![]() |
اقتباس:
هلابك طقاقة.. اكيد بتجوز لك هيفا .. استعراضية.. وطقاقة :) وكلامك سليم ... حينما عرفت هيفا نفسها للعالم وان ماتقوم به هو استعراض وليس غناء وكل ساقط له لاقط... مريام خفيفة روح.. وتنبلع بلع فرق كثير عن هيفاء وبالنسبة لاليسا ... فبسلامته... ما اعرفه والله يزيدني به جهل |
اقتباس:
تصدق عاااد ! للأنثى ذوق يختلف ومعيار غير بالنسبة للجمال .... ما ادري حنا نناظر بشفاحة ! وهن يناظرن بغيرة وحسد ولا ايش !! |
ما تنلامون يا بعدهم مجتمعنا محافظ ولا احد يشوف غير مرته ... واللي غيره عليها عبايه ماتبين تقاطيع جسدها لكم لجل تحكمون.. لذلك دااائما كثير من الرجال السعوديين مفتونين بالغير محجبات من العربيات يحسون انهن ملكات جمال الارض .. والله اننا نشوفهن "السعوديات " بالزواجات وفي المدارس وفي الاماكن العامه النسائيه وفي الاجتماعات النسائيه يطقن هيفاء وهبي بظفورهن جمال طبيعي... جاذبيه طبيعيه .. مو جسم وخصر ناحته جراح تجميل ..كل حاجه فيها مسويه فيها عملية تجميل ..خصر ..أرداف ..شفايف ..وجه ..الخ ماخلت شي ما تدخلت به بعمليات تجميليه ..! اما عمرها فشكلك يا خلفهم يوم انت طاف به اليوم توك تعرفه ...هيفاء وهبي بتدخل الخمسين .. وعندها بنت متزوجه من كم سنه وساكنه بالكويت ...وهيفاء كانت في بداياتها قبل تشتهر كانت حسب ماسبق وقرأت مغنيه مقلده في الفنادق او تعرض ازياء ما اتذكر بالضبط ولكن المجال فيه استعراض ..ثم ابتدا يطلع لها فضايح في مجتمعها وطلقها زوجها فورا واخذ بنته ..وهي استمرت في طريقها وصارت مطربه استعراضيه الى اليوم ..واصبحت من ثريات لبنان بعد هالاستعراض ..ملكت متاجر للمجوهرات والاحجار الكريمه ..ولها محلات شهيرة بلبنان وغيره .. / عموما هذا مش كلامنا عنها .. لكن اتكلم عن مقارنتنا حنا بناتكم ببنات متحررات لا قيود عادات ولا دين يردع .. السعوديات من اجمل النساء العربيات ..وكل العرب يعرف هالشي لكن الجهال من السعوديين هم من يسبون السعوديه ويطلعون لها القاب مثل ام ركب سود مع انه ركبهن مثل البطاطس وبياض لبن مايحصله السعودي اللي يدور لبنانيه سمرا تلمع جماله اصطناعي .. حتى الخليجيات غيضانات من السعوديه لشهرتها بجمالها مقارنه بباقي بنات الخليج من كل النواحي .. لا جسم ولا شعر ناعم ولا بياض .. احمدوا ربكم مرة على النعمه اللي منعم الله به عليكم فينا. |
اقتباس:
بعضهم يعشقون المشاكل لانها ببساطة هي سر الانتشار والشهرة للعمل وهيفاء منهم ولاشك شكرا لمرورك اخي المنطق |
اقتباس:
هلابك رغيد... قد الساقط في نظرك.. رمزا في انظار غيرك انه زمن اختلاف المفاهيم.. والقيم...!!! |
اقتباس:
هلابك يزيد ماسمعت باللي يقول: للناس فيما يعشون مذاهب وكلن ومذهبه.. وماينفع تغني بالنهار.. لازم بالليل يعني..؟؟ |
اقتباس:
هلابك اخوي التنين انا معك.. ومايروق للانثى يختلف عما يروق للرجل وعشان كذا استغربت ان تعجب انثى بهيفاء |
اقتباس:
هلابك تحدوها البشر كلامك الرد عليه على شقين الاول.. وثنائك الحار على بنات ديرتنا.. وان فيهن من تفوق هيفاء..!! فاسمحي لي ... اقول كلامك مو صحيح..!! الا اذا كنتي انتي من الشام لبنان .. مثلا..!!! بناتنا والنعم.. اخلاق وتربية .... وهذا هن احسن من ربع هيفاء بلميون مرة بس جمال وجسم وفتحة نفس.... صعبببببببة كثير تنهضم..!!!! بناتنا اما ماتزوجت والوحدة تخافين عليها تطيح لو هب عليها نسمة هواء او متزوجة ويالله تشيل روحه.. وان مشت 10 امتار انهد حيله..!! وودك تشوفينها لو يطلق عليها اسد او حتى قرد.... وشلون بتصير الرشاقة...! وعشان ماتجي وحده مدرعمة وتقول وانتم من زينكم..؟ اقول حنا مابنا زين.. ورجال الشام ولبنان اطلق منا .. بلميون مرة مافيه عيب اقول الحق.. بس انك تقولين فيه بنات من عندنا وش زينهن.... واحسن من اللبنانيات...! ماااااااش.... عيت تركب براسي..!!!!! اما عن جنس هيفاء.. وعمرها فوق الخمسين فتراك مدحتيها من حيث ماتدرين اذا كانت مهبلة بكثير من رجالنا وهي عمره خمسين... وشلون لو عمرها 20 او 25 ..؟؟؟؟؟ وعلى اخر كلامك.. قسم بالله اني اول من يفرح ويستانس وينبسط لو صارت بناتنا اجمل بنات الدنيا لان هذا يبي يفيد جيلنا القادم بس الامنية شي.. والواقع شي ثاني |
اقتباس:
مشكلة بنات مجتمعنا وحده فقط اخوي مدير.... لو انحلت هالمشكله صارت ملكات جمال العرب بلا منازع تدري ايش هي ...؟ الاهتمام والمحافظه على المظهر العام والجسماني والرجل السعودي كذلك اهل مجتمعنا رجال ونساء قليلين الحركه جدا مع كثرة الاكل والتقهوي منين بيجي الجسم الفاتن المخصر والحمل والولادة كل سنه دون اهتمام بالرياضه ومنين جسم فحولي جذاب والبرنامج قعود في قعود وكرش طوله متر قدامه من قلة المشي والحركه حتى التموينات اللي جنب بيته يروح على سيارة من العجز بينما الاجانب عندنا لاصار المشوار قريب بنفس الحي تماسكوا الايدين هو ومرته مشي على الرجول حريمنا جمال فعلا صدقني ما ابالغ .. لكن النصف من المجتمع اللي اعمارهن بالاربعين سيئات الخلقه جدا من ناحية الجسم .. ما تزهى عليهن الملابس ولا الاكسسوارات ابد ..عنده كل مقومات الجمال لكن ماتعرف كيف تخدمه وتظهره للناس نهائي .. تلقاهن بالمناسبات تلبس فستان سهره غالي جدا وتلبسه وموديله ماسك ضيق وتطلع من خلاله كل عيوب الدنيا بجسمها ترهلات وصفووووط ببطنه وصدر متدلي للسره بالكاد شايلته الحاملات..وبطن منغز تقل حامل بالاشهر الاولى ..! ودك بس تعطيه نصايح لكيفية المحافظه على شكل قوام الجسم وأهميته البالغه ... لكن يبقى السبب من وجهة نظر شخص جنبي عايش اكثر من 10 سنين من عمره برا المملكه ان السبب الرئيس لتشوه اجسام السعوديين نساء ورجال ان المجتمع "غير مختلط" بين الجنسين المجتمعات الثانيه اساس محافظتهم على اشكالهم ومظهرهم الترزز عند بعض والاهتمام بانه يكون هي و هو افتن شخص واحسن شخص او شخصه.. |
اللهم صل على محمد وعلى آله وصحبه أجمعين
اتق الله ياصاحب الموضوع ومن رد بالمثل تخيل لو مت الان وهذه كتاباتك هدانا الله واياكم آجمعين |
الساعة الآن 12:03 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة