|
وكمان شعرو أبيض شيب المسكين وهو شباب أحسن يستاهل سييبو يفكر الين يموت ونتفك منو وبس كدا تفكير على الفاضي ياليت التفكير يجيب نتيجه يفكر يفكر يفكر وأخرو ولاشيء عقووووووول متنحه وبعدينا يامشقاص أفندي المراه تتعب أكتر منكمـ الرجل إيش يسوي يخرج لعملو يلي هو كم ساعه ويرجع لللبيت ويبلع وينام ساعات أكتر من ساعات عملو ويقول تعب هع هع أما المرأه شغل البيت من مجاميعو والحمل والولاده والتربيه وكل شيء فوق راسها حتى نومها قليل ماتتهنى فيه :( وبــــــــس وترموكاسي |
اقتباس:
ههههههههههههه المخ التاني عجبني بس الأول ياايبو شفريها بسرعه هع هع << لاتعودينها |
اقتباس:
المحامي99 هذا وأنت محامي أنصف الرجال ياشيخ كم من قضيا المسجونين بسبب الديون والأموال .. كم من صك أعسار يصدر يوميا بسبب الديون .. ليتها تخفف عن كاهله الطلبات وتشاطره معاناته يامحامي... |
يالمعروف والله ماانغبط الا نتم ..
كل شيء بيدكم ..زواج, طلاق, سواقه, سفريات مع الاحباب او مع الزملاء او بلحالك او مع الجني اهم شي تروح للي تبي بدون تخطيط ومشاوره ووو وكل التعب تتبرون منه ..حمل ,ولاده,نفاس,اكتئاب مابعد النفاس, طمث شهريا وتعب نفسي وجسدي وعقلي ..و بعد الثلاثين سوقها يطيح وسوق الرجال يوصل للسماء! وفوق هذا كله مايعيبكم شي ..واذا ماعجبتك مرتك رحت اخذت ثانيه وثالثه ورابعه ومسيار ووو |
ايه الله يعين
وكل منا يتعب سوا المراه او الرجل000 |
مسكين الرجل السعودي حتى أذا ساعدته تمن عليه
عكس الأجنبية تساعده عن أقتناع .. ان الحياة الزوجيه مشاركة في المصاريف وأعباء المعيشه .. الفتاة السعودية أسعد بنات الكون طلباتها أوامر وحقوقها محفوظه ... اتق الله ولا تعم ثلاث ارباع السعودية موظفات وهم الي شايلين بيوتهم الزوج مابين سهرات واستراحات واذا ملتزم تزوج ثانية وثالثةورابعة واذا العكس بالشرب او المغازل او التتن اذا انكرت الزوجة شي من هذا صارت تتمنن ياخي انا موظفة واحس بهالمعاناةواشوف الاخوات اللي حولي يحسبنها بالورقة والقلم الشغالة عليها ومصاريف عيالها عليها واغلب مصاريف البيت وياويل ويلها اذا جابت لها شي ولا اهدت اهلها من غير علمه . واذا تبي تمتلك شي باسمها هذي جريمة يعاقب عليها القانون الزوجي. الا خله يفكر لين يمل لان الغالب منكم يبي ياااااااخذ ومايعطي سامحني عالاسلوب لكن اسلوبك يامشقاص استفزازي مشكوووووووووووووووور |
اقتباس:
صــدقــت .. |
اقتباس:
ورد مديني تكرم المرأة من الجزمه القديمه لكن باقي المخيخ أغلبه صحيح .. من فين جبتي هادي الأمخاخ ؟؟ صايره بياعة روس يابنت المدينه جنب الخان !! ولو مخ الرجال احسن .... |
اقتباس:
قلب الحجاز ما يمديها تشفر شي شوفناها قبل التشفير !! |
اقتباس:
قوية بأس لكن الرجل يتعب أكثر الله يعينه على حياة الشقى !! |
اصلا الرجل ماتعجبه الا المراة التى تجره على الحديده وتجعله يسهر الليل اما غير ذالك فلا
|
اقتباس:
قلب الحجاز كل واحد يغني على ليلاه مسكين الرجال كرف وكرف ومحد جايب خبره .. يسهر يعد النجوم بالليل وبالنهار توريه نجوم الظهر الي ما ترحم ولا تخاف الله .. لا مات جلستو تولولو يا حسره ظل راجل ولا ظل حيطه يابنت الناس ... |
[align=center]ليس من اللائق أن يعرض مسمى الموضوع بهذه الطريقة ..!
و أدباً للقراء .. يُفضل أن لا تحضر هذه الصورة ..! فمهما بلغنا من سوء المعيشة .. لا يجب ان تُحل الواقف بصور تخل بالأدب مثل هذه ..! الغالي مشقاص .. تقبل نقدي هذا بكل رحابة صدر .. تحيتي للمدخنين ,,[/align] |
اقتباس:
أخي شاطيء الراحة ياسلام على النقد الراقي انا أقرأ ما خطته يداك وكلي اسف .. أخجلت تواضعي ياشاطيء وعشان خاطر عيونك وأقتناعي أطلب من الأدارة أغلاق الموضوع .... |
آه ..
ما هذا الذي أراه .. هل نحن في منتدى بريدة .. أم في الجنّة .. فهل هُناك أمرؤ مثل مشقاص في هذا الزمن .. يُقابل الاحسان بالإحسان .. أسأل الله أن يعلي شأنك .. و أن لا يلبسك مكروه .. اللهم أقم الساعة اللهم أقم الساعة .. |
| الساعة الآن 04:45 am. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة