باش مهندس صنايع فتحي من خلال الاستقراء ( حلوة الاستقراء , ترى متعوب عليه ذي ) ببريدة إذا صرت بشلة يا غيرك يهبـّل بك أو أنت تلقى لك واحد تهبـّل به . يعني بالعربي : لازم يصير بالشلة رقلة . هههههههههه

طبعاً هذا منوّل ( يعني احمد ربك , والا كان علوم ههههههههههههه . أمزح ) , وهذا اللي خلا المهابيل منوّل واجد ( أقول يمكن , لا يقعد ينط عليّ أحد نبلش به ) لكن الحين , تمدنوا الشباب واختلف الوضع شوي : صاروا الشلة يدوّرون لهم واحد من برا الشلة يضحكون عليه , بدال ما يبلون لهم واحد منهم !!

الزبدة : هذا الفعل وانتشاره يدل على أمرين : 1- دناءة وخسة باللي يدوّرون المهابيل علشان يضحكون عليهم .

2- وكذلك يدل على ان اللي يدّعون انهم عاقلين عندهم شعور بالنقص وعدم ثقة بالنفس ولذلك هم يبحثون عن من هم دونهم علشان يحسون انهم مخ , وهم بالحقيقة دجاج صقعا . هاه :

وش رايك يا فتحي افندي ؟؟!

المشاركة الأصلية كتبت بواسطة فتحي الشقاقي (المشاركة 1217934) ترا اذا هي صحيحه ياويلك يا رتاج ،، بخلي ذامون يستلمك >> تخاف منه

الراي الاول فتحى حياك الله على هالموضوع

فعلا هناك كثره مثل هولاء فى السنينن الاخيره وعلى فكره اغلب الجدد من هولاء من خارج بريده بس فيه واحد دايم اشوفه ماعرفة قصته وهو الطويل ابو شنب دايم بالمنتزه وتلقاه بالضبط عند محطة الدبيخى هوايته الدوران على رجوله لمسافات كبيره واحيانا معه سيكل مع انه له سنين طويله الثانى اللى يبيع مناديل الملتحى حقيقه عجزة اعرف طريقته دايم طاق بالطو بعز الصيف بس قال لى واحد انه حط ماصه فى مكتب العمل علشان يكتب معاريض بس للاسف مايعرف يكتب وبداء يبسط بالمناديل

لكن اكثر تواجد لهم بالديره وخاصه عند سوق الخضره

البليصاء شفت له موقف مضحك حيث قام عميل زعلان على مدير احد البنوك وقال له خذ هذى 50 ريال واضرب المدير كف راح البليصاء ودخل على المدير وهو عنده عملاء قال وراك ماتشجع الهلال وراه وراه المهم قرب للمدير وسطره قدام العملاء وهج قال المدير للسيكورتى روحو جيبوه لى طلعو بسرعه ماشافو له اثر رجع البليصاء للبنك بعد كم يوم ثم تله السيكورتى وسلمه للمدير المدير سئل البليصاء وراك تسوى كذا قال انه به رجل قال لى سو كذا واعطيك خمسين ريال منهو يالبليصاء قال انه دبى ولابس سماغ يعنى شماغ قال المدير هذى ميه ريال قل لى منهو والبليصاء يبى اى طريقه مابه فايده الين قال المدير للسيكورتى لاعمره يدخل البنك هذا ابد اشكرك فتحى على الموضوع

لكن اتمنى ان تخصص بنهاية الموضوع اهم النقاط لافضل حلول لعلاج مثل هولاء تحياتى لك __________________

ابو حسن ياحليلك يا فتحي صاير تروي أحاديث شف ها الموقع اذا جيت تكتب حديث لبحث فيه http://www.sultan.org/h/ تقبل تحياتي

المشاركة الأصلية كتبت بواسطة فتحي الشقاقي (المشاركة 1218116) ابو حسن مافهمت قصدك .. والربط دخلته وابي استفسارات وماعرفتله بالله انا خابرك مثقف بالدين ماتعرف شي عن الدعوه هذي ؟؟؟ انتظرك

ابوالحسن فتحي الشقاقي (( اللهم احشرنا مع المجانين )) بحثت عن هذه العباره في كتب الحديث ولم اجد لها صل ولعلك تقصد هذا الحديث َخْبَرَنَا أَبُو الْحُسَيْنِ بْنُ الْفَضْلِ الْقَطَّانُ ، بِبَغْدَادَ أنبأ أَبُو سَهْلِ بْنُ زِيَادٍ الْقَطَّانُ ، ثنا مُحَمَّدُ بْنُ إِسْمَاعِيلَ التِّرْمِذِيُّ ، ثنا سُلَيْمَانُ ابْنُ بِنْتِ شُرَحْبِيلَ ، ثنا خَالِدُ بْنُ يَزِيدَ بْنِ أَبِي مَالِكٍ ، عَنْ أَبِيهِ ، عَنْ عَطَاءِ بْنِ أَبِي رَبَاحٍ قَالَ : سَمِعْتُ أَبَا سَعِيدٍ الْخُدْرِيَّ رَضِيَ اللَّهُ عَنْهُ يَقُولُ : يَا أَيُّهَا النَّاسُ اتَّقُوا اللَّهَ وَلَا يَحْمِلَنَّكُمُ الْغُرَّةُ عَلَى أَنْ تَطْلُبُوا الرِّزْقَ مِنْ غَيْرِ حِلِّهِ فَإِنِّي سَمِعْتُ رَسُولَ اللَّهِ صَلَى اللَّهُ عَلَيْهِ وَسَلَّمَ يَقُولُ : " اللَّهُمَّ احْشُرْنِي فِي زُمْرَةِ الْمَسَاكِينِ ، وَلَا تَحْشُرْنِي فِي زُمْرَةِ الْأَغْنِيَاءِ ، فَإِنَّ أَشْقَى الْأَشْقِيَاءِ مَنِ اجْتَمَعَ عَلَيْهِ فَقْرُ الدُّنْيَا ، وَعَذَابُ الْآخِرَةِ " *

عودة للموضوع مع بعض المواقف والشخصيات المجنونه

شخصيه جديده بحثت عنها

شخص يدعى (( ماجد الاسمري ))

هذا الرجال اكمل تعليمه في كندا .. يحمل 3 لغات
شخص مبدع الى ابعد الحدود .. يحمل شهادة ماجستير حاسب آلى .. مبدع في الحاسب بشكل غير طبيعي .. يعمل في شركة ادويه بجدة .. ومتعاون مع بعض مكاتب التوعيه والارشاد بالغربية

بعد تولي سمو الامير خالد الفيصل أمارة مكة المكرمة

وقف ماجد بعد اربع ايام من تولي الامير .. على منبر الحرم بعد صلاة المغرب والتي امها أبن طالب
وهو محرم وقال :

من قال لكم يا اهل مكة ان تبايعوا خالد الفيصل اميراً عليكم ؟

من الذي اشاد الى هذا الامير كي تبايعوه

انا لا اوافق على ان يكون خالد الفيصل امير على مكة المكرمة

ابن طالب امام الحرم فكر في الفرار من الخوف ..

سارع رجال المباحث والشرطه بمسك هذا الرجل حتى انه لم يتوقف عن الكلام رغم ان الشرطه كتفته ..

واصبح يصرخ .. لا نريد خالد الفيصل لا نريد خالد الفيصل اميرا علينا ..

بعد التحقيقات والاجراءات

اتضح ان ماجد مجنون ..

قابلت المحقق الذي تولى القضيه بمنطقة مكة المكرمة

وسألت عن الحدث بالاجمال

فقال المحقق حين جلس ماجد في مكتبي خجلت

الشخص مرتب مهندم مهذب متعلم مثقف مؤدب بشكل ملفت

رفعت الاوراق الى احد مراكز النفسية بمنطقة مكة وتم الافاده بعدم معرفة الحاله

ثم رفعت الاوراق الى شهار بالطائف وافاد المستشفى بأن الشخص معرف لديهم وهو مصاب بالجنون اثر استعمال مخدرات في السابق ،،

الامير خالد الفيصل طالب بأفادته شخصيا عن هذا الرجل ،،

وبعد ان عرف عن الحاله ،، تم اخذ تعهد على والد ماجد بأن يقوم والده بمتابعة الابن وعدم تركه يتجول بهذه الطريقه ،،

افاد والده بأنه عاجز عن متابعتة ،،

وقام بالتوقيع بعد اقناعه من قبل رجال الخير بأن يقوم بالمتابعه ..

بس كان الجو جدا مروع في الحرم لما قام ماجد وصار ينصح على المنبر ،، من شدة الخوف الناس هجت هه